မပျော်တတ်တဲ့သူကို ပျော်အောင်လုပ်ပေးဖို့၊မချစ်တတ်တဲ့သူကို ချစ်အောင်လုပ်ဖို့၊မသနားတတ်တဲ့သူကို သနားအောင်လုပ်ဖို့အခက်ခဲဆုံးပဲ။ပေးတိုင်းလက်မခံနိုင်တဲ့သူတွေကိုအရမ်းကာရောသွားမပေးနဲ့။မပေးနိုင်တဲ့သူဆီကလဲ အရမ်းမမျှော်လင့်နဲ့။ Phyo Paing @ Derek
ဆာလောင်မှု အရေးကြီးတယ်။ ရည်မှန်းချက်တွေရှိပြီးဆာလောင်မှုမရှိရင်အဖြေရှာနိုင်မှုနည်းမယ်။ အကောင်အထည်ဖော်မှုနည်းမယ်။ လောကီမှာ ရှင်သန်တဲ့အခါရည်မှန်းချက်တွေအတွက်ဆာလောင်မှုတွေ မရပ်သွားဖို့လိုတယ်။ Stay Hungry, Stay Foolish လဲစတိဂျော့ပြောတာ ကြားဖူးလိမ့်မယ်။ Phyo Paing @ Derek
မျိုးစေ့ချချိန်၊ ရေလောင်းပေါင်းသင်ပေးချိန်၊ ရိတ်သိမ်းချိန်ဆိုတာရှိတယ်။ ဘယ်အချိန်မှာ ဘာလုပ်ရမလဲသိဖို့လိုတယ်။ မစိုက်ပျိုးဘဲ ရိတ်သိမ်းဖို့မလွယ်ဘူး။ အချိန်မတိုင်ခင် ရိိတ်သိမ်းတော့အကောင်းဆုံးမရတာမျိုးလဲဖြစ်တတ်တယ်။ ဒါကြောင့် မဟာဗျူဟာတစ်ခုတည်ဆောက်တဲ့အခါ စိတ်ရှည်ရှည်နဲ့ ပုံမှန်လုပ်သွားဖို့လိုတယ်။ဒါကို Strategic Patience လို့ခေါ်တယ်။ Phyo Paing @ Derek
သန်တုန်းမြန်တုန်းအလုပ်လုပ်နိုင်တုန်းအလုပ်ကိုသေချာလုပ်ရမှာ။ တစ်သက်လုံး အသက်ငယ်နေမှာမဟုတ်သလိုအခုလိုပဲ နုပျိုသန်မာနေမှာမဟုတ်ဘူး။ အချိန်နှောင်းရင်တချို့အလုပ်တွေက လုပ်လို့မလွယ်တော့ဘူး။ ငယ်ရွယ်တုန်းအလုပ်လုပ်ငွေပြန်ပွားပေးနိုင်တဲ့ ပိုင်ဆိုင်မှုတွေရှိထားရင်ဘယ်အချိန် နားနားနားလို့ရနိုင်တယ်။ ဘဝမှာ ပိုင်ဆိုင်မှုတွေ၊ အစွမ်းအစတွေ၊ပညာတွေက ပိုနေရင်ကောင်းတဲ့အရာတွေပဲ။ ဒီနေ့က တစ်သက်တာမှာအသက်အငယ်ဆုံးနေ့ပဲ။ နေသလိုဖြစ်တဲ့ဘဝမှာ သန်တုန်းမြန်တုန်းမှာ ဖြစ်သလိုနေရင်အသက်ကြီးမှ နောင်တရလိမ့်မယ်။ Phyo Paing @ Derek
