စိတ်ညစ်လို့ အလုပ်မလုပ်ဘူး။အလုပ်မဖြစ်လို့ အလုပ်မလုပ်ဘူး။လူအများက ဒါလုပ်နေတာပဲငါလဲ ဒါလိုက်လုပ်မယ်။ဒါမျိုးစဥ်းစားတာအကောင်းဆုံးရလဒ်ရဖို့အထောက်အကူမပြုနိုင်ဘူး။ အလုပ်လုပ်တိုင်း အလုပ်မဖြစ်ဘူး။ကိုယ်လုပ်ချင်တဲ့ အလုပ်လုပ်ပြီးအလုပ်ဖြစ်ဖို့ကငါးနှစ်၊ ဆယ်နှစ်လောက်တော့အချိန်ပေးရတယ်။ စိတ်ရှည်မှု၊ ဒူပေဒါပေခံမှု၊စည်းကမ်း၊ အလုပ်ကို ချစ်မြတ်နိုးမှု၊အပြစ်မတင်ပဲ အဖြေရှာမှု၊မှန်ကန်တဲ့ အမြင်ရှိမှုဒါတွေက အထူးအရေးကြီးတယ်။ Phyo Paing @ Derek
လူတိုင်းမှာ ကံညံ့တဲ့အချိန်ဆိုတာရှိတတ်တယ်။ဘာလုပ်လုပ် အဆင်မပြေ။တိုင်တစ်ခုပြီး တစ်ခုပတ်။ဒါက ဘဝမှာ မှတ်တိုင်စိုက်တဲ့အချိန်ဖြစ်တတ်တယ်။ဘာမှ မလုပ်ပဲ ရပ်နေလို့ရတယ်။ဒါကလဲ မမှားဘူး။အရှုံးကို ကန့်သတ်၊သင်ခန်းစာယူဖို့ လုပ်လို့ရတယ်။ဒီက အတွေ့အကြုံကကံပြန်ကောင်းရင် ကြီးကြီးကောင်းနိုင်တယ်။ကမ္ဘာ၊ မြန်မာမှာကြည့်ရင် သာဓကတွေအများကြီးပဲ။ Phyo Paing @ Derek
ဘဝအဆင့်လေးမျိုး။ ၁။ ရုန်းကန်၂။ လမ်းလွဲ၃။ လမ်းငြိ၄။ အထာကျကျ ရုန်းကန်ရတဲ့အဆင့်မှာရေမနစ်အောင်ရေကူးနေရတဲ့အဆင့်။ သွားတော့သွားနေတယ်။လွဲနေမှန်းတော့သိတယ်။လွဲလွဲနဲ့ သွားနေတဲ့အဆင့်။ လွဲနေမှန်းသိပြီ။တဖြည်းဖြည်း ပြန်ငြိတဲ့အဆင့်။ ဘဝမှာ ဖြစ်ချင်တာနဲ့ဖြစ်နေတာနဲ့ သဟဇာတဖြစ်ပြီးဆက်ဖြစ်မည့်အရာအတွက်ရင်ခုန်နေတဲ့အဆင့်။ လူတိုင်းရောက်နေတဲ့အဆင့်မတူကြဘူး။ အပေါ်ရောက်ပြီးလဲအောက်ပြန်ကျနိုင်တယ်။ အဆင့်တွေ လည်နေတယ်။မတူညီတဲ့အဆင့်မှာအမြင့်မတူရင် အမြင်တွေ မတူကြဘူး။ အဆင့်တက်ချင်ရင်အမြင်ပြောင်းဖို့လိုနိုင်တယ်။ Phyo Paing @ Derek
အာဖရိက ချမ်းသာတဲ့လယ်သမား အလီလိုပဲ။အာဖရိက စိန်တွင်းတွေအကြောင်းကြားပြီးရင်ခုန်လွန်းလို့ မအိပ်နိုင် မစားနိုင်အိမ်ကို ရောင်းပြီး စိန်သွားတူးတယ်။ သူ့အိမ်ဝယ်လိုက်တဲ့သူကတနေ့ မထင်မှတ်ပဲလက်လက်လက်လက်တွေတွေ့တော့မြေတူးကြည့်တယ်။အိမ်အောက်မှာစိန်တွင်းကြီးတွေ့တယ်။ ဘဝမှာလဲ အလားတူပဲတခြားသူတွေရဲ့ ပုံပြင်တွေကြားမှာမျောနေပြီးကိုယ့်ရဲ့ အစွမ်းအစတွေကိုတူးဖော်ထုတ်ယူဖို့ မေ့နေတတ်တယ်။ နေသလို ဖြစ်တဲ့ဘဝမှာဖြစ်သလိုနေတာ အချိန်တစ်ခုထိပဲကောင်းတယ်။ Phyo Paing @ Derek
