ကိုယ်ကအရမ်းတော်လို့အောင်မြင်ကြတာထက်ပတ်ဝန်းကျင်နဲ့ လူတွေနဲ့သဟဇာတဖြစ်လို့အောင်မြင်ကြတာမျိုး။အထောက်အပံ့မရှိရင်ကိုယ်ရောင်တောက်ပဖို့မလွယ်ဘူး။ ကိုယ့်ရဲ့အားထုတ်မှုအပြင်ဖြည့်ခဲ့တဲ့ပါရမီ၊ ပတ်ဝန်းကျင်၊လူတွေနဲ့သဟဇာတဖြစ်မှု အရေးပါတယ်။ဘူမိနက်သံဖြစ်ဖို့လဲလိုတယ်။အရာရာ အမှီသဟဲပဲ။ Phyo Paing @ Derek
အထောက်အပံ့မရှိရင်
ကိုယ်ရောင်တောက်ပဖို့မလွယ်ဘူး။ Read More »
လူတစ်ယောက်နဲ့အလုပ်လုပ်မယ်ဆိုဒီလူရဲ့ “အကောင်အထည်ဖော် သေသပ်မှု”Execution Intelligenceဘယ်လောက်ရှိလဲကြည့်တယ်။ ဒါက ဘွဲ့တွေဘယ်နှစ်ခုရထားတာနဲ့မဆိုင်ဘူး။ လိုချင်တာရအောင် ဘယ်လိုလုပ်သွားလဲဒီအချက်ပဲ။ ကျွန်တော်အလုပ်တွေလုပ်နေတာပဲ။ဒါတွေ သိပ်စိတ်မဝင်စားဘူး။လိုချင်တာရသလားဒါကိုအဓိကစိတ်ဝင်စားတယ်။ လုပ်ရပ်နဲ့ ရလဒ်မတူဘူး။ လုပ်ရပ်လုပ်တိုင်း ရလဒ်မရဘူး။ Phyo Paing @ Derek
လုပ်ရပ်လုပ်တိုင်း ရလဒ်မရဘူး။ Read More »
လက်တွေ့ဘဝမှာ အသုံးချလို့ရတဲ့ဗုဒ္ဓအဆုံးအမ ၇ ခု ၁။ အနိစ္စ အခြေအနေ၊ အောင်မြင်မှု၊ နာကျင်မှုအကုန်လုံးကို ဖက်တွယ်မထားနဲ့။အရာရာက ခဏပါပဲ။ဒုက္ခကြုံရင် ဒူပေဒါပေခံ။သုခတွေကြုံရင် အရမ်းတုန်လှုပ်ပြီးမာန်မတက်လိုက်နဲ့။ခဏတာကို တစ်ဘဝစာလို မမြင်လိုက်နဲ့။ ၂။ အနတ္တ လွန်ခဲ့တဲ့ နှစ်နှစ်ဆယ်က “ကိုယ်”နဲ့အခုနဲ့ မတူတော့ဘူး။နောက် ဆယ်နှစ်၊ နှစ်နှစ်ဆယ်မှာလဲမတူတော့ဘူး။ငါ့သား၊ ငါ့သမီး၊ ငါ့ဝန်ထမ်း၊ ငါ့ဆရာ၊ ငါ့ပရိသတ်၊ငါ့ဖောက်သည်။ငါငါငါဆိုတာ အချိန်နဲ့အမျှပြောင်းနေတယ်။မနေ့က ကိုယ့်ကိုချစ်နေတဲ့သူတွေမနက်ဖြန် ချစ်ချင်မှချစ်တော့မယ်။မုန်းတဲ့သူလဲ ဖြစ်သွားနိုင်တယ်။အနတ္တရဲ့ သဘောတရားကိုလက်ခံပြီးဘဝကို စီးဆင်းသွားဖို့လိုတယ်။ ၃။ ဒုက္ခ အကြောင်းနဲ့ အကျိုး၊အကောင်းနဲ့ အဆိုးကြားမှာဘဝမှာ ဒုက္ခတွေရှိမှာပဲ။လောကဓံရှစ်ပါးလေ။ချမ်းသာကြွယ်ဝခြင်းရှိသလိုဆင်းရဲမွဲတေခြင်းရှိမယ်။အခြံအရံရှိသလိုအခြံအရံမရှိတာလဲရှိမယ်။လူတွေချီးမွမ်းအသိအမှတ်ပြုခံရတာရှိသလိုကဲ့ရဲ့တာလဲ ရှိမယ်။စိတ်ချမ်းသာကိုယ်ချမ်းသာရှိသလိုစိတ်ဆင်းရဲကိုယ်ဆင်းရဲလဲရှိနိုင်တယ်။လောကဓံရှစ်ပါးကိုမတုန်မလှုပ် သွေးမပျက်ပဲရှေ့ဆက်ဖို့ဥပက္ခာတရားလက်ကိုင်ထားဖို့လိုတယ်။ ၄။ ပဋိစ္စသမုပ္ပါဒ် အရာရာ သူ့အလိုလိုဖြစ်မလာဘူး။အကြောင်းကြောင့်အကျိုးဖြစ်လာတယ်။ငွေကြေးအကြောင်းနားမလည်ရင်ငွေကြေးကြောင့် ဒုက္ခရောက်မယ်။လူတွေအကြောင်းနားမလည်ရင်လူတွေကြောင့်ဒုက္ခရောက်မယ်။စီးပွားရေးအကြောင်းနားမလည်စီးပွားရေးကြောင့်ဒုက္ခရောက်မယ်။မားကက်တင်းနားမလည်မားကက်တင်းကြောင့် ဒုက္ခရောက်မယ်။ကိုယ့်ကိုကိုယ် နားမလည်ကိုယ့်ကိုကိုယ်ကြောင့် ဒုက္ခရောက်မယ်။နားမလည်ရင် မှားမယ်။မသိနားမလည်တာကိုအဝိဇ္ဇာ (မသိမှု)လို့ခေါ်တယ်။ သိလို့လုပ်လုပ်၊ မသိလို့လုပ်လုပ်ကံဆိုတာ ဖြစ်တယ်။ဒါကို သင်္ခါရ
လက်တွေ့ဘဝမှာ အသုံးချလို့ရတဲ့
ဗုဒ္ဓအဆုံးအမ ၇ ခု Read More »
ဘဝမှာအရေးအကြီးဆုံးကကိုယ့်ဘဝကိုယ်ကျေနပ်ဖို့။ ဒီနေ့ခေတ်လူတွေကစိတ််မထားတတ်ရင်ကျေနပ်တာတွေနည်းလာမယ်။ အဘိုး၊ အဖေခေတ်ကလူမှုကွန်ယက်မရှိတော့ကိုယ်နဲ့အနီးတစ်ဝိုက်ကလူတွေအကြောင်းပဲသိတယ်။ ဒီနေ့ခေတ် လူမှုကွန်ယက်ခေတ်မှာနေရာစုံကလူတွေအကြောင်းသိတယ်။ လူတွေရဲ့ဦးနှောက်ရဲ့အလိုအလျောက်လုပ်ဆောင်မှုမရ နှိုင်းယှဥ်တတ်ကြတယ်။ တချို့က နှိုင်းယှဥ်ကြည့်ပြီးငါဘာတွေ ထပ်လုပ်လို့ရသေးလဲသိလာတယ်။တက်ကြွလာတယ်။ တချို့က နှိုင်းယှဥ်ကြည့်ပြီးငါ့ဘဝက ဘာမှလဲစိတ်ဝင်စားစရာမကောင်းဘူး။အမြဲနောက်ကျနေတယ်လို့ခံစားရတယ်။စိတ်ဓာတ်ကျလာတယ်။ အဓိကအချက်ကတော့အခြေအနေတစ်ခုကိုကိုယ်ဘယ်လို အဓိပ္ပာယ်ဖွင့်ဆိုသလဲ၊ဘယ်လိုအသုံးချသလဲကဘဝအတွက် အင်မတန်အရေးကြီးတယ်။ Phyo Paing @ Derek
ဘဝမှာအရေးအကြီးဆုံးက
ကိုယ့်ဘဝကိုယ်ကျေနပ်ဖို့။ Read More »
