motivation philosophy

တချို့က တစ်ကြိမ်ပဲမွေးဖွားတယ်။တချို့က အကြိမ်ကြိမ်မွေးဖွားတယ်။ ဒီလို အကြိမ်ကြိမ်မွေးဖွားတာကိုreinvention လို့ခေါ်တယ်။ တချို့အတွက် ဒီပြန်လည်မွေးဖွားမှုကအခြေအနေကြောင့်ဖြစ်လာတယ်။တချို့အတွက် ဒီပြန်လည်မွေးဖွားမှုကအိမ်မက်နဲ့ အနာဂတ်အမြင်တွေကြောင့်ဖြစ်လာတယ်။တချို့အတွက် နှစ်ခုစလုံးပါရင်ပါမယ်။ ဘဝရဲ့ အတွေ့အကြုံအစုံခံစားချင်ရင်တစ်ကြိမ်ဘဲ မွေးလို့မရဘူး။အကြိမ်ကြိမ် ပြန်လည်ဖန်တီးဖို့လိုတယ်။ နယ်ပယ်သစ်၊ နေရာသစ်၊အလုပ်အသစ်၊ လူအသစ်၊အမူအကျင့်အသင့်၊ အသိုင်းအဝိုင်းအသစ်၊လောကရှုမြင်ပုံအသစ်၊စိန်ခေါ်မှုအသစ်တွေကလူတွေကို နောက်တစ်ကြိမ်ပြန်လည်မွေးဖွားစေတတ်တယ်။ Phyo Paing @ Derek

၁၀၀ လုပ်ပြီး ၁၀ ရတာထက်၁၀ လုပ်ပြီး ၁၀၀ ရတာပိုစိတ်ဝင်စားမိတယ်။၁၀ လုပ်ပြီး ၁၀၀ ရနိုင်တာကိုLeverage အားယူအသုံးချမှုလို့ခေါ်တယ်။ အချိန်နဲ့ငွေနဲ့ဘဲ လဲလို့ရတယ်။ငွေကို ငွေနဲ့ ပြန်ရှာလို့ရတယ်။ ငွေကို နည်းပညာနဲ့ ပိုရှာလို့ရတယ်။ငွေကို မီဒီယာအားအသုံးပြုရှာလို့ရတယ်။ငွေကို ဥာဏ်သုံးရှာလို့ရတယ်။ငွေကို တခြားသူတွေရဲ့လုပ်အား၊ဥာဏ်အားသုံးရှာလို့ရတယ်။ငွေကို ဒါတွေအကုန်ပေါင်းသုံးရှာလို့ရတယ်။ ၁၀ လောက်လုပ်ပြီး ၁၀၀ ဖြစ်နိုင်တာကိုဘဲရှာတဲ့အခါ စိတ်ရှည်ဖို့လိုတယ်။စူးစမ်းလေ့လာဖို့လိုတယ်။ရွေးချယ်တတ်ဖို့လိုတယ်။အများနဲ့မတူညီရဲဖို့လိုတယ်။ Phyo Paing @ Derek

ဘဝမှာ လမ်းမပျောက်ဖို့ အလုပ်အကိုင်သေချာရွေးချယ်ဖို့လိုတယ်။ဘာကြောင့်လဲဆိုတော့ ကျွန်တော်တို့လုပ်တဲ့အလုပ်က ကျွန်တော်တို့ ဘယ်သူဖြစ်တယ်ဆိုတဲ့Identity ပေါ် သက်ရောက်မှုကြီးမားတဲ့အတွက်ဖြစ်တယ်။ ကိုယ်နဲ့ကိုက်ညီတဲ့အလုပ်ရွေးချယ်တဲ့အခါတချို့က ကံကောင်းပြီး ကိုယ်လုပ်တဲ့အလုပ်နဲ့တခါတည်း တသားကျသွားတဲ့သူတွေရှိတယ်။တချို့က ကိုယ်လုပ်တဲ့အလုပ်နဲ့ တစ်သားတည်းမကျဘူး။ ဘဝဆိုတာ တိုတိုလေး။ နေရတဲ့ခဏတာမှာ ကိုယ်နဲ့ကိုက်ညီတဲ့သဟဇာတဖြစ်တဲ့အလုပ်လုပ်နိုင်ရင်အလုပ်လုပ်ရင်းပိုပျော်နေမယ်။ ပိုတော်နေမယ်။ဝင်ငွေ ပိုတိုးပွားနေမယ်။တခြားသူတွေကို ပိုမျှဝေပိုပေးနိုင်မယ်။ ဒီလိုလုပ်ဖို့ အဆင့် သုံးဆင့်ကိုရိုးရိုးရှင်းရှင်းဖန်တီးထားတာရှိပါတယ်။ ၁။ ရှာ Search လူတွေရဲ့ ဘဝဖြတ်သန်းမှု၊ကြီးပြင်းလာမှု၊ စိတ်ဝင်စားမှု၊ဦးနှောက်အလုပ်လုပ်တဲ့ အားသာချက်မတူကြပါဘူး။တချို့က ဖန်တီးတာကိုကြိုက်တယ်။တချို့က ဆက်သွယ်တာကို ကြိုက်တယ်။တချို့က ပူးပေါင်းအလုပ်လုပ်ရတာကြိုက်တယ်။တချို့က အသေးစိတ်စစ်ဆေးရတာကြိုက်တယ်။ ဒီလို ကိုယ်ချစ်တဲ့အလုပ်တွေ့ဖို့ မတူညီတဲ့ အလုပ် အနည်းဆုံးများများလုပ် စမ်းကြည့်ပါ။ ဒီလိုလုပ်ဆောင်ဖို့ အကောင်းဆုံးနည်းတစ်ခုကအလုပ်ခွင်မှာ ပျော်နေတဲ့ လူ ၁၂ ယောက်လောက်နဲ့လိုက် အင်တာဗျူးကြည့်ပါ။ “အလုပ်ခွင်မှာ ပျော်နေတဲ့ ဆိုတဲ့ အချက်” အရေးကြီးပါတယ်။ သူတို့

