စီးပွါးရေးလုပ်နည်းမသင်ခင်လူလုပ်နည်းသင်ပါတဲ့။ တရုတ်လို做人比做事重要 တဲ့။လူလုပ်နည်းကစီးပွါးလုပ်နည်းထက်ပိုအရေးကြီးတယ်လို့ဟောင်ကောင်သူဌေးလီကာရှင်းကလဲပြောခဲ့တယ်။ လူ့ကျင့်ဝတ်မသိ၊လူမလုပ်တတ်ရင်လူတောတိုးမှာ မဟုတ်ဘူး။စကားနောက်တရားပါဆိုတာအမှန်ပဲ။ ကိုယ်တိုင်ကလဲတောင်ပေါ်သားဆိုတော့တာဇံမဖြစ်အောင်တော်တော်သတိထားလူ့ကျင့်ဝတ်နားလည်အောင်ပြင်ယူရတယ်။ အသက်ရှင်အုံးမယ်ဆိုလူတောတိုးဖို့လိုသေးတယ်လေ။ Phyo Paing @ Derek drphyopaing
ဘဝမှာ ပထမဆုံးဖြေရှင်းရတဲ့ အဓိကပြဿနာက“ပျက်စီးနေတဲ့ ကိုယ့်ကိုကိုယ် ပြင်တာ”။ ဒေါသကြီးတာလျော့တာ။စိတ်ခံစားမှုအရှိန်တက်မှုကို မချုပ်ထိန်းနိုင်တာ။ အချိန်ဆွဲတာ။ တစ်ခုခုလုပ်တော့မယ်ဆိုချိတုန်ချတုန်ဖြစ်တာ။ ဦးနှောက်က ဖြစ်ချင်သလောက်မကောင်းတာ။ ပေါင်းသင်းဆက်ဆံရေးညံ့တာ။လူတွေကို ကိုယ့်အတွေးအခေါ်ကောင်းကောင်းမပြောပြနိုင်တာ။ ကျန်းမာကြံ့ခိုင်အောင်မနေပဲစားချင်တာ လျှောက်စား၊လေ့ကျင့်ခန်းမလုပ်၊စည်းကမ်းမရှိတာ။ လုပ်သင့်တာမလုပ်ပဲရှောင်ဖယ်နေတတ်တာ။ တခြားသူတွေကို အားနေအပြစ်တင်ချင်နေတာ။ ကိုယ့်ကိုကိုယ် ပြင်ဖို့ခက်ပြီးသူများကိုပဲ အပြစ်ရှာတတ်တာ။ ဒါကို ဖြေရှင်းပြီးသလောက်ဖြစ်အောင်စိတ်ပညာနဲ့ တိုးတက်ရေးတက်ကျမ်းပေါင်းစုံဖတ်ပြီးပြုပြင်ခဲ့တယ်။ Personal Development အတိုင်းအတာတစ်ခုရောက်တော့ကျန်းမာကြံ့ခိုင်လာတယ်။ပေါင်းသင်းဆက်ဆံရေး၊အချစ်ရေး၊ မိသားစုရေးအဆင်ပြေလာတယ။ ဒုတိယဖြေရှင်းတဲ့ပြဿနာက“တစ်ဖက်ကမ်းခပ် ကျွမ်းကျင်မှု”မရှိတာ။ဆေးကျာင်းနဲ့ဘွဲ့ရတယ်။ ဘယ်အပိုင်းအကျွမ်းကျင်ဆုံးလဲမေးတဲ့အခါ ကိုယ့်မှာမရှိဘူး။ စီးပွားစီမံပညာသင်တယ်။ နောက် အရောင်းသမားလဲလုပ်တယ်။ဆိုင်လဲဖွင့်သလို၊ စာလဲသင်တယ်။ ဖုန်းဆိုင်နဲ့ အီလက်ထရောနစ်တွေလဲလုပ်တယ်။ ငယ်ငယ်တည်းက သီချင်းတိပ်ခွေတွေရောင်းခဲ့ဖူးတော့။ ကိုယ့်ရဲ့ Professional Development အတွက်ငါအဓိက လုပ်ဆောင်မှာဘာတွေဖြစ်မလဲ စဥ်းစားကြည့်တယ်။ ကိုယ်လေ့လာခဲ့တဲ့နယ်ပယ်အစုံကိုပေါင်းအရမ်းကျွမ်းကျင်တယ်လို့ယူဆထားတဲ့လူမှုစိတ်ပညာအခြေပြုမားကတ်တင်းပညာကိုအခြေခံပြီးအကြံပေးခြင်း၊ သင်ကြားခြင်းကိုProfessional Development အဖြစ်တည်ဆောက်ခဲ့တဲ့အခါကိုယ့်နယ်ပယ်မှာ လူရိုသေရှင်ရိုသေဖြစ်လာပြီးဘဝကောင်းကောင်းရပ်တည်လို့ရတဲ့ အသက်မွေးမှုဖြစ်လာတယ်။ တတိယပြဿနာက “ကိုယ်အလုပ်မလုပ်နိုင်ရင်တောင်ငွေရှာပေးနေမည့်လုပ်ငန်း မရှိတာ”။ဒါကို
မလောနဲ့။ ဒါပေမယ့် သွက်သွက်လုပ်။ စိတ်ရှည်။ဒါပေမယ့် အချိန်မဆွဲနဲ့။ ရည်မှန်းချက်ကြီးပါ။ဒါပေမယ့် လောဘမကြီးနဲ့။ တူမလိုလိုနဲ့ မတူတဲ့ စကားလုံးတွေ။ Phyo Paing @ Derek
အပိုအလုပ်တွေလုပ်လို့ဘဝက အပိုဆုတွေပေးမှာမဟုတ်ဘူး။ အရေးပါတဲ့အလုပ်လုပ်မှအရာရောက်တဲ့နေရာရမှာ။ ရည်ရွယ်ချက်မရှိပဲတွေ့ရာအပင် ပုဆိန်နဲ့ပေါက်နေရင်ပုဆိန်ရာတွေပဲကျန်နေမှာ။ တစ်ခုခုလုပ်မယ်ဆိုရင်ငါဘာကြောင့် ဒီအလုပ်လုပ်သလဲ။ ငါလိုချင်တဲ့အရာကဘာလဲ။ဒါကိုလုပ်ရတဲ့ နောက်ကွယ်အမှန်တကယ်အကြောင်းအရင်းကဘာလဲ။ငါမလိုချင်တဲ့အရာကဘာလဲ။ ဘယ်လောက်ထိ အရှုံးခံနိုင်လဲ။ အောင်မြင်တဲ့ရလဒ်သာရခဲ့မယ်ဆို အကောင်းဆုံးဆို၊ သာမန်ဆိုဘယ်လိုပုံစံမျိုးဖြစ်မလဲ။ ဒါကို စတင်ဖို့ဘာတွေလိုမလဲ။ဘာတွေသတိထားရမလဲ။ ဒီမေးခွန်းတွေမေးကြည့်ပါ။ အပိုအလုပ်တွေလုပ်လို့အပိုဆုတွေ မပေးပါဘူး။ အရေးပါတာကို အရာပေးပါ။ Phyo Paing @ Derek
အပိုအလုပ်တွေလုပ်လို့
ဘဝက အပိုဆုတွေပေးမှာမဟုတ်ဘူး။ Read More »
ငြိမ်းချမ်းမှုရဲ့အရသာကို သိပြီးတဲ့အခါပူလောင်မှုတွေကို မယူချင်တော့ဘူး။ ကိုယ်နောက်ကျကျန်နေတယ်ဆိုတဲ့အတွေးက ပူလောင်မှုပဲ။ တခြားသူတွေလုပ်သွားပြီးကိုယ်မလုပ်လိုက်ရလေခြင်းကပူလောင်မှုပဲ။ လူတွေ သတ်မှတ်ထားတဲ့ဘောင်ထဲမှာသတ်မှတ်ထားတဲ့စံနှုန်းတွေအောက်ရောက်နေတယ်လို့ စဥ်းစားမိတာကပူလောင်မှုပဲ။ ဘဝမှာ အခွင့်အလမ်းတိုင်းကလူတိုင်းအတွက် မဟုတ်ဘူး။ ကိုယ့်ဘဝမှာ ကိုယ့်အတွက်“လမ်း”ဆိုတာ သီးသန့်ရှိပြီးသား။ အတိတ်က ရက်ပေါင်းများစွာဖြည့်ခဲ့တဲ့ ပါရမီတွေတစ်ယောက်နဲ့ တစ်ယောက်မတူကြဘူး။ ဒါကြောင့် တစ်ယောက်ဖြစ်တာကို တစ်ယောက်မဖြစ်လို့ ငြိမ်းချမ်းမှုကို မဖယ်လိုက်နဲ့။ လူတိုင်းက သူ့လမ်းနဲ့ သူ။ အခွင့်အလမ်းတိုင်းက ကိုယ့်အတွက် မဟုတ်ဘူး။ ဘဝမှာ ကိုယ့်ကိုကိုယ်နားလည်တဲ့အရွယ်ရောက်ရင်“no” လို့ ပြောနိုင်တဲ့အရာတွေရှိရမယ်။ Phyo Paing @ Derek
