Progress

လုပ်သမျှဖြစ်ချင်ရင် ဖြစ်သမျှလိုက်မလုပ်ပါနဲ့။

Leave a Comment / Progress /

လုပ်သမျှဖြစ်ချင်ရင်ဖြစ်သမျှလိုက်မလုပ်ပါနဲ့။ အရေးမပါတာကိုအရာပေးမိတာလောက်အလုပ်မဖြစ်တာမရှိဘူး။​ ဘဝမှာ ရွေးချယ်မှုကကြိုးစားမှုထက်ပိုအရေးကြီးပါတယ်။ ဒါကြောင့် ကံ၊ ဥာဏ်၊ ဝိရိယတစ်ခုချင်းစီလာတယ်။နေ့စဥ်မှန်ကန်တဲ့ရွေးချယ်မှုတွေပြုလုပ်ရတယ်။ မှန်ကန်တဲ့ စိတ်ထား မနောကံ၊မှန်ကန်တဲ့ အပြောအဆို ဝဇီကံ၊မှန်ကန်တဲ့လုပ်ဆောင်မှု ကာယံကံကံသုံးပါးကောင်းဖို့လိုတယ်။ သုတမယဉာဏ် (စာပေသင်ကြားမှုမှရရှိသော ဉာဏ်)စိန္တာမယဉာဏ် (တွေးခေါ်ဆင်ခြင်ခြင်းမှရရှိသော ဉာဏ်)ဘာဝနာမယဉာဏ် (ကျင့်ကြံအားထုတ်ခြင်းမှရရှိသော ဉာဏ်)ဥာဏ်သုံးပါးကိုလဲကောင်းအောင်အားထုတ်ဖို့လိုတယ်။ စံဝရဝိရိယမကောင်းမှုဒုစရိုက်များမှရှောင်ကြဉ်ရန် အားထုတ်ခြင်း။ပဟာနဝိရိယဖြစ်ပျက်နေပြီးသော အကုသိုလ်လောဘ၊ ဒေါသ၊ မောဟကိုပယ်ဖျောက်ရန် အားထုတ်ခြင်း။ဘာဝနာဝိရိယဒါန၊ သီလ၊ ဘာဝနာကိုပွားများဖို့အားထုတ်ခြင်း။အနုရက္ခဏာဝိရိယရရှိပြီးတဲ့ ကုသိုလ်၊ ပညာ၊ သမာဓိကိုထိန်းသိမ်းဖို့အားထုတ်ခြင်း။ဝိရိယလေးပါးကိုလဲကျင့်ဖို့လိုတယ်။ ကံလဲမကောင်း၊ဥာဏ်လဲမကောင်း၊ဝိရိယလဲမကောင်းရင်သံသရာတစ်ကွေ့ဒီတစ်နေ့ကတော့တိုင်ပတ်မှုအပေါင်းသရဖူဆောင်းနေမှာပဲ။ Phyo Paing @ Derek

လုပ်သမျှဖြစ်ချင်ရင် ဖြစ်သမျှလိုက်မလုပ်ပါနဲ့။ Read More »

