advice

စိတ်ကိုထိန်းတာ အာရုံ။အာရုံကိုထိန်းတာ သတိ။သတိကိုထိန်းတာ စေတနာ။စေတနာကိုထိန်းတာ အမြင်။အမြင်ကိုထိန်းတာ ပညာ။ Phyo Paing @ Derek

စေတနာနောက်မှတာဝန်ကျေဖို့ အဓိက။ တခါတလေ စေတနာနဲ့တာဝန်ကိုရောနေတတ်တယ်။ အလုပ်လုပ်တဲ့အခါပထမအဆင့်ကကိုယ်ယူထားတဲ့ငွေအတွက်တာဝန်ကျေဖို့။ဒုတိယ အဆင့်ကမှစေတနာလိုက်တယ်။ အလုပ်တစ်ခုကိုကိုယ့်အတွက် မကိုက်ရင်မလုပ်နဲ့။ ပိုကောင်းတဲ့နေရာရှိရင်ရှာ။ပိုကောင်းတဲ့နေရာမရှိသေးရင်ကိုယ့်ကိုကိုယ် ပြုပြင်။ ကျွန်တော်ကတော့အဲ့ဒီပုံစံပဲ စဉ်းစားဘဝဖြတ်သန်းတယ်။ ယုတ္တိကျဖို့ ပထမ၊ခံစားချက်က ဒုတိယ။ Phyo Paing @ Derek

ပြဿနာမဖြေရှင်းနိုင်တဲ့သူကမတိုးတက်ဘူး။ပြဿနာ မဖြေရှင်းနိုင်တဲ့အဖွဲ့အစည်းမမတိုးတက်ဘူး။ပြဿနာ အဖြေမရှာနိုင်တဲ့ဒေသမတိုးတက်ဘူး။ ပြသနာ အဖြေရှာနိုင်ဖို့ကိုယ်စဥ်းစားတာကို အမှန်လို့ပဲမထင်နဲ့။ကိုယ်လိုချင်တာကို စဥ်းစား။အဖြေရှာလို့ရတဲ့ နည်းလမ်းတွေကိုကြည့်။အကောင်းဆုံးကိုရွေးချယ်။သင်ခန်းစာပြန်ယူ။ Phyo Paing @ Derek

အရေးမပါတာတွေကို အရာမပေးတာ၊မဆိုင်တာတွေ ခေါင်းထဲမထည့်ချင်တာ၊ကိုယ့်အတွက် အကျိုးမရှိတဲ့အကြောင်းမဆွေးနွေးချင်တာ၊​သင်ခန်းစာမရ၊ ပညာမရ၊ တိုးတက်မှုမရှိ၊မတော်၊ မပျော်၊ မပွားစေတဲ့အရာစိတ်ဝင်စားမှုမရှိတာ၊ကိုယ့်အာရုံနဲ့မတန်တဲ့အလုပ်အပေါ်အချိန်မပေးမိတာဒါက ပြုစုပျိုးထောင်ရတဲ့စည်းကမ်းပါပဲ။ Phyo Paing @ Derek

လူ၊ နေရာ၊ အိုင်ဒီယာဒီသုံးခုရဲ့ဆုံမှတ်ကအောင်မြင်မှုပဲ။ အရမ်းတော်တဲ့သူတွေနေရာမှားနေလဲအောင်မြင်သင့်သလောက်မအောင်မြင်ဘူး။ တွေ့တဲ့သူတွေမှားနေလဲအမြင့်ရောက်သင့်သလောက်မရောက်ဘူး။ ခေါင်းထဲထည့်တဲ့အိုင်ဒီယာမမှန်ရင်လဲ ခရီးမတွင်ဘူး။ လူ၊ နေရာ၊ အိုင်ဒီယာကဆုံမှတ်ပဲ။ Phyo Paing @ Derek

အဆိုတော်တွေ သီချင်းဆိုရပ်ပြီးနှစ်အနည်းငယ်ကြာမှ ပြန်ဆိုတဲ့အခါအရင်လို မအောင်မြင်တော့ဘူး။ အလုပ်ကလဲ အလားတူပဲ။အချိန်ကြာနားလိုက်ပြီး အလုပ်ပြန်လုပ်တဲ့အခါအရှိန်တစ်ခု ပြန်ရဖို့ အချိန်တစ်ခု ကြာကြာပြန်ပေးရတတ်တယ်။ မြန်နှုန်းမြင့်နေရင် အရှိန်မလျော့စေနဲ့။ Phyo Paing @ Derek

