လူတိုင်းကိုမကယ်နိုင်ဘူး။ကိုယ့်ကိုကိုယ်ကယ်။ကိုယ့်မိဘ၊ သားသမီးကိုကယ်။ကိုယ်ချစ်ရတဲ့သူတွေကိုကယ်။ကိုယ်နဲ့ဆက်စပ်တဲ့သူတွေကိုကယ်။တစ်ဆင့်ချင်းပဲ။တာဝန်ယူတဲ့စိတ်တော့ရှိရမယ်။ကိုယ့်ကိုကိုယ်ကစကယ်။ အပြစ်တင်စိတ်ကိုလျော့။ရည်မှန်းချက်ပန်းတိုင်သတ်မှတ်။ဖြစ်အောင်နည်းလမ်းရှာ။ Phyo Paing @ Derek drphyopaing
ကိုယ်လုပ်ချင်တာလုပ်ပြီးကိုယ်ဖြစ်ချင်တာ ဖြစ်လာတာအောင်မြင်မှုပဲ။ ဒါပေမယ့် လူအများစုရဲ့ ပြဿနာကမအောင်မြင်သေးတာ မဟုတ်ဘူး။ ကိုယ်ဘာတကယ်ဖြစ်ချင်လဲဆိုတာတောင်သေချာမသိသေးတာ။ နောက်ကိုယ်ဘာလုပ်ရတာ ကြိုက်သလဲ။ဘာလုပ်ပြီး အသက်မွေးချင်သလဲ။ဘယ်လိုဘဝမျိုး နေချင်သလဲ။ သေချာမသိတတ်ကြဘူး။ ဒီတော့ ခေတ်စားနေတာ လိုက်လုပ်တယ်။လူတွေ လုပ်နေတာ လိုက်လုပ်တယ်။ပိုက်ဆံရတယ်ဆိုတာ လိုက်လုပ်တယ်။လူအများ လျှောက်နေတဲ့လမ်းကို လိုက်လျှောက်တယ်။ နှစ်တွေကြာလာတော့တစ်ခုခုတော့ ဖြစ်လာတယ်။ ဒါပေမယ့် ကိုယ်ဖြစ်ချင်တာ ဖြစ်လာတာလား။လောကက ဖြစ်စေချင်တာ ဖြစ်လာတာလား။ ဒါကို ပြန်မေးဖို့လိုတယ်။ တချို့တွေက ကံကောင်းတယ်။ ငယ်ငယ်ရွယ်ရွယ်နဲ့ကိုယ်ချစ်တဲ့အလုပ်၊ကိုယ်တော်တဲ့အရာ၊ကိုယ်ဖြစ်ချင်တဲ့ပုံစံကိုရှာတွေ့သွားတယ်။ တချို့တွေကတော့နှစ်ပေါင်းများစွာ စမ်းသပ်ရတယ်။ လူတွေ့ရတယ်။နေရာတွေပြောင်းရတယ်။စာတွေဖတ်ရတယ်။မှားရတယ်။ပြန်စရတယ်။ ဒီလိုနဲ့မှကိုယ်ဘာလိုချင်လဲ တဖြည်းဖြည်း ရှင်းလာတယ်။ ဒါကြောင့် ဘဝမှာကိုယ်ပိုင်အတွေးအခေါ် လိုတယ်။ ကိုယ့်အတွက် အောင်မြင်မှုဆိုတာ ဘာလဲ။ကောင်းတဲ့ဘဝဆိုတာ ဘာလဲ။ဘယ်လိုလူတစ်ယောက် ဖြစ်ချင်လဲ။ဘာအတွက် အချိန်ပေးမလဲ။ဘာအတွက်တော့ အချိန်မပေးဘူးလဲ။ ဒီမေးခွန်းတွေအတွက်ကိုယ်ပိုင်အဖြေရှိဖို့လိုတယ်။ ဒါက ပြောသလောက်တော့ မလွယ်ဘူး။ ကိုယ့်ကိုကိုယ် သိဖို့လိုတယ်။လောကကို နားလည်ဖို့လိုတယ်။အတွေ့အကြုံတွေကနေ
ကိုယ်လုပ်ချင်တာလုပ်ပြီးကိုယ်ဖြစ်ချင်တာ ဖြစ်လာတာအောင်မြင်မှုပဲ။ Read More »
