စွန့်လွတ်ရဲတာ သတ္တိ။ တခါတခါ ခြောက်နှစ်လောက်အချိန်ပေးလေ့လာခဲ့တဲ့ပညာရပ်ကိုစွန့်လွတ်ပြီး နောက်နယ်ပယ်သစ်တစ်ခုကိုလေ့လာဖို့က သတ္တိလိုတယ်။ ဘယ်လောက်ပြင်ပြင်၊ဘယ်လောက်ကြိုးစားစားအရာမထင်တစ်သက်လုံးရှေ့ဆက်ရင်အဆင်မပြေနိုင်တာ သိလာတဲ့အခါတရွတ်တိုက်ဆက်သွားဖို့ထက်စွန့်လွတ်ဖို့က သတ္တိတွေလိုနိုင်တယ်။ အလုပ်မဖြစ်တဲ့ အမူအကျင့်၊အလုပ်မဖြစ်တော့တဲ့ အတွေးအခေါ်၊အလုပ်မဖြစ်တော့တဲ့ အသိုင်းအဝိုင်း၊အလုပ်မဖြစ်တော့တဲ့ နေရာဒါတွေကိုစွန့်လွတ်ရဲတဲ့ သတ္တိလိုတယ်။ မစွန့်လွတ်ရင် မလွတ်မြောက်ဘူး။ Phyo Paing @ Derek
အဆိုတော်တွေ သီချင်းဆိုရပ်ပြီးနှစ်အနည်းငယ်ကြာမှ ပြန်ဆိုတဲ့အခါအရင်လို မအောင်မြင်တော့ဘူး။ အလုပ်ကလဲ အလားတူပဲ။အချိန်ကြာနားလိုက်ပြီး အလုပ်ပြန်လုပ်တဲ့အခါအရှိန်တစ်ခု ပြန်ရဖို့ အချိန်တစ်ခု ကြာကြာပြန်ပေးရတတ်တယ်။ မြန်နှုန်းမြင့်နေရင် အရှိန်မလျော့စေနဲ့။ Phyo Paing @ Derek
လူတွေရဲ့ဘဝ ကွာခြားတာ အကြောင်းအမျိုးမျိုးကြောင့်ဖြစ်နိုင်တယ်။ အဲ့ထဲက အကြောင်းတစ်ခုကဦးနှောက်တည်ဆောက်ပုံ Brain structure မတူလို့။ ဥပမာ Prefrontal lobe (PFC) အားကောင်းတဲ့သူက ရေရှည်ကို စီမံကိန်းချနိုင်တယ်။ကိုယ့်ရဲ့တဒင်္ဂခံစားချက်တွေကိုထိန်းနိုင်တယ်။ဆုံးဖြတ်ချက်ပြတ်သားတယ်။ Hippocampus အားကောင်းရင် သင်ယူရမြန်တယ်၊ သင်ယူနိုင်တယ်၊ အခြေအနေကို သဘောပေါက်နိုင်စွမ်းအားကောင်းတယ်။အရိပ်အကဲကိုသိတယ်။ မှန်ဥာဏ်အားကောင်းတယ်။ Amygdala က ပုံမှန်ထိန်းနိုင်ရင်ကိုယ့်စိတ်ခံစားမှုတွေ သတိပြုနိုင်မှုအားကောင်းတယ်။လိုတာထက်ပို အလုပ်လုပ်ရင်စိုးရိမ်စိတ်တွေများတတ်တယ်။ Basal Ganglia အားကောင်းရင်အမူအကျင့်တည်ဆောက်ရလွယ်တာ၊စည်းကမ်းရှိတာလွယ်ကူတယ်။ Neurotransmitters စနစ်မှာဒိုပါမင်း Dopamine အလုပ်လုပ်အားကောင်းတဲ့သူက ရည်ရွယ်ချက်ကြီးတယ်၊တပြိုင်တည်းမှာ စွဲလမ်းတတ်မှုလဲများတယ်။Serotonin အလုပ်လုပ်အားကောင်းရင် တည်ငြိမ်တယ်၊ ကြံ့ကြံ့ခံတယ်။Norepinephrine က အာရုံစိုက်နိုင်စွမ်း၊နိုးကြားတက်ကြွမှုနဲ့ဆိုင်တယ်။ မွေးကတည်းက လူတွေရဲ့ brain structure မတူသလို၊ပြင်ချင်တယ်ဆိုရင်ကိုယ့်ရဲ့ အတွေး၊ အကြံ၊ အလုပ်ကိုပြင်ရင်လဲဦးနှောက်ဖွဲ့စည်းပုံ၊ အလုပ်လုပ်ပုံကိုပြင်လို့ရတယ်။ဒါကို Neuroplasticity လို့ခေါ်တယ်။ ဥပမာ တရားထိုင်တဲ့သူတွေမှာHippocampus ကြီးလာတာတွေ့ရသလိုမျိုး။
ကိုယ့်ရဲ့ နေ့စဉ် အတွေး၊ အကြံ၊ အလုပ်ကို
ဂရုပြုပါ။ Read More »
အပျော် အပွား။ ကိုယ်ပျော်တဲ့အလုပ်ကိုလုပ်ပြီးဝင်ငွေ ပွားစေတဲ့အပျော် အပွားလုပ်။ ဒီလိုလုပ်ဖို့ ၁။ ပျော်တဲ့အလုပ် ၂။ ပြဿနာဖြေရှင်းတဲ့အလုပ်၃။ ပိုက်ဆံပွားမည့်အလုပ်ဒီသုံးခုဆုံမှတ်လိုတယ်။ Phyo Paing @ Derek
တိုးတက်မှု မရှိတာ ဆုပ်ယုတ်နေခြင်းပဲ။ဒီအတိုင်း ငြိမ်နေတယ်ဆိုတာ မရှိဘူး။ တိုးတက်မှုရှိဖို့ ပေးဆပ်ရတဲ့အရာက ဖိအား။ တိုးတက်ချင်ရင် စိတ်ဖိဆီးမှုခံရမယ်။tension တစ်ခုတော့ခံရမှာပဲ။ ကျန်းကျန်းမာမာ စပြီးစားသောက်တော့မယ်။ဖိအားတစ်ခုခံစားရမှာပဲ။ ကိုယ်လေ့လာနိုင်စွမ်းထက်မြင့်တဲ့ ပညာရပ်လေ့လာရင်ဖိအားတစ်ခုတော့ ခံစားရမှာပဲ။ ကိုယ့်စွမ်းဆောင်ရည်ထက်မြင့်တဲ့ အရာလုပ်ဆောင်တဲ့အခါဖိအားတစ်ခုခံစားရမှာပဲ။ တရားထိုင်ရင်တောင်ကိုယ့်အဆင့်ထက် နောက်တစ်ဆင့်ရောက်ချင်ရင်ကျော်လွှားရမည့်ဖိအားတွေရှိတယ်။ ဘဝဆိုတာ အဆင်ပြေတဲ့ ချောင်လေးထဲမှာနေနေဖို့ထက် ကိုယ့်ရဲ့အကောင်းဆုံးပုံစံကိုတည်ဆောက်ဖို့လို့ ခံယူထားတယ်။ Phyo Paing @ Derek
ကိုယ့်ရဲ့အကောင်းဆုံးပုံစံကို
တည်ဆောက်ဖို့လို့ ခံယူထားတယ်။ Read More »
ဘာလို့အလုပ်လုပ်သလဲလူအများစုက ပိုက်ဆံရလို့။ကံကောင်းတဲ့ လူနည်းစုကပိုက်ဆံလဲရ၊ အလုပ်ကိုချစ်လို့။ ပိုက်ဆံဘာလို့ရှာသလဲ။မလိုချင်တာ မရဖို့နဲ့လိုချင်တာရဖို့။ ဒီတော့ မလုပ်ချင်တဲ့အလုပ်မလုပ်ရအောင်အချိန်မတန်ခင် ဇိမ်မခံနဲ့။ Phyo Paing @ Derek