ကိုယ်ကျွမ်းကျင်တာထက်နည်းနည်းပို ခက်တဲ့အလုပ်လုပ်ရရင်ကိုယ့်ရဲ့ အရည်အချင်းလုပ်ဆောင်နိုင်စွမ်းကို ဆွဲဆန့်ရပြီ။ ဒီနေရာမှာ ဖိစီးမှု အနည်းငယ်ဖြစ်တယ်။ ဒီဖိစီးမှုက ကိုယ့်ကို တိုးတက်စေတယ်။ ဒီတိုးတက်မှုက ပျော်စေတယ်။ ဒါကြောင့် လွယ်တဲ့အလုပ်တွေပဲထိုင်လုပ်မနေပါနဲ့။ ကိုယ့်ကို စိန်ခေါ်တဲ့ အလုပ်တွေလဲလုပ်ကြည့်ပါ။ ရေမကူးတတ်ပဲ ရေထဲခုန်ချတာမျိုးမဟုတ်ဘူး။ရေနက်တဲ့နေရာလေး တစ်လှမ်းချင်းသွားပြီးသွားလိုက် ပြန်ကူးလာလိုက်လေ့ကျင့်တာမျိုး။ Phyo Paing @ Derek

စိန်ခေါ်မှုတွေမရှိတဲ့နေရာမှာအေးဆေးနေနေတာက အချိန်ဖြုန်းတာလို့တော့ ခံယူတာပဲ။ အလုပ်ဆိုတာ ဂိမ်းတစ်ခုလိုပဲ။ စိန်ခေါ်မှုမရှိရင် ပျင်းစရာကောင်းတယ်။ ပျင်းစရာကောင်းရင် မတိုးတက်ဘူး။ အချိန်ဖြုန်းတာ ကိုယ့်ကိုယ်ကိုသတ်သေတာနဲ့တူတူပဲလို့ ခံယူထားတယ်။ We need challenges. Staying calm and unchallenged is just a waste of time. Work is like a game; without challenges, it’s boring. Boredom leads to no progress. Wasting time is akin to killing oneself, that’s what I believe. Phyo Paing @ Derek

၁။ ကြံခိုင်လွန်းတဲ့အတွက် ကိုယ့်ရဲ့ စိတ်ငြိမ်းချမ်းမှုကို ဘယ်သူမှ အနှောင့်အယှက်ပြုလို့မရဘူး။ ၂။ ကိုယ်နဲ့တွေ့တဲ့သူတိုင်းကို ကျန်းမာခြင်း၊ ပျော်ရွင်ခြင်းနဲ့ ချမ်းသာကြွယ်ဝခြင်းအကြောင်းတွေ ပြောမယ်လို့။ ၃။ အကောင်းဆုံးတွေကိုပဲ တွေး၊ ကြံ၊ လုပ်ပြီးမျှော်လင့်ဖို့။ ၄။ ကိုယ့်ကိုယ်ကို အကောင်းဆုံးပဲကြိုးစားနေပြီးတခြားသူတွေကို မဝေဖန်ဖို့။ ၅။ အတိတ်ကလုပ်ခဲ့တဲ့ ဒဏ်ရာတွေကိုမေ့ပြစ်ပြီးအနာဂတ်ကို အကောင်းဆုံးတည်ဆောက်မယ်လို့။ ၆။ ဘာပဲဖြစ်ဖြစ် အမြဲပြုံးထားမယ်လို့။ ၇။ နေသာတဲ့ဖက်ကိုပဲ ကြည့်ပြီး၊အရာရာ အကောင်းဆုံးလုပ်မယ်လို့။ The Secret Prayer: The three steps formula forattracting miracles က။ Phyo Paing @ Derek

“Do things that scare you”ကိုယ့်ကို ကြောက်စေတဲ့အရာတွေကို လုပ်ပါ။ ဒီဆောင်ပုဒ်အတိုင်းပဲနေခဲ့တယ်။ စျေးရောင်းရမှာရှက်တယ်။ လူတွေရှေ့စကားပြောရမှာကြောက်တယ်။ စာဖတ်ပြီးခေါင်းခြောက််ရမှာကြောက်တယ်။ကိုယ့်အိုင်ဒီယာတစ်ခုကို လူတွေသိအောင်ဖော်ပြရမှာကြောက်တယ်။ လူတွေကိုယ်ကို ဘယ်လိုထင်နေမလဲကြောက်တယ်။ ကိုယ့်ကိုကြောက်တဲ့အရာတွေကို လုပ်တဲ့အခါ ကိုယ့်ရဲ့အစွမ်းအစပိုထွက်လာတယ်။ ဒါကြောင့် နှစ်တိုင်း ကိုယ့်ကိုကြောက်စေတဲ့အရာတွေကို ချရေးထားပြီး တစ်ခုပြီးတစ်ခုလုပ်တယ်။ ကျွန်တော်တို့ကို နောက်တစ်ဆင့်ရောက်စေမယ့်အရာတွေက ကျွန်တော်တို့ ကြောက်တဲ့အရာတွေပဲ။ Phyo Paing @ Derek