ဒီအချက်နားလည်သွားတဲ့အချိန်
ကိုယ့်ဘဝ ဘာနဲ့မှ မလဲချင်တော့ဘူး။

Leave a Comment / Progress, Thinking /

ဘဝမှာ ပင်ပင်ပန်းပန်းကြိုးစားဖူးတယ်။ပင်ပန်းသလောက်လက်ထဲငွေမကျန်ဖြစ်တယ်။ ဘာအတွက်အသက်ရှင်နေသလဲဆိုတဲ့မေးခွန်းတောင်မေးဖူးတယ်။ဘယ်တော့များ ငါလုပ်ချင်တာလုပ်ရမလဲစဥ်းစားတယ်။ တစ်နေ့တစ်နေ့ အလုပ်သာလုပ်နေတာ။အရှေ့က ရောက်တယ်။အပေါ်မတက်သွားဘူး။ ဘာကြောင့်လဲဆိုတော့လမ်းလွဲကြီးမှာ တင်းခံနေလို့ဖြစ်နိုင်ပါတယ်။ အထာကျကျ ဆရာကျကျဘဝကို မပင်မပန်းနဲ့ဖြတ်သန်းပြီးရေမြင့်လေ ကြာသင့်လေဖြစ်ဖို့Flow ဆိုတာလိုတယ်။ အလုပ်လုပ်လို့ လုပ်မှန်းမသိ၊ကိုယ်လုပ်လိုက်တဲ့အလုပ်ကလဲကြာလေ အစွမ်းထက်လေ။အချိန်ဆိုတာ မကြည့်မိဘဲနေ့ရက်တိုင်းက စျာန်ဝင်နေတာမျိုး။ အသက်ရှင်ပြီး အသက်ဝင်နေတာမျိုးပေါ့။လူတွေက အချစ်နဲ့စတွေ့တဲ့အချိန်မှာလဲအသက်ရှင်ပြီး အသက်ဝင်တယ်။အလုပ်နဲ့ ဘဝ ထပ်တူကျတဲ့အခါလဲအသက်ရှင်ပြီး အသက်ဝင်တယ်။ ဒီ Flow ကို သိဖို့ကိုယ့်ကိုကိုယ် ပြန်ရှာဖွေပြီးဒီဇိုင်းလုပ်မှရမယ်။ ဒီအချက်နားလည်သွားတဲ့အချိန်ကိုယ့်ဘဝ ဘာနဲ့မှ မလဲချင်တော့ဘူး။ ကိုယ့် Flow ကိုယ်ဆရာကျကျလုပ်ဆောင်နိုင်ရင်သံသရာတစ်ကွေ့ဒီတစ်နေ့အတွက်ကတော့လူဖြစ်ရကျိုးနပ်နေမှာအမှန်ပဲ။ Phyo Paing @ Derek

ဒီအချက်နားလည်သွားတဲ့အချိန်
ကိုယ့်ဘဝ ဘာနဲ့မှ မလဲချင်တော့ဘူး။ Read More »