ဘယ်လောက်အောင်မြင်မြင်၂၄ နာရီပဲရှိမှာ။ ၈ နာရီလောက်က အိပ်မယ်။ကျန်တဲ့ ၄ နာရီကစား၊ သောက်၊ ရေချိုး၊လမ်းသွား၊ စကားပြောကုန်မယ်။၁၂ နာရီလောက်ကျန်မယ်။ ဒီ ၁၂ နာရီမှာကိုယ်လုပ်ချင်တာလုပ်ပြီးကိုယ်ဖြစ်ချင်တာ ဖြစ်လာနေတဲ့ဘဝဖြစ်ဖို့လိုလာတယ်။ ကျွန်တော်ကတော့ ဒီ ၁၂ နာရီသည်ကိုယ့်ကိုကိုယ် နားလည်ဖို့အလုပ်၊လောကနဲ့ လူတွေကို ပိုနားလည်စေတဲ့အလုပ်၊နေ့စဥ် ပိုတိုးတက်သွားစေတဲ့အလုပ်၊ဒီအလုပ်တွေကို ကြိုက်တဲ့နေရာမှာနေပြီးလုပ်ဆောင်ရင်းကိုယ်မပါဘဲဝင်ငွေနေမည့်အရာတွေကိုဖန်တီးပြီးဒီနေ့အသုံးစရိတ်၊ မိသားစုစရိတ်တွေကိုတစ်သက်လုံးအလုပ်မလုပ်ရင်တောင်ကာဗာဖြစ်နေပြီး စိုးရိမ်မှုမရှိဘဝကိုဖြတ်သန်းချင်တယ်။ဒီလိုပဲ ဖြတ်သန်းနေတယ်။ ဘဝမှာ ဘာဖြစ်ချင်တယ်၊ညာဖြစ်ချင်တယ်ဆိုတာထက်တစ်ရက်တာကို ဘယ်လိုဖြတ်သန်းမလဲအဓိက စဥ်းစားလိုက်တာကလိုက်တွေ့ပိုကျတယ်။ ဒါကတော့ ကျွန်တော့်ရဲ့Lifestyle Design (LSD) နည်းပဲ။ ၁၂ နာရီကတော့ အလုပ်ကြီးပဲမဟုတ်ဘူး။ဘဝလဲပါတယ်။အလုပ်နဲ့ဘဝ lifestyle integration. ပုံမှန် ၈ + ၈ + ၈ ကို ဝန်ထမ်းဘဝမှာ လုပ်ခဲ့ပြီးနောက်ပိုင်းတော့ကိုယ့်အချိန်ကိုယ်ပိုင်လာရင်တော့၁၂ နာရီိက ကိုယ်စိတ်ကြိုက်လုပ်လို့ရလာမယ်။ဖြည်းဖြည်းချင်းပေါ့။ Phyo Paing @
အချစ်ရေးကို startup တစ်ခုလိုစဉ်းစားကြည့်တယ်။ကိုယ့်ရဲ့ လက်တွဲဖော်ကဘဝရဲ့ co-founder ပဲ။ ဒီလိုဖြစ်ဖို့တန်ဖိုးထားမှုတူ၊ဥာဏ်ရည်တူ၊လောကအမြင်တူ၊တစ်ယောက်နဲ့တစ်ယောက်နားလည်မှုရှိမှပိုကောင်းတဲ့ အနာဂတ်တည်ဆောက်တဲ့နေရာပိုအရေးပါလာမယ်။ ဘဝမှာ အလုပ်မဖြစ်တဲ့ co-founder နဲ့သွားတာထက်တစ်ယောက်တည်းသွားတာက ပိုကောင်းနိုင်တယ်။Co-founder ကောင်းနဲ့သွားရင်တော့ အကောင်းဆုံးပေါ့။ Phyo Paing @ Derek
