ကျွန်တော့်ဘဝတစ်ခုလုံးကဆရာတစ်ယောက်နဲ့တွေ့လိုက်ပြီးလုံးဝပြောင်းလဲခဲ့တယ်။ ကိုးတန်းအရွယ် ဆိုးသွမ်းတဲ့အချိန်ပေါ့။ ဒါကြောင့် ကိုယ့်တုန်းက ကိုယ့်ကိုမမြင်ဖူးတဲ့ကမ္ဘာတွေကို သင်ပြပြီးအလင်းဖွင့်ပေးခဲ့သလို တခြားသူတွေကို ကိုယ်သိထားတာနဲ့ပြန်လည်မျှဝေပေးဖို့ ဘဝရဲ့ သမိုင်းပေးတာဝန်တစ်ခုထားခဲ့တယ်။ နေ့တိုင်းလဲ ဒီအလုပ်ကို လုပ်နေတယ်။ Phyo Paing @ Derek
နေ့တိုင်းလဲ ဒီအလုပ်ကို လုပ်နေတယ်။ Read More »
သင်ဖူးတဲ့ပညာအရည်အချင်း၊ သွားဖူးတဲ့နေရာ၊ တွေ့ဖူးတဲ့သူ၊ ကျော်လွှားဖူးတဲ့အခက်အခဲ၊ရဖူးတဲ့အတွေ့အကြုံ၊ ဆွတ်ခူးဖူးတဲ့ရလဒ်မတူရင်အမြင်တွေလဲမတူနိုင်ဘူး။ အမြင့်မတူရင် အမြင်တွေမတူသလို၊အမြင်မတူရင်လဲ အမြင့်တွေမတူတော့ဘူး။ တချို့ နယ်ပယ်တစ်ခုမှာထိပ်ဆုံးရောက်နေသူတွေရဲ့စကားတချို့ကို ကိုယ်က “ငပိန်း” လို့ကောက်ချက်ချချင်ပြီဆို “ငါမမြင်တာ သူဘာမြင်လို့လဲ၊ဘာတွေ ဆက်လေ့လာဖို့လိုမလဲ” ဒီမေးခွန်းမေးကြည့်လိုက်။ ကိုယ်လဲ ပိုတိုးတက်လာလိမ့်မယ်။ ကျွန်တော်ကတော့ အဲ့လိုပဲကျင့်သုံးတယ်။ Phyo Paing @ Derek
အမြင့်မတူရင် အမြင်တွေမတူသလို၊
အမြင်မတူရင်လဲ အမြင့်တွေမတူတော့ဘူး။ Read More »
တချို့ လိုင်စင်လိုတဲ့အလုပ်တွေကလွဲရင်ဒီနေ့ခေတ်က ပညာတတ်ဖို့ ဘွဲ့ရစရာမလိုဘူး။ ဘွဲ့ရလဲ ပညာမတတ်တဲ့သူအများကြီး။ ပညာသင်ဖို့မဟုတ်ဘဲဘွဲ့ယူဖို့ပဲကျောင်းတက်တာကအချိန်နဲ့ငွေကို မလကားဖြုန်းတီးတာပဲ။ ဒီနေ့ခေတ် ကျွန်တော်မြင်ဖူးတဲ့တကယ့်ထူးချွန်သူအများစုကကိုယ်လေ့လာချင်တဲ့ပညာရပ်ကိုကျောင်းကသင်ပေးလိုက်လို့မဟုတ်ဘူးကိုယ်တိုင်လေ့လာပြီး self-education နဲ့ထူးချွန်လာကြတာများတယ်။ ကျောင်းတွေ၊ သင်တန်းတွေကguideline ပေးနိုင်လိမ့်မယ်။ထူးချွန်ပြောင်မြောက်ဖို့ကကိုယ်တိုင်လုပ်မှ။ ဘယ်သင်တန်းကြောင့်ဘယ်လိုအပြောင်းအလဲဖြစ်သွားတယ်ဆိုတာသင်တန်းတွေကြော်ငြာရင်တော့အလုပ်ဖြစ် သင်တန်းသားတွေရတယ်။ တကယ်တန်း ဒီလိုဆာလောင်ကြိုးစားနေတဲ့သူကဘယ်သူ့ဆီတက်တက်အောင်မြင်မှာပဲ။ဘာကြောင့်လဲဆို သူက အစဉ်တစိုက်ကြိုးစားရှာဖွေပြီး အောင်မြင်အောင်လုပ်နေတာကိုး။ ပညာတတ်ဖို့ ဘွဲ့ရစရာမလို၊ဘွဲ့ရတိုင်းလဲ ပညာမတတ်။ပညာကိုဆာလောင်ဖို့လိုတယ်။ Phyo Paing @ Derek