အလုပ်ကတစ်သက်လုံးလုပ်လို့ရတယ်။
အလုပ်က တစ်သက်လုံးဖြစ်မနေဘူး။

Leave a Comment / Life, Progress, Work /

အလုပ်ဖြစ်တာကိုလိုက်ရှာတာကအလုပ်ကြိုးစားတာထက်ပိုခက်တတ်တယ်။ အလုပ်ဖြစ်တယ်ဆိုတာကနည်းနည်းလုပ်လိုက်ပြီးများများပြန်ရတာကိုဆိုတာ။ဥပမာ ၁ ဆအားထည့်ပြီး၁၀ ဆ၊ အဆ ၁၀၀ ပြန်ရတာမျိုး။ ဒီလိုနည်းနည်းလုပ်များများရတာကိုleverage လို့အသုံးပြုပါတယ်။ ကိုယ်တွေလို ကိုယ့်ဘဝကိုယ်တည်ဆောက်ရသူတွေအတွက်ဒီ leverage က အရေးကြီးတယ်။ ဘာကြောင့်လဲဆိုတော့ခုန်ပျံကျော်လွှားမှမကြီးရင်အချိန်အများကြီးမရှိဘူး။ ဥပမာအနေနဲ့ပြောရရင်၂၀၁၄ ကာလကနေ၂၀၂၀ လောက်ထိကကြော်ငြာ Facebook Ads တွေနည်းနည်းကြော်ငြာများများရတဲ့ကာလ။ ၂၀၁၇ Live ကာလ။၂၀၁၈ နှောင်းပိုင်းမှာcontent ဖန်တီးတာတွေကလူမှုကွန်ယက်သုံးdigital leverage လုပ်လို့ရတဲ့ကာလ။ ဒါက ဒီဂျစ်တယ်မားကတ်တင်းပိုင်းမှာ။ ဘဝမှာ အဲ့လိုနည်းနည်းလုပ် များများရကာလတွေရှိတယ်။ဒီနေ့ခေတ်ကတော့ အေအိုင်ဆိုပါတော့။ ဂုဏ်ထူးထွက်ဖို့ စာများများကျက်စရာမလိုဘူး။အလုပ်ဖြစ်တဲ့ မေးနိုင်တဲ့စာကိုဖတ်မှတ်လေ့လာနိုင်ဖို့ပဲလိုတယ်။ ဘဝမှာလဲ အများကြီးကျွမ်းကျင်စရာမလိုဘူး။အလုပ်ဖြစ်တာကို ကျွမ်းကျင်ရင်ရပြီ။ စာဖတ်တယ်ဆိုတာအလွယ်လမ်းနဲ့ ဘယ်အရာကိုယ့်အတွက် အလုပ်ဖြစ်သလဲလိုက်ရှာတာပဲ။ အဲ့ထက်မြန်တဲ့နည်းသိပ်မတွေ့ဖူးသေးဘူး။ လူတစ်ယောက်ရဲ့အတွေးရဲ့အရည်အသွေးကလူတစ်ယောက်ဘဝရဲ့ အရည်အသွေးပဲ။ ခရီးသွား၊ လူသစ်တွေ့၊စာဖတ်၊ စမ်းကြည့်၊ လေ့လာ။အလုပ်ဖြစ်တာတွေ့ရင်ဝုန်းသာဝုန်း။ အလုပ်ကတစ်သက်လုံးလုပ်လို့ရတယ်။အလုပ်က တစ်သက်လုံးဖြစ်မနေဘူး။ Phyo Paing

အလုပ်ကတစ်သက်လုံးလုပ်လို့ရတယ်။
အလုပ်က တစ်သက်လုံးဖြစ်မနေဘူး။ Read More »

ဘဝရဲ့အနှစ်သာရအစစ်ကို
သိဖို့အတွက်ဆို
တစ်ဖက်ကမ်းခပ်ကျွမ်းကျင်တဲ့အလုပ်
mastery တစ်ခုရှိရမယ်။

Leave a Comment / Life, Progress, Work /

စည်းကမ်းမရှိပဲအလုပ်တစ်ခုမှာတစ်ဖက်ကမ်းခပ်ကျွမ်းကျင်ဖို့မလွယ်ဘူး။ ဒီ တစ်ဖက်ကမ်းခပ်ကျွမ်းကျင်မှု mastery မရှိရင်ကိုယ်က အစားထိုးလို့ရတဲ့လူပဲဖြစ်နေမယ်။ ကိုယ့်ကိုအစားထိုးလို့ရရင်မရှိမဖြစ် မဖြစ်တဲ့အတွက်ကိုယ်က ငွေကိုပဲလိုက်ရှာနေရမယ်။ငွေက ကိုယ့်ကိုလာရှာဖို့လုပ်ဆောင်နိုင်ဖို့ခက်တယ်။ ဘဝရဲ့အနှစ်သာရအစစ်ကိုသိဖို့အတွက်ဆိုတစ်ဖက်ကမ်းခပ်ကျွမ်းကျင်တဲ့အလုပ်mastery တစ်ခုရှိရမယ်။ Phyo Paing @ Derek

ဘဝရဲ့အနှစ်သာရအစစ်ကို
သိဖို့အတွက်ဆို
တစ်ဖက်ကမ်းခပ်ကျွမ်းကျင်တဲ့အလုပ်
mastery တစ်ခုရှိရမယ်။ Read More »