ကိုယ်အခုရှူရှိုက်နေတဲ့အောက်ဆီဂျင်ရဲ့ဆယ်မိနစ်စာကစိန်ရွှေသန်းပေါင်းများစွာထက်တန်တယ်။ ဘာကြောင့်လဲ။ဆယ်မိနစ် အသက်မရှူရင်ဘယ်လောက် လေ့ကျင့်ထားထားသေဆုံးမှုစတင်မယ်။ အောက်ဆီဂျင်မရှိရင်အသက်ငင်နေရမယ်။ ကိုယ့်မှာ အကြွေးတွေလဲမရှိဘူး။စားဖို့သောက်လို့လဲဒီနေ့အတွက်သာမကအနာဂတ်အတွက်လဲမပူရဘူး။ဒါဆိုရင် လွတ်လပ်မှုပဲ။ မွန်းကြပ်တဲ့ဒဏ်ကို ခံစားဖူးမှလွတ်လပ်မှုဒဏ်ကို သေချာခံစားတတ်မယ်။ ကျွန်တော်တို့ကို ချုပ်နှောင်ထားတာအတွေးတွေပဲ။လွတ်မြောက်မှုပေးတာကလဲအတွေးတွေပဲ။ လူတွေကို အတွေးအခေါ်နဲ့လွတ်မြောက်မှုပေးနိုင်တာအတွေးအခေါ်ပညာပဲ။ Phyo Paing @ Derek
လူတွေကို အတွေးအခေါ်နဲ့
လွတ်မြောက်မှုပေးနိုင်တာ
အတွေးအခေါ်ပညာပဲ။ Read More »
ကိုယ့်အပေါ်ရေရှည်ကောင်းတဲ့သူအတွက်ပေးတာထက် အများကြီးပိုရစေရမယ်။ ဘာလဲတော့မသိဘူး။ငယ်ငယ်ကတည်းကလူတွေနဲ့ပတ်သက်လာရင်အစပိုင်းကောင်းတယ်။အလယ်ပိုင်းဆိုးတယ်။နောက်ပိုင်းမှာ တစ်သက်စာရင်းနှီးသူဖြစ်သွားကြတယ်။ လူအများစုကဒီ အလယ်ပိုင်းကို မခံနိုင်ဘူး။ သူငယ်ချင်းကောင်း၊အလုပ်စီးပွါးပါတနာကောင်း၊သမီးရည်းစားလင်မယားဒီရွေးချယ်မှုတိုင်းမှာဒုတိယ အဆင့်ကို ဖြတ်သန်းတဲ့အခါမှာလူတွေရဲ့ တုန့်ပြန်မှုနဲ့ကိုယ်နဲ့ ကိုက်မကိုက်ကြည့်ပြီးရေရှည် ဒီဆက်ဆံရေးကိုရင်းနှီးမြုပ်နှံမှု လုပ်သင့်မလုပ်သင့်စဉ်းစားကြည့်လို့ရတယ်။ ဘဝမှာ လက်ကိုင်ထားတဲ့အယူအဆတစ်ခုရှိတယ်။ကိုယ့်အပေါ် “ရေရှည်ကောင်းတဲ့သူ”ပေးတာထက် အများကြီးပိုရစေရမယ်။ ကျွန်တော်တို့ကို သည်းခံသူတွေကိုတန်ဖိုးထားဖို့လိုတယ်။ Phyo Paing @ Derek
ကိုယ့်အပေါ်ရေရှည်ကောင်းတဲ့သူအတွက်ပေးတာထက် အများကြီးပိုရစေရမယ်။ Read More »