မဟာဗျူဟာဆိုတာအခုချက်ချင်းချအခုချက်ချင်းလုပ်ဆောင်လို့ရတဲ့အရာမဟုတ်ဘူး။တစ်ကွက်ချင်းရွေ့သွားရတဲ့အရာ။ ကိုယ်က တက္ကသိုလ်ကျောင်းတတ်တယ်။ကျောင်းမပြီးခင်ကတည်းကကျောင်းပြီးရင် ငါဘာလုပ်မယ်။ဘယ်ကိုသွားမယ်။အနာဂတ်ဖြစ်နိုင်ခြေကိုအနာဂတ် A, B, C ကို ပုံဖော်တဲ့Scenario planning လိုတယ်။ ကျောင်းတတ်တုန်းမှာဘယ်သူတွေနဲ့ပေါင်းမယ်၊ဘာတွေကြိုလေ့လာထားမယ်၊ဘာအလုပ်တွေလုပ်မယ်၊ဘယ်သူတွေနဲ့တွေ့မယ်ကြိုတင်ပြင်ဆင်ထားလို့ရတယ်။ စစ်ဘုရင် နပိုလီယံလိုပေါ့။ကျောင်းသားဘဝကတည်းကသင်င်္ချာပညာ၊ ပထဝီ၊ စစ်ပညာနဲ့ရူပဗေဒတွေကို လေ့လာသလိုစစ်ဘုရင်တွေဖြစ်တဲ့Hannibal, Julius Caesar,Alexander the Great တို့ကိုလေ့လာတယ်။အနာဂတ်ပလန်အတွက်တစ်ဆင့်ချင်း အကောင်အထည်ဖော်သွားတယ်။ တရုတ်မှာဆို ဟန်မင်းဆက်ကိုတည်ထောင်တဲ့ရွာသားအသက်ကြီးမှဘုရင်ဖြစ်လာတဲ့ လုန်ပန်း Liu Bang (劉邦) ဆိုတာရှိတယ်။ရွာသားကနေ တရုတ်တစ်နိုင်ငံလုံးရဲ့ဘုရင်ဟန်မင်းဆက်ကို တည်ဆောက်ဖို့အတွက်လူတော်တွေလာအောင်၊အကွက်ချတာ၊ ပြဿနာဖြေရှင်းတာ၊ပညာရှင်တွေနဲ့ ဝန်းရံတာ၊ပါဝါပလေးလာလုပ်တဲ့ စစ်သူကိုနှိမ်နင်းတာမဟာဗျူဟာ အကွက်ရွေ့မှုတွေအများကြီးလုပ်ရတယ်။ ကံကောင်းရုံနဲ့ ဘဝတစ်ဆစ်ချိုးဖြစ်ရင်တစ်ခါ၊ နှစ်ခါပဲဖြစ်မယ်။ဘဝမှာ အကြိမ်ကြိမ်ဖြစ်ဖို့ဥာဏ်ကောင်းဖို့လိုတယ်။အထူးသဖြင့် မဟာဗျူဟာဥာဏ်ရှိဖို့လိုတယ်။ Phyo Paing @ Derek
Rich kid မဟုတ်လေဘဝတစ်ဆစ်ချိုးဖြစ်ဖို့အတွက်မဟာဗျူဟာ လိုလေပဲ။ Read More »
