Mindset

အစားအသောက်ကောင်းစားတဲ့အခါ အရသာရှိသလို၊မရောက်ဖူးတဲ့နေရာသစ်ကိုရောက်တဲ့အခါ လန်းဆန်းသွားသလို၊မမြင်ဖူးတဲ့ကမ္ဘာကြီးကိုမြင်သွားတဲ့အတွေးအခေါ်အသစ်၊ဗဟုသုတ အသစ်တွေတွေ့သွားတဲ့အခါပျော်ရွင်မှုဆိုတာရှိတယ်။ဥာဏ်ကို နိုးဆွမှ နိုးထတာ။ဘဝမှာ ရှင်သန်တာအရသာရှိဖို့Intellectual stimulations တွေလိုတယ်။ Phyo Paing @ Derek

အမှားနဲ့ အမှန်ကိုကွဲကွဲပြားပြားသိဖို့ ပညာသင်တယ်လို့အရင်ကဆိုခဲ့ကြတယ်။ တကယ့်ဘဝထဲရောက်တဲ့အခါအမှားနဲ့ အမှန်နှစ်ခုထဲရှိနေတာမဟုတ်တဲ့အခါလူတွေ တိုင်ပတ်ကြတယ်။ ပေးတိုင်းမရတဲ့အထဲမှာ ပညာပါတယ်။ပညာပေးတိုင်း ပညာမရဘူး။ပညာဆိုတာ ရှာမှရတယ်။ ပညာတကယ်တတ်လာရင် အငြင်းသန်တာနည်းလာမယ်။တစ်ဖက်ပိတ်တာ လျော့သွားမယ်။လူတွေကို ပိုနားလည်တတ်လာမယ်။ပြဿနာတစ်ခုရဲ့ အတိမ်အနက်ကိုစဥ်းစားတတ်လာမယ်။ ဘာကြောင့်လဲဆိုတော့ခွဲခြမ်းစိတ်ဖြာ စဥ်းစားတတ်သွားတာရယ်၊မတူညီတဲ့ ရှုထောင့်တွေက မြင်တတ်သွားတာရယ်၊ကိစ္စတစ်ခုကို ရှေ့နောက်တောင်မြောက်အပေါ်အောက် မြင်တတ်သွားတာရယ်ကြောင့်။ အရင်က ကျောင်းတက်ခဲ့တာကိုပညာတတ်ခဲ့တယ်လို့ ထင်ခဲ့ဖူးတယ်။ အမှန်တော့ ဘွဲ့ရ ပညာမတတ်မဖြစ်ရလေအောင် ဒီနေ့လိုအပြောင်းအလဲ များလွန်းလှတဲ့ခေတ်မှာပုံမှန်လေ့လာသွားဖို့လိုတယ်။ Phyo Paing @ Derek

လမ်းဆိုတာ လျှောက်ဖို့။​လမ်းတွေ့ပြီး မလျှောက်ရင်ခရီးရောက်မှာ မဟုတ်ဘူး။ သိပြီး မလုပ်တာကမသိတာနဲ့ ဘာမှသိပ်မထူးခြားဘူး။ အခွင့်အလမ်းတစ်ခု၊အသိပညာတစ်ခုကိုသိပြီး အသုံးမချတာကနှမြောဖို့ကောင်းတယ်။ လမ်းတွေတွေ့ဖို့ Learn နေကြတယ်။အရေးကြီးတာ ပြန်ပြီးအသုံးချဖို့ပဲ။ Phyo Paing @ Derek