people

မှန်ကန်တဲ့ဆုံးဖြတ်ချက်ချချင်ရင်မြေပြင်နဲ့အနီးစပ်ဆုံးမြင်ဖို့လိုတယ်။ လူတွေက မျက်နှာဖုံးတွေအုပ်ထားတယ်။အရာရာပြထားတာ အမှန်မဟုတ်ဘူး။တစ်လွှာချင်းကြည့်ပြီး သိဖို့လိုတယ်။ Phyo Paing @ Derek

တခြားတစ်ယောက်နဲ့ တိုက်ရိုက်ပြိုင်ရအောင် ကိုယ့်ရည်မှန်းချက်က အဲ့လောက် မနိမ့်ဘူး။ ဒါကတော့ ကျွန်တော်စဥ်းစားတဲ့ပုံစံတစ်ခုပေါ့။ ဘာကြောင့်လဲဆိုတော့ကျောင်းတုန်းက အဆင့် ၁ ပြိုင်ပြီးအဆင့် ၁ ရခဲ့တဲ့သူတွေအခုဘယ်ရောက်သွားပြီလဲ။ အလုပ်ခွင်တုန်းက ရာထူးတိုးဖို့ စကားတွေဟိုပို့ဒီပို့ရုံးတွင်းပါဝါပြိုင်တဲ့သူတွေဘယ်ရောက်သွားပြီလဲ။ ဆိုင်ဖွင့်တုန်းက အမြဲကိုယ့်ဆိုင်လာစျေးမေးပြီးပြိုင်တဲ့သူတွေ ဘယ်ရောက်သွားပြီလဲ။ ကိုယ်ဖွင့်နာမည်ပေးခဲ့တဲ့ဒီပလိုမာပုံစံမျိုးကိုပဲနာမည်တူလိုက်ပေးပြီးတူယောင်လိုက်ကူးတဲ့သူတွေဘယ်ရောက်သွားပြီလဲ။ ကိုယ့်သင်တန်းအပေါ်မှာကိုယ်ဖွင့်တဲ့သင်တန်းနဲ့တစ်ပုံစံထဲကသင်တန်းကြေး တစ်ဝက်နဲ့သင်တဲ့ကျောင်းတွေဘယ်ရောက်သွားပြီလဲ။ ကိုယ်တင်တဲ့ ပိုစ့်တိုင်းကိုပေ့နောက်တစ်ခုထောင်အကုန်လိုက်ကူးတဲ့ ပေ့တွေဘယ်ရောက်သွားပြီလဲ။ အဲ့လိုမျိုးပဲ စဥ်းစားလိုက်တယ်။ ဘာကြောင့်လဲဆိုတော့ “မပြိုင်ဘဲ နိုင်အောင်လုပ်ပါ” ဒီအတွေးအခေါ်လိုပဲ။ လူတိုင်းသွားနေတဲ့လမ်းကြောင်းတွေမတူကြဘူး။ ကိုယ်ဖြစ်ချင်တာနဲ့ တခြားသူဖြစ်ချင်တာမတူဘူး။ ကိုယ်သွားတဲ့လမ်းမှာ ကိုယ့်မဟာဗျူဟာရေရှည်ရည်မှန်းချက်ပန်းတိုင်နဲ့ကိုယ်ပဲ။ တခြားသူတစ်ယောက်နဲ့တိုက်ရိုက်ပြိုင်ရအောင်ကိုယ့်ရည်မှန်းချက်က အဲ့လောက်မနိမ့်ဘူး။ ဒါကြောင့် မပြိုင်ဘဲနိုင်အောင်လုပ်ပါဒီအတွေးအခေါ်ကို လက်ကိုင်ထားမိတယ်။ Phyo Paing @ Derek

ကိုယ်အလိုရှိတဲ့သူတွေ ကိုယ့်အနားမှာရှိနေဖို့သူတို့လိုချင်တာတွေကိုယ့်မှာရှိနေဖို့လိုတယ်။ Phyo Paing @ Derek

တန်ဖိုးရှိတဲ့သူဆိုတာ အသုံးချလို့ရတဲ့သူ။ မြန်မာစကားမှာ အသုံးချတယ်ဆိုတာ မကောင်းတဲ့ဖက်သွားတယ်။ အမှန်တော့ အသုံးချလို့ရဖို့အသုံးကျမှရမှာ။ အသုံးကျဖို့က ကိုယ့်မှာ ပြဿနာတစ်ခုဖြေရှင်းနိုင်တဲ့အစွမ်းအစတစ်ခုတော့ အနည်းဆုံးရှိရမယ်။ ဥပမာဗျာပိုက်ဆံများများရှိရင် ငွေကြေးပြဿနာဖြေရှင်းပေးလို့ရတဲ့အတွက် အသုံးကျတယ်။ စျေးကွက်ကျွမ်းကျင်မှုရှိရင် စျေးကွက်ပြဿနာဖြေရှင်းပေးလို့ရတဲ့အတွက်အသုံးကျတယ်။ Phyo Paing @ Derek

ကိုယ့်အတွက် အရေးမပါသူတွေရဲ့အထင်အမြင်က အရေးမပါဘူး။ (အရေးမပါ = အကျိုးမပြု) Phyo Paing @ Derek