ပညာရှာတဲ့သူတိုင်းလဲ ပညာမရသွားဘူး။ငွေရှာတဲ့သူတိုင်းလဲ ငွေရမသွားဘူး။တရားရှာတဲ့သူတိုင်းလဲ တရားမရသွားဘူး။ ဥာဏ်ဆိုတာ“အမှားနဲ့ အမှန်၊အကျိုးနဲ့ အပြစ်ကို ခွဲခြားသိမြင်နိုင်စွမ်း”။ ပညာသင်ပေမယ့် ပညာဥာဏ်မပါလာရင်ပညာတတ်မှာမဟုတ်ဘူး။ငွေရှာတဲ့ဥာဏ်ပါမလာရင်အကောင်ပြလဲ အရိပ်မြင်ဖို့မလွယ်ဘူး။ဓမ္မနဲ့တွေ့ပေမယ့်ဓမ္မကိုနားလည်နိုင်တဲ့ဥာဏ်မပါလာရင်နှလုံးသွင်းနိုင်မှာမဟုတ်ဘူး။ ဒါကြောင့် ဥာဏ်မြင့်ဖို့နေ့စဉ် ပါရမီဖြည့်ဖို့လိုတယ်။ Phyo Paing @ Derek
ဘာပေါ်မူတည်လဲဆို “ဥာဏ်”ပေါ်မူတည်တယ်။ Read More »
တော်တဲ့သူတွေနားရောက်ဖို့ထိပ်တန်းတက္ကသိုလ်တွေရောက်ရင်လဲတော်တဲ့သူတွေနဲ့ တွေ့ရတယ်။ ဒါကြောင့် တက္ကသိုလ်တက်တဲ့သူတိုင်းကဘဝပြောင်းလဲသွားတာမဟုတ်ဘူး။ကမ္ဘာ့၊ နိုင်ငံ့ထိပ်တန်းတက္ကသိုလ်တက်တဲ့သူတွေပဲအပြောင်းအလဲဖြစ်သွားတာများတယ်။ တချို့က တက္ကသိုလ်ကြောင့်မဟုတ်ဘဲဆရာကြောင့် အပြောင်းအလဲဖြစ်သွားတာများတယ်။ဥပမာ ဝါရင်ဘဖက်ဆိုရင်သူ့ဆရာ ဘန်ဂျမင် ဂရေဟန်ဆီကValue investing အတွေးအခေါ်တွေသင်ခဲ့တယ်။ ပညာရပ်တစ်ခုကို တကယ်ရူးသွပ်လို့၊လေ့လာချင်လို့၊ကိုယ့်လိုလူတွေနဲ့ထိတွေ့ဆွေးနွေးဖို့အဲ့လိုလူတွေနည်းတယ်။ ဒါကြောင့် အပြောင်းအလဲလုပ်နိုင်တဲ့သူအများစုက ကမ္ဘာ့ထိပ်တန်း၊နိုင်ငံထိပ်တန်းတက္ကသိုလ်ကလူတွေပိုများကြတာကိုတွေ့လိမ့်မယ်။ အပြောင်းအလဲလုပ်ချင်ရင်Commercial တက္ကသိုလ်တွေအစားအချိန်ပေးနိုင်ရင် ထိပ်တန်းတက္ကသိုလ်တွေဝင်အောင်လုပ်၊ဒါမှမဟုတ် ကိုယ်လေ့လာချင်တဲ့နယ်ပယ်ကဆရာကျတဲ့သူတွေကို follow လုပ်၊သူတို့ဆီကလေ့လာ။ Phyo Paing @ Derek
သာမန်တက္ကသိုလ်နဲ့ကျောင်းအများစုကဘွဲ့ရချင်လို့ လာတက်ကြတာများတယ်။ Read More »
စနစ်တစ်ခုဘယ်လိုအလုပ်လုပ်လဲနားမလည်ဘဲစိတ်အထင်နဲ့ ရှိသမျှအားကုန်ထည့်ရင်ပင်ပန်းပြီး အရာမထင်တာပဲ အဖတ်တင်မယ်။ စာအကြိုးစားဆုံးသူကစာအတော်ဆုံးသူဖြစ်ချင်မှ ဖြစ်မယ်။အလုပ်အကြိုးစားဆုံးသူကအလုပ်အပြီးဆုံးသူဖြစ်ချင်မှ ဖြစ်မယ်။ နားလည်မှုက ပညာပဲ။ဒါကြောင့် ကျွမ်းကျင်တဲ့သူ၊ နေရာဆီကလေ့လာနိုင်မှုက စူပါပါဝါတစ်ခုပဲ။ Phyo Paing @ Derek
