ဘဝကို အပြောင်းအလဲဖြစ်စေခဲ့တဲ့အရာက“အလုပ်”
ဘဝကို အပြောင်းအလဲဖြစ်စေခဲ့တဲ့အရာက“အလုပ်” ဆိုတော့အလုပ်မလုပ်ဘဲနေရင်ကိုတစ်ခုခု စိုးရိမ်သလို ဖြစ်တတ်တယ်။ ဒီစိတ်ကို တဖြည်းဖြည်းဖျောက်ဖို့ကြိုးစားလာတာအခုတော့ တော်တော်လေးနေတတ်လာပြီ။ နောက်တစ်ခုက အရမ်းအောင်မြင်မှာစိုးရိမ်တဲ့စိတ်။နာမည်အရမ်းကြီးသွားမှာ၊အရမ်းချမ်းသာ၊ အောင်မြင်သွားမှာစိုးရိမ်တယ်။ဒီစိတ်က ထူးတော့ထူးဆန်းတယ်။ ဒီစိတ်ကမရှိထားတဲ့အရာတွေ မရလိုက်တာထက်ရှိပြီးသားအရာတွေဆုံးရှုံးသွားတာကပိုဆိုးတယ်လို့တွေးတဲ့စိတ်ကြောင့်ဖြစ်တယ်ဆိုတာသတိထားမိလာတယ်။ အထူးသဖြင့် ကိုယ်ထူကိုယ်ထဘဝကို ဖြတ်သန်းလာတဲ့အခါအနောက်ကို ကြည့်ရင်ဘာမှမရှိတဲ့သူတွေမှာဒီစိတ်ပိုဖြစ်တတ်တယ်။ အမြဲတမ်း အိုစာမင်းစာကိုကြိုစဉ်းစား backup plan လုပ်ရတဲ့အခါမွေးကတည်းက မိဘတွေထောက်ပံ့မှုအပြည့်အဝရတဲ့သူတွေနဲ့လောကကို ကြည့်တဲ့ပုံစံမတူတတ်ကြဘူး။ ဥပမာ အိမ်က ပြည့်စုံပြီးကိုယ့်ကိုအထင်ကြီးမှုနဲ့ကြီးပြင်းလာတဲ့ လူတစ်ချို့ကလုပ်မယ်ဆို လုပ်မယ်။အားကုန်ထည့် ဝုန်းနိုင်တယ်။All-in လုပ်နိုင်တယ်။ကိုယ်ထူကိုယ်ထသူကကျတော့ဒါမအောင်မြင်တဲ့အခါဘယ်လိုပြန်ရှေ့ဆက်မလဲစဉ်းစားတဲ့အခါအားကုန်ထည့်ဖို့ထက်ကိုအားကို မတူညီတဲ့အလုပ်တွေမှာထည့်ထားပြီးဥတွေကို ခြင်းထောင်းတစ်ခုတည်းမှာမထည့်တဲ့ပုံစံနဲ့သွားကြတယ်။ ဘယ်သူမှားတယ်၊ မှန်တယ်ဆိုတာထက်ဘဝရဲ့ပေးထားချက်ပေါ်မူတည်ပြီးရှင်သန်မှု မဟာဗျူဟာမတူတာပေါ့။ Phyo Paing @ Derek