Dr. Phyo Paing – Page 31

လူတိုင်းပညာသင်ဖူးတယ်။

Leave a Comment / Learning / Dr. Phyo Paing

လူတိုင်း သင်ယူခြင်းကို အကောင်းဆုံးပြုလုပ်ခြင်းlearning how to learn ကို မလေ့လာဖူးဘူး။ စာဖတ်တတ်တဲ့သူတိုင်း စာဖတ်ဖူးတယ်။ လူတိုင်းစာဖတ်မြန်နည်း speed-reading ကို မလေ့လာဖူးဘူး။ လူတိုင်းသိလိုက်သည်ဖြစ်စေမသိလိုက်သည်ဖြစ်စေတွေးတယ်။ ဒါပေမယ့် စနစ်တကျဘယ်လိုတွေးရမလဲthinking skill ကို သင်ကြားဖူးတဲ့သူမများဘူး။ လူတိုင်းစကားပြော၊ စာရေး၊ လူရှေ့စကားပြောဆက်သွယ်ပြောဆိုနေကြတယ်။ ဒါပေမယ့် လူတိုင်း အကောင်းဆုံးဘယ်လိုဆက်သွယ်ရမလဲမလေ့လာဖူးကြဘူး။ လူတိုင်းအချိန်ကို အသုံးပြုကြတယ်။ လူတိုင်းအချိန်ကို အကောင်းဆုံးဘယ်လိုအသုံးပြုရမလဲမလေ့လာဖူးကြဘူး။ လူတိုင်းကိုယ့်ရဲ့စိတ်နဲ့ကိုယ်ကိုထိန်းကျောင်းရတယ်။လူတိုင်း ကိုယ့်ရဲ့ ကိုယ်ရည်ကိုယ်သွေး၊စိတ်အခြေအနေကိုပြန်လည်မလေ့လာဖြစ်ဘူး။ လူတိုင်းစားကြတယ်။ အစားအသောက်ကို ကိုယ့်အတွက်ဖြစ်အောင်အာဟာရဖြစ်အောင်မလေ့လာဖူးကြဘူး။ ကိုယ်နားမလည်တဲ့အရာတစ်ခုကပဲကိုယ့်ကို ဒုက္ခပေးတာ။မကြာသင့်ပဲအချိန်တွေကြာနေစေတာ။ နည်းနည်းလုပ် များများရဖို့သင်ယူလေ့လာမှုပြုကြတယ်။ စစ်မှန်တဲ့ သင်ယူလေ့လာမှုမပြုရင်များများလုပ်ပြီး နည်းနည်းပဲရနေမှာ။ Phyo Paing @ Derek

လူတိုင်းပညာသင်ဖူးတယ်။ Read More »

