Education

အယူမှားတာလောက်လူဖြစ်ရှုံးတာမရှိဘူး။ ဒါကြောင့်လဲ မဂ္ဂင်ရှစ်ပါးမှာ ဗုဒ္ဓက သမ္မာဒိဋ္ဌိ မှန်ကန်တဲ့ အယူအမြင်ရှိဖို့ဟောကြားခဲ့တယ်။ ဒါကြောင့်လဲ မိဘတွေလူတွေက မှန်ကန်တဲ့အယူအမြင်ရှိဖို့ငယ်ကတည်းက ပညာသင်ပေးခဲ့ကြတာဖြစ်တယ်။ ရုပ်ဝတ္ထုတွေရဲ့အကြောင်းသိဖို့ရူပဗေဒပညာသင်ယူခဲ့ကြတယ်။ ဒြပ်ဝတ္ထုတွေရဲ့သဘောတရားနားလည်ဖို့ဓာတုဗေဒသင်ယူခဲ့ကြတယ်။သက်ရှိတွေရဲ့ သဘောသဘာဝနားလည်ဖို့ဇီဝဗေဒသင်ယူခဲ့ကြတယ်။ ပြောဆိုဆက်ဆံနိုင်ဖို့ လူ့အသွားအလာနားလည်ဖို့ဘာသာစကားတွေ သင်ယူခဲ့ကြတယ်။ ပြဿနာတွေကို ယုတ္တိကျကျဖြေရှင်းနိုင်ဖို့ သင်္ချာပညာသင်ခဲ့ကြတယ်။ တခါတလေ ပညာသင်ပြီးပညာတတ်ချင်မှ တတ်တာ။ ဒါကြောင့် အိုင်စတိုင်းကThe only thing that interferes with my learning is my education.”  တဲ့။ငါ့သင်ယူမှုအတွက်အဟန့်အတားကပညာရေးတဲ့။ တချို့ သာမန်ထက်ကျော်သွားတဲ့လေ့လာသူတွေအတွက် ကျောင်းတွေက ပညာသင်ပေးတဲ့နေရာမဟုတ်ပဲပညာသင်ဖို့ ကန့်သတ်တဲ့နေရာဖြစ်နေတတ်တယ်။ စဥ်းစားကြည့်လေ။ ကျောင်းတွေ အများကြီးတက်ဘွဲ့တွေယူခဲ့ပြီး ပညာတွေတတ်ကြလား။ သာမန်တက္ကသိုလ်အများစုကတတ်ချင်မှ တတ်လိမ့်မယ်။ တတ်သလိုလိုပဲဖြစ်လိမ့်မယ်။ ဒါက ဘွဲ့ရပညာမတတ်ဖြစ်လာစေတဲ့အကြောင်းအရင်းတစ်ခုပဲ။ ဘဝမှာ အယူမမှားဖို့ပညာရှာဖို့လိုတယ်။ Certificate ရှာရမှာမဟုတ်ဘူးလို့ထင်တယ်။ တကယ်လို့ […]

တချို့သူတွေက စာဖတ်တာအလကား။Theory ကြီးထဲပဲမပိတ်မိစေနဲ့။ စာအုပ်ထဲအဖြေမရှိဘူး။ဘဝထဲမှာ အဖြေရှိတယ်ဆိုပြီးကိုယ့်ကိုဂျင်းထည့်လိမ့်မယ်။မယုံနဲ့။သူတို့ကျခိုးဖတ်ပြီးစာအုပ်ထဲမှာ အဖြေမရှိဘူးဖြစ်နိုင်မလား။ စာမဖတ်ရင် သိပ္ပံပညာလဲမတတ်ဘူး။မှန်ကန်တဲ့ဆုံးဖြတ်ချက်ချဖို့လဲမလွယ်ဘူး။လောကီပညာလဲမတတ်ဘူး။လောကုတ္တရာလဲသေချာနားမလည်နိုင်ဘူး။ သီအိုရီရဲ့အဓိပ်ပာယျကဘာလဲပြန်မေးကြည့်ရင်အင်းအင်းအဲအဲဖြစ်နေလိမ့်မယ်။ သီအိုရီဆိုတာအကြောင်းအရာတစ်ခုကို စနစ်တကျသိပ္ပံနည်းကျ အယူအဆနဲ့ ရှင်းလင်းချက်တွေပါ။ အခြေခံမူ၊ စည်းမျဥ်း။ ဥပမာဂီတသီအိုရီ၊ စီးပွားရေးသီအိုရီ။ ရူပဗေဒမှာကျတော့လက်တွေ့လုပ်ဆောင်ဖို့အစပိုင်းမှာအခက်အခဲရှိနေနိုင်သေးတယ်။သီအိုရီအရဖြစ်နိုင်ပြီ။ ဒါလေးကို ကြားဖူးနားဝဖြစ်ပြီးသီအိုရိတွေမပြောနဲ့ဆိုတာဖြစ်လာတာ။ ဂျင်းထည့်တာမယုံပါနဲ့။အတွေးအခေါ် အဆိပ်ခပ်တာမယုံပါနဲ့။ စဥ်းစားကြည့်ပါ။သုတေသနတွေကြည့်ပါ။ ဒီနေ့ခေတ် အေအိုင်ခေတ်မှာသုတေသနလုပ်ရတာလွယ်လွန်းလို့။ ဒီလို ဂျင်းကောင်တွေ ဟန်ရှိပြီး အဆံမရှိသူတွေကျဆုံးချိန်။ Phyo Paing @ Derek

