time management

နေ့စဥ်လုပ်ဆောင်နေကျလုပ်ရပ်တွေအကုန်လုံးကိုရည်ရွယ်ချက်ရှိရှိကြိုတင်စီမံထားတာကိုRitual လို့ခေါ်တယ်။ ဘဝမှာ တစ်သက်၊ တစ်နှစ်၊ တစ်လ၊တစ်ပတ်၊ တစ်နာရီရှိမယ်။ ဘဝမှာ တစ်နှစ်တစ်နှစ်ရည်မှန်းချက်ပန်းတိုင်ရှိမယ်။ဒီပန်းတိုင်အတွက် လအလိုက် လုပ်ဆောင်မည့်အရာရှိမယ်။နောက်ဒီအပတ်အတွက် လုပ်ဆောင်မည့်အရာ၊နောက် တစ်ရက်တာ ဖြတ်သန်းမည့်ပုံစံ။ အရေးကြီးဆုံးက တစ်ရက်တာဖြတ်သန်းမည့်ပုံစံ။ လူတိုင်းက ၂၄ နာရီရှိတယ်။ ၈ နာရီအိပ်၊ ရေမိုးချိုး၊ ထမင်းစား၊အားကစားလေ့ကျင့်၊ လမ်းမှာအချိန်ကုန်၊မိတ်ဆွေနဲ့တွေ့က ၈ နာရီလောက်။အလုပ်က ၈ နာရီဆိုပါတော့။ တကယ်လို့ ကိုယ်တိုင်ရွေးချယ်လို့ရရင်ဒီ ၈ နာရီမှာ ဘာလုပ်မလဲစဥ်းစားလို့ရမယ်။ ကျွန်တော်စဥ်းစားပုံတစ်ခုက တစ်ရက်တာကို ကိုယ့်အတွက် အကောင်းဆုံး optimize ဖြစ်အောင်ဘယ်လိုလုပ်မလဲ။ တစ်ရက်တာ ၂၄ နာရီကို TWR – Train, Work, Rechargeသုံးပိုင်းပိုင်းလိုက်တယ်။ Train လုပ်တဲ့ပိုင်းမှာ စိတ်အတွက် စာဖတ်၊ တရားထိုင်၊ ပြန်လည်သုံးသပ် journaling လုပ်။

ရည်ရွယ်ချက်ရှိရှိအလုပ်လုပ်တာကအချိန်သုံးတာ။ ရည်ရွယ်ချက်မရှိထွေပြားဝေဝါးပြီးအလဟသ အချိန်ကုန်အရေးမပါတာတွေအရာပေးနေတာအချိန်ဖြုန်းတာ။ ကိုယ့်ကိုယ်ကို ချစ်ရင်အချိန်မဖြုန်းနဲ့။ အချိန်ကို သုံး။ Phyo Paing @ Derek

ဒါကို ထုတ်သုံးဖို့ အတားအဆီးကအကျိုးမရှိတဲ့ စိတ်ခံစားမှုတွေ။ စိတ်ခံစားမှု မကောင်းရင်အတွေးမကောင်းဘူး။ အတွေးမကောင်းရင်လဲစိတ်ခံစားမှု မကောင်းဘူး။ ဒါကြောင့် Cognitive Behavior Therapy (CBT) ကော်နက်တစ် ဘီဟေးဘီယာ ကုထုံးမှာအတွေး-ခံစားချက်-လုပ်ဆောင်ချက်Thinking-Feeling-Doing ဆက်စပ်ချက်ကိုပြောတယ်။ ဒါကြောင့် ကောင်းမွန်တဲ့အတွေးတွေးနိုင်ဖို့လိုတယ်။ ကောင်းမွန်တဲ့အတွေးတွေးနိုင်ဖို့ဗုဒ္ဓသင်ကြားပေးခဲ့တဲ့ သမ္မာဒိဋ္ဌိ လို့ခေါ်တဲ့ မှန်သော အယူအမြင် ရှိဖို့လိုတယ်။ မှန်ကန်သော အယူအမြင်ဆိုတာ အကြောင်း အကျိုးဆက်စပ်မှုဖြစ်တယ်။ ကိုယ်အခုဖြစ်နေတဲ့ဘဝ အကျိုးဟာ ကိုယ့်ရဲ့ အတိတ်ကလုပ်ရပ် အကြောင်းကြောင့်ဖြစ်တယ်။ ပြီးသွားတာကို ပြင်လို့မရဘူး။အနာဂတ်ဖြစ်လာမည့်အရာကို ပြင်လို့ ရတယ်။ အနာဂတ်ကို “ဒီနေ့” က စပြင်လို့ရတယ်။ ကိုယ့်အတွက် အကျိုးမရှိတာ သူတပါးအတွက် အကျိုးမရှိတာ တတ်နိုင်သလောက်မတွေးနဲ့၊ မပြောနဲ့ မလုပ်နဲ့။ ကာယကံ၊ ဝဇီကံ၊ မနောကံကံသုံးပါးကို ဂရုစိုက်ခြင်းနဲ့စတင်လို့ရတယ်။ Phyo Paing