စွမ်းဆောင်ရည်မြင့်ချင်ရင်သမာဓိလိုတယ်။စိတ်အေးချမ်းချင်ရင်သမာဓိလိုတယ်။ သမာဓိဆိုတာ တည်ငြိမ်ပြီးတစ်ခုတည်းကို အာရုံစိုက်နိုင်ခြင်းပါ။ ဒီနေ့ခေတ် ပြောနေကြတဲ့deep work ဆိုတာလုပ်ဖို့အဖြေက သမာဓိပါပဲ။ အလုပ်တစ်ခုကိုနှစ်နာရီ၊ သုံးနာရီလောက်အာရုံမစူးစိုက်နိုင်ပဲစွမ်းဆောင်ရည်မြင့်ဖို့ခက်ပါတယ်။ ကိုယ့်လုပ်ငန်း၊ကိုယ့်ဘဝအတွက်အာရုံစူးစိုက်မှု သမာဓိမရှိရင်လေတိုက်ရာလွင့်နေမိမှာပဲ။ သမာဓိ (concentration) ကောင်းဖို့သတိ (mindfulness) နဲ့စတင်တယ်။ဒီလိုလုပ်ဖို့ အားထုတ်မှု (effort) လိုတယ်။ဒါကို ဗုဒ္ဓကသမ္မာဝါယာမ (မှန်ကန်တဲ့အားထုတ်မှု)သမ္မာသတိ (မှန်ကန်တဲ့သတိ)သမ္မာသမာဓိ (မှန်ကန်တဲ့သမာဓိ) လို့ဟောကြားခဲ့တယ်။ ဒီလို သမာဓိရှိဖို့ကိုယ့်အတွက်အကျိုးမရှိတဲ့ဟိုလူ့အပြစ်တင် ဒီလူ့အပြစ်တင်လုပ်နေခြင်းက အတားအဆီးတစ်ခုပဲ။သူတပါးအသက်သတ်၊ ခိုးဝှက်၊မကောင်းမှုလုပ်နေတဲ့သူကလဲသမ္မာဓိရှိဖို့မလွယ်ဘူး။အလားတူပဲ လူတွေကိုဒုက္ခပေးတဲ့အလုပ်နဲ့အသက်မွေးမှုပြုနေရင်လဲသမာဓိရှိဖို့မလွယ်ဘူး။ဘဝကိုသမ္မာဝါစာ (မှန်ကန်သောစကား)သမ္မာကမ္မန္တ (မှန်ကန်သောအလုပ်)သမ္မာအာဇီဝ (မှန်ကန်သောအသက်မွေးမှု)နဲ့တည်ဆောက်ဖို့ဗုဒ္ဓက ဟောကြားခဲ့ပါတယ်။ သမာဓိရှိမှအမှန်အမှားကို ကွက်ကွက်ကွင်းကွင်းမြင်လာမယ်။မှန်ကန်တဲ့ အတွေးအခေါ်၊အကြံအစည်ကို လုပ်ဆောင်နိုင်မယ်။ ဒါကိုသမ္မာဒိဋ္ဌိ (မှန်ကန်သောအယူအမြင်)သမ္မာသင်္ကပ္ပ (မှန်ကန်သောကြံစည်မှု) လို့ဗုဒ္ဓက မဂ္ဂင်ရှစ်ပါးမှာ ဟောကြားခဲ့တယ်။ Phyo Paing @ Derek
သမာဓိဆိုတာ တည်ငြိမ်ပြီး
တစ်ခုတည်းကို အာရုံစိုက်နိုင်ခြင်းပါ။ Read More »
တချို့သူတွေအတွက်ပြန်မသွားချင်ဆုံးအရပ်ကတော့အတိတ်ပဲ။သတိရလားဆို ရတယ်။ဘယ်တော့မှတော့ ပြန်မသွားချင်ဘူး။နေ့ရက်တိုင်းကိုလဲ အကောင်းဆုံးအသုံးချခဲ့တယ်။အနာဂတ်က ပိုကောင်းမယ်လို့အမြဲယုံကြည်ထားတယ်။မသေခင်ထိပေါ့။အဲ့နောက်မှာဘာရှိလဲကိုယ်လဲမမြင်နိုင်ဘူး။ဒီနေ့ကို အကောင်းဆုံးအသုံးချဖို့လိုတယ်။ Phyo Paing @ Derek