ငယ်ဘဝကို ခက်ခက်ခဲခဲ
ဖြတ်သန်းခဲ့ရသူတိုင်းက
ကံကောင်းတယ်လို့ဆိုလို့ရတယ်။

Leave a Comment / Life, Progress /

ငယ်ဘဝကို ခက်ခက်ခဲခဲဖြတ်သန်းခဲ့ရသူတိုင်းကကံကောင်းတယ်လို့ဆိုလို့ရတယ်။ ဘာကြောင့်လဲ ရှင်းပြပါရစေ။အနာဂတ်ကို မျက်စိမှိတ်မယုံကြည်ဘူး။ကြိုတင်ပြင်ဆင်မှုရှိတယ်။ဘယ်တွေရဲ့အရိပ်အကဲကိုသိတယ်။လူတွေပြောတာနဲ့တကယ်နဲ့ကြားကွာခြားမှုတွေရှိတယ်ဆိုတာသိတယ်။ကိုယ်ရှိမှ ကိုယ်ဖြစ်မယ်ဆိုတာသိတယ်။ ဒီတော့ သူတို့ကဘဝပြဿနာတွေဒုက္ခတွေကြုံတဲ့အခါငယ်ငယ်ဘဝကို လွယ်လွယ်ကူကူပျော်ပျော်ရွင်ရွင်ဖြတ်သန်းလာသူတွေထက်ပိုသန်မာတတ်ကြတယ်။ စိတ်ဝင်စားရင်သုတေသနတွေကိုဆက်ဖတ်ကြည့်ပါ။ လူတွေဟာ ဘဝရဲ့ စိတ်ဒဏ်ရာပြီးနောက်ဖွံ့ဖြိုးတိုးတက်မှုဆိုင်ရာသုတေသန (Tedeschi & Calhoun, 2004) အရငယ်စဉ်ကတည်းက ဆိုးရွားတဲ့အခြေအနေတွေကို ကြုံတွေ့ခဲ့ရတဲ့သူတွေဟာပိုမိုခံနိုင်ရည်ရှိကြပြီးပြဿနာဖြေရှင်းနိုင်စွမ်းလည်း ပိုကောင်းကြတယ်။ ကလေးဘဝက ဆိုးရွားတဲ့အခြေအနေနဲ့စိတ်ခံစားမှုဆိုင်ရာ အသိဉာဏ် (Goleman, 1995)လေ့လာမှုအရ ခက်ခဲမှုတွေကိုကြုံတွေ့ခဲ့ရတဲ့သူတွေဟာလူမှုဆက်ဆံရေးကို ပိုမိုသိမြင်နားလည်ကြပြီးအန္တရာယ်တွေကို ပိုမိုအကဲဖြတ်နိုင်ကြတယ်။ စိတ်ဖိစီးမှု ခံနိုင်ရည်ရှိမှုဆိုင်ရာသီအိုရီ (Meichenbaum, 1985) လေ့လာချက်အရကလေးဘဝမှာ အတော်အတန်စိတ်ဖိစီးမှုရှိခြင်းဟာ လူတွေကို စိတ်ပိုင်းဆိုင်ရာခိုင်မာမှုတည်ဆောက်ရာမှာ အထောက်အကူဖြစ်ပြီးအနာဂတ်မှာ စိန်ခေါ်မှုတွေကိုပိုမိုထိရောက်စွာ လိုက်လျောညီထွေဖြစ်အောင်လုပ်ဆောင်နိုင်စေတယ်။ ဒါကြောင့် ကိုယ့်ကလေးတွေကိုဒုက္ခရောက်မှာကြောက်တာဒုက္ခနဲ့မတွေ့စေဖို့မျိုးစုံကူညီတာမျိုးကိုအစွန်းမရောက်ဖို့လိုသလိုကိုယ့်ငယ်ဘဝက ကြမ်းတမ်းခဲ့တဲ့အတွက်စိတ်ညစ်စရာမဟုတ်ပါဘူး။ အရာရာပိုကောင်းဖို့ဖြစ်လာတာပါ။ Phyo Paing @ Derek

