ဘဝဆိုတာ တိုတိုလေး။
ကိုယ့်ကို အာရုံခဏခဏလာနှောက်ရင်ဘဝ equation ထဲက ထုတ်လိုက်တယ်။ခံစားနေဖို့ အချိန်သိပ်မရှိဘူး။တစ်ကိုယ်ကောင်းဆန်သလိုလိုဖြစ်ပေမယ့်ဘဝမှာ နေရထိုင်ရတာ လတ်ဆတ်ချင်ရင်တော့ လုပ်ရမှာပဲ။ Phyo Paing @ Derek
Life
နေသလိုဖြစ်တဲ့ ဘဝမှာ
ဖြစ်သလိုနေတာ အချိန်တစ်ခုထိပဲကောင်းတယ်ဆိုတဲ့စာသားကို ကြိုက်ကြတယ်ပြောတယ်။တချို့သင်တန်းကြော်ငြာတွေမှာလဲယူသုံးကြတာတွေ့လို့ဝမ်းသာမိတယ်။ ကျွန်တော်ကတော့ ဘယ်သူယူသုံးသုံး ကိုယ်ပိုင်တယ်လို့လဲမယူဆပါဘူး။အိုင်ဒီယာဆိုတာ အဲ့လိုပါပဲ။
ကိုယ့်ဘဝကိုကိုယ် ၅၀% တာဝန်ယူပါ။
ကျန်တဲ့ ၅၀ % ကိုကံတရားကိုပဲ အဆုံးအဖြတ်ပေးခိုင်းကြည့်ပါ။ ကိုယ်တာဝန်ယူတဲ့ ၅၀% ကဘယ်အရာကိုဘယ်အချိန်မှာ ဘယ်လိုအာရုံစိုက်ပြီးအကောင်းဆုံးလုပ်မလဲဆိုပြီးလုပ်တာ။ ကျန်တဲ့ ၅၀% ကတော့ကံတရားကပေးတဲ့ မက်ဆေ့ကိုလိုက်နာတာ။ Coca Cola က ဆေးကုမ္ပဏီတစ်ခုအနေနဲ့စတင်ခဲ့တာပဲ။ကံတရားက ကမ္ဘာ့အကြီးဆုံးအချိုရေကုမ္ပဏီဖြစ်သွားစေတယ်။ Tiffany &a Co. က စာရေးကိရိယာတွေရောင်းတဲ့ Stationary Store လုပ်တယ်။ စိန်တိုက်ကြီးဖြစ်သွားတယ်။ Raytheon Company က ရေခဲသေတ္တာရောင်းတဲ့ အလုပ်လုပ်ရင်း စစ်နဲ့ ကာကွယ်ရေးလက်နက်တွေထုတ်တဲ့ကုမ္ပဏီဖြစ်သွားတယ်။ ကိုယ့်ဘဝကို ၅၀% တာဝန်ယူပါ။၅၀% ကို ကံတရားကိုဆုံးဖြတ်ခိုင်းကြည့်ကြည့်ပါ။ အပြောင်းအလဲလုပ်ရတဲ့အချိန်ခေါင်းသိပ်မာမနေနဲ့လို့ပဲ ပြောရမယ်။ ဒါကို တချို့သူတွေပဲနားလည်မယ်ထင်တယ်။ Phyo Paing @ Derek
ဘဝမှာ Attitude, Belief, Choice နဲ့ Discipline
အရေးကြီးတယ်လို့ မှတ်ယူထားတယ်။
စိတ်နေသဘောထား Attitude က ကိုယ်ဘယ်လောက်အမြင့်သွားမလဲlatitude ကို ဆုံးဖြတ်ပေးတယ်။ Belief ယုံကြည်မှာတွေက တွေဝေစေလား၊ Bias toward action ကိုဖြစ်စေလား ကွာသွားတယ်။ Choice ရွေးချယ်မှုမှန်ရင်လမ်းကြောင်းမြန်တယ်။ Discipline ကတော့ စည်းကမ်းပဲ။ ဘဝမှာ Attitude, Belief, Choice နဲ့ Discipline အရေးကြီးတယ်လို့ မှတ်ယူထားတယ်။ Phyo Paing @ Derek