လူတွေရဲ့ဘဝ ကွာခြားတာ အကြောင်းအမျိုးမျိုးကြောင့်ဖြစ်နိုင်တယ်။ အဲ့ထဲက အကြောင်းတစ်ခုကဦးနှောက်တည်ဆောက်ပုံ Brain structure မတူလို့။ ဥပမာ Prefrontal lobe (PFC) အားကောင်းတဲ့သူက ရေရှည်ကို စီမံကိန်းချနိုင်တယ်။ကိုယ့်ရဲ့တဒင်္ဂခံစားချက်တွေကိုထိန်းနိုင်တယ်။ဆုံးဖြတ်ချက်ပြတ်သားတယ်။ Hippocampus အားကောင်းရင် သင်ယူရမြန်တယ်၊ သင်ယူနိုင်တယ်၊ အခြေအနေကို သဘောပေါက်နိုင်စွမ်းအားကောင်းတယ်။အရိပ်အကဲကိုသိတယ်။ မှန်ဥာဏ်အားကောင်းတယ်။ Amygdala က ပုံမှန်ထိန်းနိုင်ရင်ကိုယ့်စိတ်ခံစားမှုတွေ သတိပြုနိုင်မှုအားကောင်းတယ်။လိုတာထက်ပို အလုပ်လုပ်ရင်စိုးရိမ်စိတ်တွေများတတ်တယ်။ Basal Ganglia အားကောင်းရင်အမူအကျင့်တည်ဆောက်ရလွယ်တာ၊စည်းကမ်းရှိတာလွယ်ကူတယ်။ Neurotransmitters စနစ်မှာဒိုပါမင်း Dopamine အလုပ်လုပ်အားကောင်းတဲ့သူက ရည်ရွယ်ချက်ကြီးတယ်၊တပြိုင်တည်းမှာ စွဲလမ်းတတ်မှုလဲများတယ်။Serotonin အလုပ်လုပ်အားကောင်းရင် တည်ငြိမ်တယ်၊ ကြံ့ကြံ့ခံတယ်။Norepinephrine က အာရုံစိုက်နိုင်စွမ်း၊နိုးကြားတက်ကြွမှုနဲ့ဆိုင်တယ်။ မွေးကတည်းက လူတွေရဲ့ brain structure မတူသလို၊ပြင်ချင်တယ်ဆိုရင်ကိုယ့်ရဲ့ အတွေး၊ အကြံ၊ အလုပ်ကိုပြင်ရင်လဲဦးနှောက်ဖွဲ့စည်းပုံ၊ အလုပ်လုပ်ပုံကိုပြင်လို့ရတယ်။ဒါကို Neuroplasticity လို့ခေါ်တယ်။ ဥပမာ တရားထိုင်တဲ့သူတွေမှာHippocampus ကြီးလာတာတွေ့ရသလိုမျိုး။

တိုးတက်မှု မရှိတာ ဆုပ်ယုတ်နေခြင်းပဲ။ဒီအတိုင်း ငြိမ်နေတယ်ဆိုတာ မရှိဘူး။ တိုးတက်မှုရှိဖို့ ပေးဆပ်ရတဲ့အရာက ဖိအား။ တိုးတက်ချင်ရင် စိတ်ဖိဆီးမှုခံရမယ်။tension တစ်ခုတော့ခံရမှာပဲ။ ကျန်းကျန်းမာမာ စပြီးစားသောက်တော့မယ်။ဖိအားတစ်ခုခံစားရမှာပဲ။ ကိုယ်လေ့လာနိုင်စွမ်းထက်မြင့်တဲ့ ပညာရပ်လေ့လာရင်ဖိအားတစ်ခုတော့ ခံစားရမှာပဲ။ ကိုယ့်စွမ်းဆောင်ရည်ထက်မြင့်တဲ့ အရာလုပ်ဆောင်တဲ့အခါဖိအားတစ်ခုခံစားရမှာပဲ။ တရားထိုင်ရင်တောင်ကိုယ့်အဆင့်ထက် နောက်တစ်ဆင့်ရောက်ချင်ရင်ကျော်လွှားရမည့်ဖိအားတွေရှိတယ်။ ဘဝဆိုတာ အဆင်ပြေတဲ့ ချောင်လေးထဲမှာနေနေဖို့ထက် ကိုယ့်ရဲ့အကောင်းဆုံးပုံစံကိုတည်ဆောက်ဖို့လို့ ခံယူထားတယ်။ Phyo Paing @ Derek