တချို့သူတွေအတွက် အရေးအကြီးဆုံးက
“လွတ်လပ်မှု”ပဲ။

Leave a Comment / Freedom / Dr. Phyo Paing

အလုပ်၊ စီးပွား၊ ငွေကြေးရှာဖွေရတဲ့ရည်ရွယ်ချက်အများကြီးထဲမှာ“လွတ်လပ်မှု” ဆိုတဲ့တစ်ခုပါဝင်တယ်။ မလုပ်ချင်တဲ့အလုပ်ကို လုပ်စရာမလိုတာလွတ်လပ်မှုပဲ။ မသွားချင်တဲ့နေရာကို ငွေအတွက်သွားစရာမလိုတာလွတ်လပ်မှုပဲ။ မပြုံးပြချင်တဲ့သူကို ထမင်းစားဖို့အတွက်ပြုံးပြစရာမလိုတာ လွတ်လပ်မှုတစ်ခုပဲ။ မနေချင်တဲ့နေရာမှာ အသက်မွေးမှုအတွက်နေနေစရာမလိုပဲ စိတ်ကြိုက်ရွေးချယ်ခွင့်ရှိတာရွေးချယ်မှုတစ်ခုပဲ။ ပထမလွတ်မြောက်မှုကမလုပ်ချင်တာ မလုပ်ရဖို့။ နောက်တစ်ပိုင်းကတော့လုပ်ချင်တာလုပ်နိုင်ဖို့။ လုပ်ချင်တဲ့အလုပ်ကိုလုပ်နိုင်ဖို့။ သွားချင်တဲ့နေရာ သွားချင်တဲ့အချိန်သွားနိုင်ဖို့။ တွေ့ချင်တဲ့သူတွေနဲ့ တွေ့နိုင်ဖို့။ လွတ်လပ်မှုကို အကြမ်းသုံးမျိုးပိုင်းကြည့်တယ်။၁။ မလုပ်ချင်တာ မလုပ်ရဖို့၂။ လုပ်ချင်တာ လုပ်ရဖို့။၃။ လုပ်ချင်တာ၊ ရချင်တာ တပ်မက်မှုမရှိတော့ဖို့။ ဘဝဆိုတာ တစ်ဆင့်ချင်းလာရတာပဲ။ မလုပ်ချင်တာ မလုပ်ရဖို့၊လုပ်ချင်တာလုပ်ရဖို့၊ တပ်မက်မှုတွေအလွန်သွားဖို့ ကုသိုလ်၊ ဥစ္စာ၊ ပညာ တစ်ခုခုတော့လုံလောက်မှုလိုတယ်။ Phyo Paing @ Derek

တချို့သူတွေအတွက် အရေးအကြီးဆုံးက
“လွတ်လပ်မှု”ပဲ။ Read More »

လောကကြီးက ကိုယ်ယူတာထက်
ပိုပေး။
ကျေးဇူးတင်စိတ်နဲ့နေ။

Leave a Comment / Mindset / Dr. Phyo Paing

ဘဝရဲ့အသက် ၃၀ လောက်ထိကအကောင်းဆုံးသူ့အလိုလိုဖြစ်လာတာဆိုတာမရှိသလောက်ပဲ။ ၃၀ နောက်ပိုင်းမှာ တစ်နှစ်တစ်ခါကိုsurprise တိုက်တာမျိုးဖြစ်လာတယ်။မထင်မှတ်ထားတဲ့ ကြိုတင်မစီမံထားတဲ့လောကကြီးကပေးတဲ့လက်ဆောင်တွေတစ်ခုမဟုတ်တစ်ခု ရောက်လာတတ်တယ်။ ကိုယ်ဖက်က ယူဖို့ပဲမစဉ်းစားပဲပြန်ပေးဖို့ကို အသားပေးလုပ်ဆောင်ကြည့်တဲ့အခါတော်တော်လေးအပြောင်းအလဲဖြစ်လာတယ်။ စိတ်ထားကောင်းကောင်းထား။ မှန်မှန်ထား။လောကကြီးက ကိုယ်ယူတာထက်ပိုပေး။ ကျေးဇူးတင်စိတ်နဲ့နေ။ ကိုယ့်ကိုလုပ်တာ မကြိုက်တာကိုတပါးသူကိုမလုပ်နဲ့။ ကိုယ့်မှာပိုနေပြီး မပန်းမကြီးတာတွေကိုလိုအပ်နေသူတွေကို မျှဝေပေး။ အတိုကောက်ကတော့ “ကယ”ပေါ့။ က – ကျေးဇူးတင်စိတ်နဲ့နေယ – ယူတာထက်ပိုပေး။ ကိုယ့်ကိုမွေးဖွားခဲ့တဲ့မိဘကိုယ်က ယူတာထက်ပိုပေး။ ကိုယ်မွေးဖွားခဲ့တဲ့နေရာအတွက်ယူတာထက် ပိုပေး။ နေ့စဉ်နေထိုင်ရတာလိပ်ပြာလဲလုံတယ်။ Phyo Paing @ Derek

လောကကြီးက ကိုယ်ယူတာထက်
ပိုပေး။
ကျေးဇူးတင်စိတ်နဲ့နေ။ Read More »

