philosophy

လူအများလုပ်နေပြီး အလုပ်လဲဖြစ်၊ ငွေလဲဝင်၊လူလဲ အထင်ကြီးကိုယ်မလုပ်ချင်ရင် လုပ်စရာမလိုဘူး။ အလုပ်တစ်ခု လုပ်တဲ့အခါကိုယ့်ကို ပျော်စေမလား၊ တော်စေမလား၊ စိတ်ကျေနပ်မှု ရစေမလား၊ ဒီနေ့သာမက လာမည့်အနာဂတ်အတွက်ပါအကျိုးရှိစေမလား၊ သမာအာဇီဝနဲ့ ညီလား၊ ကိုယ်နဲ့ကိုက်လား ဒါတွေ အရင်စဥ်းစားကြည့်တယ်။ လူတိုင်း လုပ်နေတာ လိုက်လုပ်စရာမလိုဘူး။ ကျန်းမာကြံ့ခိုင်ရေး၊ စီးပွားရေး၊အသက်မွေးဝမ်းကြောင်း၊ အချစ်ရေး၊အိမ်ထောင်ရေး၊ သားသမီးရေး၊ ငွေရေးကြေးရေး၊ ဘာသာရေး၊ တိုးတက်ရေး ကိုယ့်အထာ၊ကိုယ့်အယူအဆနဲ့ ကိုယ်ပဲ။ Phyo Paing @ Derek

အရည်အသွေးမြင့်တဲ့ အလုပ်လုပ်ဖို့“အာရုံစိုက်မှု” Focus လိုတယ်။လေဆာလို အာရုံစိုက်မှုလိုတယ်။ ပိုက်ဆံထက် အချိန်ကို ကပ်စေးနည်းဖို့လိုတယ်။ ပိုက်ဆံက ပြန်ရှာလို့ရတယ်။အချိန်က ပြန်ရှာလို့မရဘူး။ ကိုယ့်ရဲ့ အနာဂတ်အမြင်ရောက်ဖို့မကူညီပေးနိုင်တဲ့ အရာတွေကိုအချိန်တွေ ပေးပြီး အချိန်ကုန်ခံမနေနဲ့။ Phyo Paing @ Derek

လွန်ခဲ့တဲ့ ဆယ့်ရှစ်နှစ်က Encarta msn ဆိုတဲ့ မိုက်ခရိုဆော့ကထုတ်တဲ့စွယ်စုံကြမ်းလေးမှာ လူတွေကို ဘယ်အရာက ပျော်စေလဲရှာကြည့်တယ်။ ဖတ်ကြည့်ပြီး P သုံးလုံးနဲ့ အနှစ်ချုပ်ကြည့်တယ်။ သာယာမှု pleasure တွေကလဲ ပျော်စေတဲ့စားချင်တာ၊ သောက်ချင်တာ၊ခန္ဓာကိုယ်တောင့်တမှုတွေကိုဖြည့်ဆည်းနိုင်တာ။ ဒီသာယာမှုတွေက လူတွေကိုပျော်စေတယ်။ နောက် prosperity ချမ်းသာကြွယ်ဝမှုတွေကလဲစိတ်ရဲ့လိုရာ ရွေးချယ်စရာတွေကိုစိတ်ကြိုက်ရွေးချယ်လို့ရတဲ့အတွက်လူတွေကို ပျော်စေတယ်။ နောက်တစ်ခုကတော့ philosophy အတွေးအခေါ်ပညာ။လူတွေအများဆုံးနေတဲ့အိမ်က ကိုယ့်ရဲ့ အတွေးပဲ။ ဒီအတွေးတဲ့ပုံစံ အတွေးအခေါ်ကလဲလူတွေကို ပျော်စေတယ်။ ဂရိဘာသာစကားအရ philo ဆိုတာချစ်တယ်ဆိုတဲ့ အဓိပ္ပာယ်sophos ဆိုတာ ဥာဏ်ပညာတဲ့။ လူတွေဘဝ နေပျော်၊ နေတော်ဖို့အတွေးအခေါ်တွေနဲ့ ဓာတ်ပြုကြည့်ဖို့blog တွေရေးဖြစ်သွားတယ်။ Phyo Paing @ Derek

