Progress

သတိနဲ့နေတတ်မယ်ဆိုအတွေ့အကြုံများလာလေအမြင်တွေပြောင်းလာတတ်လေ။ လူတွေနဲ့ ပတ်သက်တဲ့အမြင်၊ငွေကြေးနဲ့ ပတ်သက်တဲ့အမြင်၊​စီးပွါးနဲ့ ပတ်သက်တဲ့အမြင်။ အခြေအနေပေါ်မူတည်ပြီးအမြင်တွေပြောင်းတတ်လာတာဟာကောင်းတဲ့အချက်တစ်ချက်ဖြစ်တယ်။ အခြေအနေပေါ်မူတည်ပြီးကိုယ့်အရင် အမြင်အတိုင်းဆွဲကိုင်ထားတာကလူတွေကို ဒုက္ခအကြီးအကျယ်ပေးတတ်တယ်။ ဥပမာ လီကွမ်းယူဆိုသူအသက်ရှင်နေသမျှ စလုံးမှာကာဆီနိုဖွင့်လို့မရစေရဘူးလို့ကြွေးကြော်တယ်။နောက်ပိုင်း သူ့ဝန်ကြီးတွေရဲ့အကြံဥာဏ်နဲ့နှစ်ပေါင်းများစွာသုံးသပ်ချက်ပေါ်မူတည်ပြီးကာဆီနိုဖွင့်ခွင့်ပြုတယ်။နိုင်ငံခြားသားတွေ ဝင်ခွင့်အတွက်အခမဲ့။သူ့နိုင်ငံသားတွေ မစွဲလန်းအောင်ဝင်ခွင့်သတ်မှတ်တယ်။ အခြေအနေပေါ်မူတည်ပြီးအမြင်ကိုပြောင်းသွားတယ်။ ဘဝဆိုတာ မွေးကတည်းကအကုန်သိနေတာမှမဟုတ်တာ။သတ်မှတ်အချိန်မှာရှိနေတဲ့အသိဥာဏ်နဲ့အကောင်းဆုံးထင်တာဆုံးဖြတ်ချက်ချခဲ့တာပဲမဟုတ်လား။ တချို့သူတွေက လိုအပ်ရင်ကိုယ့်အထင်အမြင်ကို ပြောင်းပြီးပိုကောင်းတဲ့ရလဒ်အတွက်တည်ဆောက်တယ်။တချို့က အမြင်ကိုမပြောင်းနိုင်ဘူး။ လုပ်နေကျပုံစံဆက်လုပ်နေပြီးမတူတဲ့ရလဒ်ကို မျှော်လင့်နေတာရူးသွပ်မှုပဲလို့ အိုင်စတိုင်ကဆိုခဲ့တယ်။ လိုအပ်ရင် အမြင်တွေပြောင်းနိုင်ဖို့လိုတယ်။အခြေအနေပေါ်မူတည်ပြီးအမြင်တွေကို update လုပ်နိုင်တာBaye’s Rule လို့လဲခေါ်တယ်။​ Phyo Paing @ Derek

တစ်သက်လုံးအတွက်ဒီနေ့ကအသက်အငယ်ဆုံးပဲ။ နောက်နှစ်ငါးဆယ်ဆိုအခုကိုယ့်ဘေးကလူအများစုလဲရှိကြတော့မှာ မဟုတ်ဘူး။​ လူသားအတွေ့အကြုံကိုကြုံတုန်းဆုံတုန်းခဏလာတွေ့ကြတာ။ အသက်ရှင်တုန်းမှာအသက်ဝင်နေဖို့လိုတယ်။​ အာရုံခြောက်ပါး အလုပ်ကောင်းကောင်းလုပ်ဖို့လိုတယ်။အမြင်၊ အကြား၊ အနံ့၊ အရသာ၊ အထိအတွေ့၊ အတွေး။ဒါတွေကို သိနေဖို့လိုတယ်။ တစ်ခဏအရာကို ထာဝရလို့မခံစားပဲ၊လူသားအတွေ့အကြုံကိုသိမြင်ခံစားနိုင်ဖို့လိုတယ်။ လူတွေရဲ့ ရာခိုင်နှုန်းတစ်ခုကအသက်လာရှင်ပြီးတခြားသူတွေနဲ့ နှိုင်းယှဉ်လိုက်၊​လောင်လိုက်နဲ့အသက်ဝင်ဖို့ မေ့သွားကြတယ်တဲ့။ နေ့စဉ်လှုပ်ရှား ရုန်းကန်မှုတွေထဲကအသက်ရှင်ပြီး အသက်ဝင်လို့ရတယ်။ ဒီလိုဖြစ်ဖို့ ကားတစ်စီးရွေ့လျားတဲ့အခါalignment အလိုင်းမန့်ညီဖို့လိုတယ်။အသိ၊ အတွေး၊ အကြံအစီ၊ အလုပ်တစ်သားတည်းကျအောင်ချိန်ငြိဖို့လိုနိုင်တယ်။ Phyo Paing @ Derek

