Life

အသက်ရှင်ပြီး အသက်ဝင်ဖို့၁။ ပိုက်ဆံအရင်ဝင်ဖို့လိုတယ်။၂။ အဓိပ္ပာယ်ရှိတဲ့အလုပ်နေ့တိုင်းလုပ်နေဖို့လိုတယ်။၃။ ကိုယ့်စိတ်နဲ့ ကိုယ် ကော်နက်ရှင်မိဖို့လိုတယ်။​ Phyo Paing @ Derek

အသက်ကြီးလာတော့ကိုယ်ချစ်တာ၊ မချစ်တာတွေမသိတော့ဘူး။ ကိုယ့်အတွက် အကျိုးရှိတာ၊မရှိတာပဲရှိတော့တယ်။ ထာဝရချစ်သူ၊ထာဝရ ရန်သူလဲမရှိတော့ဘူး။အကျိုးရှိလား၊အကျိုးမရှိဘူးလားပဲစဉ်းစားတော့တယ်။ ဘဝမှာ သစ္စာ၊ မေတ္တာ၊ အနစ်နာနဲ့နေကြည့်ပြီးပြီ။ဘဝရဲ့ အခြေခံလည်ပတ်မှုကအဲ့လိုလည်ပတ်နေတာမဟုတ်ဘူးဆိုတာတဖြည်းဖြည်း သိလာတယ်။ ဒါကြောင့် ဘဝကိုအကျိုးစီးပွါး အခြေပြုပဲစဉ်းစားကြည့်တော့တယ်။ ကိုယ်တိုင်ကလဲ တခြားသူတွေရဲ့အကျိုးစီးပွါးအတွက် အသုံးဝင်ရမယ်။အဲ့လို အသုံးဝင်တဲ့အရာတွေကိုမျှဝေပေးလေလေအသုံးဝင်သွားတဲ့သူတွေက ကျေးဇူးတင်လေလေ။ကိုယ့်အကျိုးစီးပွါးကို ပြန်လည်ဖြည့်ဆည်းပေးတတ်လေလေ။ လောကကြီးတစ်ခုလုံးကအကျိုးစီးပွါးအခြေပြု လည်ပတ်နေတယ်လို့ထင်တာပဲ။ ဒါကလဲ လက်ရှိလောကကိုအဓိပ္ပာယ်ဖွင့်ဆိုတဲ့ ပုံစံတစ်ခုဖြစ်ပါတယ်။ Phyo Paing @ Derek

လူဖြစ်ရတာ လွယ်မလိုလိုနဲ့မလွယ်ဘူး။ ကြိုက်ကြိုက်မကြိုက်ကြိုက် လူရယ်လို့ဖြစ်လာတဲ့အခါဘဝတစ်ခုရမယ်။ မွေးဖွားခြင်းနဲ့ သေဆုံးခြင်းကြားရှင်သန်ခြင်းဖြစ်စဉ်က ဘဝပဲ။ မွေးတာနဲ့ သေတာကို ကိုယ်ထိန်းချုပ်လို့ရချင်မှရမယ်။ရှင်သန်ခြင်းဖြစ်စဉ် တော်တော်များများကိုကိုယ်ထိန်းချုပ်လို့ရတယ်။ ရှင်သန်ခြင်းဖြစ်စဉ်အတွက်ဘဝမှာ ပေးထားချက်တွေရှိတယ်။နောက် မေးထားချက်တွေရှိတယ်။ မွေးဖွားလာတဲ့ ဇာတိ၊ဖြစ်တည်လာတဲ့လူမျိုး၊ကြီးပြင်းလာတဲ့ ပတ်ဝန်းကျင်၊တွေ့ဆုံလာခဲ့တဲ့ လူတွေ၊ဒီအခြေအနေတွေက ဘဝရဲ့ပေးထားချက်တွေပဲ။ဘဝရဲ့ပေးထားချက်တွေကိုပြင်ဖို့မလွယ်ဘူး။ နောက်ဘဝမှာ မေးထားချက်တွေရှိတယ်။မိဘ၊ မောင်နှမ၊ ဆွေမျိုး၊ မိမိကိုယ်တိုင်ရဲ့ကျန်းမာရေး၊ အလုပ်စီးပွါး၊ အချစ်ရေး၊ပေါင်းသင်းဆက်ဆံရေး။ ဒီရုပ်ပိုင်းဆိုင်ရာ၊ စိတ်ပိုင်းဆိုင်ရာအခက်အခဲနဲ့ ရုန်းကန်မှုတွေတစ်ခုမမဟုတ်တစ်ခု လူတိုင်းမှာရှိတတ်ကြတယ်။ အဖြစ်အပျက်တွေ။ ဒါတွေက ဘဝရဲ့မေးထားချက်တွေပဲ။ ဘဝဆိုတာ ပေးထားချက်ထဲကမေးထားချက်တွေကို အဖြေရှာနိုင်မှ နောက်တစ်ဆင့်တက်သွားမှာ။ လူတစ်ယောက်နဲ့တစ်ယောက်ပေးထားချက်တွေမတူဘူး။တစ်ယောက်နဲ့တစ်ယောက်မေးထားချက်တွေမတူဘူး။ ဒါကြောင့် တစ်ချို့သူတွေရဲ့အဖြေကို တိုက်ရိုက်ကူးချလို့မရဘူး။ အရာရာ ကိုယ့်ရဲ့ပေးထားချက်တွေကိုနက်နက်နဲနဲသေချာသိရှိနားလည်နိုင်ဖို့လိုတယ်။မေးထားချက်တွေကို ရှင်းရှင်းလင်းလင်းသိဖို့လိုတယ်။ ဒါတွေဖြေရှင်းဖို့ ကိုယ့်ရဲ့ အတွေးအခေါ်၊အကြံအစည်၊ အလုပ်အကိုင်တွေကို သေချာထိန်းကြောင်းဖို့ပြန်လိုပြန်တယ်။ Phyo Paing @ Dere