လွန်ခဲ့တဲ့ နှစ်ပေါင်း ၂၅၀၀ ကျော်ကတည်းကဗုဒ္ဓက လွတ်မြောက်ရာလမ်းကြောင်းပြသခဲ့တယ်။ ငွေကြေး လွတ်မြောက်မှုဖြစ်ဖြစ်၊လူ့ဘောင်ရဲ့သတ်မှတ်မှုက လွတ်မြောက်မှုဖြစ်ဖြစ်၊သံသရာထဲက လွတ်မြောက်မှုဖြစ်ဖြစ်ဒီလမ်းစဥ် ၈ ပါးကို သုံးလို့ရတယ်။ ဒါကတော့ မဂ္ဂင်ရှစ်ပါးဖြစ်တဲ့ မှန်ကန်တဲ့၁။ အယူဝါဒ၂။ အတွေး၊ အကြံ၃။ အပြော၄။ အလုပ်၅။ အသက်မွေးမှု၆။ အားထုတ်မှု၇။ သတိ၈။ စိတ်ကို အာရုံတစ်ခုတည်းမှာ စူးစိုက်နိုင်တဲ့ သမာဓိ ရှိဖို့ပဲ။ အကုန်လုံးက အတွေးနဲ့ စတယ်။ ကြီးကျယ်တဲ့အရာတွေ ဖြစ်လာဖို့စိတ်ထဲမှာ တစ်ခါစဥ်းစားရတယ်။ကြံစဥ်ပြီး စီမံကိန်းချရတယ်။ကိုယ့်ကိုယ်ကို ဒါမှမဟုတ်ကိုယ့်အဖွဲ့ကို ပြောရတယ်။တကယ်အားထုတ်ရတယ်။ ဒီအားထုတ်မှုက သမာအာဇီဝကျရမယ်။ဇွဲလုံ့လ မလျော့ရဘူး။ စိိတ်နဲ့ ကိုယ်နဲ့ သတိနဲ့ကပ်ရမယ်။အလုပ်ကို စူးစိုက်အာရုံထားနိုင်ရမယ်။ ကျွန်တော်နားလည်တဲ့ နေ့စဥ်ဘဝမှာကျင့်သုံးလို့ရတဲ့ ဗုဒ္ဓရဲ့ အဆုံးအမဖြစ်တဲ့ မဂ္ဂင်ရှစ်ပါးပဲ။ လောကီတွေ၊ လောကုတ္တရာတွေစဥ်းစားမနေတော့ဘူး။ နေ့စဥ် ဘဝမှာ ပိုပိုပြီးကျင့်သုံးနိုင်အောင်ပဲ ကြိုးစားရမယ်။

