လူတိုင်းက ရုန်းကန်ရမှာပဲ။ဘာအလုပ် လုပ်မယ်။ဘယ်သူတွေနဲ့လုပ်မယ်။ဘာပြဿနာဖြေရှင်းမယ်။ဘယ်မှာနေမယ်။ ရုန်းကန်ရမှာပဲ။ဘဝရဲ့ ကိုယ်ပိုင်း၊ စိတ်ပိုင်းဆိုင်ရာရုန်းကန်မှု ကြားမှာ ပျော်အောင်၊နေတတ်အောင်နေရမှာပဲ။လောကီ၊ လောကုတ္တရာလွတ်မြောက်ဖို့ရုန်းကန်တာ ထုံးစံပါပဲ။ Phyo Paing @ Derek
နေ့စဥ်ရင်ခုန်ဖို့ကောင်းတာ မနက်ဖြန်ဖြစ်လာတဲ့ ကိုယ်ပဲ။ ကိုယ်လုပ်ချင်တဲ့ အလုပ်လေးလုပ်ဖို့ခြောက်နှစ်၊ ခုနှစ်နှစ်လောက်သည်းခံစောင့်ဆိုင်းရင်း ကြိုးစားပြင်ဆင်ခဲ့ဖူးတယ်။ဘဝမှာ သည်းမခံနိုင်တဲ့အရာတွေကိုအပြုံးအမပျက် ရင်ဆိုင်ပြီးဖြတ်ကျော်ခဲ့ဖူးတယ်။ ဘဝမှာ လစဥ်အတိုးတွေပေးဖို့အလုပ်တွေ လုပ်ခဲ့ဖူးတယ်။ တစ်လတစ်လ အရမ်းကျေအောင်ရုန်းကန်ကြိုးစားခဲ့ဖူးတယ်။ ကတိမတည်တဲ့လူတွေကြောင့်လူတွေအကြောင်းနားလည်ခဲ့ဖူးတယ်။ကိုယ်အထောက်အပံ့ပေးသလို ဖြစ်စေချင်သလို ဖြစ်မလာတဲ့အတွက်လူတွေကို စိတ်ကုန်ခဲ့ဖူးတယ်။ သံကြိုးကြီးခြေထောက်မှာတပ်ပြီးရှေ့ကိုပြေးပေမည့် ခရီးမတွင်တဲ့အချစ်ရေးမှာ ဆယ်စုနှစ်ဝက်နီးပါးဖြတ်သန်းခဲ့ဖူးတယ်။ ဘဝကို စိတ်ကုန်လို့ ဖြစ်သလိုနေရင်းနေသလိုဖြစ် ပေါင် ၁၉၀ ကျော် ၂၀၀ နီးပါးနဲ့ဘဝကြီးဖြစ်ခဲ့ဖူးတယ်။ ဘဝရဲ့သင်ခန်းစာတွေကို ကျေညက်လာတဲ့အခါဘာက အဓိက ဘယ်အရာက သာမညလဲ နားလည်လာတယ်။ အမြင်တွေမှန်လာတဲ့အခါအမှန်တွေ မြင်လာတယ်။ ဘဝအတွက်ထားရမည့် အမြင်တွေရှင်းလာတယ်။ကျန်းမာကြံ့ခိုင်ရေး တစ်။အလုပ်၊ စီးပွားနဲ့ ငွေကြေးနှစ်။ အချစ်နဲ့မိသားစု သုံး။ စိတ်ငြိမ်းချမ်းမှု လေး။ အပေါင်းအသင်းရောင်းရင်း ငါး။ ဘဝရဲ့ သင်ခန်းစာတွေလေ့လာရင်း မနက်ဖြန်ဖြစ်လာတဲ့ ကိုယ်က ရင်ခုန်ဖို့ကောင်းတယ်။ဒီနေ့ဖြစ်နေတဲ့ ကိုယ်အတွက်အတိတ်က အားထုတ်မှုတွေအတွက်ကျေးဇူးတင်မိတယ်။
ဒုက္ခကြုံတိုင်း၊ လမ်းသစ်ရှာတိုင်းလုပ်ဆောင်လို့ရတာ “လေ့လာအဖြေရှာ”တာပဲ။ လူသစ်တွေနဲ့တွေ့၊စာအုပ်တွေဖတ်၊ သတင်းအချက်အလက်ရှာဖွေ၊သင်တန်းတွေတက်၊ ခရီးတွေသွား၊ ကျွမ်းကျင်မှုအသစ်တွေသင်၊ ပညာရပ်အသစ်တွေ လေ့လာ၊ကိုယ်တိုင်စမ်းသပ်ကြည့်။ ဒီလိုလုပ်နိုင်ဖို့ ဘဝမှာ ငွေကြေးစီမံတဲ့အဆင့် ငါးဆင့်လိုတယ်။ငါးနှစ်၊ ဆယ်နှစ်လောက်အချိန်ပေးပြီးဒီအဆင့် ငါးဆင့်ကို တည်ဆောက်ကြည့်။ ၁။ နောက်နှစ် သုံးလေးငါးဆယ်အတွက်ရင်းနှီးမြုပ်နှံထားမှု။ Retirement fund၂။ ပြဿနာတစ်ခုခုဖြစ် အရင်လိုသုံးဖို့ငွေEmergency fund ၃။ လစဥ်ဝင်ငွေရှာပေးနေတဲ့ရင်းနှီးမြုပ်နှံမှု Fund for monthly Cash flow ၄။ အဆောင်ထားဖို့ငွေEnergy fund ၅။ လစဥ်အသုံးငွေ Monthly income/ expense budget ကျန်မာရေး၊အလုပ်နဲ့ စီးပွား၊ ငွေကြေးပိုင်ဆိုင်မှု၊ အချစ်နဲ့ မိသားစု၊ စိတ်အေးချမ်းမှုဒါတွေအဆင့်လိုက်လာတယ်။ ဘဝမှာ ကိုယ့်ကိုယ်ကိုယ်မကယ်တင်ရင်လာကယ်တင်မည့်သူ မရှိသလောက်ရှားတယ်။ Phyo Paing @ Derek
အနာဂတ်မရှိတဲ့ သူတွေနဲ့ မပေါင်းနဲ့။အနာဂတ်မရှိတဲ့ အလုပ်မလုပ်နဲ့။အနာဂတ်မရှိတဲ့နေရာ မနေနဲ့။ဖြစ်နိုင်ခဲ့မယ်ဆိုရင်ပေါ့။ Phyo Paing @ Derek
လိုချင်တာ ရအောင်ယူနိုင်တာလောကီရဲ့ ပါဝါပဲ။လိုချင်တာတွေ စွန့်လွတ်နိုင်တာလောကုတ္တရာရဲ့ ပါဝါ။ Phyo Paing @ Derek
ပထမတစ်ခုက“လမ်းဖောက်”တာ။ဒုတိယတစ်ခုက“လမ်းလျှောက်”တာ။ “လမ်းပျောက်”တယ်ဆိုတာ“လမ်းဖောက်”ဖို့လိုလို့။ ဆယ်တန်းကျောင်းပြီးတဲ့အချိန်၊ဘွဲ့ရတဲ့အချိန်၊ အလုပ်ကထွက်လိုက်တဲ့အချိန်၊ကိုယ်တိုင်လုပ်ငန်းစရတဲ့အချိန်၊နိုင်ငံရေး၊ စီးပွါးရေးကမောက်ကမဖြစ်တဲ့အချိန်၊ဒါက လမ်းသစ်ဖောက်ရမည့်အချိန်တွေပဲ။ Phyo Paing @ Derek
ဘဝမှာ လမ်းနဲ့ ပတ်သက်တဲ့
relationship နှစ်မျိုးရှိတယ်။ Read More »
ကိုယ့်ဘဝအပြောင်းအလဲဖြစ်ဖို့အိုင်ဒီယာသစ်တစ်ခု၊ အချိတ်အဆက်တစ်ခု၊ အကူညီတစ်ခု၊ သတင်းအချက်အလက်တစ်ခု၊ တွေးခေါ်တဲ့အမြင်ပုံစံတစ်ခု အပြောင်းအလဲပဲလိုနိုင်တယ်။ အဲ့ဒီတစ်ခု ဆိုတဲ့အရာကမှန်ကန်ပြီး တကယ်လိုက်လုပ်ရင်တစ်ဆင့်တစ်ဆင့် အပြောင်းအလဲဖြစ်သွားမယ်။ ကမ္ဘာပေါ်မှာ လူအများစုက မပျော်ဘူး။ကမ္ဘာပေါ်က တချို့နေရာကလူအများစုရဲ့ခန္ဓာကိုယ်ပုံစံ ကြံ့ခိုင်မနေဘူး။ကမ္ဘာပေါ်မှာ တချို့နေရာကလူအများစု ကိုယ့်ဘဝကိုကိုယ်စိတ်တိုင်းကျမနေဘူး။ သေချာတာ လူအများစုနောက်လိုက်နေလို့ မရဘူး။ လူအများစုနောက်လိုက်ရင်လူအများစုလိုပဲဖြစ်ဖို့များနိုင်တယ်။ ဒါကတော့ ကိုယ်ယူဆတဲ့အယူအဆတစ်ခုပဲ။ ကိုယ့်အတွက်တော့ မှန်တယ်။တခြားသူအတွက်တော့ မှန်ချင်မှမှန်မယ်။ Phyo Paing @ Derek