နေသလို ဖြစ်တဲ့ဘဝမှာဖြစ်သလိုနေတာ အချိန်တစ်ခုထိပဲကောင်းတယ် Read More »
သူများတော့ မသိဘူး။တချို့ လူတွေကတော့ကိုယ့်ကိုယ်ကိုယ် ဆုလဒ်လို့ယုံကြည်တာပဲ။ကိုယ်နဲ့တွေ့တဲ့သူတိုင်းကိုအကောင်းဆုံးပေးတယ်။အာရုံနောက်စေတော့မယ်ဆိုရင်မနောက်ခင်ကတည်းက ban တာတို့၊စည်းခြားတာတို့ လုပ်လိုက်တယ်။ဘဝမှာ ကိုယ့်ကိုယ်ကိုယ် ဆုလဒ်လို့ခပ်ချေချေသာ ယူဆပြီးနေ့စဉ်လဲ တန်ဖိုးတက်အောင်လုပ်တာတချို့သူတွေရဲ့ ဘဝအတွေးအခေါ်ဖြစ်မယ်။ Phyo Paing @ Derek
အောင်မြင်ဖို့ မြင်အောင် ကြည့်ဖို့လိုတယ်။အမြင့်မတူရင် အမြင်က မတူပြန်ဘူး။နေသလိုဖြစ်တဲ့ဘဝမှာ ဖြစ်သလိုမနေနဲ့။အရေးမပါတာကို အရာမပေးဖို့လိုတယ်။ပလန်မရှိရင် ပက်လက်လန်မယ်။ ဒီလိုစာရေးနည်းကို chiasmus လို့ခေါ်တယ်။ ကျွန်တော် တွေးရတာကြိုက်တယ်။စာလုံးပေါင်းတွေ မှန်အောင်ကြိုးစားရင်းရေးရတာလဲ ကြိုက်တယ်။ တွေးတဲ့ အခါ ရေးတဲ့အခါမှာလဲ နည်းစနစ်တွေရှိတဲ့အတွက် Chiasmus နည်းသုံးပြီးအတွေးအခေါ် တချို့ ရေးမိတယ်။ Phyo Paing @ Derek
ဦးနှောက်အလုပ်လုပ်တာသာမန်လူတွေထက်မြန်နေမယ်။သန်နှုန်း၊ မြန်နှုန်း၊ စဥ်းစားနှုန်းမှာသာမန်လူတွေထက်ပိုတော်၊ ပိုထိရောက်၊ ပိုပျော်ပြီးဘဝကို အထာကျကျဖြတ်သန်းလို့ရပါတယ်။ အိုင်ကျူတိုးတက်အောင် လုပ်လို့ရတယ်။လူရှေ့သူရှေ့စကားထွက်ပြောခြင်း၊ဆက်သွယ်ပြောဆိုခြင်းတိုးတက်အောင်လုပ်လို့ရတယ်။စဥ်းစားတွေးခေါ်ခြင်း တိုးတက်အောင်လုပ်လို့ရတယ်။ ကိုယ့်ကိုယ်ကိုယ် limitless ဖြစ်အောင်လုပ်လို့ရတယ်။ ဒီလိုလုပ်ဖို့၁။ ဘဝကို သာမန်လူအများလိုပဲ မနေဘူးဆိုတဲ့စိတ်အားထက်သန်မှုလိုတယ်။၂။ ကိုယ်နဲ့ကိုက်ညီတဲ့နည်းမှန်လမ်းမှန်ရှာဖွေဖို့လိုတယ်။၃။ နေ့စဥ် လေ့ကျင့်ဖို့လိုတယ်။၄။ ဘေးက noise ဆူညံသံတွေကိုရှောင်နိုင်ဖို့လိုတယ်။ Superhuman ဖြစ်အောင်ကိုယ်၊ စိတ်နှလုံး၊ ဥာဏ်သာမန်ထက် အဆများစွာပိုကောင်းအောင် လုပ်လို့ရပါတယ်။ Phyo Paing @ Derek
ကိုယ့်ကိုယ်ကိုယ် limitless ဖြစ်အောင်လုပ်လို့ရတယ် Read More »