ဘဝမှာ Attitude, Belief, Choice နဲ့ Discipline
အရေးကြီးတယ်လို့ မှတ်ယူထားတယ်။ Read More »
ကိုယ့်အသက်မွေးဝမ်းကြောင်းပညာအတွက်
ထောက်ခံစာမလိုတဲ့အထိ
ကျွမ်းကျင်နေဖို့လိုတယ်။
ဒီနေ့လိုခေတ်ကြီးမှာ တချို့ အသက်မွေးဝမ်းကြောင်းအလုပ်တွေလုပ်ဖို့ ဘွဲ့ရစရာမလိုတော့ဘူး။ဆယ်တန်းအောင်စရာလဲမလိုဘူး။ Mastery, Marketing, Managementဒီသုံးခုပဲလိုတယ်။အတတ်ပညာတစ်ခုမှာ တစ်ဖက်ကမ်းခတ်ကျွမ်းကျင်မယ်။ဖောက်သည်ပြဿနာကို အကောင်းဆုံးဖြေရှင်းနိုင်မယ်။နောက်မားကတ်တင်းပညာနားလည်၊စီမံခန့်ခွဲမှုပညာ နားလည်မယ်ဆိုဘဝကို သာသာယာယာဖြတ်သန်းလို့ရပြီ။ ကျောင်းတွေဆိုတာကလဲပညာရေးကို ရောင်းစားတဲ့ပညာရေးစီးပွါးရေးလုပ်ငန်းတွေပဲ။ အရင်ခေတ်ကလို ဆရာကပညာတတ်မို့ပြောတာ နားထောင်ခေတ်ကုန်ပြီ။ဆရာ့ထက် AI က ပိုသိတယ်ခေတ်တဖြည်းဖြည်းနဲ့ ပိုရောက်လာတော့မယ်။ လူတွေ သတ်မှတ်ထားတဲ့ ဘောင်တွေကနည်းပညာတိုးတက်မှုနဲ့အတူရိုက်ချိုးခံနေရပြီ။ နှလုံးသွင်းရမှာ လူတိုင်းလုပ်နေတာကိုကိုယ်လိုက်လုပ်စရာလိုချင်မှ လိုမှာ။ ကိုယ့်အသက်မွေးဝမ်းကြောင်းပညာအတွက်ထောက်ခံစာမလိုတဲ့အထိကျွမ်းကျင်နေဖို့လိုတယ်။ Phyo Paing @ Derek
ကိုယ့်အသက်မွေးဝမ်းကြောင်းပညာအတွက်
ထောက်ခံစာမလိုတဲ့အထိ
ကျွမ်းကျင်နေဖို့လိုတယ်။ Read More »
လိုချင်တာမှန်သမျှ အလကားမရဘူး။
တချို့ဘဝတွေက ဇာတ်တိုက်ထားသလိုပဲ။အဖေချမ်းသာ၊ အမေချမ်းသာ။ကျောင်းအကောင်းတက်၊ကုမ္ပဏီကောင်းကောင်းအလုပ်ချက်ချင်းရ၊အိမ်ထောင်ကျသားမွေး။ကလေးတွေ အသက်ကြီး။Very scripted ဇာတ်တိုက်ထားသလိုမျိုး။ ကံကောင်းတာတခုကတချို့တွေက မွေးကတည်းကမချမ်းသာလာဘူး။လိုချင်တာမှန်သမျှ အလကားမရဘူး။ကြိုးစားကြံဆမှ ရတယ်။အဲ့တော့ ဘဝအရသာပိုသိတယ်။ ဟင်းကောင်းနဲ့စားတိုင်း ခံတွင်းပျက်နေရင်အရသာမြိန်တာမှ မဟုတ်တာ။ Phyo Paing @ Derek