ငယ်ဘဝကို ခက်ခက်ခဲခဲ
ဖြတ်သန်းခဲ့ရသူတိုင်းက
ကံကောင်းတယ်လို့ဆိုလို့ရတယ်။ Read More »

လူတိုင်းရှိသလိုလိုနဲ့
ပျောက်နေတဲ့အရာက
“အနာဂတ်”ပဲ။

Leave a Comment / Learning, Personal Development, Progress /

လူတိုင်းရှိသလိုလိုနဲ့ပျောက်နေတဲ့အရာက“အနာဂတ်”ပဲ။ နေရာတစ်ခု၊စျေးကွက်တစ်ခုမှာကြီးထွားဖို့အတွက်ဆိုတာအချိန်တစ်ခုပေးရတယ်။ အနာဂတ်ကိုတည်ဆောက်ဖို့အတွက်ဆိုဘယ်မှာနေဘာတွေလုပ်ဘယ်လိုဝင်ငွေရှာဘယ်သူတွေနဲ့တွေ့ဘယ်လိုအသက်ကြီးပြီးဘယ်လိုဘဝရဲ့အဆုံးသတ်နေဝင်ချိန်ကိုဖြတ်သန်းမလဲ။ဒီမေးခွန်တွေပါလာတယ်။ ဒီမေးခွန်းတွေမေးတဲ့အခါနေထိုင်မည့်နေရာတတ်ထားတဲ့ကျွမ်းကျင်မှုရှိထားတဲ့နိုင်ငံသားနဲ့အသက်မွေးမှုပြုနိုင်တဲ့အရာတွေပါဝင်တယ်။ ကိုယ့်နေရာမှာကိုယ်နေရာတစ်ခုရပြီးသူတွေအတွက်နောက်တစ်နေရာမှာအသစ်ကပြန်စဖို့အတွက်opportunity cost ကြီးတယ်။ရှိထားတာကိုလဲထားခဲ့ရမယ်။နောက်နေရာမှာလဲအသစ်ပြန်စရမယ်။ အခုမှစတင်မည့်လူငယ်တွေအတွက်ကောင်းတဲ့အချက်တွေအများကြီးရှိတယ်။ဆုံးရှုံးစရာများများစားစားမရှိဘူး။ လုပ်ငန်းလုပ်မယ်ဆိုရင်ပိုပြီးတောင်စဥ်းစားရတယ်။ကိုယ်ကမြစ်ငယ်လေးထဲမှာကျင်လည်နေရာကမြစ်ကြီးထဲကိုသွားတဲ့အခါနောက်ပင်လယ်ထဲသွားတဲ့အခါလုပ်လို့ရတာကျွမ်းကျင်တာတွေကတူချင်မှတူမယ်။ အနာဂတ်ဆိုတာ အမျိုးမျိုးဖြစ်နိုင်တယ်။ အနာဂတ်ကိုစဥ်းစားတဲ့အခါကိုယ့်ကိုကိုယ်မေးတဲ့မေးခွန်းတစ်ခုရှိတယ်။ “ငါနေ့တိုင်း မလုပ်ရပဲမနေနိုင်တဲ့အရာတွေဆိုဘာတွေများဖြစ်မလဲ။” ၁။ သင်ယူလေ့လာခြင်း learning၂။ စမ်းသပ်လုပ်ဆောင်ခြင်း experimenting၃။ ပြန်လည်မျှဝေခြင်း သင်ကြားခြင်း teaching ဒီသုံးခုကို ဘယ်နေရာရောက်ရောက်အတိတ်မမေ့ ဦးနှောက်မပျက်သွားရင်လုပ်ဖြစ်နေအုံးမယ်။ ဒါနဲ့ကိုယ့်ဘဝ၊ ကိုယ့်စီးပွားအကုန်လုံးကိုဒီသုံးခုပေါ်မူတည်ပြီးဒီဇိုင်းလုပ်လိုက်တယ်။ အနာဂတ်အတွက်ဘယ်မှာနေမယ်၊ဘာတွေလုပ်မယ်မေးခွန်းတွေဖြေဖို့ဒီမေးခွန်းလေးပြန်မေးကြည့်။ “ငါနေ့တိုင်း မလုပ်ရပဲမနေနိုင်တဲ့အရာတွေဆိုဘာတွေများဖြစ်မလဲ။” Phyo Paing @ Derek

