လွတ်မြောက်မှု
ဒုက္ခတွေထဲမှာ လွတ်မြောက်မှုရှိတတ်တယ်။လျစ်လျူရှုဖို့ထက်နည်းနည်းစိတ်ရှည်ရှည်ထားပြီးသေချာကြည့်ကြည့်။ Phyo Paing @ Derek
philosophy
အမှိုက်တွေ နေ့တိုင်းရှင်းပါ။
အမှိုက်တွေ နေ့တိုင်းရှင်းပါ။နေ့တိုင်း အကြည်ဓာတ်အပြည့်နဲ့အလုပ်လုပ်ဖို့ဆိုတာအမှိုက်တွေ နေ့တိုင်းရှင်းနိုင်ဖို့လိုတယ်။ လူတွေက သိလိုက်သည်ဖြစ်စေ၊မသိလိုက်သည်ဖြစ်စေသူတို့ အမှိုက်ကို ဘေးနားလူတွေကိုသွားပစ်တတ်ကြတယ်။ လူမှုကွန်ယက်မှာပဲဖြစ်ဖြစ်၊အပြင်မှာပဲ ဖြစ်ဖြစ်ဒီအမှိုက်တွေကို သိသိသာသာတစ်ကြောင်း၊မသိမသာ တစ်ကြောင်း ပစ်တဲ့အခါကိုယ်က အမှုမဲ့၊ အမှတ်မဲ့နေရင်အမှိုက်တွေက ကိုယ့်ဆီပါလာမယ်။အနံ့နံလာမယ်။လေးလံထိုင်းမှိုင်းလာမယ်။ ဒီနေ့ နေ့တိုင်း အဲ့အမှိုက်တွေကိုပြန်လည်ခြေဖျက်စွန့်ပစ်ဖို့လိုနိုင်တယ်။ ဒါကြောင့် နေ့တိုင်းကိုယ့်အတွေးတွေကို ချရေးခြင်းအားဖြင့်သတိနဲ့ ဘယ်အရာက အမှိုက်၊ဘယ်အရာက အမိုက်၊ဘယ်အရာက အကြိုက်ဆိုတာ သိနိုင်တယ်။နေ့တိုင်း မေတ္တာပွားများခြင်းဖြင့်လူတွေကို ခွင့်လွတ်ပြီးအမှိုက်ခြေဖျက်လို့ရနိုင်တယ်။နေ့တိုင်း တရားထိုင်ခြင်းဖြင့်အမှိုက်တွေကို ခြေဖျက်လို့ရတယ်။ Phyo Paing @ Derek
အမှိုက်တွေ နေ့တိုင်းရှင်းပါ။ Read More »
ဗုဒ္ဓက သင်ကြားပေးလိုက်တဲ့
ဘဝနေထိုင်မှု ၇ ခု
၁။ မှန်ကန်တဲ့ အမြင်ဘဝမှာ ကျွန်တော်တို့ထင်တဲ့ သုခတွေရှိသလိုဒုက္ခတွေလဲ ရှိမယ်။လောကဓံရှစ်ပါးရှိတယ်။ ဒီတော့ အမြဲတမ်းကောင်းတာတွေဖြစ်မှာမဟုတ်သလို၊အမြဲ ဆိုးတာတွေလဲ မဖြစ်ဘူး။ ကဲ့ရဲ့ခြင်း၊ ချီးမွမ်းခြင်းရှိနေမယ်။အရာရာ မတည်မြဲဘူး။အနိစ္စ။ ဒီတော့ မှန်ကန်တဲ့ မျှော်မှန်းချက်ထားလို့ရတယ်။ ၂။ မရှာပဲ တွေ့နိုင်တယ်။ပျော်ရွင်မှုဆိုတာ လိုက်ရှာစရာမလိုဘူး။အသက်ရှူနဲ့ နှာသီးဖျားကို အာရုံပြန်လာခဲ့။ဘားမှ လုပ်စရာမလိုဘူး။ငြိမ်းချမ်းမှုရှိတယ်။ကိုယ့်ရဲ့အတွေးတွေက ကောင်းတဲ့ခံစားချက်ဖြစ်စေသလို၊ဆိုးတဲ့ ခံစားချက်လဲဖြစ်စေတယ်။ဒါတွေရဲ့ ပကတိနေရာကတော့နှာသီးဖျားပဲ။ ၃။ သီလ၊ သမာဓိ၊ ပညာ။ကောင်းမွန်တဲ့ စေတသိက်တွေပွားများ။ အလိုမပြည့်တဲ့ လောဘ၊ မခံချင်စိတ်ကြောင့်ဖြစ်တဲ့ ဒေါသ၊ တွေဝေမိုက်မဲစေတဲ့ မောဟ ဒီသုံးခုကို စီမံခန့်ခွဲဖို့သတိ၊ သမာဓိ၊ ပညာလိုတယ်။ သတိ၊ သမာဓိ၊ ပညာဖြစ်ဖို့အနှောက်အယှက်ဖြစ်စေတဲ့အတွေးအခေါ်နဲ့ မူးယစ်မှုတွေရှောင်ဖို့လိုတယ်။ နေ့စဥ် journaling လေးတာ သတိတိုးဖို့၊စာဖတ်၊ တရားထိုင်တာ သမာဓိတိုးဖို့၊ နေ့စဥ် လေ့လာ၊ စမ်းသပ်လုပ်ဆောင်တာ ပညာတိုးဖို့။
ဗုဒ္ဓက သင်ကြားပေးလိုက်တဲ့
ဘဝနေထိုင်မှု ၇ ခု Read More »
အချစ်ဆိုတာ
အချစ်ဆိုတာ Therapy ပဲ။ မှန်တဲ့အရာနဲ့တွေ့ရင်Drama တွေ၊ Trauma တွေက Dream တွေကို Triumph ဖြစ်စေတယ်။မဟုတ်ရင် ပြောင်းပြန်။ Phyo Paing @ Derek
လူအများစုလုပ်နေတာ
လိုက်မလုပ်နဲ့။
လူအများစုနဲ့ မတူချင်ရင်လူအများစုလုပ်နေတာလိုက်မလုပ်နဲ့။ ဒီအချက်က တော်တော်အရေးကြီးတယ်။ ဘာကြောင့်လဲဆိုတော့လူအများစုက ပျော်နေရင်အရေးမကြီးဘူး။ လူအများစုက တိုင်ပတ်နေရင်ကိုယ်ပါ တိုင်ပတ်သွားမယ်။ တခြားသူတွေ လုပ်နေတာနဲ့မတူပဲထူးခြားကွဲပြားဖို့ ၁။ သူတို့စဥ်းစားတဲ့ ပုံစံကိုလေ့လာကြည့်။ စဥ်းစားတဲ့ပုံစံကို လေ့လာဖို့အလွယ်ကူဆုံးက ပြောနေတဲ့ပုံပြင်တွေ လေ့လာဖို့လိုတယ်။ ကောင်းတယ်။ ဆိုးတယ်။ ဘာလုပ်သင့်တယ်။ ဘာလုပ်မရဘူး။ ဒီပုံပြင်တွေက သူတို့ရဲ့လောကအမြင်တွေက ဖြစ်လာတယ်။ ၂။ သူတို့လိုချင်တဲ့အရာတွေကိုလေ့လာကြည့်။ ငွေကြေးလား၊ အသိအမှတ်ပြုမှုလား၊အာဏာလား၊ လေးစားမှုလား၊ ဘာလိုချင်သလဲ။ ၃။ ဘာကြောင့်လိုချင်သလဲပြန်မေးကြည့်။ ဒါလေးက နည်းနည်းတမျိုးဖြစ်လိမ့်မယ်။ သူတို့ ဘာကြောင့် ဒီအရာတွေကိုလိုချင်သလဲ။ ပြဿနာဖြေရှင်းဖို့လား။ကလဲ့စားခြေဖို့လား။ငါဘာကောင်ဆိုတာ ပြဖို့လား။ဒါမှမဟုတ် ပတ်ဝန်းကျင်နဲ့မီဒီယာက ကလေးဘဝကတည်းကရိုက်သွင်းခဲ့တဲ့ အတွေးအခေါ်တွေကြောင့်လား။ ၄။ သူတို့လိုချင်တာကို ဘယ်လိုရယူကြသလဲ။ လူတွေလိုချင်တာရဖို့ စဥ်းစားတဲ့မဟာဗျူဟာဆိုပါတော့။ ၅။ ပြဿနာကြုံရင် ဘယ်လိုတုန့်ပြန်သလဲ။ သူတို့လိုချင်တာရဖို့ လမ်းကြောင်းမှာ အတားအဆီရှိတဲ့အခါငြီးငြူလား၊ ဒါမှမဟုတ်
လူအများစုလုပ်နေတာ
လိုက်မလုပ်နဲ့။ Read More »
ပြင်နေဖို့ပဲလိုတယ်။
အမြဲမှန်နေဖို့ မလိုဘူး။အမြဲ သင်ယူပြီးပိုမှန်အောင် ပြင်နေဖို့ပဲလိုတယ်။ Phyo Paing @ Derek
ပြင်နေဖို့ပဲလိုတယ်။ Read More »
ဖောက်ပြန်မှု
သဘာဝဖြစ်စဥ်နဲ့ သွေဖယ်ပြီးအဆိုးဖက်ရောက်သွားတာကိုဖောက်ပြန်တယ်လို့ ခေါ်တယ်။ ခန္ဓာကိုယ်ကြီးက ပုံမှန်ဖြစ်စဥ်မဟုတ်ပဲရောဂါဘယဝင်တဲ့အတွက်ဖောက်ပြန်တတ်တယ်။ စိတ်ဆိုတဲ့အရာကလဲ ပုံမှန်ဖြစ်စဥ်မဟုတ်ပဲအတွေး၊ အခြေအနေ အမျိုးမျိုးကြောင့်ဖောက်ပြန်တတ်တယ်။ စိတ်က ကိုယ်ထက် ဖော်ပြန်လွယ်တယ်။တစ်ရက်ကို အတွေးပေါင်း သောင်းချီတွေးနေတဲ့စိတ်ကိုမလေ့ကျင့်တတ်ရင်ဖောက်ပြန်မှု အပေါင်းသရဖူဆောင်းတဲ့အခါလောကသဘာဝနဲ့ သဟဇာတ မဖြစ်တဲ့အခါဘဝက အံဝင်ဂွင်ကျမဖြစ်၊စိတ်သွားတိုင်း ခရီးမတွင်၊စိတ်အလိုမကျ ဖြစ်တတ်တယ်။ စိတ်ဖောက်ပြန်တာကိုအာရုံစိုက်မှုနဲ့ အစားထိုးလို့ရတယ်။အာရုံစိုက်မှုကို စာဖတ်ခြင်း၊တရားထိုင်ခြင်း၊ကိုယ့်ရဲ့အတွေးတွေကို ပြန်လည်ဆန်းစစ်ခြင်းနဲ့သွားလို့ရတယ်။အာရုံကို အာဏာကုန်တစ်ခုတည်းကိုစူးစိုက်နိုင်တဲ့အခါ သမာဓိ ဖြစ်တယ်။ သမာဓိဆိုတာ စိတ်ဒဏ်ရာတွေရဲ့သမားတော်ပဲ။ စကားလုံးကြီးသာ ကြီးနေတာ။သမာဓိဆိုတာ စိတ်တည်ကြည်ခြင်းကိုဆိုတာ။အကြည်ဓာတ်အပြည့်နဲ့ ဖြတ်သန်းချင်ရင်သမာဓိ တည်ကြည်ဖို့စိတ်ကို လေ့ကျင့်ဖို့၊စိတ်ထဲ အမှိုက်တွေ မထည့်ဖို့၊ထည့်မိတဲ့အမှိုက်တွေကို ခြေဖျက်ဖို့လိုတတ်တယ်။ Phyo Paing @ Derek
ဒီမိုကရေစီ
အိုင်ဒီယာတွေက အန္တရာယ်ရှိတယ်။ဒီမိုကရေစီဆိုတာဒီ အိုင်ဒီယာတွေကိုလွတ်လပ်စွာ ပြောဆို၊ ရေးသား၊ ထုတ်ဝေမှုကိုကန့်သတ်ပိတ်ပင်ခြင်းမရှိခွင့်ပြုတာ။ လိုချင်တာ ဒီမိုကရေစီဖြစ်ပြီးကိုယ်နဲ့မတူတဲ့ အိုင်ဒီယာတိုင်းကိုအန္တရာယ်ရှိစေနိုင်တဲ့အတွက်လိုက်တိုက်ခိုက်တာကကိုယ်လိုချင်တဲ့ စနစ်နဲ့ ပြောင်းပြန်ဖြစ်စေတယ်။ မတူညီတဲ့ အိုင်ဒီယာ၊အတွေးအခေါ်တွေကို၁။ နားထောင်၂။ နားလည်လက်မခံရင် အကျိုးသင့်အကြောင်းသင့်ပြန်၃။ နားချဒီလို လုပ်နိုင်မှပဲ progressive ဖြစ်တဲ့လူ့အဖွဲ့အစည်းတစ်ခုဖြစ်မှာ။ အရာရာက အိုင်ဒီယာက စတယ်။ တခါတလေ ကိုယ်တိုင်အပါအဝင်အသီးအပွင့်ကိုပဲ ခူးခပ်ချင်တတ်ကြတယ်။
သုံးတာနဲ့ ဖြုန်းတာ ဘာကွာလဲ?
ရည်ရွယ်ချက်ရှိရှိလုပ်တာနဲ့ရည်ရွယ်ချက် မရှိပဲ လုပ်တာကွာတယ်။ မသုံးရင် ရှုံးတာပဲ။ ဒီလို thought experiment လေး လုပ်ကြည့်။ လူ့ဘဝသာ ဂိမ်းတစ်ခုဆိုရင်ဒီနေ့ခေတ်မှာ ၇၁ နှစ်လောက်နေရလိမ့်မယ်။ရက်ပေါင်း ၂၆၀၀၀ လောက်ရမယ်။ ဒီရက်ပေါင်း ၂၆၀၀၀ မှာ ပညာသင်ရတဲ့ အချိန်၊အလုပ်ရှာရတဲ့အချိန်၊စီးပွားရှာရတဲ့အချိန်၊မိသားစုတည်ဆောက်ရေးအချိန်၊လူ့ဘောင်အတွက် ပေးရတဲ့အချိန်၊ဝါသနာပျော်စရာအတွက် ပေးရတဲ့အချိန်ဘဝက မျိုးစုံမယ်။. ဒီပေးထားတဲ့ ဂိမ်းမှာသရုပ်ဆောင်ရတဲ့ ဇာတ်ခုံကမတူကြဘူး။မွေးတဲ့နိုင်ငံ၊ ဖြစ်တဲ့လူမျိုး၊ဆက်ခံရတဲ့ မျိုးရိုး၊ ပါလာတဲ့ ပါရမီ၊ဖြတ်သန်းလာတဲ့ ဘဝသမိုင်းကြောင်း။ ဘဝမှာ ဆယ်ကျော်သက်အရွယ်ထိကကိုယ်ကဘဝကို ရွေးတာမဟုတ်ပဲဘဝကို ကိုယ့်ကိုရွေးတယ်။ဆယ်ကျော်သက်ကျော်တဲ့အခါကိုယ်က ဘဝကို ပြန်ရွေးတယ်။ ဒီဂိမ်းကို ထိုင်ငြီးနေလို့ကတော့ခိုပဲ ဖြစ်သွားနိုင်တယ်။ဒီဂိမ်းမှာ ပေးထားချက်ပေါ်မူတည်ပြီးသေချာထိန်းဆော့ရင်တော့ရက်ပေါင်း ၂၆၀၀၀ ကျော်ဆော့ရမှာပဲ။ ဒီဂိမ်းရဲ့အမှတ်တွေက နောက်ဂိမ်းမှာဖြစ်လာမည့်ဇာတ်ကောင်နဲ့ သရုပ်ဆောင်ရမည့်အပိုင်းကိုမဆုံးဖြတ်ဘူးလို့ မပြောနိုင်ဘူး။ ရက်ပေါင်း ၂၆၀၀၀ ကိုကိုယ်ဖြစ်ချင်တဲ့ဘဝပုံစံမျိုးအဓိပ္ပာယ်ရှိရှိ သုံးမှ မဖြန်းရာကျမယ်။ သုံးတာနဲ့ ဖြုန်းတာ
သုံးတာနဲ့ ဖြုန်းတာ ဘာကွာလဲ? Read More »
ဘုံ ငါးဘုံ
ဘဝဆိုတာ ကိုယ်မကြိုက်တဲ့အလုပ်တွေလုပ်ပြီးမကြိုက်တဲ့သူတွေကိုယ့်ရဲ့အောင်မြင်မှုတွေကို မကြိုက်အောင်လုပ်တဲ့ ကစားပွဲတစ်ခုဆိုရင်တော်တော်လေး ပျင်းဖို့ကောင်းမှာပဲ။ ဘဝဆိုတာ ကိုယ်ကြိုက်တဲ့အရာတွေလုပ်ပြီးကြိုက်တဲ့သူတွေရဲ့ကြိုက်တဲ့အရာတွေရအောင် ကူညီပေးတဲ့ကစားပွဲတစ်ခုဆိုရင်အားလုံးလဲ ကြိုက်ကြမှာပဲ။ ဘဝဆိုတာ ကိုယ့်ကိုယ်ကိုနားလည်အောင်ကြိုးစားတဲ့နေရာတစ်ခုပဲ။ ဗိုက်ဆာရင်တော့ ဗိုက်ပြည့်အောင်လုပ်ရမယ်။နေစရာမရှိရင် နေစရာရှိအောင်လုပ်ရမယ်။နောက်ဆုံးတော့ အဗရေဟန် မားစလိုးAbraham Maslow ပြောသလိုလူ့လိုအပ်တွေက ဘုံငါးဆင့်။ လူ့ပြည်မှာသာလဲ ဘုံတွေရှိတယ်။တချို့က စားဖို့ သောက်ဖို့ ပူရတဲ့ဘုံ။တချို့က နေဖို့ ပူရတဲ့ဘုံ။တချို့က အထီးကျန်ဘုံဘဝ။တချို့က လူကြားမှာအောင်မြင်မှုတွေကို အူယားပြီးအသိအမှတ်ပြု လက်ခုပ်သံတွေဆာလောင်တဲ့ ဘုံဘဝ။တချို့က မာယာများတဲ့လောကနဲ့ ကိုယ်နဲ့ထိတွေ့မှုတွေကြောင့်ဖြစ်လာတဲ့ ဓာတ်ပြုမှုတွေကိုနားလည်ချင်တဲ့ ဘုံဘဝ။ ဘုံဘဝကို တချို့က သုညကစတယ်။ Phyo Paing @ Derek