ဘဝဆိုတာ အရေးပေါ်မဟုတ်ဘူး။
သေချာခေါင်းအေးအေးထားမဟာဗျူဟာချပြီးစိတ်ရှည်ရှည်နဲ့ ဆုံးဖြတ်ချက်ချလို့ရတယ်။ဘာအလုပ်လုပ်မယ်။ဘယ်မှာနေမယ် အေးဆေးဆုံးဖြတ်လို့ရတယ်။အရေးပေါ် အရေးပေါ်ဆိုပြီးလုပ်လိုက်ကာမှ အလျော်ပေးပေးနေရတာ များနေတတ်တယ်။ဘဝဆိုတာ အရေးပေါ်မဟုတ်ဘူး။စိတ်ရှည်ရှည်ထားဖို့လိုတယ်။ Phyo Paing @ Derek
ဘဝဆိုတာ စမ်းသပ်မှုတစ်ခုပဲ။
သံသရာက မတူညီတဲ့ကံကြမ္မာတွေနဲ့ လူတွေကို အကဲစမ်းလိမ့်မယ်။ဒါကြောင့် ဘဝဆိုတာ စမ်းသပ်မှုတစ်ခုပဲ။ ကိုယ်ကို သံသရာက ပြဿနာ ပုစ္ဆာတွေ တစ်ခုပြီးတစ်ခုပေးပြီး စမ်းတယ်။ ဒီလိုစမ်းလို့ရအောင်လဲ အဝိဇ္ဇာနဲ့ တဏှာ ကို မွေးကတည်းကဘဝ Operating System မှာ တခါတည်း ကြိုတင်တပ်ဆင် preinstalledလုပ်ပေးထားတယ်။ ဒီ preinstalled လုပ်ထားတဲ့ အဝိဇ္ဇာနဲ့ တဏှာကို ဖယ်နိုင်ရင် သံသရာက ရန်ရှာတာတွေ၊အဖန်တရာပြဿနာနဲ့စမ်းသပ်တာတွေကုန်သွားနိုင်တယ်။ ကိုယ်တိုင်က preinstalled လုပ်ထားတဲ့အဝိဇ္ဇာနဲ့ တဏှာကို မဖယ်နိုင်သေးရင်သတိလေးကပ် note လေးမှတ်ပြီးတရားလဲထိုင်၊ bar လဲထိုင်ပေမယ့်ငါတို့ကို သံသရာက စမ်းနေတာဆိုတဲ့အသိနဲ့ဘဝ သင်ခန်းစာတွေ ယူရမှာပဲ။ Phyo Paing @ Derek
ကိုယ့်ရဲ့ အချစ်တွေနဲ့ပြည့်နေတဲ့အလုပ်
Laptop Lifestyleကွန်ပြူတာ တစ်လုံး၊အိတ်တစ်လုံးနဲ့တစ်ကိုယ်တော်လေလွင့်လို့ရတဲ့ဘဝနေထိုင်မှု ပုံစံ။ လူတွေက ပိုက်ဆံတွေပဲ ကုန်းရှာပြီးသေတော့လဲ အိမ်ထောင်ဇာတ်ကားထဲကလိုအငယ်လေးအတွက်ဖြစ်သွားတာပဲမဟုတ်လား။ ဒါကြောင့် ဘဝမှာနေ့တိုင်းပျော်ရွင်လွတ်လပ်နေဖို့ကိုယ့်ရဲ့ အချစ်တွေနဲ့ပြည့်နေတဲ့အလုပ်ကိုအသက်မွေးဝမ်းကြောင်းအလုပ်အဖြစ်ပြောင်းဖို့လိုတယ်။ဒီလို vocation (အသက်မွေးဝမ်းကြောင်းအလုပ်)ကvacation (အနားယူသလိုခံစားရရင်)ဘဝမှာနေရတာ တန်သွားပြီ။ မဟုတ်လဲ ကိုယ်ဘယ်နေ့သေမလဲမှမသိတာ။ Phyo Paing @ Derek