လူတိုင်းအတွက် အချစ်လိုတတ်တယ်။

Leave a Comment / Life, Love, Relationship / Dr. Phyo Paing

Relationship တစ်ခုကစိတ်ဒဏ်ရာတွေကုသတဲ့နေရာတစ်ခုဖြစ်နိုင်တယ်။ နေ့စဉ်ဘဝရဲ့ရုန်ကန်မှုတွေမှာလူတိုင်းအတွက် တစ်ချိန်မဟုတ်တစ်ချိန်ဒဏ်ရာတွေရှိတတ်ကြတယ်။ လောကမှာ လူတွေနဲ့ဝင်ဆန့်ဖို့သရုပ်ဆောင်ရတဲ့အချိန်တွေရှိတယ်။ တခါတလေ အရာရာကိုသရုပ်မဆောင်ပဲအရှိကို အရှိအတိုင်းချပြလို့ရတဲ့ relationship တွေရှိလာတဲ့အခါဒဏ်ရာတွေတောင် အမာရွက်မကျန်ပျောက်ကုန်တတ်တယ်။ ငါ့ရဲ့ဖြစ်တည်မှုအရှိကို အရှိအတိုင်းလက်ခံနိုင်ပါလားဆိုတဲ့အတွေးကလူတစ်ယောက်ကိုခွန်အားတွေအကြီးကြီးပေးတယ်။ နေ့စဉ်ဘဝရဲ့တိုက်ပွဲအပြင်အိမ်တွင်းတိုက်ပွဲတွေပါဆင်နွဲနေရတဲ့သူတွေရှိတတ်တယ်။ အပြင်မှာသရုပ်ဆောင်ရတဲ့အပြင်၊အိမ်မှာပါ အမြဲသရုပ်ဆောင်၊အမှန်အတိုင်းမဖော်ပြနိုင်၊ဖော်ပြတဲ့အခါတိုင်း ပြဿနာတက်၊ကြာလာတော့မွန်းကြပ်လာတတ်တယ်။ကိုယ့်ကိုကိုယ် သနားလာတတ်တယ်။စဉ်းစားရင်းမျက်ရည်ကျလာတတ်တယ်။ ဘဝမှာ လူနဲ့ပတ်သက်တဲ့ရွေးချယ်မှုတွေကအတိုင်းထက်အလွန်အရေးကြီးတယ်။ တချို့ရွေးချယ်မှုတွေကတချို့နေရာတွေမှာနှစ်ခါပြုလုပ်ဖို့ လက်မခံနိုင်ဘူး။ အမှန်တော့ ဘဝတစ်ခုတည်ဆောက်တဲ့အခါrelationship ကလဲcofounder လိုပဲ။ရှေ့သွားနောက်လိုက်ညီရင်ဘဝက စိုပြေနေမယ်။ လူတိုင်းမှာ အရှိကိုအရှိအတိုင်းချပြုလို့ရတဲ့နေရာတစ်ခုလိုတယ်။ တချို့အတွက် မိဘတွေကိုချပြလို့ရတယ်။တချို့က ချစ်သူရည်းစားလင်မယား။တချို့က ကိုယ်နဲ့အယုံကြည်ရဆုံးလူတွေ။တချို့ကျတော့ ဘုရားကျောင်းမှာဘုရားသခင်ကိုချပြလို့ရတယ်။ ကိုယ့်ရဲ့ဖြစ်တည်မှုအတိုင်းလက်ခံချစ်ပေးနိုင်တာအချစ်လို့ထင်တာပဲ။လူတိုင်းအတွက် အချစ်လိုတတ်တယ်။ Phyo Paing @ Derek

လူတိုင်းအတွက် အချစ်လိုတတ်တယ်။ Read More »