ပညာတွေ အများကြီးသင်ထားပြီးကိုယ့်ပြဿနာတောင် ကိုယ်မဖြေရှင်းနိုင်ရင်အဲ့ဒီပညာက ဘာအတွက်လဲ။ ပညာသင်တဲ့ ရည်ရွယ်ချက်ကCertificate ရဖို့သက်သက် မဟုတ်ဘူး။ ပြဿနာဖြေရှင်းဖို့။ ကိုယ့်ဘဝမှာ ကြုံနေရတဲ့စိတ်ပိုင်းဆိုင်ရာ၊ အလေ့အကျင့်၊အချစ်၊ ငွေကြေး၊ ဘဝဦးတည်ချက်ပြဿနာတွေကို ကိုယ်တိုင်ဖြေရှင်းနိုင်ဖို့Personal Development လိုတယ်။ သူများရဲ့ပြဿနာကိုကိုယ့်အတတ်ပညာနဲ့ ဖြေရှင်းပေးပြီးအသက်မွေးဝမ်းကျောင်းပြုနိုင်ဖို့Professional Development လိုတယ်။ ကိုယ့်လုပ်ငန်းရဲ့ပြဿနာကို ဖြေရှင်း၊ဈေးကွက်မှာရှိတဲ့ ပြဿနာကိုရှာ၊အဲ့ဒီပြဿနာကို Product နဲ့ဖြစ်ဖြစ်၊Service နဲ့ဖြစ်ဖြစ် ဖြေရှင်းပေးပြီးတန်ဖိုးဖန်တီးနိုင်ဖို့Business Development လိုတယ်။ ဒါကြောင့်ပညာတစ်ခု မသင်ခင်“ဘာသင်ရမလဲ” လို့ အရင်မမေးနဲ့။ “ငါ ဘာပြဿနာကို ဖြေရှင်းချင်တာလဲ”လို့ အရင်မေး။ ပြီးရင်— ဒီပြဿနာကို ဖြေရှင်းနိုင်ဖို့ဘယ်လိုလူဖြစ်ဖို့လိုသလဲ။ အဲ့ဒီလိုလူဖြစ်ဖို့ဘယ်လိုတွေးတတ်ဖို့လိုသလဲ။ အဲ့ဒီလိုတွေးနိုင်ဖို့ဘာတွေသိဖို့လိုသလဲ။ တကယ်ဖြေရှင်းနိုင်ဖို့ဘာအတတ်ပညာတွေ တတ်ဖို့လိုသလဲ။ ဒီကနေမှကိုယ်သင်ရမယ့်ပညာက ရှင်းလာတယ်။ ပြောတဲ့သူကပြော၊ကိုယ်ကနားထောင်၊မှတ်စုလေးမှတ်၊ပြီးရင် အိမ်ပြန်သွားတာကိုပညာသင်တယ်လို့ မခေါ်ဘူး။ တကယ်သင်ယူတယ်ဆိုတာ— ရည်မှန်းချက်ရှိတယ်။မေးခွန်းမေးတယ်။အဖြေရှာတယ်။လက်တွေ့သုံးကြည့်တယ်။ရလဒ်ကို ပြန်ကြည့်တယ်။မအလုပ်ဖြစ်ရင် ပြန်ပြင်တယ်။ပြီးရင် ထပ်စမ်းတယ်။
ပညာတွေ အများကြီးသင်ထားပြီးကိုယ့်ပြဿနာတောင် ကိုယ်မဖြေရှင်းနိုင်ရင်အဲ့ဒီပညာက ဘာအတွက်လဲ။ Read More »