လူတိုင်းရှိသလိုလိုနဲ့
ပျောက်နေတဲ့အရာက
“အနာဂတ်”ပဲ။ Read More »

လူတိုင်းက ကိုယ်နဲ့ထိုက်တန်တာကိုဘဲ
ရတတ်ကြတယ်။

Leave a Comment / Life, Personal Development, Progress /

အရမ်းတော်တဲ့ဝန်ထမ်းတစ်ယောက်ခပ်ညံ့ညံ့လုပ်ငန်းရှင်ဆီရောက်ရင်ကြာကြာခံမှာမဟုတ်ဘူး။ အရမ်းတော်တဲ့အမျိုးသား၊အမျိုးသမီးတစ်ယောက်ခပ်ခြာခြာပါတနာနဲ့နေတာများလာတဲ့အခါခြေကျင်းကြိုးနဲ့ ဒရွတ်တိုက်သွားနေရသလိုရှေ့ရောက်သင့်သလောက်မရောက်မောပန်းနေမှာပဲ။ အရမ်းစွမ်းတဲ့ အေအိုင်မတွေးတတ်တဲ့ ငတုံးနဲ့တွေ့တဲ့အခါငတုံးလိုဘဲ ဖြစ်နေမှာပဲ။​ လူတိုင်းက ကိုယ်နဲ့ထိုက်တန်တာကိုဘဲရတတ်ကြတယ်။ ကိုယ်နဲ့ထိုက်တန်တဲ့အရာတွေကပိုကောင်းလာလေလေကိုယ့်ကိုကိုယ် ပိုကောင်းအောင်လုပ်လာရလေပဲ။ Phyo Paing @ Derek

လူတိုင်းက ကိုယ်နဲ့ထိုက်တန်တာကိုဘဲ
ရတတ်ကြတယ်။ Read More »

လူတိုင်းက ကိုယ့်အကျိုးစီးပွားနဲ့ကိုယ်။

Leave a Comment / Life, Progress /

ကိုယ့်ဘဝ တိုင်မပတ်ချင်ရင်ဘယ်သူ့မှ အားအရမ်းမကိုးနဲ့။အရာရာကိုလဲ ချင့်ချိန်ယုံကြည်။လူတိုင်းက ကိုယ့်အကျိုးစီးပွားနဲ့ကိုယ်။အဲ့လိုပဲ အမြဲနှလုံးသွင်းတယ်။ Phyo Paing @ Derek

လူတိုင်းက ကိုယ့်အကျိုးစီးပွားနဲ့ကိုယ်။ Read More »