လူတိုင်းဟာ သူ့အကန့်အသတ်နဲ့သူ။ ဒီအကန့်အသတ်ကိုသိဖို့လိုတယ်။နောက် ကိုယ်လိုချင်တဲ့ ပန်းတိုင်ကိုသိဖို့လိုတယ်။ပန်းတိုင်သွားတဲ့အချိန် ကြုံရနိုင်တဲ့အတားအဆီကိုသိဖို့လိုတယ်။ အကန့်အသတ်ပန်းတိုင်နဲ့အတားအဆီးကြားမှာ“မှန်ကန်တဲ့ ရွေးချယ်မှု” ကို ပြုလုပ်ကြရတယ်။ လူတိုင်းမှာ အချိန်အကန့်အသတ်ရှိတယ်။အာရုံစိုက်နိုင်စွမ်း အကန့်အသတ်ရှိတယ်။စွမ်းဆောင်ရည် အကန့်အသတ်ရှိတယ်။ထူးချွန်နိုင်တဲ့ပါရမီ အကန့်အသတ်ရှိတယ်။ လူတိုင်းဖြစ်ချင်တဲ့ပန်းတိုင်တွေရှိတယ်။ ကျန်းမာကြံ့ခိုင်၊ ချမ်းသာကြွယ်ဝ၊ ချစ်ခင်လေးစား၊ တိုးတက်ပျော်ရွင်ချင်ကြတယ်။အိမ်မက်တွေ၊ ပန်းတိုင်တွေရှိကြတယ်။ ဒါကိုသွားဖို့လမ်းမှာ အတားအဆီးတွေရှိတယ်။အခြေအနေ၊ အခါသမယ ဒီအတားအဆီးတွေကို သိဖို့လိုပြန်တယ်။ ဒီထဲကမှ မှန်ကန်တဲ့ရွေးချယ်မှုတွေကိုပြုလုပ်ကြရတယ်။ ဘယ်အရာကို လုပ်မယ်။ဘယ်အချိန်မှာ လုပ်မယ်။ဘယ်အရာကို များများလုပ်မယ်။ဘယ်အရာကို နည်းနည်းလုပ်မယ်။ဘယ်အရာကို မလုပ်ဘူး။ ဒီရွေးချယ်မှုတွေက ၂၄ နာရီအတွင်းမှာပဲဖြစ်တယ်။ဒီ ၂၄ နာရီအတွင်းမှာ အိပ်ရသေးတယ်။စားရသေးတယ်။ဝေယျာဝိစ္စလုပ်ရသေးတယ်။ဒီထဲကမှ ကျန်တဲ့အချိန်ကိုအကောင်းဆုံးရွေးချယ်မှု ပြုနိုင်ဖို့လိုတယ်။ ကိုယ့်ရည်မှန်းချက်ပန်းတိုင်အတွက်အရေးမပါတာတွေကိုအရာမပေးခြင်းကစည်းကမ်းတစ်ခုပဲ။ Phyo Paing @ Derek
မသုံးရင် ရှုံးမှာ။ဥိးနှောက်ကောင်းချင် ဦးနှောက်ကိုသုံး။စကားပြောကောင်းချင်ရင်စကားပြောစွမ်းရည်ကိုသုံး။ Phyo Paing @ Derek
ဒီဘဝတစ်ခုကို ကောင်းကောင်းမွန်မွန်ပဲဖြတ်သန်းချင်တယ်။ ဒီလိုဖြတ်သန်းဖို့ ဥပဒေသ တချို့နဲ့နေကြည့်တယ်။ ၁။ စည်းကမ်းရှိပါ။ စည်းကမ်းသည်လူ၏တန်ဖိုးပဲ။အလုပ်စည်းကမ်း၊ ကျန်းမာကြံ့ခိုင်ရေး၊ ငွေရေးကြေးရေး၊ပေါင်းသင်းဆက်ဆံရေး၊ မိဘသားသမီး။ ၂။ ကိုယ်ပိုင်အတွေးအခေါ်ရှိပါ။ ကိုယ်ပိုင်စဥ်းစားတဲ့ပုံစံ၊ တန်ဖိုးထားမှု၊ ယုံကြည်ချက်ဒါတွေကိုရှင်းရှင်းလင်းလင်းသိမှကိုယ်ပိုင်အတွေးအခေါ်ရှိမယ်။ ၃။ ကိုယ့်ရဲ့အကောင်းဆုံးဗားရှင်းကို နေ့စဥ်တည်ဆောက်ပါ။တစ်သက်မှာတစ်ခါ လူလာလုပ်တာ။ ရည်ရွယ်ချက်တစ်ခုတော့ ရှိဖို့လိုတယ်။ လောကမှာ ထိန်းချုပ်လို့မရတဲ့အရာတွေအများကြီးပဲ။ ကိုယ့်ကိုကိုယ်တော့ ထိန်းချုပ်လို့ရတယ်။ကိုယ့်ပြဿနာကိုယ်ဖြေရှင်းနိုင်အောင်ကြိုးစား။ကိုယ့်ရဲ့အကောင်းဆုံးဗားရှင်းတည်ဆောက်ပါ။ ၄။ အနာဂတ်ပြဿနာတွေကို ကြိုတင်အဖြေရှာပါ။ပြဿနာဖြစ်မှ မဖြေရှင်းနဲ့။ မဖြစ်သေးပဲ ဖြစ်နိုင်တဲ့ပြဿနာတွေကိုကြိုတင်စဥ်းစား၊ အဖြေရှာထားပါ။ ၅။ အပြစ်မတင်နဲ့ အဖြေရှာ။ အပြစ်တင်ဖို့ကလွယ်တယ်။ဥာဏ်သုံးစရာမလိုဘူး။အဖြေရှာဖို့က ပိုခက်တယ်။ ဦးနှောက်သုံးရတယ်။အားထုတ်ရတယ်။ ဒီတော့ အပြစ်မတင်နဲ့ အဖြေရှာ။ ၆။ ပြိုင်မငြင်းနဲ့ မေး။ လောကမှာ ကိုယ်မသိတာ၊ နားမလည်တာအများကြီး။ ကိုယ့်အထင်အမြင်ကိုယ် မှန်တယ်ထင်တာ လူတွေကို စိတ်ဒုက္ခအပေးဆုံးပဲ။ ပြိုင်ငြင်းမည့်အစား မေးပါ။ ၇။
လူတစ်ယောက်အကြောင်းသိချင်သူကြီးပျင်းတဲ့ပတ်ဝန်းကျင်မှာထိတွေ့ခဲ့တဲ့သူတွေကို လေ့လာကြည့်။ အဖေ၊ အမေ၊ အဘိုး၊ အဘွား၊ဦးလေး၊ အဒေါ်၊ဆရာ၊ ဆရာမ၊ သူငယ်ချင်း၊အသိုင်းအဝိုင်း။ ဒါတွေက လူတွေရဲ့လောကအဓိပ္ပာယ်ဖွင့်ဆိုမှုကိုတော်တော် ကြီးလွမ်းမိုးထားတတ်တယ်။ ဟာဗတ်သုတေသနမှာ Social contagion theory အရဝတဲ့သူနဲ့ပေါင်းရင် ဝဖို့အလားအလာ ၅၇% ပိုများတယ်တဲ့။ လေ့ကျင့်ခန်းလုပ်တဲ့သူနဲ့ပေါင်းရင်၅၇% လေ့ကျင့်ခန်းပိုလုပ်ဖို့များတယ်။ အရက်သမားနဲ့ပေါင်းရင် အရက်သောက်ဖို့အလားအလာ ၅၇% ပိုများတယ်တဲ့။ဘူတဲ့သူနဲ့ ပေါင်းရင် ဘူဖို့၅၇% ပိုများတယ်။ မွဲတဲ့သူနဲ့ပေါင်းရင် မွဲဖို့ ၅၇% ပိုများတယ်။ တရားသမားနဲ့ပေါင်းရင် တရားလုပ်ဖြစ်ဖို့၅၇% ပိုများတယ်။ အသိုင်းအဝိုင်းကို ရွေးချယ်ခြင်းကကိုယ့်အနာဂတ်ကို ရွေးချယ်ခြင်းပဲ။ ကိုယ်လိုချင်တဲ့အသိုင်းအဝိုင်းထဲဝင်ဖို့ကြိုးစားနိုင်ခြင်းက ကိုယ့်ရဲ့အားထုတ်မှုပဲ။ Phyo Paing @ Derek
အသိုင်းအဝိုင်းကို ရွေးချယ်ခြင်းက
ကိုယ့်အနာဂတ်ကို ရွေးချယ်ခြင်းပဲ။ Read More »
လူမှန်ရင် အလုပ်လုပ်ရတယ်။အလုပ်လုပ်တိုင်း အလုပ်မဖြစ်ဘူး။အလုပ်ဖြစ်ဖို့ အစွမ်းအစတိုးတက်ဖို့လိုတယ်။အစွမ်းအစတိုးတက်ဖို့ ပညာသင်တယ်။ သိသင့်တာသိတဲ့ အသိပညာရှိဖို့အထက်တန်းကျောင်းပြီးအောင် ကျောင်းပညာသင်တယ်။ လုပ်ဆောင်နိုင်တဲ့ အတတ်ပညာတတ်ဖို့အတွက် တက္ကသိုလ်တက်တယ်။ လောကရဲ့ အမှန်အမှားဆုံးဖြတ်နိုင်တဲ့ဥာဏ်ပညာတိုးတက်ဖို့အတွက်ဘဝတက္ကသိုလ်တက်ရတယ်။ တချို့က ဘဝကို တက္ကသိုလ်ထဲမှာကြုံတွေ့ရတဲ့ ပြဿနာကိုတွေ့ရာက အဖြေရှာတယ်။ တချို့က စာအုပ်ဖတ် အဖြေရှာတယ်။တချို့က ပြင်ပသင်တန်းတွေတက်အဖြေရှာတယ်။တချို့က တတ်ကျွမ်းသူတွေဆီကသင်ကြားအကြံယူရင်အဖြေရှာတယ်။ ဒီလုပ်ဆောင်မှုတွေအားလုံးကအစွမ်းအစ တိုးတက်ဖို့ဖြစ်တယ်။ အစွမ်းအစရှိပြီးအလုပ်မလုပ်ရင်လဲအလုပ်မဖြစ်ဘူး။ အစွမ်းမစမရှိဘဲအလုပ်လုပ်ရင်လဲအလုပ်ဖြစ်သင့်သလောက်မဖြစ်ဘူး။ Phyo Paing @ Derek
အစွမ်းမစမရှိဘဲ
အလုပ်လုပ်ရင်လဲ
အလုပ်ဖြစ်သင့်သလောက်မဖြစ်ဘူး။ Read More »
လောကကြီးသူတို့ကောင်းကျိုးအတွက်သင့်ကို အသုံးချနေတယ်။ KFC, McDonald ကစလို့Cola သကြားရည်နဲ့ လူတွေသောက်သုံးတဲ့အရာတွေကစလို့Facebook, Tik Tok ဒီအရာတွေက သင့်ကိုစွဲလမ်းအောင်လုပ်ထားပြီးSmart Phone Company တွေကသူတို့ဖုန်းသုံးရင် အချိန်ဘယ်လောက်ပိုသုံးတယ်ဒီလိုတောင် တိုင်းတာပြောဆိုကြတယ်။ အရာရာက ကမ္ဘာကြီးတွေရဲ့Profit အမြတ်နောက်လိုက်ရင်းသာမန်လူတွေရဲ့ ဘဝကိုအများကြီးစတေးထားတယ်။ ဒါကြောင့် သာမန်လူတွေကိုဦးနှောက်ဆေးထားတဲ့ လူ့လောကကြီးမှာကိုယ့်အတွက် ကောင်းတာနဲ့ မကောင်းတာဆို မကောင်းတာကိုပိုရွေးချယ်မိတတ်တယ်။ လူအများစုကိုကြည့် မပျော်ဘူး။ လူအများစုကိုကြည့်အကောင်းဆုံး ပုံစံနဲ့စွမ်းရည်မရှိနေဘူး။ လူအများစုကိုကြည့်ကိုယ့်ရဲ့အကောင်းဆုံးအစွမ်းအစကို မထုတ်နိုင်ဘူး။ ဘာကြောင့်လဲဆို အစိုးရဘဲဖြစ်ဖြစ်၊ကမ္ဘာကြီးတွေပဲဖြစ်ဖြစ်၊ စနစ်ကိုဦးဆောင်နေသူပဲဖြစ်ဖြစ်အားလုံးက သင့်အတွက်အရင်စဥ်းစားပေးတာမဟုတ်ပါဘူး။ ကိုယ့်အတွက် ကိုယ်စဥ်းစားဖို့လိုတယ်။ အတုအယောင်တွေကြားမှာယုံကြည်မှုအမှားတွေနဲ့လူတွေကို ထားရာနေစေရာသွားနိုင်ဖို့ ဒီဇိုင်းလုပ်ထားကြတယ်။ ကိုယ့်တာဝန်က ဒါတွေကိုဖောက်ထွက်ပြီးမြင်နိုင်ဖို့။ ကိုယ့်ကို ပလေးနေတဲ့စနစ်ကိုပြန်လည် ပလေးနိုင်ဖို့ အရေးကြီးတာပဲ။ ကိုယ့်ကိုကိုယ် ဂရုစိုက်ဖို့လိုတယ်။ Phyo Paing @ Derek