လူတွေကို ဒုက္ခရောက်စေတာအတွေးအခေါ်။ဒါကြောင့် ဗုဒ္ဓကသမ္မာဒိဋ္ဌိ မှန်သော အယူအမြင်ရှိဖို့လိုတယ်လို့ ဟောကြားခဲ့တယ်။ Phyo Paing @ Derek
ဆယ်စုနှစ်တစ်ခုလောက်စိတ်ရှည်ရှည်အချိန်ပေးဖို့လိုနိုင်တယ်။ စိတ်ရှည်၊ သည်းခံ၊ လေ့လာရန်လိုတယ်။Year 1 နဲ့ Year 10 ပထမနှစ်နဲ့ နောက်ဆယ်နှစ် တူမှာမဟုတ်ဘူး။ ကျွန်တော်ကတော့ နေ့ရက်တိုင်းကို Iterative Process တွေလိုစဥ်းစားတယ်။ လတိုင်းကိုလဲ အလားတူပဲ။ ရှေ့ဆက်သွားမည့် မနက်ဖြန်တွေအတွက်နေ့ရက်တိုင်းက သင်ပေးလိုက်တဲ့ သင်ခန်းစာယူတယ်။ မဖြစ်သေးတဲ့ ပြဿနာတွေကို ကြိုတင်အဖြေရှာကြည့်မိတယ်။ လတိုင်းမှာလဲ အသစ်တွေသင်ယူဖို့လုပ်ကြည့်တယ်။နောက် ၂၀၃၄ မှာ အသက်ရှင်ကြအုံးမယ်ဆိုရင်ဘယ်လိုပုံစံနဲ့ ပြန်တွေ့ကြမလဲ ရင်ခုန်ဖို့ သိပ်ကောင်းတယ်။ Phyo Paing @ Derek
ဘဝကို သုံးလေးငါးနှစ်နဲ့
တည်ဆောက်လို့ ဘယ်လွယ်မလဲ။ Read More »
လူတွေခေါင်းထဲထည့်ထားတဲ့အတွေးအခေါ်မတူရင်လောကအမြင်မတူဘူး။ ဒီအတွေးအခေါ်တွေက နှစ်ပေါင်းများစွာ အသွေးအသားထဲစီးဆင်းနေတဲ့ ဘိုးဘွားဘီဘင်တွေရဲ့ဒီအန်အေကတွေ လာတာဖြစ်နိုင်တယ်။ဒီအတွေးအခေါ်ယုံကြည်မှုဟာ လူအမျိုးအလိုက်ကွာနိုင်တယ်။ နောက်နေထိုင်တဲ့နေရာတစ်ခုရဲ့ယဥ်ကျေးမှုပေါ်မူတည်ပြီးလဲကွာနိုင်တယ်။ နောက်ကိုးကွယ်ယုံကြည်မှု ဘာသာတရာကို “အဓိပ္ပာယ်”ဖွင့်ဆိုမှုပုံစံပေါ်မှာ မူတည်ပြီးလဲကွာနိုင်တယ်။ ပညာရေးပေါ်မူတည်ပြီးလဲကွာနိုင်တယ်။အဓိကအသုံးပြု လေ့လာဖတ်ရှုတဲ့ဘာသာစကားပေါ်မူတည်ပြီးလဲကွာနိုင်တယ်။ ကိုယ်ရည်ကိုယ်သွေးပေါ်မူတည်ပြီးလဲကွာနိုင်တယ်။လူတွေကြားထဲ ရှင်သန်ဖို့ကြိုးစားတဲ့အခါနေရာတစ်ခုရဖို့ အသုံးပြုတဲ့ မဟာဗျူဟာcoping mechanism ပေါ်မူတည်ပြီးလဲကွာနိုင်တယ်။ ဖတ်တဲ့စာ၊ လေးစားအားကျတဲ့သူတွေပေါ်မူတည်ပြီးလဲကွာနိုင်တယ်။ အလုပ်အကိုင်ပေါ်မှာလဲ မူတည်တယ်။ ခေါင်းထဲထည့်ထားတဲ့ အတွေးအခေါ်၊ယုံကြည်မှုနဲ့ အတွေ့အကြုံပေါ်မူတည်ပြီးလောကအမြင်တွေ မတူကြဘူး။လောကကို အဓိပ္ပာယ်ဖွင့်ပုံတွေ မတူကြဘူး။ Phyo Paing @ Derek