အကြော်ရောင်းပြီးတောင်သိန်း ၂၀၀၀ ကျော်ရှာလို့ရတယ်။ပညာတတ်ပြီး ဘာလို့ရှာရခက်တတ်သလဲ။ ဒါနဲ့ပတ်သက်လို့ ယူကျု့မှာတင်ထားပေးပါတယ်။ 👇 Phyo Paing @ Derek

ပညာသင်တဲ့ ရည်ရွယ်ချက်တွေအများကြီးရှိတယ်။ အဲ့ထဲက တစ်ခုကတော့ လူဝင်ဆံ့အောင် သင်တာပဲ။ ကိုယ်မွေးခဲ့တဲ့နေရာလေးမှာ သေတဖန် သက်တဆုံးကျောချမယ်ဆို ပညာတွေ အများကြီးသင်ဖို့လိုချင်မှလိုမယ်။ ဒါမှမဟုတ် ကိုယ်မွေးတဲ့နေရာကပညာရေးနဲ့ လူမှုဖွံ့ဖြိုးမှုအားကောင်းရင်ပညာတတ်ဖို့ အရမ်းအားထုတ်ရဖို့ လိုချင်မှလဲလိုမယ်။ ကလေးတွေကို လူဝင်ဆံ့ဖို့ပညာသင်ပေးကြတယ်။ Phyo Paing @ Derek

ဘဝမှာ ကိုယ်ဖြေရှင်းချင်တဲ့ အရေးကြီးတဲ့ ပြဿနာတွေရှိတယ်။ ဒါကတော့ “ပညာရေး”ပဲ။ ပညာရေးက ဘဝတွေကို အပြောင်းအလဲ လုပ်ပေးနိုင်တယ်။ လူမှုဘဝ လှေကားထစ်တစ်ဆင့်ချင်းတက်ဖို့ “ပညာရေး” က ကူညီပေးတယ်။ ကျွန်တော့်ဘဝကို ပြောင်းလဲစေတာလဲ“ပညာရေး” ပဲ။ ကျွန်တော် တကယ်ယုံကြည်တဲ့ပညာရေးကတော့“ကိုယ်တိုင်လေ့လာ အဖြေရှာတဲ့ ပညာရေး”။ ဘာကြောင့်လဲဆိုတော့ တိုးတက်မှုဆိုတာ ဘယ်သူ့မှလာလုပ်ပေးလို့မလွယ်ဘူး။ကိုယ်တိုင်လုပ်ဆောင်ရတဲ့ ကိုယ်တိုင်လုပ် “Do it Yourself – DIY” ဖြစ်ပါတယ်။ ဒါကြောင့် ဘဝတစ်ခုလုံးကို ဒီတိုးတက်ဖို့ “ပညာရေး” မှာ ရင်းနှီးမြုပ်နှံထားတယ်။ ကိုယ့်ဘဝရဲ့ သမိုင်းပေးအလုပ်life’s task က ကိုယ့်ကိုခွင့်ပေးတဲ့သူတွေရဲ့ဘဝကိုအကောင်းဆုံး ဗားရှင်းဖြစ်အောင်ပညာရေး၊ နည်းစနစ်နဲ့ နည်းပညာအသုံးပြုပြီးကူညီပေးဖို့ပဲ။ Phyo Paing @ Derek

ပညာဆိုတာ အရသာခံဖို့ ပညာမတတ်ရင် အရသာမခံတတ်ဘူး။ ပညာမတတ်ရင် မမြင်တတ်ဘူး။ ပညာမတတ်ရင် မကြားတတ်ဘူး။ ဂီတပညာကောင်းကောင်းတတ်တဲ့သူနဲ့သာမာန်သူနဲ့ ဂီတခံစားရတဲ့အာရုံအတိမ်အနက်မတူသလိုပဲ။ ပညာဆိုတာ အင်္ဂလိပ်လို knowledge တဲ့။ အကြောင်းအရာတစ်ခုနဲ့ ရင်းနှီးမှုတဲ့။နည်းပညာအကြောင်း မရင်းနှီးရင်နည်းပညာအရသာခံဖို့မလွယ်ဘူး။ စိတ်ပညာအကြောင်းမသိရင်လူတွေကို နားလည်ဖို့ မလွယ်ဘူး။ Phyo Paing @ Derek

အသက်မွေးဝမ်းကြောင်းပညာရေးသင်ပေးတဲ့ Trade skills နဲ့ အဆင့်မြင့်ပညာရေး Higher education မှာဝင်ငွေမြန်မြန်ရချင်ရင် သင်ရမည့်အလုပ်က trade skill ပဲ။ အဲကွန်းပြင်တာ၊ လက်သမား။ သုံးလေးငါးလ၊ တစ်နှစ်နဲ့ ကျွမ်းကျင်ပြီးဝင်ငွေရှာလို့ရမည့်အရာ။ Higher education က အချိန်နဲ့ငွေပိုကုန်တယ်။ Phyo Paing @ Derek