knowledge

လုပ်ရပ်တွေအတွက် “စိတ်မြန်” ပြီး၊ရလဒ်တွေအတွက် “စိတ်ရှည်” ဖို့လိုတယ်။ Phyo Paing @ Derek

အဆင့်မြင့်တဲ့ ဖျော်ဖြေရေးထဲမှာ“အတွေးအခေါ် ဖျော်ဖြေရေး”ပါတယ်။ အတွေးအခေါ်တွေကအလင်းတွေ ပေးတယ်။ အတွေးအခေါ်တွေကမတူညီတဲ့ လမ်းတွေကိုပြပေးတယ်။ အတွေးအခေါ်တွေကမတူညီတဲ့ အမြင့်တွေကနေမတူညီတဲ့ အမြင်တွေကို ပြပေးတယ်။ အတွေးအခေါ်တွေကလူတွေ high စေတယ်။ အတွေးအခေါ်တွေကဘဝနေထိုင်မှုကိုမတူညီတဲ့ရှုထောင့်ကကြည့်ပြီးမိုက်စေတယ်။ အတွေးအခေါ်ပညာကကျောင်းတုန်းကလို အမှတ်ပေးစည်းမျဥ်းမရှိဘူး။အမှားနဲ့ အမှန်ကကြည့်တဲ့သူရဲ့ ရှုထောင့်ပေါ်မူတည်တယ်။ နယူတန်က ပန်းသီးကျတာကြည့်အတွေးအခေါ်စမ်းသပ်မှုလုပ်ရင်းကမ္ဘာ့ဆွဲအားကို သိလာတယ်။ အိုင်စတိုင်းက ရထားပေါ်ကအတွေးအခေါ်စမ်းသပ်မှုလုပ်ရင်းသီအိုရီအသစ်တွေ တွေ့လာတယ်။ ဒီမိုကရေစီဆိုတာ နိုင်ငံရေးစနစ်။​နောက်တစ်ခုက ဒီမိုကရေစီဆိုတာအိုင်ဒီယာတစ်ခု။ ကိုယ့်ဘဝမှာ အိုင်ဒီယာအသစ်တွေ၊အတွေးအခေါ်စမ်းသပ်မှုတွေကိုတခြားသူတွေ ဘယ်လောက်တားတားလုပ်ရဲဖို့လိုတယ်။ တချို့လူတွေ လူမှုကွန်ယက်ကနေဝေဖန်ကြလိမ့်မယ်။ပျက်ရယ်ပြုကြလိမ့်မယ်။အရူးတစ်ယောက်လို ဟာသလုပ်လိမ့်မယ်။ဒီကြားထဲက အတွေးအခေါ်စမ်းသပ်မှုပြုလုပ်ပြီးချပြနိုင်တာကအတွေးအခေါ် တော်လှန်ရေးပဲ။ ဒီအတွေးအခေါ်တော်လှန်ရေးကြောင့်အတွေးသစ်လှုပ်ရှားမှုNew Thought Movement တွေဖြစ်လာတယ်။အတွေးအခေါ် တော်လှန်ရေးကြောင့်လမ်းအသစ်တွေ တွေ့လာတယ်။ လူတွေနဲ့ တိရစ္ဆာန်တွေကို ကွာခြားစေတဲ့အချက်တွေအများကြီးထဲက တစ်ခုကအသိဥာဏ်ပဲ။ အသိဥာဏ်ကို နှိုးဆွဖို့၊ဘဝကို မေးခွန်းထုတ်ဖို့လိုတယ်။ မဟုတ်ရင် မနက် ကိုးနာရီရုံးတတ်၊ငါးနာရီပြန်၊လကုန်လစာထုတ်၊အိမ်လခပေး၊ပိုက်ဆံစု၊ဖျားတော့ အကုန်ကုန်သွား။ ဘဝမှာ အတွေးအခေါ်စမ်းသပ်မှုလိုတယ်။ဒီကမှ