အချိန်ကိုပဲ မစီမံနဲ့။ စိတ်ကို စီမံ။ စိတ်ညစ်နေရင် အလုပ်ကောင်းကောင်းလုပ်ဖို့အလွယ်ဘူး။ စိတ်ရှုပ်နေရင်ရှင်းရှင်းလင်းလင်းတွေးတောဖို့မစွမ်းဆောင်နိုင်ဘူး။ စိတ်လေနေရင် အလုပ်စတင်ဖို့ မလွယ်ဘူး။ စိတ်ထောင်းကိုယ်ကျေဆိုတဲ့အတိုင်းစိတ်က အခရကျတယ်။ ဗုဒ္ဓက စိတ်ဆိုတာ “အာရုံကိုသိ” ခြင်းလို့ဆိုတယ်။ စိတ်ဆိုတဲ့ အဖြူထည်လေးမှာ စေတသိက်တွေလွမ်းမိုးခြယ်လည်တယ်။ ကောင်းမွန်တဲ့ စေတသိက်တွေလွမ်းမိုးဖို့အာရုံကို ကောင်းတဲ့နေရာမှာ စိတ်ထားနိုင်ဖို့လိုတယ်။ နေ့စဥ် ပျော်စရာ၊ရင်ခုန်စရာ၊ဂုဏ်ယူစရာ၊ မဖြစ်မနေလုပ်ဆောင်မည့်အရာ၊ကိုယ်နှစ်သက်ပျော်ရွင်တဲ့အလုပ်၊ကျေးဇူးတင်တဲ့အရာ၊ ကိုယ်မေတ္တာထားချစ်ရသူတွေ၊ချစ်ရတဲ့အရာတွေပေါ်အာရုံထားမေတ္တာပွားမျှဝေရင်စိတ်က ကောင်းနေမှာ။ အချိန်ပဲ မစီမံပါနဲ့။ စိတ်ကိုလဲ စီမံပါ။ စိတ်ကို စီမံဖို့အာရုံကို စီမံပါ။ နက်နဲတဲ့အလုပ်တွေလုပ်ဖို့ သမာဓိ အာရုံစူးစိုက်မှုလိုပါတယ်။ Phyo Paing @ Derek

တစ်ရက်ကို နေ့စဥ်မပျက်မကွက်အာရုံသုံးနာရီလောက်သေချာစိုက်လေ့လာရင် ငါးနှစ်လောက်ဆို ပညာရပ်တစ်ခုကိုအထိုက်အလျောက်ကျွမ်းကျင်လာမှာပဲ။ သာမာန်ထက်မတော်ရင်တောင်သာမာန်လောက်တော့ ဖြစ်လာမှာပဲ။ မနက်တစ်နာရီခွဲ၊ညမအိပ်ခင်တစ်နာရီခွဲလောက်ပိုင်းလိုက်ရင် သုံးနာရီကရနိုင်လောက်တယ်လို့ထင်တယ်။  Phyo Paing @ Derek

ကိုယ့်အသက်ကို တန်ဖိုးထားရင်ကိုယ့်တစ်ရက်ကိုလဲ တန်ဖိုးထားဖို့လိုတယ်။ တစ်ရက်တာကို အဓိပ္ပာယ်မရှိအလဟသ မဖြစ်ဖို့လိုတယ်။ ကိုယ့်ကို ပိုပျော်စေတဲ့၊ ပိုတော်စေတဲ့ ဒီနေ့နဲ့ မနက်ဖြန်ဝင်ငွေ ပိုပွားစေမည့်၊တခြားသူတွေအတွက် အထောက်အကူပြုမည့်အားထုတ်လုပ်ကိုင်ရတဲ့အလုပ်တွေနေ့စဥ်လုပ်ခြင်းနဲ့ ဘဝအဓိပ္ပာယ်ဖန်တီးလို့ရတယ်။ တစ်ရက်၊ တစ်ရက်ရဲ့ စွမ်းပကားကိုလျော့မတွက်ပါနဲ့။ တစ်နှစ်မှာ ၁၂ လ။ရက်သတ္တပတ် ၅၂ ပတ်။ ရက်ပေါင်း ၃၆၅ ရက်။ နာရီပေါင်း ၈၇၆၀။ မိနစ်ပေါင်း ၅ သိန်းကျော်။ (၅၂၅၆၀၀)စက္ကန့်ပေါင်း ၃၁ သန်း။ (၃၁၅၃၆၀၀) အိပ်ချိန်၊ စားချိန်၊ နားချိန်၊ လည်ချိန်၊ မိသားစုတာဝန်တွေနဲ့ဆို ကိုယ့်ဘဝမှာ ဖန်တီးချင်တဲ့အရာတွေအတွက်အချိန် ဘယ်လောက်များရမလဲ။ နှစ်တစ်နှစ်ရဲ့နာရီပေါင်း ၈၇၆၀ ကျော်ကို ဘာအနေနဲ့ ပြောင်းမလဲဒီနေ့နဲ့ ဆိုင်တယ်။ Phyo Paing @ Derek