ကိုယ်လိုချင်တာကိုရတာလဲအောင်မြင်မှုလို့ခေါ်တယ်။ အများလိုချင်တာကိုရထားတာကိုလဲတချို့ကအောင်မြင်မှုလို့သတ်မှတ်တယ်။ ကိုယ့်နယ်ပယ်မှာ သာမန်ထက်ကျော်ပြီးထိပ်တန်းထဲပါဝင်ရင်လဲအောင်မြင်မှုလို့သတ်မှတ်တယ်။ တချို့က ကိုယ့်ထက်ရလဒ်ပိုကောင်းရင်လဲအောင်မြင်မှုလို့သတ်မှတ်ပြန်တယ်။ တချို့ကလဲလူတွေအသိအမှတ်ပြုအားပေးတာကိုအောင်မြင်မှုလို့သတ်မှတ်တယ်။ အောင်မြင်မှုရဲ့ အဓိပ္ပာယ်ကကြည့်သူပေါ်မူတည်တယ်။Subjective ဖြစ်လွန်းတယ်။ အောင်မြင်မှုထက် တိုးတက်မှုကကျွန်တော့်အတွက်လက်တွေ့ပိုကျတယ်။ လူတိုင်းမွေးလာကတည်းကနောက်ခံရေမြေ ပေးထားချက်တွေမတူဘူး။ဘဝရဲ့ပြဿနာ မေးထားချက်တွေမတူဘူး။ ဘဝရဲ့ပေးထားချက်တွေကိုအခြေခံပြီးမေးထားချက်တွေကိုဖြေရှင်းရင်းလူတွေမမှတ်မိလောက်အောင်တိုးတက်ပြောင်းလဲတာ၊တစ်နည်းအားဖြင့်ကိုယ့်ရဲ့အကောင်းဆုံးဗားရှင်းပုံစံတည်ဆောက်တာကဘဝရဲ့ အဓိပ္ပာယ်လို့ခံယူထားတယ်။ ဒါကြောင့် အောင်မြင်မှုထက်တိုးတက်မှုကို တန်ဖိုးပိုထားတယ်။ဘာကြောင့်လဲဆိုအောင်မြင်မှုဆိုတဲ့ အိမ်မှာနေဖို့တိုးတက်မှုလို့ခေါ်တဲ့အိမ်ငှါးခပေးရမှာမို့ပါ။ တိုးတက်မှု > အောင်မြင်မှု Phyo Paing @ Derek
ကိုယ့်အတွက်အရေးမပါသူတွေရဲ့အထင်အမြင်ကကိုယ့်အတွက် အရေးမပါဘူး။ နည်းနည်းရှင်းပြပါရစေ။ တခါတလေ လူတော်တော်များများကလူတွေရဲ့အထင်အမြင်ကိုလိုတာထက် ဂရုစိုက်တတ်ကြတယ်။ တခါတလေလဲ လူတွေရဲ့အထင်အမြင်ကအရေးမကြီးဘူးဆိုပြီးလဲလုပ်မိတတ်ကြပြန်တယ်။ အဲ့တော့ ဒီနှစ်ခုကြားထဲကကြားနေ အတွေးအခေါ်တစ်ခုဖန်တီးပြီး ဘဝမှာ ကျင့်သုံးကြည့်တယ်။ ကိုယ့်အတွက် အရေးမပါတဲ့သူတွေရဲ့အထင်အမြင်က အရေးမပါဘူး။ ဘယ်လိုလူတွေက ကိုယ့်အတွက်အရေးမပါဘူးလဲ။ ကိုယ့်ရဲ့အောင်မြင်မှုကိုသူတို့ရဲ့ကျဆုံးမှုလို့ ယူဆတဲ့သူတွေ။ကိုယ့်ရဲ့တိုးတက်မှုကိုသူတို့ရဲ့ဆုတ်ယုတ်မှုလို့ ယူဆတဲ့သူတွေ။ကိုယ့်ရဲ့အကျိုးစီးပွါးကသူတို့အတွက် ဆုံးရှုံးမှုလို့ထင်တဲ့သူတွေ။ဒါတွေက ကိုယ့်အတွက်အရေးမပါတဲ့သူတွေပဲ။ ဒါကြောင့်ကိုယ့်အတွက် အရေးမပါတဲ့သူတွေရဲ့အထင်အမြင်ကကိုယ့်အတွက် အရေးမပါဘူး။ ဒါကတော့ ကျွန်တော်စဉ်းစားမိတဲ့အတွေးလေးတစ်ခု။လိုရင်လဲယူသုံးကြည့်။မလိုရင်လဲ ကျော်သွားပေါ့။လူတိုင်းအတွက် အသုံးတည့်ချင်မှတည့်မှာပေါ့။ Phyo Paing @ Derek
ကိုယ့်အတွက်အရေးမပါသူတွေရဲ့အထင်အမြင်ကကိုယ့်အတွက် အရေးမပါဘူး။ Read More »
