advice

အောက်ကျနောက်ကျဖြစ်တာ၊ ရွေးချယ်စရာမရှိပိတ်မိနေတာ၊အချိန်တွေ အလဟသဖြုန်းမိတာဒီသုံးခုက ကိုယ့်ကမ္ဘာမှာ အမုန်းဆုံးအလုပ်သုံးခု။ ဒါကြောင့် ပညာရေးမှာလဲအောက်ကျနောက်ကျမဖြစ်အောင်အကောင်းဆုံးတော့လုပ်ခဲ့တယ်။ ကျန်းမာကြံ့ခိုင်ရေး၊ အလုပ်အကိုင်၊ ငွေရေးကြေးရေး၊ ချစ်သူရည်းစားလင်မယား၊ ကိုယ့်မိဘနဲ့ အမျိုးတွေအတွက်တာဝန်၊တိုးတက်ရေးနဲ့ စိတ်ငြိမ်းချမ်းရေးအောက်ကျနောက်ကျဖြစ်မနေအောင်အားထုတ်တယ်။ နောက်ရွေးချယ်စရာရှိတဲ့ဘဝလိုတယ်။ ဒီတစ်နေရာအဆင်မပြေရင်တစ်နေရာမှာ အသက်ဆက်ရှင်သန်နိုင်ဖို့။အသက်မွေးမှုတစ်ခု အဆင်မပြေရင်နောက်တစ်ခုအလွယ်တကူပြောင်းလို့ရအောင်backup professions တွေထားထားတယ်။ အချိန်တွေအလဟသမဖြုန်းဖြစ်အောင်နေ့စဉ် အကျိုးရှိအောင်အသုံးချတယ်။ ဘဝမှာ အလဟသ သုံးဖြုန်းလိုက်တဲ့အချိန်ဆိုတာမရှိသလောက်ရှားတယ်။ ဒါကြောင့် ဘဝမှာ ပြန်ပြင်ချင်တဲ့အရာနောင်တရတဲ့အရာဆို မရှိသလောက်ပဲ။ ကိုယ်မုန်းတဲ့အရာတွေ မရအောင်အားထုတ်ခြင်းကလဲကိုယ့်ကို အားအင်တွေပေးတယ်။ Phyo Paing @ Derek

ဟင်းချိုမှုန့်စားနေကျလူကျအရမ်းဟင်းချိုမှုန့်များတာသတိထားမိမှာ မဟုတ်ဘူး။ ဟင်းချိုမှုန့်ရှောင်တဲ့သူကဟာဒါဟင်းချိုမှုန့်များလိုက်တာဆိုတာသိတယ်။ အကုသိုလ်များ ပူလောင်နေတဲ့သူကလောကငရဲကျနေမှန်းမသိဘူး။သူနဲ့ထိတဲ့သူက သိတယ်။ ဒါကြောင့်လူတွေက ဓာတ်တူရာစုကြတယ်။ မွဲတဲ့သူအချင်းချင်း နှလုံးသားနီးတယ်။အဆင်ပြေတဲ့သူ အချင်းချင်း နှလုံးသားနီးတယ်။ဘူတဲ့သူအချင်းချင်း နှလုံးသားနီး ငြင်းခုံတယ်။ အဆင်ပြေနေတဲ့သူကအပူကိုသွားမယူတတ်ဘူး။လွတ်ချတတ်တယ်။ ကမ္ဘာလောကဆိုတာ ရွေးချယ်မှုပေါ်မူတည်ပြီးရလဒ်ရတဲ့ ဂိမ်းတစ်ခုပဲ။ တချို့ရွေးချယ်မှုတွေက အတိတ်ကြောင့်၊တချို့ရွေးချယ်မှုတွေက ပစ္စုပ္ပန်ကြောင့်။ Phyo Paing @ Derek