လူတွေထင်တာ
အချစ်ရေးအဆင်ပြေဖို့
Brain Level တူဖို့လိုတယ်လို့ထင်တာ။

Leave a Comment / Life, Progress, Relationship /

လူတွေထင်တာအချစ်ရေးအဆင်ပြေဖို့Brain Level တူဖို့လိုတယ်လို့ထင်တာ။ ကျွန်တော့်အမြင်တော့Brain Level ထက်ခံယူချက်လို့ထင်တယ်။ ဦးနှောက်ကောင်းတဲ့သူတွေအများကြီးတွေ့ဖူးတယ်။ဦးနှောက်ကောင်းပြီးတိုင်ပတ်နေတဲ့သူတွေအများကြီးရှိတယ်။ အရေးကြီးတာခံယူချက်နဲ့ခံစားချက်ကို ထိန်းနိုင်ပြီးတစ်ယောက်စဥ်းစားပုံတစ်ယောက်ရှင်းရှင်းလင်းလင်းသိဖို့လို့ထင်တယ်။ လူအများစုက ကိုယ့်ကိုကိိုယ်တကယ်သိတယ်လို့ထင်တာ။တကယ်မသိဘူး။ ကိုယ့်ကိုကိုယ်တောင်မသိဘူး။ကိုယ့်တစ်ဖက်ပါတနာကိုယ့်ကိုသိစေချင်တယ်။ လူတိုင်းမှာ စိတ်မလှုံခြုံမှုinsecurities တွေရှိတယ်။တချို့က ရုပ်၊တချို့က အလုပ်၊​တချို့က အဿပြာ၊တချို့က အသိုင်းအဝိုင်းကြားဝင်ဆံ့မှု။ ဒီမလှုံခြုံမှုတွေကိုကိုယ့်ပါတနာနဲ့ ပြောလို့ရလားအဲ့အချက်က တော်တော်အရေးကြီးတယ်။​ပြောရင် နားလည်လားဒါကလဲ အရေးကြီးတယ်။ နားထောင်တိုင်းလဲနားလည်တာတော့မဟုတ်ဘူး။တကယ်နားလည်တယ်ဆိုဘဝက နေပျော်မယ်။မဟုတ်ရင် အိမ်ထောင်ကျပြီးအထီးကျန်နေလိမ့်မယ်။​ဒီလို ဘဝတွေက အများကြီး။ အသက်ရှင်နေပေမယ့်အသက်ဝင်မနေတော့ဘူး။ အသိုင်းအဝိုင်းမျက်နှာကြောင့်သာလောကအလယ် သရုပ်ဆောင်နေရတာ။ ပြန်ဆက်ရရင်ခံယူချက်တူဖို့အရေးကြီးတယ်။အမြင်တူချင်မှတူမယ်။ခံယူချက်တူဖို့လိုတယ်။ ခံယူချက်ဆိုတာ စိတ်ထဲမှာရှိတဲ့ခံယူချက်နဲ့ အယူအဆ။တစ်ယောက်က အလုပ်ကိုအရေးထားပြီးတစ်ယောက်က အလုပ်ကိုဖြစ်သလို လုပ်ရင်ဒါက အဆင်ပြေဖို့မလွယ်ဘူး။ တစ်ယောက်က ကိုယ့်အစွမ်းအစကိုအကောင်းဆုံးသိဖို့ တိုးတက်ချင်တယ်။တစ်ယောက်ကနေသလိုဖြစ်တဲ့ဘဝမှာ ဖြစ်သလိုနေချင်တယ်။ အစပိုင်းမှာတော့ အဆင်ပြေလိမ့်မယ်။​ ချစ်ကျွမ်းစဝင်တဲ့အချိန်ဆိုဘာလေးစားချင်တယ်မပြောလိုက်ရသေးဘူး။ကိုယ့်ဆီအရောက်ဆိုတာမျိုး။နောက်ပိုင်းမှ အချိုးပြောင်းသွားတာ။ဒါက ဦးနှောက်မှာရှိတဲ့neurotransmitter တွေနဲ့ဖြစ်နေကျ အပြောင်းအလဲတွေပဲ။ အရေးကြီးတာ ခံယူချက်အရေးကြီးတယ်။ဒီအချက်နဲ့ပဲလူတွေကအပေါင်းအသင်းရွေးချယ်ကြတယ်။ဒီအချက်နဲ့ပဲ ဝန်ထမ်းကောင်းတွေရှာကြတယ်။ တခါတလေ

လူတွေထင်တာ
အချစ်ရေးအဆင်ပြေဖို့
Brain Level တူဖို့လိုတယ်လို့ထင်တာ။ Read More »