သတိနဲ့နေတတ်မယ်ဆို

Leave a Comment / Life, Progress / Dr. Phyo Paing

သတိနဲ့နေတတ်မယ်ဆိုအတွေ့အကြုံများလာလေအမြင်တွေပြောင်းလာတတ်လေ။ လူတွေနဲ့ ပတ်သက်တဲ့အမြင်၊ငွေကြေးနဲ့ ပတ်သက်တဲ့အမြင်၊စီးပွါးနဲ့ ပတ်သက်တဲ့အမြင်။ အခြေအနေပေါ်မူတည်ပြီးအမြင်တွေပြောင်းတတ်လာတာဟာကောင်းတဲ့အချက်တစ်ချက်ဖြစ်တယ်။ အခြေအနေပေါ်မူတည်ပြီးကိုယ့်အရင် အမြင်အတိုင်းဆွဲကိုင်ထားတာကလူတွေကို ဒုက္ခအကြီးအကျယ်ပေးတတ်တယ်။ ဥပမာ လီကွမ်းယူဆိုသူအသက်ရှင်နေသမျှ စလုံးမှာကာဆီနိုဖွင့်လို့မရစေရဘူးလို့ကြွေးကြော်တယ်။နောက်ပိုင်း သူ့ဝန်ကြီးတွေရဲ့အကြံဥာဏ်နဲ့နှစ်ပေါင်းများစွာသုံးသပ်ချက်ပေါ်မူတည်ပြီးကာဆီနိုဖွင့်ခွင့်ပြုတယ်။နိုင်ငံခြားသားတွေ ဝင်ခွင့်အတွက်အခမဲ့။သူ့နိုင်ငံသားတွေ မစွဲလန်းအောင်ဝင်ခွင့်သတ်မှတ်တယ်။ အခြေအနေပေါ်မူတည်ပြီးအမြင်ကိုပြောင်းသွားတယ်။ ဘဝဆိုတာ မွေးကတည်းကအကုန်သိနေတာမှမဟုတ်တာ။သတ်မှတ်အချိန်မှာရှိနေတဲ့အသိဥာဏ်နဲ့အကောင်းဆုံးထင်တာဆုံးဖြတ်ချက်ချခဲ့တာပဲမဟုတ်လား။ တချို့သူတွေက လိုအပ်ရင်ကိုယ့်အထင်အမြင်ကို ပြောင်းပြီးပိုကောင်းတဲ့ရလဒ်အတွက်တည်ဆောက်တယ်။တချို့က အမြင်ကိုမပြောင်းနိုင်ဘူး။ လုပ်နေကျပုံစံဆက်လုပ်နေပြီးမတူတဲ့ရလဒ်ကို မျှော်လင့်နေတာရူးသွပ်မှုပဲလို့ အိုင်စတိုင်ကဆိုခဲ့တယ်။ လိုအပ်ရင် အမြင်တွေပြောင်းနိုင်ဖို့လိုတယ်။အခြေအနေပေါ်မူတည်ပြီးအမြင်တွေကို update လုပ်နိုင်တာBaye’s Rule လို့လဲခေါ်တယ်။ Phyo Paing @ Derek

သတိနဲ့နေတတ်မယ်ဆို Read More »