ကိုယ်ပိုင်းဆိုင်ရာလွတ်မြောက်မှု၊ စိတ်ပိုင်းဆိုင်ရာလွတ်မြောက်မှုရှိတယ်။ လုပ်ချင်တာမလုပ်ရဖို့၊မဆက်ဆံချင်မတွေ့ရဖို့၊မနေချင်တဲ့နေရာမနေရဖို့ ငွေကြေးလွတ်မြောက်ဖို့လိုတယ်။ငွေကြေးလွတ်မြောက်မှုဆိုတာ ကိုယ်သုံးတာထက် ကိုယ့်အချိန်နဲ့တိုက်ရိုက်လဲစရာမလိုတဲ့ဝင်ငွေကပိုရရမယ်။ တချို့က ဒါကို passive income လို့ခေါ်တယ်။ စိတ်ပိုင်းဆိုင်ရာလွတ်မြောက်ဖို့ကအတွေးအခေါ်ပိုင်းဆိုင်ရာလွတ်မြောက်ဖို့လိုတယ်။ ဒီလိုလွတ်မြောက်ဖို့အတွက် လူတိုင်းရဲ့အမြင်နဲ့ ကိုယ့်ဘဝတည်ဆောက်တဲ့အစားကိုယ်ပိုင်အတွေးအခေါ်နဲ့ ဘဝတည်ဆောက်နိုင်ဖို့လိုတယ်။ ကိုယ့်ကိုကိုယ် သေချာနားလည်ဖို့လိုတယ်။ Personal Philosophy ကိုယ်ပိုင်အတွေးအခေါ်ရှိဖို့လိုတယ်။ Phyo Paing @ Derek

တချို့လူတွေက အကုသိုလ်ကံကြီးတယ်။ဘဝမှာ ဖြစ်ချင်တာ မဖြစ်ကြဘူး။တချို့ကျ ဖြစ်ချင်တာကိုခက်ခက်ခဲခဲကြိုးစားရတယ်။နောက်ဆုံးတော့ဖြစ်လာတယ်။တချို့က ဖြစ်ချင်တာတစ်ခါတည်းနဲ့တော့မရဘူး။နှစ်ခါလောက်ကြိုးစားလိုက်ရမှ။တချို့က ဖြစ်ချင်တာလုပ်တစ်ကြိမ်နဲ့ဖြစ်တတ်တယ်။တချို့က ဖြစ်ချင်စိတ်ကြီးကြီးမားမားတော့မရှိဘူး။ဖြစ်လာတယ်။ကြာရှည်မခံဘူး။တချို့က တောင့်တတာနဲ့ဖြစ်လာတတ်တယ်။တချို့က တောင့်တစရာမလိုဘူး။အေးဆေးလေးပဲဘဝက သေတဲ့အထိ။ အကုသိုလ်ကံကြီးလွန်းရင်ဘုရားနဲ့စကားပြောလဲ ဘုရားကမကြားဘူး။ဖြစ်ချင်စိတ်ကလဲများသေးဥာဏ်ကလဲမကောင်း၊ ကံကလဲမကောင်းရင်ဘဝက တိုင်ပတ်မှုအပေါင်းသရဖူဆောင်း။ ကိုယ့်ကံကိုယ်သိ။ပါရမီဖြည့်။ကုသိုလ်ကံကိုမဖြုန်းနဲ့။ Phyo Paing @ Derek

သင်ပေးလဲမတတ်၊ ပြင်ပေးလဲမမှတ်၊ ပြလဲမမြင်မြင်လဲ မပြင်။ ပြဿနာ အဖြေမရှာ။မေးမြန်းမှုအစား နှုတ်ဆိတ်။ ကိုယ်ထင်ထားတာ အမြဲအမှန်ထင်။ ဦးနှောက်မသုံးတာကြာတော့ခေါင်းစားတာကို မခံနိုင်။ ဦးနှောက်အလုပ်လုပ် ခရုထက်နှေး။ တစ်ခုခုဆို မစမ်းရဲ။ ကျွန်တော်၊ ကျွန်မကတော့ ဘာအားနည်းတယ်၊ ညာအားနည်းတယ်တစ်သက်လုံးပြော။ အကြည်ဓာတ်နဲ့နေချင်ရင်ငတုံးတွေနဲ့ အလုပ်မလုပ်နဲ့။ Phyo Paing @ Derek

