mindset

တစ်ကမ္ဘာတည်းနေမယ့်လူတွေရဲ့နေထိုင်နေတဲ့အလွှာတွေ မတူကြဘူး။ တချို့က အလွှာနိမ့်မှာနေတယ်။အမြဲ ဒေါသတွေများသောကတွေပွားနေတယ်။ဘဝကို ပေတေနေပြီး၊တခြားသူတွေကို သဝန်တိုမှုတွေနဲ့အမြဲအဆိုးမြင်၊အပြစ်တင် ဘူနေတတ်တယ်။ တချို့က အလယ်လွှာမှာနေတယ်။မျှော်လင့်ချက်တွေရှိတယ်။အမြင်ကျယ်ကျယ်ထားတယ်။စူးစမ်းလေ့လာလိုရှိတယ်။ရည်မှန်းချက်ပန်းတိုင်ကြီးတွေရှိသလိုစိတ်ပူပန်မှုလေးတွေလဲရှိတယ်။ကိုယ့်ဘဝရဲ့ ဒဏ်ရာတွေကိုကုစားရင်းလေ့လာလိုက် ရှေ့ဆက်လိုက်။ တချို့က အလွှာမြင့်မှာနေတယ်။​အေးချမ်းမှု၊ ရက်ရောမှု၊မေတ္တာနဲ့ ကျေးဇူးတင်တရားတွေနဲ့ရှင်သန်တယ်။စျာန်ဝင်တဲ့ဖန်တီးမှုတွေနဲ့ဘဝကိုဖြတ်သန်းတယ်။ Phyo Paing @ Derek

ကိုယ့်အတွက်အရေးမပါသူတွေရဲ့အထင်အမြင်ကကိုယ့်အတွက် အရေးမပါဘူး။ နည်းနည်းရှင်းပြပါရစေ။ တခါတလေ လူတော်တော်များများကလူတွေရဲ့အထင်အမြင်ကိုလိုတာထက် ဂရုစိုက်တတ်ကြတယ်။ တခါတလေလဲ လူတွေရဲ့အထင်အမြင်ကအရေးမကြီးဘူးဆိုပြီးလဲလုပ်မိတတ်ကြပြန်တယ်။ အဲ့တော့ ဒီနှစ်ခုကြားထဲကကြားနေ အတွေးအခေါ်တစ်ခုဖန်တီးပြီး ဘဝမှာ ကျင့်သုံးကြည့်တယ်။ ကိုယ့်အတွက် အရေးမပါတဲ့သူတွေရဲ့အထင်အမြင်က အရေးမပါဘူး။ ဘယ်လိုလူတွေက ကိုယ့်အတွက်အရေးမပါဘူးလဲ။ ကိုယ့်ရဲ့အောင်မြင်မှုကိုသူတို့ရဲ့ကျဆုံးမှုလို့ ယူဆတဲ့သူတွေ။ကိုယ့်ရဲ့တိုးတက်မှုကိုသူတို့ရဲ့ဆုတ်ယုတ်မှုလို့ ယူဆတဲ့သူတွေ။ကိုယ့်ရဲ့အကျိုးစီးပွါးကသူတို့အတွက် ဆုံးရှုံးမှုလို့ထင်တဲ့သူတွေ။ဒါတွေက ကိုယ့်အတွက်အရေးမပါတဲ့သူတွေပဲ။ ဒါကြောင့်ကိုယ့်အတွက် အရေးမပါတဲ့သူတွေရဲ့အထင်အမြင်ကကိုယ့်အတွက် အရေးမပါဘူး။ ဒါကတော့ ကျွန်တော်စဉ်းစားမိတဲ့အတွေးလေးတစ်ခု။လိုရင်လဲယူသုံးကြည့်။မလိုရင်လဲ ကျော်သွားပေါ့။လူတိုင်းအတွက် အသုံးတည့်ချင်မှတည့်မှာပေါ့။ Phyo Paing @ Derek

ကိုယ်သေချာနားမလည်တဲ့အရာကို“မမုန်းပါနဲ့။” မနေ့က လူတစ်ယောက်ဝတ်ထားတဲ့T-shirt လေးတွေ့လိုက်တယ်။Don’t hate what you don’t understand တဲ့။ကိုယ်နားမလည်တာကို မမုန်းပါနဲ့တဲ့။ စဉ်းစားခြင်းက ခက်ခဲတယ်။ဒါကြောင့်လူအများစုကအထင်အမြင်နဲ့ဆုံးဖြတ်ချက်ချကြတယ်။ ဝမ်းနည်းဖို့ကောင်းတာလူမှုအဖွဲ့အစည်းတစ်ခုမှာပညာဥာဏ်နည်းပါးလေလေအထင်အမြင်နဲ့ ဆုံးဖြတ်ချက်ချလေလေ။ယုတ္တိနဲ့ ဆုံးဖြတ်ချက်နည်းလေလေ။ဆုံးဖြတ်ချက်အမှားတွေချလေလေ။ လူအများစုက နားလည်ဖို့နားမထောင်ဘူး။ပြန်ပြောဖို့ပဲ နားထောင်တတ်ကြတယ်။ ဘဝမှာ ဥပဒသတစ်ခုထားတယ်။ကိုယ်သေချာနားမလည်တဲ့အရာကိုမမုန်းပါနဲ့။ လူတွေက ကိုယ့်ကိုဖျက်ဆီးနေတဲ့အရာတွေကို ချစ်တတ်ကြပြီးကိုယ့်အတွေးအခေါ်နဲ့ဆန့်ကျင်တဲ့အရာတွေကိုမုန်းတီးတတ်ကြတယ်။ ကိုယ်သေချာနားမလည်တာကိုမမုန်းလိုက်ပါနဲ့။ အထင်အမြင်နဲ့ဆုံးဖြတ်ချက်ချမည့်အစားအတွေးအခေါ်နဲ့ ဆုံးဖြတ်ချက်ချပါ။ဘာကွာလဲ အတွေးအခေါ်နောက်မှာအချက်အလက်၊ လောဂျစ်နဲ့စဉ်းစားတဲ့အဆင့်တွေရှိတယ်။ Phyo Paing @ Derek