ကလေးဘဝရဲ့ဖြတ်သန်းမှုက
လူတွေရဲ့ဘဝမှာ အရေးကြီးတဲ့
အစိတ်အပိုင်းထဲပါဝင်တယ်။

Leave a Comment / Life, Self-Awareness / Dr. Phyo Paing

လူတွေကြားထဲဘယ်လိုပြုမူနေထိုင်ပြောဆိုရမယ်ဆိုတဲ့လူမှုဆက်ဆံရေးက ငယ်ကတည်းကသေချာမသင်ပေးခဲ့ရင်အသက်ကြီးတဲ့အခါလူတွေကြားထဲ လူတောမတိုးဖြစ်တတ်တယ်။ တချို့သူတွေကလူတွေကြားထဲ လူတောတိုးဖို့စိုးရိမ်စိတ်နဲ့ရှင်သန်တတ်တာမျိုးတွေ့ဖူးကြလိမ့်မယ်။ လူတွေနဲ့ အံဝင်ဂွင်ကျဖြစ်ဖို့တော်တော်ကြိုးစားလဲအဆင်မပြေနိုင်တာမျိုးရုန်းကန်မှုတွေကို တွေ့ရနိုင်တယ်။ ကလေးဘဝရဲ့ဖြတ်သန်းမှုကလူတွေရဲ့ဘဝမှာ အရေးကြီးတဲ့အစိတ်အပိုင်းထဲပါဝင်တယ်။ ဘာသာစကားသေချာသင်ပေးခဲ့တာ၊ပေါင်းသင်းဆက်ဆံရေးသေချာသင်ပေးတာ၊လူမှုအဖွဲ့အစည်းအပေါ်မှန်ကန်တဲ့အမြင်ရှိဖို့သင်ပေးနိုင်တာ၊ဒါတွေက အရေးကြီးတဲ့အရာတွေပဲ။ တကယ်က ငယ်ငယ်ကသေချာပြုစုပျိုးထောင်မှုမရှိခဲ့ရင်ကိုယ့်ကိုကိုယ် အသိစိတ် self-awareness ရှိရင်လဲပြန်လည်ပြုပြင်ဖို့ အားထုတ်လို့ရတယ်။ အရေးကြီးတာ ပြင်ချင်ဖို့လိုတယ်။ Phyo Paing @ Derek

ကလေးဘဝရဲ့ဖြတ်သန်းမှုက
လူတွေရဲ့ဘဝမှာ အရေးကြီးတဲ့
အစိတ်အပိုင်းထဲပါဝင်တယ်။ Read More »

ကိုယ့်ကိုကိုယ် အလွန်အကျွံအပြစ်မတင်ပါနဲ့။

Leave a Comment / Life, Motivation / Dr. Phyo Paing

ကိုယ့်ကိုကိုယ်အလွန်အကျွံအပြစ်မတင်ပါနဲ့။ ကျွန်တော်တို့ ယဥ်ကျေးမှုမှာလူတချို့က ကိုယ့်ကိုကိုယ်လိုတာထက် အပြစ်တင်တာနဲ့ကြီးပြင်းလာတတ်ကြတယ်။ အသက်ကြီးတဲ့ထိ ဒီစိတ်ခံစားမှုကြီးကမပျောက်သွားတာမျိုးဖြစ်တတ်တယ်။ အထူးသဖြင့် မိသားစုမှာideal အကောင်းဆုံးအခြေအနေနဲ့သွေဖယ်သွားတိုင်း၊လုပ်သင့်တာကို မလုပ်ခဲ့လိုက်ရတိုင်း၊မလုပ်သင့်တာကို လုပ်ခဲ့မိလိုက်တိုင်းနောင်တရ၊ အပြစ်တင်တတ်တဲ့မိသားစုက ကြီးလာတဲ့အခါguilt ကိုယ့်ကိုကိုယ်အပြစ်တင်စိတ်ကအော်တို ဘဝမှာရှိနေတာမျိုးဖြစ်တတ်တယ်။ ကိုယ့်ကိုကိုယ် ဂုဏ်မယူတဲ့အပြုအမူကိုလုပ်မိတဲ့အခါတိုင်း၊ကိုယ်မပြောသင့်တဲ့စကားကိုပြောမိတဲ့အခါဖြစ်တတ်တယ်။ တခါတလေ ကြီးကြီးကျယ်ကျယ်မဟုတ်သေးသေးမွှားမွှားလေးတောင်မှကိုယ့်ကိုကိုယ် အပြစ်တင်တတ်တဲ့စိတ်ကဗိုင်းရစ်လိုစွဲကပ်နေတာမျိုးလဲဖြစ်တတ်တယ်။ ဟင်းဝယ်တယ် လိုတာထက်များသွားတယ်။ကိုယ့်ကိုကိုယ် အပြစ်တင်မိတာမျိုး။ကိုယ်ဝယ်လိုက်တဲ့အရာကပုံမှန်ထက်စျေးများနေတယ်ကိုယ့်ကိုကိုယ် အပြစ်တင်မိတာမျိုး။ ပိုဆိုးစေတာက နင်ဒီဘဝဒီလိုဒုက္ခကြုံတယ်ဆိုတာအရင်ဘဝက ဘာတွေလုပ်ထားမှန်းမှမသိတာဒီလို ဘဝအဓိပ္ပာယ်ဖွင့်ဆိုမှုတွေကလဲguilt ကိုယ့်ကိုကိုယ်အပြစ်တင်စိတ်ကိုတိုးပွားစေတယ်။ ငါတလွဲလုပ်လိုက်မိတယ်။ပြင်တော့ပြင်ရမယ်။ဒါက guilt.ငါကတော့ အမြဲတလွဲလုပ်တဲ့ကောင်းပဲဒါက self-blame. လူတွေသတ်မှတ်ထားတဲ့စံနှုန်းထဲဝင်ဆန့်ဖို့အမြဲကိုယ့်ကိုကိုယ် မှားတယ်ထင်ပြီးguilt ဖြစ်တာဖြစ်ဖြစ်၊self-blame လုပ်တာဖြစ်ဖြစ်ဒါတွေက အလွန်အကျွံလုပ်ရင်မကောင်းဘူး။ ဒါကြောင့် ကိုယ့်ကိုကိုယ်ပြန်ပြောပါ။“ငါ့ logic နဲ့ ငါအဲ့အချိန်ကအသိဥာဏ်နဲ့၊ ခံစားချက်နဲ့၊အခြေအနေနဲ့ အကောင်းဆုံးလုပ်ခဲ့တာပဲ။” ကိုယ့်ကိုကိုယ် အလွန်အကျွံအပြစ်မတင်ပါနဲ့။ဘဝကို နေပျော်ချင်ရင်“အရာရာပိုကောင်းဖို့ဖြစ်လာတာပါလို့နှလုံးသွင်းကြည့်ပါ။” Phyo Paing @ Derek