ဦးနှောက် လယ်ဗယ်မတူရင်စကားပြောလို့မရဘူး။ စာလဲ သွားသင်ပေးလို့မရဘူး။ သွားရှင်းပြနေလဲ ဘာတွေ ပြောမှန်းသိမှာမဟုတ်ဘူး။ ချစ်သူရည်းစား လင်မယားဆိုလဲပင်လယ်ထဲ ရေဆာသလို စကားပြောလဲ မပေါက်၊ ရှင်းပြတော့လဲ မရောက်ဖြစ်နေနိုင်တယ်။ အသိတွေကြား မေးထူးခေါ်ပြောကရှင်းပြရတော့လဲ အဲ့လိုဖြစ်တတ်တယ်။ တခါတလေ ကိုယ်က ဘယ်နေရာမှာရပ်ရမလဲ သိဖို့လိုတယ်။ ကိုယ်ဆက်သွယ်မည့်သူကို ဘယ်အတိုင်းအတာထိလဲဆိုတာ သိဖို့လိုတယ်။ Phyo Paing @ Derek

အောင်မြင်မှုကကိုယ်လုပ်တာ မှန်တယ်လို့ထင်စေတတ်တယ်။ ကျရှုံးမှုကတော့ကိုယ်ဘာမှားနေလဲဆိုတာပြန်စဉ်းစားစေတယ်။ ဒါကြောင့်အောင်မြင်တိုင်း မတိုးတက်ဘူး။ကျရှုံးတိုင်းလည်း မဆုံးရှုံးဘူး။ သင်ခန်းစာယူတတ်တဲ့သူပဲတကယ်တိုးတက်တာ။ Phyo Paing @ Derek

ဘဝရဲ့ ကံကိုပြောင်းချင်ရင်တွေ့တဲ့လူ၊နေတဲ့နေရာ၊ခေါင်းထဲထည့်တဲ့အိုင်ဒီယာကိုပြောင်း။ ဒီသုံးခုပြောင်းရင်အမြင်ပြောင်း၊ခံစားချက်ပြောင်း၊လုပ်ရပ်ပြောင်းပြီးကံပြောင်းတယ်။ Phyo Paing @ Derek

ဘဝမှာ အခက်အခဲဆုံးကျော်လွှားရတာတစ်ခုကကိုယ့်ကိုကိုယ် ဝေဖန်တာ။ တစ်သက်လုံးဝေဖန်ခံခဲ့ရတဲ့အတိတ်ကို မေ့ပြီးကိုယ့်ကိုကိုယ် self-esteem မြင့်ယုံကြည်မှုတည်ဆောက်ဖို့ တော်တော်ပြန်ကြိုးစားယူရတယ်။ လူတွေနဲ့စကားပြောပြီးတိုင်းငါမှားသွားပြီလား ကိုယ့်ကိုကိုယ် ဝေဖန်အပြစ်တင်စိတ်။ တစ်ခုခုဆို သူတပါးထက်ကိုယ့်ကိုကိုယ် အပြင်တင်လိုစိတ်ကတော်တော် ဆိုးကျိုးပေးတယ်။ ကိုယ့်အလှည့်သားသမီးတွေကို ဆုံးမတဲ့အခါအပြစ်တင်တာမျိုးမဟုတ်ပဲအပြုသဘောဆောင်ပြီးself-esteem ကိုယ့်ကိုကိုယ် ချစ်မြတ်နိုးတတ်ဖို့ယုံကြည်တတ်ဖို့ အမြဲကြိုးစားဖြစ်တယ်။ Phyo Paing @ Derek