ကိုယ့်အတွက် အကျိုးရှိမယ်ဆိုရင်ကိုယ်မုန်းတဲ့အရာတွေကိုချစ်အောင်ကြိုးစားကြည့်။ အလေးမရတာ မကြိုက်ဘူး။ရေရှည်အတွက် အကျိုးရှိရင်ချစ်အောင်ကြိုးစားကြည့်ရမှာပဲ။ နည်းပညာသစ်တွေအသုံးမပြုချင်ဘူး။ရေရှည်အတွက် အကျိုးရှိရင်ချစ်အောင်ကြိုးစားကြည့်ရမှာပဲ။ တချို့လူတွေကို အဆက်အဆံမပြုချင်ဘူး။ရေရှည်အတွက် အကျိုးရှိရင်ချစ်အောင်ကြိုးစားကြည့်ရမှာပဲ။ စာတွေ၊ ဗီဒီယိုတွေလုပ်ငန်းအတွက်တင်ရမှာ မကြိုက်ဘူး။ရေရှည်အတွက် အကျိုးရှိရင်မကြိုက်လဲ ကြိုက်အောင်ကြိုးစားကြည့်ရမှာပဲ။ ဘဝမှာ တချို့အတွေးအခေါ်တွေကိုလက်မခံချင်ဘူး။ရေရှည်အတွက် အကျိုးရှိရင်လက်ခံနိုင်အောင် ကြိုးစားကြည့်ရမှာပဲ။ ကိုယ်က ဘာကောင်မှလဲမဟုတ်ဘူး။ကိုယ့်အတွက်၊ မိသားစုအတွက်၊ကိုယ့်လုပ်ငန်းအတွက်၊ ကိုယ့်ရပ်ရွာ၊ကိုယ့်လူမျိုး၊ ကိုယ့်နိုင်ငံ၊ လူတွေအတွက်တစ်ဆင့်ချင်းလာတယ်။ရေရှည်အတွက် အကျိုးရှိရင်မချစ်တာကို ချစ်အောင်လုပ်နိုင်ဖို့လဲလိုတတ်တယ်။ Phyo Paing @ Derek

ဘဝမှာ အခက်အခဲဆုံးအရာကmove on ဖြစ်ဖို့။ ဘဝမှာ ခဏခဏmove on လုပ်ရတတ်တယ်။ ကိုယ်မျှော်လင့်ထားတဲ့အတိုင်းဖြစ်မလာတဲ့ အဖြစ်အပျက်တွေကိုနာကျင်စွာနဲ့ နှလုံးသွင်းmove on လုပ်ခဲ့ဖူးကြလိမ့်မယ်။ သင်ခဲ့တဲ့စာတွေနဲ့လက်တွေ့ဘဝနဲ့မကိုက်တဲ့အခါသင်ခန်းဟောင်းတွေကနေmove on လုပ်ရတယ်။​ ဘဝမှာ လာရာတွေတူခဲ့ပေမယ့်လားရာမတူတဲ့သူတွေရဲ့လမ်းခွဲမှုကနေmove on လုပ်ရတတ်တယ်။ ခေတ်ပြောင်း၊ စနစ်ပြောင်းတဲ့အခါလိုအပ်တဲ့ စကေးအပြောင်းမှာစကေးအဟောင်းတွေကိုထားခဲ့move on လုပ်ရပြန်တယ်။ ဖြစ်နေတဲ့ပုံစံကိုမကြိုက်တဲ့အခါလုပ်နေကျပုံစံတွေကိုစွန့်လွတ်ပြီးmove on လုပ်ရပြန်တယ်။ ဘဝမှာ သင်ခန်းစာယူပြီးmove on လုပ်နိုင်တိုင်းအရာရာပိုကောင်းလာနိုင်တာဘဝပါပဲ။ ဒါကြောင့် အရာရာပိုကောင်းဖို့ဖြစ်လာတာပါလို့အမြဲနှလုံးသွင်းဖြစ်တယ်။ Phyo Paing @ Derek