ကိုယ့်ကိုကိုယ် အလွန်အကျွံအပြစ်မတင်ပါနဲ့။ Read More »

ကိုယ်အသက်ရှင်နေတဲ့
အဓိပ္ပာယ်က ဘာလဲ။

Leave a Comment / Career, Life / Dr. Phyo Paing

လူတွေကြားထဲအထီးကျန်နေတာမျိုး၊အချိန်ရှိပြီး ဘာလုပ်ရမှန်းမသိတာမျိုး၊ဘဝမှာ ရည်ရွယ်ချက်မရှိဘာကြောင့်ရှင်သန်နေလဲ အဖြေမရှိတာမျိုး၊သေမထူး၊ နေမထူး နေ့စဥ်ဘဝက ဒီလိုပါပဲနဲ့ဖြတ်သန်းနေရတာမျိုး။ကိုယ့်ဘဝကိုယ်စဥ်းစားပြီးဝမ်းနည်းမှုတွေနဲ့ ခံစားချက်တွေကိုထုတ်ပြောဖို့ လူမရှိတဲ့ခံစားချက်မျိုး။ ဒါမျိုး ကိုယ်နဲ့ ကိုယ်ကော်နက်ရှင်မမိတာမျိုး လူတော်တော်များများဘဝမှာတစ်ခါမဟုတ် တစ်ခါကြုံဖူးကြလိမ့်မယ်။ အသက်ရှင်ပြီး အသက်မဝင်နေတာမျိုးပေါ့။ ဒီပြဿနာကိုဖြေရှင်းဖို့ spirituality ဆိုတာဖြစ်လာတယ်။ဘဝကို အဓိပ္ပာယ်တစ်ခုပေးဖို့ပေါ့။ ဒီအဓိပ္ပာယ်ပေးတဲ့အခါ ယုတ္တိကျတဲ့ logic လိုတယ်။ဒီတော့ philosophy နောက်ကလိုက်လာတယ်။ spirituality ဆိုတာ အလေ့အကျင့်။philosophy ကတော့ အတွေးအခေါ်။ အချစ်ဆိုတာ spirituality experience တစ်ခုပဲ။အလုပ်ဆိုတာလဲ စိတ်ထားတတ်ရင်spiritual experience တစ်ခုဖြစ်နိုင်တယ်။ဘာသာတရား religion ကနေလဲ spirituality experience ရကြတယ်။ Religion ဘာသာတရားအများစုမှာဒီ spirituality နဲ့ philosophy ပေါင်းထားတယ်။ ဥပမာ ဗုဒ္ဓဘာသာဆိုပါတော့။ ဘဝဆိုတာဒုက္ခ။ဒုက္ခဆိုတာလိုချင်တပ်မက်မှုတဏှာကလာတယ်။ချုပ်ငြိမ်းတဲ့နေရာရှိတယ်။နိဗ္ဗာန်လို့ခေါ်တယ်။ ဒါကို မဂ္ဂင်ရှစ်ပါးနဲ့သွားတယ်။မှန်ကန်တဲ့အမြင်၊ အတွေးရည်ရွယ်ချက်၊

