ဘဝရဲ့ ရုန်းကန်မှု၊အခက်အခဲ၊ ဒုက္ခတိုင်းမှာ အဓိပ္ပာယ်ရှာကြည့်။ သူ့အလိုလို မဖြစ်လာဘူး။ ကိုယ့်ကို မက်ဆေ့တစ်ခုပေးနေတာကြည့်တတ်၊ မြင်တတ်တဲ့အခါရှေ့ဆက်ရမည့်လမ်းတွေရှင်းရှင်းကြီး မြင်လာနိုင်တယ်။ ကိုယ့်ရဲ့ အလိုလိုသိစိတ်စွမ်းအားIntuitive power ကိုလျော့မတွက်ပါနဲ့။ Phyo Paing @ Derek
အများကြီးမစဥ်းစားနဲ့။ လက်ရှိအခြေအနေကိုသာတစ်ရက်တာအတွက်၊တစ်ပတ်အတွက်၊ တစ်လအတွက်အကောင်းဆုံး ဘယ်လို optimize လုပ်လို့ရမလဲသာစဥ်းစားကြည့်။ တကယ်တမ်း ၂၀ နဲ့ ၄၀ ကြားလောက်သာနုပျိုနေတာ။ ၄၀ ကျော်ရင် ဇရာက မျက်နှာမှာစပြပြီ။ ၆၀၊ ၇၀ ကျော်ရင် ကျန်းမာရေးသေချာမလုပ်ဘဝကို ဖြစ်သလိုနေရင်ကျန်းမာရေးကိစ္စဖြစ်လာပြီ။ လူတိုင်းက တသားမတ်ထဲ ဘဝကို ဖြတ်သန်းရမှာ မဟုတ်ဘူး။ ကျွန်တော်တို့ရထားတဲ့အချိန်တွေကသိပ်တန်ဖိုးရှိတယ်။ကိုယ်တကယ်ပိုင်တာ အချိန်ပဲ။ ဒီအချိန်အတွေကို နေ့စဥ်ဘယ်လိုအသုံးချမလဲဆိုတာ ကိုယ့်ရဲ့ ဆုံးဖြတ်ချက်ပဲ။ တစ်ရက်အတွက်၊ တစ်ပတ်အတွက်၊တစ်လအတွက် အကောင်းဆုံးဖြစ်ဖို့နေ့စဥ် မပျက်မကွက် ဘာတွေလုပ်မလဲ။ ဘဝမှာ အချိန်တွေရှိတုန်းဘာတွေ လုပ်မလဲ။ Phyo Paing @ Derek
နေ့စဥ် အရေးအကြီးဆုံးက “အာရုံ စီမံခန့်ခွဲမှု”။ ဒီနေ့ခေတ် အလုပ်က ကိုယ်ကာယသုံးရတဲ့အလုပ်တဖြည်းဖြည်း နည်းလာပြီ။ အလုပ်ရဲ့သဘောတရားအဆင့်မြင့်လာလေဦးနှောက်ပိုသုံးလာရလေ။ ဒီလို ဦးနှောက်သုံးတဲ့ အလုပ်လုပ်ဖို့ အာရုံကို ဘယ်နားစိိုက်ရမယ်၊ဘာကို လျစ်လျူရှုရမယ် အရေးကြီးတယ်။ လူကို အာရုံထွေပြားစေမည့်အရာတွေရှောင်ရှားဖို့လိုတယ်။ အာရုံကို အရေးပါတဲ့အရာတွေမှာအာဏာကုန်ထည့်ဖို့လိုတယ်။ အရေးမပါတာတွေကို အရာမပေးပါနဲ့။ Phyo Paing @ Derek
