ကမ္ဘာပေါ်မှာ လူအများဆုံးရောက်နေတဲ့ထောင်က“အတွေးအခေါ် ထောင်” ဖြစ်နေနိုင်တယ်။လူတစ်ချို့က မသိလိုက်မသိဖာသာကိုယ့်အတွေးအခေါ် ထောင်ထဲရောက်နေတယ်။ ကိုယ့်ခေါင်းထဲထည့်ထားတဲ့ သတင်းအချက်၊ ဘဝအတွေ့အကြုံနဲ့ ဖြစ်ပေါ်လာတဲ့ အထင်အမြင်တွေကိုထာဝရ အလုံးစုံ အမှန်တရားလိုထင်တတ်ကြတယ်။ Phyo Paing @ Derek
Outside Inအချိန်တန်ရင် အိမ်တော့ခဏပြန်ပါ။ အာရုံကို အာဏာကုန်စိုက်နိုင်ဖို့ကိုယ့်လိပ်ပြာ ကိုယ့်ဆီပြန်လာအောင်ခေါ်ရတယ်။ ကိုယ်လိုချင်တဲ့ အရာတွေဖြစ်လာဖို့အပြင်မှာပဲ ရှာလို့မရဘူး။အတွင်းကို အရင်ပြန်ဝင်ရတယ်။ အာရုံတွေကို အပြင်မှာပဲ လေလွင့်အလေလိုက်နေလို့မရဘူး။ကိုယ့်အိမ်ပြန်လာဖို့လိုတယ်။ ကိုယ့်အိမ်ပြန်လာတဲ့အခါကိုယ့်အတွေးတွေကို သတိပြုမိလာမယ်။ကိုယ့်အကြံအစည်တွေကို သတိပြုမိလာမယ်။ကိုယ့်ကိုယ်ကို သတိပိုပြုမိလာမယ်။ ဒါမှ ကိုယ့်ကိုယ်ကိုပြောင်းရင်းကိုယ့်ဘေးပတ်ဝန်းကျင်ပြောင်းမယ်။ ဒါကြောင့် အချိန်တန်ရင် အိမ်တော့ခဏပြန်ပါ။ Phyo Paing @ Derek
Comfort Zone ထဲက မထွက်ပါနဲ့။ Comfort Zone ကို ချဲ့ပါ။ ရေမကူးတတ်သူက Comfort Zone ထဲကထွက်မယ်ဆိုပြီးမြစ်ထဲခုန်ချရင် ရေနစ်သွားနိုင်တယ်။ ဒါကြောင့် Comfort Zone ထဲကထွက်မည့်အစားComfort Zone ကို ချဲ့ပါ။ Comfort Zone ကို ချဲ့လို့ရတဲ့နည်းလမ်း ငါးခု ၁။ တိကျတဲ့ ရည်မှန်းချက်ပန်းတိုင်ချပါ။၂။ ရည်မှန်းချက်ပန်းတိုင်ရောက်ဖို့ “လုပ်ဆောင်ရမည့်အရာ” တွေကို ချရေးပါ။၃။ လုပ်ဆောင်ရမည့်အရာတွေအတွက်လိုအပ်တဲ့ “ကျွမ်းကျင်မှု”တွေကို ချရေးပါ။ ၄။ ဒီကျွမ်းကျင်မှုတွေရဖို့ “လေ့လာသင်ယူ” ရမည့်အရာတွေကိုချရေးပါ။၅။ နေ့စဥ် လေ့လာသင်ယူပြီး အကောင်အထည်ဖော်ပါ။ ကိုယ်က ရေနွေးအိုးထဲက ဖားမှ မဟုတ်တာ။ မဖြစ်မနေ ကျားကိုက်မှာမို့ ရေထဲခုန်ချရတဲ့ အခြေဆို တစ်မျိုးပေါ့။ 😀 Phyo Paing @
သတိမရှိပဲ ပျော်ရွင်မှုမရှိဘူး။ ပျော်ရွင်မှုတာရှည်ခံချင်ရင်သတိလိုတယ်။ ကမ်းခြေကို အပန်းဖြေဖို့ရောက်လာပြီးစိတ်က ပူပင်သောကတွေကမထွက်နိုင်ရင်လဲ မပျော်နိုင်ဘူး။ ဒါကြောင့် ဗုဒ္ဓက မဂ္ဂင်ရှစ်ပါးမှာမှန်ကန်သော သတိရှိဖို့လိုတယ်လို့ဟောကြားခဲ့တယ်။ တရားထိုင်ရတဲ့ အကြောင်းအရင်းက၁။ သတိ အသိ mindfulness၂။ သမာဓိ concentration ၃။ ထိုးထွင်းနားလည်မှု insight ဖြစ်လာဖို့။ Phyo Paing @ Derek