ဒီနေ့ကို အကောင်းဆုံး
အသုံးချဖို့လိုတယ်။ Read More »
တန်ရဲ့လား။ အသက်ကြီးလာလို့လားမသိဘူးနောက်ပိုင်း တစ်ခုခုဆိုတန်ရဲ့လားစဥ်းစားမိတယ်။ တစ်ခုခုကို အာရုံစိုက်တော့မယ်။ငါအာရုံစိုက်ရမှာနဲ့ တန်ရဲ့လား။ စိတ်ကသိကအောင့်ဖြစ်တော့မယ်။ငါဒီလိုခံစားရမှာနဲ့ တန်ရဲ့လား။ တစ်ခုခုကို ခေါင်းစားရတော့မယ်။ငါ ခေါင်းစားဖို့တန်ရဲ့လား။ အလုပ်အသစ်အခွင့်အလမ်းတွေလာပြောတယ်။ငါပေးရမည့် ငွေ၊ အချိန်၊ အာရုံနဲ့ပြန်ရမှာနဲ့ တန်ရဲ့လား။ ဒီတန်ရဲ့လားနဲ့ တွက်ချက်တတ်လာတော့ဘဝက ပိုပြီး အေးဆေးလာတယ်။ အရေးမပါတာကို အရာမပေးဖြစ်တော့ဘူး။ Phyo Paing @ Derek
အရေးမပါတာကို အရာမပေးဖြစ်တော့ဘူး။ Read More »
အလုပ်လုပ်တိုင်း မတိုးတက်ဘူး။အလုပ်လုပ်တတ်မှ တိုးတက်တာ။ Phyo Paing @ Derek
အလုပ်လုပ်တိုင်း မတိုးတက်ဘူး။ Read More »
တခြားသူတွေကို တိုးတက်အောင်ကူညီပေးရင်းကိုယ်ကလဲ တိုးတက်နေဖို့လိုတယ်။ကိုယ်တိုင်က အသုံးဝင်နေဖို့တိုးတက်နေဖို့လိုတယ်။ Phyo Paing @ Derek
ကိုယ်တိုင်က အသုံးဝင်နေဖို့
တိုးတက်နေဖို့လိုတယ်။ Read More »
ကိုယ်မစဥ်းစားပဲမနေနိုင်အရာကိုအလုပ်အဖြစ်ပြောင်း။ကိုယ်ကမ္ဘာကို အခါ ၂၀ ပတ်ပြီးရင်တောင်ဆက်လုပ်နေမည့်အလုပ်တွေကိုလုပ်။ကိုယ်ငွေဘယ်လောက်ရှိရှိဆက်လုပ်နေမည့်အလုပ်တွေကိုလုပ်။ ဘဝဆိုတာ တိုတိုလေးပဲ။အသက်ရှင်ပြီး အသက်ဝင်ဖို့ကိုယ့်အသက်မွေးမှုအလုပ်ကိုသေချာရွေးချယ်ဖို့လိုတယ်။ ဒီလိုရွေးချယ်နိုင်ဖို့အခြေခံအုတ်မြစ်ခိုင်မာအောင်အချိန်တစ်ခုပေး တည်ဆောက်ဖို့လိုတယ်။ Phyo Paing @ Derek
အသက်ရှင်ပြီး အသက်ဝင်ဖို့
ကိုယ့်အသက်မွေးမှုအလုပ်ကို
သေချာရွေးချယ်ဖို့လိုတယ်။ Read More »