ဖြစ်ချင်တာ ဖြစ်အောင်လုပ်နိုင်ရင်ဘဝကိုကျေနပ်မယ်။ ဖြစ်ချင်တာ ဖြစ်အောင်မလုပ်နိုင်ရင်ဘဝကို မကျေနပ်ဘူး။ ဘဝကိုကျေနပ်ရင်ကျေးဇူးတင်တဲ့စိတ်ထားတတ်မယ်။ဘဝကို မကျေနပ်ရင်အပြစ်တင်တဲ့စိတ်များတတ်တယ်။ ကျေးဇူးတင်တဲ့စိတ်များတဲ့သူတွေကဖြစ်ချင်တာ ဖြစ်နေတဲ့သူတွေ။ အပြစ်တင်စိတ်များတဲ့သူတွေကဖြစ်ချင်တာ မဖြစ်နေတဲ့သူတွေ။ ဖြစ်ချင်တာဖြစ်နေဖို့ကိုယ့်ရဲ့ ကံစွမ်း၊ ဥာဏ်စွမ်း၊ ဝိရိယစွမ်းကိုပိုသုံး။ ဒါမှမဟုတ် ဖြစ်ချင်စိတ်လေးကိုလျော့။ Phyo Paing @ Derek
ကိုယ့်ရဲ့ ကံစွမ်း၊ ဥာဏ်စွမ်း၊ ဝိရိယစွမ်းကိုပိုသုံး။ Read More »
ကြိုးစားတိုင်း မအောင်မြင်တဲ့သူတွေတွေ့ဖူးလိမ့်မယ်။ စေတနာကောင်းတိုင်းလဲ ကံပြန်မကောင်းတဲ့ အခိုက်အတန့်တွေတွေ့ရှိဖူးလိမ့်မယ်။ တရားမျှတမှုကိုလိုက်ရှာပြီးမတွေ့တဲ့အချိန်တွေ အများကြီးတွေ့ဖူးလိမ့်မယ်။ လောကနိယာမ အရ ကြိုးစားတဲ့သူ အောင်မြင်တာမဟုတ်ဘူး။ မှန်ကန်တဲ့အချိန်၊ မှန်ကန်တဲ့နေရာမှာ၊မှန်ကန်တဲ့သူတွေနဲ့တွေ့ပြီး၊ မှန်ကန်တဲ့အလုပ်လုပ်နေတာမှအောင်မြင်စေတာ။ စေတနာကောင်းတိုင်းကံကောင်းတာမဟုတ်ဘူး။ပညာကောင်းမှ ကံကောင်းတာ။ ပညာဆိုတာ ကိုယ်လုပ်တဲ့အလုပ်ရဲ့နောက်ဆက်တွဲကို သေချာနားလည်တာ။ပညာကောင်းရင် ကာယကံ၊ ဝဇီကံ၊ မနောကံကောင်းမယ်။ ပညာကောင်းပြီး မှန်ကန်တဲ့အမြင်ရှိတဲ့အခါကံကောင်းအောင်လုပ်ဆောင်နိုင်မယ်။ဒါကြောင့် ဗုဒ္ဓက သမ္မာဒိဋ္ဌိ = ပညာ ကိုမဂ္ဂင်ရှစ်ပါးရဲ့ထိပ်ဆုံးမှာထား သင်ကြားပေးခဲ့တယ်။ လောကကြီးက မတရားဘူး။ဒါကို လက်ခံဖို့လိုတယ်။ လူ့လောက ကတော့မတရားဘူး။ သံသရာကတော့ တရားနိုင်တယ်။ နောက်ပေးတာနဲ့တန်တာပြန်မရဘူး။များများပေးပြီး နည်းနည်းရတာဖြစ်နိုင်တယ်။နည်းနည်းပေးပြီး များများရတာဖြစ်နိုင်တယ်။နည်းနည်းပေးပြီး များများရဖို့လူတွေက ပညာသင်ပြီးနည်းပညာထွင်ကြတယ်။ Phyo Paing @ Derek
စေတနာကောင်းတိုင်းကံကောင်းတာမဟုတ်ဘူး။
ပညာကောင်းမှ ကံကောင်းတာ။ Read More »