ကြီးကျယ်ခမ်းနားတဲ့အရာတိုင်းကတစ်နှစ်၊ နှစ်နှစ်နဲ့ ဖြစ်လာတာမဟုတ်ဘူး။ဘဝဆိုတာ သတေဲ့အထိကစားရမည့် ဂိမ်းတစ်ခုပဲ။ တချို့ နှစ်တွေက တစ်နှစ်တစ်နှစ်တိုးတက်မှုက ပုံမှန်ထက်ငါးဆ၊ ဆယ်ဆ ဖြစ်ကောင်းဖြစ်လိမ့်မယ်။တချို့နှစ်တွေက ဒုံရင်းဒုံရင်ဖြစ်လိမ့်မယ်။တချို့နှစ်တွေက ရှိထားတဲ့နေရာကိုထိန်းထားရတာမျိုးဖြစ်ကောင်းဖြစ်မယ်။ အရေးကြီးတာက စိတ်ရှည်ဖို့ပဲ။ ကိုယ့်ရဲ့အိမ်မက်တွေအတွက်စိတ်ရှည်ဖို့လိုတယ်။အိမ်မက်တွေ ရှင်သန်နေဖို့လိုတယ်။ဒါမှ ဘဝက အဓိပ္ပာယ်ရှိမှာ။ Phyo Paing @ Derek drphyopaing
ကြီးကျယ်ခမ်းနားတဲ့အရာတိုင်းကတစ်နှစ်၊ နှစ်နှစ်နဲ့ ဖြစ်လာတာမဟုတ်ဘူး။ Read More »
ဘဝကို အကြီးအကျယ်ပြောင်းလဲချင်ရင်ကိုယ်နဲ့တွေ့နေကျ “လူ”၊နေထိုင်တဲ့ “နေရာ”၊ခေါင်းထဲထည့်တဲ့ “အိုင်ဒီယာ”ဒီသုံးခုပြောင်းဖို့ပဲ။ တစ်ခုပြောင်းရင်ကိုဘဝက တော်တော်ပြောင်းပြီ။ ဘယ်လိုပြောင်းသလဲဆိုတွေ့တဲ့လူ၊ နေရာ၊ အိုင်ဒီယာမတူရင်ခံစားချက်မတူဘူး။ခံစားချက်မတူ လုပ်ဆောင်ပုံမတူဘူး။လုပ်ဆောင်ပုံမတူရင်ရလဒ်မတူဘူး။ ရလဒ်မတူတော့တဲ့အခါကိုယ့်ကိုကိုယ် မြင်တဲ့အမြင်မတူဘူး။ကိုယ့်ကိုကိုယ် မြင်တဲ့အမြင်မတူတော့တဲ့အခါလုပ်ရပ်ပိုမတူတော့ဘူး။ Phyo Paing @ Derek drphyopaing
ကြောက်စိတ်၊အားငယ်စိတ်၊မနာလိုဝန်တိုစိတ်၊အပြစ်တင်လိုစိတ်၊ကိုယ့်ကိုကိုယ် အပြစ်လို့ခံစားတဲ့စိတ်၊ဝမ်းနည်းပူဆွေးစိတ်ဒါတွေနဲ့ဘဝ ကောင်းကောင်းတည်ဆောက်လို့မရဘူး။ ကျေးဇူးတင်စိတ်၊ဂုဏ်ယူစိတ်၊စူးစမ်းလိုစိတ်၊အာရုံစိတ်လိုစိတ်၊မတ်ေတာဒါတွေနဲ့ပဲ ဘဝကောင်းကောင်းတည်ဆောက်လို့ရတယ်။ Phyo Paing @ Derek drphyopaing
ဖရိုဖရဲဖြစ်ချင် စီမံခန့်ခွဲမှုမလုပ်နဲ့။ကိုယ့်ခန္ဓာကိုယ် ဖရိုဖရဲဖြစ်ချင်စီမံခန့်ခွဲမှုမလုပ်နဲ့။ငွေကြေး ဖရိုဖရဲဖြစ်ချင်စီမံခန့်ခွဲမှုမလုပ်နဲ့။ဘဝ ဖရိုဖရဲဖြစ်ချင်စီမံခန့်ခွဲမှုမလုပ်နဲ့။အချစ်ရေး ဖရိုဖရဲဖြစ်ချင်စီမံခန့်ခွဲမှုမလုပ်နဲ့။ အလိုလိုပေါက်တာ မြက်ပင်များတယ်။ပန်းကောင်းပန်းမံရချင်ရင်တကူးတက ပျိုးထောင်ရတာများတယ်။ စီမံခန့်ခွဲတယ်ဆိုတာရည်မှန်းချက်သတ်မှတ်ရတယ်။လိုအပ်တာကြိုတင် စီမံကိန်းချရတယ်။စုစည်းရတယ်။ဦးဆောင်အကောင်အထည်ဖော်ရတယ်။ရလဒ်ကိုပြန်တိုင်းတာရတယ်။လိုအပ်ရင် ပြန်ပြင်ရတယ်။ ဖြစ်ပြီးပျက်တာ သဘာဝ။မဖြစ်ပဲ ပျက်ပျက်သွားတာ ကိုယ်ညံ့လို့။ဖြစ်ပြီးပျက်တာထက်မဖြစ်ပဲ ပျက်သွားတာ ပိုဆိုးတယ်။ ချမ်းသာပြီးသေသွားတာထက်ဆင်းရဲပြီး သေသွားတာပိုဆိုးတယ်။ Phyo Paing @ Derek drphyopaing
“အောင်မြင်ရင် အဖေတစ်ရာ။ကျရှုံးရင် မိဘမဲ့။” ဂျွန်ဖက်ကနေဒီပြောခဲ့တဲ့စကား။ အောင်မြင်ရင် ဟိုဟာကြောင့်ဒီဟာကြောင့် အဖေတွေအများကြီး။ အောင်မြင်မှုဆိုတာ “ပဋိစ္စသမုပ္ပါဒ်” လိုပဲ။အထောက်အပံ့တွေအများကြီးလိုတယ်။အကြောင်းအခြေအနေတွေကိုမှီပြီး ဖြစ်ပေါ်လာတယ်။ Phyo Paing @ Derek drphyopaing
တစ်ရက်တာကို သုံးပိုင်းပိုင်းပါ။ ၁။ Train စိတ်နဲ့ခန္ဓာပိုကောင်းအောင်စာဖတ်၊ လေ့ကျင့်ခန်းလုပ်၊ အစားအသောက်ဂရုစိုက်၂။ Work ငွေဝင်၊ တိုးတက်ဖို့ အလုပ်လုပ်၃။ Recharge ညနေပိုင်းနောက်တစ်ရက်အတွက် အနားယူပါ။ Phyo Paing @ Derek drphyopaing
လူတွေက ကိုယ်ထင်သလိုမဟုတ်တတ်ဘူး။ပြောတဲ့စကားနဲ့နောက်ကွယ်က ရည်ရွယ်ချက်နဲ့ကမတူတတ်ဘူး။ ဒါကြောင့် စကားတွေရဲ့အလွန်ကိုမြင်နိုင်ဖို့လိုတယ်။လုပ်ရပ်တွေရဲ့နောက်ကွယ်ကိုကြည့်နိုင်ဖို့လိုတယ်။ လူလောကမှာ လူတွေနဲ့အဆင်ပြေချင်ရင်စိတ်ထဲမှာ ရှိတာ အကုန်ပြောလို့မရဘူး။ပရိယာယ်ရှိရတယ်။အထာလေးရှိရတယ်။ ကိုယ့်ကိုဘယ်လိုဆက်ဆံရမယ်။ဘယ်လိုဆက်ဆံလို့မရဘူး။လူနဲ့ထိတွေ့တဲ့သူတွေကို သင်ပေးရတယ်။ ကိုယ်မကြိုက်တာကိုလုပ်ရင်မကြိုက်ကြောင်းသိအောင်ချက်ချင်ပြောရတတ်တယ်။ လူအများစုက ကိုယ့်ရဲ့အကျိုးစီးပွါးနဲ့ပဲလည်ပတ်ကြတယ်။အကျိုးစီးပွါးဆိုတာ ငွေကြေးတစ်ခုတည်းမဟုတ်ဘူး။အသိအမှတ်ပြုခံရမှု။ကိုယ်ဖြစ်ချင်တာကိုလုပ်ဆောင်နိုင်စွမ်း။ပါဝါ။ ရှုပ်ထွေးတဲ့လူ့လောကမှာမအမှရမယ်။ Phyo Paing @ Derek drphyopaing