ကိုယ်အသက်ရှင်နေတဲ့
အဓိပ္ပာယ်က ဘာလဲ။ Read More »

ဘဝတစ်ခုလုံးကို
အပြောင်းအလဲဖြစ်စေနိုင်တယ်။

ပျော်ရွင်မှုရဲ့ ၅၀% က
မွေးရာပါတဲ့။

Leave a Comment / Happiness / Dr. Phyo Paing

ပျော်ရွင်မှုရဲ့ ၅၀% က မွေးရာပါတဲ့။ စိတ်ညစ်တတ်တဲ့သူက စိတ်ညစ်တာပဲ။ပျော်တတ်တဲ့သူက ပျော်တာပဲ။ အဆွေးဓာတ်ခံကလဲဆွေးနေတတ်တာပဲ။ ပျော်ရွင်မှုရဲ့ ၄၀% က တကူးအကလုပ်တဲ့အလုပ်တွေကြောင့်တဲ့။ ကျေးဇူးတင်တတ်တဲ့စိတ်ထားတာ၊Reframing လို့ခေါ်တဲ့အဓိပ္ပာယ်ပြောင်းစဥ်းစားတာ၊ကိုယ်တန်ဖိုးထားတဲ့အလုပ်တွေလုပ်တာ၊ဘာသာတရားနဲ့ spiritual လေ့ကျင့်တာ၊ သူငယ်ချင်း၊ သမီးရည်းစားရေရှည်ဆက်ဆံရေး relationships တည်ဆောက်တာ။ ကျန်တဲ့ ၁၀% ကတော့ပြင်ပ အခြေအနေကြောင့်တဲ့။ ငွေ၊ ဂုဏ်ရှိန်၊ ကျန်းမာရေး၊ လူမှုအဆင့်အတန်း၊ အိမ်ထောင်ရေး။ ဒါက Sonja Lyubomirsky’s Happiness Pie (2005) ကနေပြီးBrickman & Campbell’s Set Point Theory ပေါ်အခြေခံပျော်ရွင်ခြင်းအကြောင်း သုတေသနလုပ်ထားတာ။ ဒါကြောင့် ထီပေါက်လို့ပျော်ပြီးရင်ပုံမှန်အခြေအနေပြန်ရောက်တာမျိုး၊ရည်စားစထားတဲ့အခါ အရမ်းပျော်ပြီးအချိန်ကြာလာတော့ပုံမှန်ပျော်ရွင်မှုအခြေအနေပြန်ရောက်တာမျိုး။ဒါမျိုးက happiness set point ကြောင့်။ ၅၀% က ရွေးချယ်လို့မရဘူး။ ၁၀% က

ပျော်ရွင်မှုရဲ့ ၅၀% က
မွေးရာပါတဲ့။ Read More »