လူ၊ နည်းပညာ၊ စျေးကွက်၊ အလုပ်။ လူတိုင်းရဲ့ ဘဝဟာကိုယ့်ကိုယ်အပြောင်းအလဲဖြစ်စေတဲ့ဆရာသမား၊ စီးပွားရေးပါတနာ၊ ဝန်ထမ်းကောင်း၊ အချစ် ဒါမှမဟုတ် သူငယ်ချင်းတွေပြီးနောက်တဆင့်တက်သွားတတ်ကြတယ်။ ဒါမှမဟုတ် နည်းပညာအသုံးချတတ်မှုလျှို့ဝှက်ချက်တွေကြောင့်လဲဘဝအပြောင်းအလဲဖြစ်တယ္။ တတိယအချက်ကတော့ စျေးကွက်အပြောင်းအလဲကြားမှာ သေချာ လက်ဆုပ်လက်ကိုင်ယူနိုင်ရင်လဲဖြစ်တယ်။ ဒီသုံးချက်က အလုပ်မပါရင်အကောင်အထည်ဖော်လို့မလွယ်ဘူး။ Phyo Paing @ Derek
လူတစ်ယောက်ကို အရမ်းလဲ မချစ်နဲ့။အရမ်းလဲ မမုန်းနဲ့။အရမ်းလဲ အထင်မကြီးနဲ့။ဘဝကို အေးဆေးဖြတ်သန်းချင်ရင်အပူရှောင်။စိတ်ထားတတ်ဖို့လိုတတ်တယ်။ ဘဝကြီးမှာငွေကြေးရဲ့ချုပ်နှောင်မှု၊စိတ်ဒုက္ခဝေဒနာတွေရဲ့ ချုပ်နှောင်မှု၊ခန္ဓာကိုယ်အကျဉ်းကျခြင်းချုပ်နှောင်မှုကကင်းဝေးဖို့ နီးလမ်းရှာရမှာပဲ။ ဘဝဆိုတာ ခဏပါ။မလိုတာတွေ ပိုမလုပ်မိဖို့ လိုတတ်တယ်။ Phyo Paing @ Derek
ပေါင်းသင်းဆက်ဆံရေးကောင်းတဲ့သူကပေါင်းသင်းဆက်ဆံရေးနဲ့သက်ဆိုင်တာနဲ့အသက်မွေး။ဥာဏ်ကောင်းတဲ့သူက ဥာဏ်ဏနဲ့ အသက်မွေး။ ကာယဗလရှိတဲ့သူကကာယဗလနဲ့ အသက်မွေး။စည်းစနစ်ကောင်းသူက စီမံခန့်ခွဲမှုနဲ့ အသက်မွေး။ အတွက်အချက်ကောင်းသူကအတွက်အချက်နဲ့။ ချိပ်ဆက်တဲ့အပိုင်းကောင်းသူကချိပ်ဆက်ပွဲစား။ လူတိုင်းက ကျွမ်းကျင်ရာလိမ္မာရာပဲ။ ဘဝရဲ့ ပေးထားချက်တွေနဲ့ ဘဝပုစ္ဆာအဖြေရှာရမှာပဲ။ Phyo Paing @ Derek
ဘာမှန်းမသိပဲရောက်လာတယ်။ဝဝလင်လင်နေဖို့ အလုပ်လုပ်ရတယ်။ဘောင်ဝင် လူဝင်ဆန့်ဖို့ လူ့ဘောင်မှာနေတတ်ရတယ်။ဘဝင်လေဟပ် အောင်မြင်မှုဆုတံဆိပ်တွေအတွက် ကြိုးစားရပြန်တယ်။ဘာဝနာပွားပြီး သံသရာက ထွက်ရမယ်။ Phyo Paing @ Derek
အလုပ်ဖြစ်တာကို ဖိလုပ်။ လူတိုင်းမှာ Winning formula ရှိတယ်။ တစ်ယောက်နဲ့ တစ်ယောက်မတူကြဘူး။ သူများတော့ မသိဘူး။ ကျွန်တော့်ရဲ့ Winning formula ကတော့ ၁။ လေ့ကျင့်၊ လေ့လာ (Practice and Learn) ၂။ စမ်းသပ်၊ လုပ်ဆောင်၊ တွေ့ရှိ (Experiment and Execute) ၃။ ရေးသား၊ အကြံပေး၊ သင်ကြား (Share, Advise and Teach) ဒီသုံးခုကို နေ့တိုင်း၊ ဘယ်နေရာရောက်ရောက်ထပ်ခါထပ်ခါ repeat လုပ်တယ်။ Phyo Paing @ Derek