မားကတ်တင်းလို့ပြောလိုက်ရင်အရင်က တစ်ဆိုင်ဝင်တစ်ဆိုင်ထွက်ပစ္စည်းလိုက်စပ်တဲ့သူပဲ မြင်တတ်ကြတယ်။စွန့်ဦးတီထွင်လို့ပြောလိုက်ရင်လောကနဲ့အဆက်ပြတ်ပြီး မြောက်ကြွမြောက်ကြွအကြွားသန်တဲ့သူလို့ မြင်တတ်ကြတယ်။ လူတွေက စကားလုံးတွေရဲ့ သရုပ်ဖော်မှုကိုမတူညီတဲ့ အမြင်တွေနဲ့ မြင်ကြတယ်။ ကားလို့ပြောလိုက်ရင် တစ်ယောက်နဲ့တစ်ယောက်မြင်တဲ့ကားပုံစံ၊ အမှတ်တံဆိပ်၊ အရောင်းမတူသလိုပေါ့။ မတူညီတဲ့လူတွေကို လေ့လာကြည့်တော့စကားလုံးတစ်ခုအပေါ်အာရုံခံစားနိုင်စွမ်း တစ်ယောက်နဲ့ တစ်ယောက်မတူကြတာတွေ့ရတယ်။ လူမှုကွန်ယက် Social Media လို့ပြောလိုက်တဲ့အခါမတူညီတဲ့လူတွေက လုပ်လို့ရတဲ့စွမ်းပကားနဲ့အဓိပ္ပာယ်ဖွင့်ဆိုမှု အမျိုးမျိုးရှိတတ်ကြတယ်။ တချို့တွေက သူငယ်ချင်းတွေနဲ့ ချိပ်ဆက်တဲ့နေရာ။တချို့တွေက စီးပွားရှာလို့ရတဲ့နေရာ။တချို့တွေက ဝါဒဖြန့်လို့ရတဲ့နေရာ။ တချို့တွေက ဒေဒါတွေစုဆောင်းလို့ရတဲ့နေရာ။တချို့တွေက အိုင်ဒီယာတွေအလုပ်ဖြစ်မဖြစ်အမြန်ဆုံး စမ်းသပ်လို့ရတဲ့နေရာ။ လူတွေရဲ့ အမြင်တွေက ကိုယ့်ခေါင်းတည်းထည့်ထားတဲ့အတွေးအခေါ်အပေါ်မူတည်ပြီး မတူကြဘူး။ ဗုဒ္ဓရဲ့ အဆုံးအမအရ ဘဝဆိုတာဒုက္ခတဲ့။ တချို့က ဘဝမှာ ပြဿနာတွေတော့ရှောင်လွဲလို့မရဘူး။ဒုက္ခက ရှောင်လွဲလို့ရတယ်တဲ့။ ဒုက္ခကိုရှောင်လွဲလို့ရတယ်ဆိုတဲ့သူကိုလဲ အယူမှားလို့ ဒိဌိတဲ့။ လူတွေ မြင်တဲ့အမြင်မတူကြဘူး။ လူအများ အမြင်တူစေချင်ရင်တော့ မြောက်ကိုးရီးယားလို ခေါင်းထဲရောက်သွားစေနိုင်တဲ့ မီဒီယာတွေကို ထိန်းချုပ်နိုင်မှပဲရချင်ရမယ်။

သင်္ကြန်လက်ဆောင်အနေနဲ့ ဒီနေ့ရေးထားတာလေးတစ်ခုကို အားတီ၊ အားမေတို့အတွက်မျှဝေပေးသွားပါမယ်။ ဘဝပြောင်းလဲစေသည့် Tony Robbins ၏အတွေးအခေါ်များ ၁၅ ခု ၁။ Raise Your Standardကိုယ့်စံနှုန်းကိုယ်မြင့်ပါ။ လူတိုင်းမှာ ကိုယ့်ကိုကိုယ် သတ်မှတ်ထားတဲ့ စံနှုန်းတွေရှိတယ်။ တချို့လူတွေဆိုအမြဲ ငွေပျက်နေတယ်။ တချို့လူတွေက အဆင့် ၁ အမြဲရနေရမယ်ဆိုတဲ့ စံနှုန်းတွေရှိတယ်။ တချို့ကျတော့ အောင်ရင်ရပြီဆိုတဲ့ စံနှုန်း။ လူတွေ သတ်မှတ်ထားတဲ့ စံနှုန်းတွေ မတူကြဘူး။ မတူတဲ့ စံနှုန်းပေါ်မူတည်ပြီး ဘဝရလဒ်တွေ မတူကြဘူး။ ငွေကြေးအရ သတ်မှတ်ထားတဲ့ စံနှုန်း။ အချစ်ရေးအရ၊ ကျန်းမာရေးအရ သတ်မှတ်ထားတဲ့စံနှုန်းတွေ မြင့်ဖို့လိုတယ်။ ဒီနေ့ကစတင်ပြီး ကိုယ်သတ်မှတ်ထားတဲ့ စံနှုန်းတွေကို မြင့်လိုက်ပါ။ ၂။ Trade Your Expectation with Appreciation မျှော်မှန်းချက်တွေကို ကျေးဇူးတင်စိတ်တွေနဲ့