လွန်ခဲ့တဲ့ နှစ်ပေါင်း ၂၅၀၀ ကျော်ကတည်းကဗုဒ္ဓက လွတ်မြောက်ရာလမ်းကြောင်းပြသခဲ့တယ်။ ငွေကြေး လွတ်မြောက်မှုဖြစ်ဖြစ်၊လူ့ဘောင်ရဲ့သတ်မှတ်မှုက လွတ်မြောက်မှုဖြစ်ဖြစ်၊သံသရာထဲက လွတ်မြောက်မှုဖြစ်ဖြစ်ဒီလမ်းစဥ် ၈ ပါးကို သုံးလို့ရတယ်။ ဒါကတော့ မဂ္ဂင်ရှစ်ပါးဖြစ်တဲ့ မှန်ကန်တဲ့၁။ အယူဝါဒ၂။ အတွေး၊ အကြံ၃။ အပြော၄။ အလုပ်၅။ အသက်မွေးမှု၆။ အားထုတ်မှု၇။ သတိ၈။ စိတ်ကို အာရုံတစ်ခုတည်းမှာ စူးစိုက်နိုင်တဲ့ သမာဓိ ရှိဖို့ပဲ။ အကုန်လုံးက အတွေးနဲ့ စတယ်။ ကြီးကျယ်တဲ့အရာတွေ ဖြစ်လာဖို့စိတ်ထဲမှာ တစ်ခါစဥ်းစားရတယ်။ကြံစဥ်ပြီး စီမံကိန်းချရတယ်။ကိုယ့်ကိုယ်ကို ဒါမှမဟုတ်ကိုယ့်အဖွဲ့ကို ပြောရတယ်။တကယ်အားထုတ်ရတယ်။ ဒီအားထုတ်မှုက သမာအာဇီဝကျရမယ်။ဇွဲလုံ့လ မလျော့ရဘူး။ စိိတ်နဲ့ ကိုယ်နဲ့ သတိနဲ့ကပ်ရမယ်။အလုပ်ကို စူးစိုက်အာရုံထားနိုင်ရမယ်။ ကျွန်တော်နားလည်တဲ့ နေ့စဥ်ဘဝမှာကျင့်သုံးလို့ရတဲ့ ဗုဒ္ဓရဲ့ အဆုံးအမဖြစ်တဲ့ မဂ္ဂင်ရှစ်ပါးပဲ။ လောကီတွေ၊ လောကုတ္တရာတွေစဥ်းစားမနေတော့ဘူး။ နေ့စဥ် ဘဝမှာ ပိုပိုပြီးကျင့်သုံးနိုင်အောင်ပဲ ကြိုးစားရမယ်။
ကိုယ်မကြိုက်တဲ့နေရာမှာတစ်သက်လုံးနေရအောင်ကိုယ်က သစ်ပင်မှ မဟုတ်တာ။ကိုယ်ရှောင်ဖယ်မရတဲ့သူကကိုယ်ကိုယ်တိုင်ပဲ။ Phyo Paing @ Derek
ကိုယ့်ရဲ့ အထင်အမြင်ဟာ အမှန်တရား ဟုတ်ချင်မှဟုတ်မှာဆိုတာနားလည်သွားတဲ့အခါ လောကမှာ နေသားပိုကျလာတယ်။ Phyo Paing @ Derek
လိုချင်တာရဖို့ မလုပ်ချင်တာတွေကိုစိတ်ပါပါ မပါပါလုပ်ခဲ့ရတဲ့အချိန်တွေရှိတယ်။ မလိုချင်တာ မရဖို့စိတ်ပါပြီး လုပ်ချင်တဲ့အရာတွေကိုစောင့်ထိန်းခဲ့ရတဲ့အချိန်တွေလဲရှိတယ်။ ဒါကို Stoic အတွေးအခေါ်မှာ စည်းကမ်း Self-discipline လို့ခေါ်တယ်။ ကိုယ်လုပ်ချင်တာလုပ်ရမလား၊လုပ်သင့်တာ လုပ်ရမလားဆိုရင်ဖြစ်ချင်တာဖြစ်ဖို့ လုပ်ချင်တာဖြစ်ဖြစ်၊ လုပ်သင့်တာ ဖြစ်ဖြစ် လုပ်ရမှာပဲ။ ကိုယ့်ကိုယ်ကို မေးတဲ့မေးခွန်းမမှားဖို့လိုတယ်။ Phyo Paing @ Derek
အကြံပေးတစ်ယောက်မှာSTAR ⭐️ ရှိရမယ်။ ၁။ Strategic Thinking ကိုယ်အကြံပေးမယ့်သူဖြစ်ချင်တဲ့Strategic Goals ကိုသိပြီးမဟာဗျူဟာကျကျ စဉ်းစားနိုင်စွမ်း။လမ်းကြောင်းတွေ ချပြနိုင်စွမ်း။ ၂။ Tactics ဗျူဟာ ကိုယ်ပေးတဲ့ အကြံဥာဏ်ကိုအသုံးချလို့ရတဲ့ အသေးစိတ် ဗျူဟာချပေးနိုင်စွမ်း ၃။ Analytical skills သုံးသပ်ဆန်းစစ်မှုစွမ်းရည် အကောင်းကြီးမြင်လို့မရဘူး။အရှိကို အရှိအတိုင်း အနီးစပ်ဆုံးမြင်ပြီးဓမ္မဓိဋ္ဌာန်ကျကျ သုံးသပ်နိုင်စွမ်း ၄။ Research သုတေသန လုပ်နိုင်စွမ်း ဆုံးဖြတ်ချက်ချဖို့ သတင်းအချက်လိုတယ်။ဆုံးဖြတ်ချက်ချဖို့လိုတဲ့ သတင်းအချက်အလက်စုစောင်းရှာဖွေနိုင်စွမ်းလိုတယ်။ Akyanpay ကိုယ်မပါပဲလည်ပတ်တဲ့ လုပ်ငန်းတွေ တည်ဆောက်ပါ။ #Akyanpay
ကိုယ့်အပေါင်းအသင်းတွေရဲ့အောင်မြင်မှုကို မုဒိတာ မပွားနိုင်ရင်အဲ့လူတွေနဲ့ သူငယ်ချင်းမလုပ်နဲ့။ ကိုယ့်အတွက် မုဒိတာ မပွားနိုင်ရင်လဲသူငယ်ချင်း မလုပ်နဲ့။ Phyo Paing @ Derek