ပညာတတ်တတ် မတတ်တတ်ပိုက်ဆံရှာ စီးပွားလုပ်လို့ရတယ်။ပညာတတ်လေလေအဆင့်မြင့်စီးပွားလုပ်နိုင်လေလေ။ပညာတတ်တွေကိုဦးဆောင်နိုင်လေလေ။ဒါကြောင့် ပညာသင်ကြတယ်။ သားသမီးတွေကို ပညာတတ်ဖြစ်အောင်ပြုစုပျိုးထောင်ဖို့ ငွေကုန်ခံကြတယ်။“တကယ်” ပညာတတ်လေလေအဆင့်မြင့်တဲ့ အလုပ်လုပ်နိုင်လေလေ။ ခေတ်၊ စနစ်နဲ့ တတ်တဲ့ပညာအံဝင်ဂွင်ကျဖြစ်ဖို့တော့ အရေးကြီးနိုင်တယ်။နိုင်ငံသေးလေးမှာ အာကာသသွားချင်လို့မရဘူး။တတိယနိုင်ငံလိုအပ်တဲ့ ကျွမ်းကျင်မှုနဲ့ပထမနိုင်ငံမှာလိုအပ်တဲ့ ကျွမ်းကျင်မှုမတူဘူး။နိုင်ငံသေးလေးမှာလိုအပ်တဲ့ ကျွမ်းကျင်မှုနဲ့နိုင်ငံကြီးမှာ လိုအပ်တဲ့ကျွမ်းကျင်မှုလဲ မတူပြန်ဘူး။ ခေတ်၊ စနစ်နဲ့ စကေး ဒီသုံးခုအံဝင်ဂွင်ကျဖြစ်ဖို့လဲလိုနိုင်တယ်။ ကိုယ့်အတတ်ပညာက တစ်နေရာမှာသုံးမရရင်သုံးလို့ရတဲ့နေရာ သွားရမှာကယုတ္တိကျတဲ့အရာတစ်ခု ဖြစ်နိုင်တယ်။ Phyo Paing @ Derek
တချို့က ကံကောင်းပြီးရေခံမြေခံကောင်းတယ်။တချို့က မိသားစု အသိုင်းအဝိုင်းနောက်ခံကောင်းတယ်။တချို့က ဥာဏ်ကောင်းတယ်။တချို့က ပေါင်းသင်းဆက်ဆံရေးကောင်းတယ်။ ဒါကို ကျွမ်းကျင်မှု၊ ပိုင်ဆိုင်မှုနဲ့ အဆက်အသွယ် ပြောင်းဖို့လိုလာတယ်။ တချို့တွေက အကုန်ကောင်းတယ်။ တချို့တွေက တစ်ခုမှ မကောင်းဘူး။တခုမှ မကောင်းရင်တောင် အချိန် ပိုင်တယ်။ ဘဝမှာ ဒီ အရင်းအမြစ်တွေကို အားသာချက် လက်နက်ပြောင်းဖို့Project Management လုပ်ဖို့လိုလာပြီ။ ကိုယ့်အနေနဲ့ ကံလဲ မကောင်းဘူး။ပေါင်းသင်ဆက်ဆံရေးလဲ မကောင်းဘူး။ဥာဏ်လေး နည်းနည်းကောင်းရင်ဥာဏ်ကို သုံး။ ကိုယ်က ပေါင်းသင်းဆက်ဆံရေးကောင်းရင်ဒါကို အသုံးပြု။ ဘဝမှာ အရင်းအမြစ်တွေရှိတယ်။ ၁။ အချိန် (ငယ်ရွယ်မှု)၂။ ဥာဏ်၃။ မိသားစု အသိုင်းအဝိုင်းနောက်ခံ၄။ ရေခံ၊ မြေခံ (နိုင်ငံ) ၅။ အပေါင်းအသင်း ၆။ အားသာချက် ဒီအရင်းအမြစ်တွေကို လက်နက် တွေ အနေနဲ့ ပြောင်းဖို့လိုလာတယ်။