ကားအကြောင်းနားမလည်သူကကားမှန်သမျှ အကုန်ကားပဲ။စာအုပ်စာပေအကြောင်းနားမလည်သူကစာအုပ်မြင်ရင် စာအုပ်ပဲသိတယ်။လူအကြောင်းနားမလည်သူကလဲလူမြင်ရင် ယောကျာ်း၊ မိန်းမ၊ လူမျိုးဒီလောက်ပဲ သိမယ်။ အပေါ်ယံအသိတွေပဲရှိတဲ့အခါအပေါ်ယံအမြင်တွေပဲရှိမယ်။ အသိ၊ အမြင်ဆိုတဲ့အတိုင်းမသိရင် မမြင်ဘူး။ အခွင့်အလမ်းမမြင်ဘူး။အန္တရာယ်မမြင်ဘူး။ဝေးဝေးကို မမြင်ဘူး။ မှန်ကန်တဲ့အမြင်မရှိရင်မှန်ကန်တဲ့ အတွေးရှိဖို့မလွယ်ဘူး။မှန်ကန်တဲ့အတွေး မရှိရင်မှန်ကန်တဲ့ အလုပ်လုပ်ဖို့ မလွယ်ဘူး။ ကံဆိုတာ အလုပ်အလုပ်ဆိုတာ ကံဖြစ်တဲ့အတွက်အသိခေါက်ခက် အဝင်နက်လို့ရှေးမြန်မာလူကြီးတွေက ဆိုကြတယ်။ အသိကြွယ်ဖို့ သတိနဲ့သင်ယူတိုးတက်နေဖို့လိုနိုင်တယ်။ Phyo Paing @ Derek
ကောင်းမွန်တဲ့အရာအများစုက“သူ့အလိိုလို” ဖြစ်လာတာ နည်းတယ်။ အလိုလိုပေါက်နေတာ မြက်ပင်များတယ်။ပန်းကောင်းပန်းမံအတွက် ပြုစုပျိုးထောင်ဖို့လိုတယ်။ အလိုလိုနေ့စဥ် ဖြစ်နေတာ “အို” နေတာပဲ။ ကိုယ့်ကျန်းမာရေး၊ကိုယ့်အချစ်ရေး၊ကိုယ့်စိတ်ငြိမ်းချမ်းရေး၊ငွေရေးကြေးရေး၊လုပ်ငန်းစီးပွားဆောင်တာ၊ဥာဏဖွင့်ဖြိုးရေးဒါတွေ တိုးတက်ဖို့သူ့အလိုလိုဖြစ်နေတာရှားတယ်။ ကောင်းတာ မှန်သမျှကသေချာပြုစုပျိုးထောင်ရတယ်။ ဘဝရဲ့ ငါးပုံနှစ်ပုံကို သုံးပြီးမှတဖြည်းဖြည်း ပိုနားလည်လာတာလေး။ Phyo Paing @ Derek
ကောင်းမွန်တဲ့အရာအများစုက”သူ့အလိိုလို” ဖြစ်လာတာ နည်းတယ်။ Read More »
ဖြစ်နိုင်ခြေနဲ့ ဖြစ်နိုင်စွမ်းမတူဘူး။ကြိုးစားရင် ဘာမဆိုဖြစ်နိုင်ခြေရှိတယ်။ဖြစ်နိုင်စွမ်းကတော့ ၅၀% ဖြစ်ချင်ဖြစ်မယ်။၁၀% လဲ ဖြစ်ချင်ဖြစ်မယ်။၀.၁% လဲ ဖြစ်ရင်ဖြစ်မယ်။ ကိုယ်ဖြစ်ချင်တာ ဖြစ်ဖို့ဒီဖြစ်နိုင်စွမ်းက နေ့စဉ်နဲ့အမျှတိုးတက်လာရမယ်။ ၁။ သတင်းအချက်အလက်၂။ လူ၊ အဆက်အသွယ်၃။ ကျွမ်းကျင်မှု၄။ အခွင့်အလမ်း၅။ အသိပညာ ဒါတွေက ဖြစ်နိုင်စွမ်းကို တိုးတက်စေတယ်။ ဖြစ်နိုင်စွမ်းတိုးဖို့စာအုပ်ကြီး ထိုင်ဖတ်လို့မရသလိုအင်တာနက်မှာပဲရှာလို့မရဘူးလူတွေပဲ လိုက်တွေ့လို့လဲ မရဘူး။ ဒါတွေပေါင်းစပ်လုပ်နိုင်မှအခွင့်အလမ်းလာတဲ့အခါအနံ့ခံနိုင်စွမ်းရှိပြီးလိုအပ်တဲ့ ကျွမ်းကျင်မှု၊ အသိနဲ့အချက်အဆက် ကွက်တိဖြစ်မှာ။ နေ့စဉ် ဖြစ်နိုင်စွမ်းကိုတိုးတက်အောင် လုပ်နေလား။ဒီမေးခွန်းအရေးကြီးတယ်။ Phyo Paing @ Derek
ကိုယ်ဖြစ်ချင်တာ ဖြစ်ဖို့ဒီဖြစ်နိုင်စွမ်းက နေ့စဉ်နဲ့အမျှတိုးတက်လာရမယ် Read More »
