Life

ကိုယ့်ရဲ့ ကျွမ်းကျင်မှုကဘဝပေးတဲ့ ပြဿနာထက်ပိုကြီးသလား၊ဘဝပေးတဲ့ပြဿနာက ကိုယ့်ရဲ့ ကျွမ်းကျင်မှုထက်ပိုကြီးသလား။ဒီပေါ်မူတည်ပြီး ဘဝတွေကွာသွားတယ်လို့ဆိုလို့ရနိုင်တယ်။ Is one’s expertise greater than the problems life presents, or are the problems life presents greater than one’s expertise? Based on this, it can be said that lives diverge. Phyo Paing @ Derek

နှစ်ကုန်ပြီဆို နောက်တစ်နှစ်မှာဖြစ်နိုင်တဲ့ “အဆိုးဆုံးပြဿနာ” တွေကိုချရေးထားလေ့ရှိတယ်။ ငယ်ငယ်လေးထဲက ကိုယ်ဖြစ်စေချင်တဲ့အတိုင်းဖြစ်မလာတာများတဲ့ လောကမှာအကောင်းတွေမျှော်လင့်တာထက်အဆိုးတွေ မျှော်လင့်ထားတတ်တာအကျင့်လိုဖြစ်နေတတ်တယ်။ အဆိုးဆုံးဖြစ်နိုင်တဲ့ ပြဿနာတွေထဲမှာကိုယ့်ကို “အထိအခိုက်ကြီးစေနိုင်တဲ့ပြဿနာတွေ” ကို ချရေးပြီးရှောင်လိုရမည့်အရာတွေ၊လျော့လို့ရမည့်အရာတွေ စဥ်းစားကြည့်တယ်။ နောက် ဒီအန္တရာယ်တွေကို လျော့ချတယ်။ ဘဝမှာ သေချာတာတစ်ခုကတော့လောကဓံရှိတဲ့အတွက်အမြဲလဲ ဆိုးနေမှာ မဟုတ်သလို၊အမြဲလဲ ကောင်းနေမှာ မဟုတ်ဘူး။ ဘဝမှာ အမြဲရှိနေမည့်အရာက “ပြဿနာ” တွေပဲ။ ပြဿနာမရှိတဲ့ ဘဝဆိုတာ မရှိဘူး။ဆန္ဒ (လိုချင်တာ၊ လိုအပ်တာ) တွေရှိနေသမျှပြဿနာကတော့ ရှိနေမှာပဲ။ ကိုယ့်တာဝန်က ပြဿနာအဖြေရှာရမှာဖြစ်တဲ့အတွက်ပြဿနာတွေနဲ့ ချစ်ကျွမ်းဝင်ဖို့ အရေးကြီးတယ်။ At the end of the year, it’s common to contemplate the “worst possible problems” that could arise

လူတွေက တကယ့်ကိုယ်တွေ့ထက် အတွေးထဲမှာ ဒုက္ခပိုရောက်တတ်ကြတယ်တဲ့။ ဒါကတော့ စနီကာ Seneca ဆိုတဲ့ စတိုးဝစ် Stoic ဖခင်ကြီးဆိုခဲ့တာ။ အဲ့ခေတ်က ပုလိပ်ရောဂါ၊ ကျွန်ပြု၊ စစ်တွေ ဖြစ်နဲ့အချိန်။

နေ့စဥ် နေထိုင်ချင်တဲ့ဘဝကပူပင်သောက ကင်းဝေးပြီးကိုယ်နေတဲ့နေရာကကိုယ့်ကို inspiration တစ်ခုပေးတဲ့နေရာ။ နေ့စဥ် လေ့လာချင်တာလေ့လာ၊စမ်းသပ်ချင်တာ စမ်းသပ်၊အတွေးလေးတွေ ရေးချ၊ဘဝဖြတ်သန်းမှုကို မှတ်တမ်းတင်၊အသစ်တစ်ခုခုလေ့လာ၊ပြန်လည်မျှဝေပေး။ လေ့ကျင့်ခန်းလေးလုပ်၊တစ်ခါတည်ဆောက် အမြဲငွေဝင်မည့်ကုန်ပစ္စည်းတွေ ဖန်တီး၊အင်တာနက်ကော်နက်ရှင်မြန်မြန်၊စိတ်ဝင်စားတဲ့နည်းပညာပစ္စည်းအသစ်တွေ သုံးကြည့်၊ကိုယ့်ကိုယ်ကို ပိုနားလည်အောင်လေ့လာ၊စိတ်ဝင်စားစရာကောင်းပြီးအတွေးဥာဏ်နှိုးဆွေပေးစေတဲ့လူတွေနဲ့တွေ့။ အလုပ်မလုပ်ပဲ ဝင်တဲ့ငွေကကိုယ့်ရဲ့ တစ်လအသုံးငွေထက်၅ ဆ အထက်ရှိအောင်လုပ်။ငွေကိုငွေနဲ့ ပြန်ပွားနိုင်တဲ့ စနစ်တည်ဆောက်ထား။ငွေကို လိုက်ရှာနေစရာမလိုတာမျိုးဖြစ်အောင်လုပ်။ ကိုယ်သွားချင်တဲ့နေရာကိုချက်ချင်းသွားနိုင်တဲ့ ဘဝမျိုး။ အသက် ၃၀ လောက်ထိကရေရေလည်လည် သည်းခံခဲ့ပြီးပြီ။အသက် ၃၀ ကျော်တဲ့နောက်မှာဘဝကို ကိုယ်ဖြစ်ချင်သလိုပဲနေတော့တယ်။ ဘဝက တိုတိုလေး၊မကျက်ချင်တဲ့စာတွေ ကျက်ခဲ့ပြီးစာမေးပွဲကိုလဲ အကောင်းဆုံးဖြေခဲ့ပြီးပြီ။လုပ်စရာရှိတာတွေလုပ်ဘဝမှာ ပြဿနာတွေ ဖြေရှင်းခဲ့ပြီးပြီ။