ပြဿနာအကုန်လုံးရဲ့အရင်းအမြစ်က မှန်ကန်တဲ့အမြင်မရှိလို့။ သမ္မာဒိဋ္ဌိ မရှိလို့။ ဗုဒ္ဓက မဂ္ဂင်ရှစ်ပါးမှာလဲနိဗ္ဗာန်ရောက်ဖို့ ပထမဆုံးတစ်ပါး သမ္မာဒိဋ္ဌိရှိဖို့ဟောကြားခဲ့တယ်။ လောကီမှာလဲအလားတူပဲပြဿနာအရင်းခံကအရှိကိုအရှိအတိုင်း အမှန်မမြင်နိုင်တာ။ အမှန်မမြင်ရင် နားမလည်နိုင်ဘူး။နားမလည်ရင် မှားမယ်။ အမှန်မြင်ဖို့ ပညာဆိုတာသင်တယ်။ပညာတကယ်သင်လို့တတ်ရင် မြင်မယ်။တကယ်မြင်ရင် တကယ်ပြင်မယ်။ဒါကြောင့် “သင်”၊ “မြင်”၊ “ပြင်” လို့ခေါ်တယ်။ ဘဝမှာဒီလိုကြုံဖူးလားမသိဘူး။အရင်ကမသိခဲ့တဲ့အရာတစ်ခုကဝုန်းကနဲ အလင်းပွင်းသွားတာမျိုး။ ဒါက “မြင်” သွားတာ။ မြင်မှ ပြင်တယ်။ မှန်ကန်တဲ့အမြင်ရှိဖို့ ပညာသင်ကြတယ်။ Phyo Paing @ Derek
မှန်ကန်တဲ့အမြင်ရှိဖို့
ပညာသင်ကြတယ်။ Read More »
မွဲတယ်ဆိုတာအတိတ်ဘဝ ကံနည်းတာ ပါရင်လဲပါမယ်။အဓိက မွဲစေတာကဥာဏ်နည်းတာ။ ဥာဏ်နည်းရင် ပြလဲမမြင်ဘူး။ဥာဏ်နည်းအောင်စာမဖတ်ခိုင်းနဲ့။ပညာမတတ်တာကို ဘွဲ့ပေး။ဘွဲ့ရပညာမတတ်ကဘွဲ့မရတာထက် ပိုဆိုးတယ်။ အလကားဘွဲ့ပေးလိုက်တာကိုပညာတတ်တယ်လို့ ထင်သွားတာ။ ပညာမတတ်ရင်မတွေးတတ်ဘူး။မတွေးရင် မမြင်ဘူး။ဒါကြောင့် အတွေးအမြင်လို့ခေါ်တာ။ မတွေးမမြင်တော့ဦးနှောက်နဲ့မဆုံးဖြတ်တတ်ဘူး။မျက်စိနဲ့မြင်တာကိုခံစားပြီးခံစားချက်နဲ့ပဲ ဆုံးဖြတ်တတ်မယ်။ ခံစားချက်နဲ့ဆုံးဖြတ်တော့အဖြေမရှာတတ်ဘူး။ခံစားချက်များလေ ဥာဏ်နည်းလေ။ ဒါကြောင့် ဥာဏ်နည်းလေအဖြေရှာဖို့ထက်အပြစ်တင်တတ်လေပဲ။ ကိုယ့်ကိုကိုယ်ဆုံးမရင်းရေးမိတာ။ Phyo Paing @ Derek
ဥာဏ်နည်းလေ
အဖြေရှာဖို့ထက်
အပြစ်တင်တတ်လေပဲ။ Read More »
မူလတန်းနဲ့ အလယ်တန်းမှာအေအိုင်ပညာရေးစသင်ဖို့တရုတ်မှာ စနေကြပြီ။ အေပရယ်ကစပြီးဂျပန်အစိုးရအလုပ်တွေမှာ တစ်ပတ်လေးရက်အလုပ်လုပ်ချိန်အဖြစ်စသတ်မှတ်ဖို့လုပ်နေပြီ။ အပြောင်းအလဲတွေက အရင်ခေတ်တွေထက်အရမ်းမြန်လိမ့်မယ်။ ခေတ်ရှေ့ပြေးရင်ပြေးခေတ်နဲ့လိုက်ရင်လိုက်ဒရွတ်တိုက်လိုက်ရင်လိုက်။နောက်ကျမကျန်ခဲ့ဖို့လိုတယ်။ Phyo Paing @ Derek
အပြောင်းအလဲတွေက
အရင်ခေတ်တွေထက်
အရမ်းမြန်လိမ့်မယ်။ Read More »
