Dr. Phyo Paing

Outside Inအချိန်တန်ရင် အိမ်တော့ခဏပြန်ပါ။ အာရုံကို အာဏာကုန်စိုက်နိုင်ဖို့ကိုယ့်လိပ်ပြာ ကိုယ့်ဆီပြန်လာအောင်ခေါ်ရတယ်။ ကိုယ်လိုချင်တဲ့ အရာတွေဖြစ်လာဖို့အပြင်မှာပဲ ရှာလို့မရဘူး။အတွင်းကို အရင်ပြန်ဝင်ရတယ်။ အာရုံတွေကို အပြင်မှာပဲ လေလွင့်အလေလိုက်နေလို့မရဘူး။ကိုယ့်အိမ်ပြန်လာဖို့လိုတယ်။ ကိုယ့်အိမ်ပြန်လာတဲ့အခါကိုယ့်အတွေးတွေကို သတိပြုမိလာမယ်။ကိုယ့်အကြံအစည်တွေကို သတိပြုမိလာမယ်။ကိုယ့်ကိုယ်ကို သတိပိုပြုမိလာမယ်။ ဒါမှ ကိုယ့်ကိုယ်ကိုပြောင်းရင်းကိုယ့်ဘေးပတ်ဝန်းကျင်ပြောင်းမယ်။ ဒါကြောင့် အချိန်တန်ရင် အိမ်တော့ခဏပြန်ပါ။ Phyo Paing @ Derek

Comfort Zone ထဲက မထွက်ပါနဲ့။ Comfort Zone ကို ချဲ့ပါ။ ရေမကူးတတ်သူက Comfort Zone ထဲကထွက်မယ်ဆိုပြီးမြစ်ထဲခုန်ချရင် ရေနစ်သွားနိုင်တယ်။ ဒါကြောင့် Comfort Zone ထဲကထွက်မည့်အစားComfort Zone ကို ချဲ့ပါ။ Comfort Zone ကို ချဲ့လို့ရတဲ့နည်းလမ်း ငါးခု ၁။ တိကျတဲ့ ရည်မှန်းချက်ပန်းတိုင်ချပါ။၂။ ရည်မှန်းချက်ပန်းတိုင်ရောက်ဖို့ “လုပ်ဆောင်ရမည့်အရာ” တွေကို ချရေးပါ။၃။ လုပ်ဆောင်ရမည့်အရာတွေအတွက်လိုအပ်တဲ့ “ကျွမ်းကျင်မှု”တွေကို ချရေးပါ။ ၄။ ဒီကျွမ်းကျင်မှုတွေရဖို့ “လေ့လာသင်ယူ” ရမည့်အရာတွေကိုချရေးပါ။၅။ နေ့စဥ် လေ့လာသင်ယူပြီး အကောင်အထည်ဖော်ပါ။ ကိုယ်က ရေနွေးအိုးထဲက ဖားမှ မဟုတ်တာ။ မဖြစ်မနေ ကျားကိုက်မှာမို့ ရေထဲခုန်ချရတဲ့ အခြေဆို တစ်မျိုးပေါ့။ 😀 Phyo Paing @

ကိုယ်မကြိုက်တဲ့နေရာမှာတစ်သက်လုံးနေရအောင်ကိုယ်က သစ်ပင်မှ မဟုတ်တာ။ကိုယ်ရှောင်ဖယ်မရတဲ့သူကကိုယ်ကိုယ်တိုင်ပဲ။ Phyo Paing @ Derek

ကိုယ့်ရဲ့ အထင်အမြင်ဟာ အမှန်တရား ဟုတ်ချင်မှဟုတ်မှာဆိုတာနားလည်သွားတဲ့အခါ လောကမှာ နေသားပိုကျလာတယ်။ Phyo Paing @ Derek

လိုချင်တာရဖို့ မလုပ်ချင်တာတွေကိုစိတ်ပါပါ မပါပါလုပ်ခဲ့ရတဲ့အချိန်တွေရှိတယ်။ မလိုချင်တာ မရဖို့စိတ်ပါပြီး လုပ်ချင်တဲ့အရာတွေကိုစောင့်ထိန်းခဲ့ရတဲ့အချိန်တွေလဲရှိတယ်။ ဒါကို Stoic အတွေးအခေါ်မှာ စည်းကမ်း Self-discipline လို့ခေါ်တယ်။ ကိုယ်လုပ်ချင်တာလုပ်ရမလား၊လုပ်သင့်တာ လုပ်ရမလားဆိုရင်ဖြစ်ချင်တာဖြစ်ဖို့ လုပ်ချင်တာဖြစ်ဖြစ်၊ လုပ်သင့်တာ ဖြစ်ဖြစ် လုပ်ရမှာပဲ။ ကိုယ့်ကိုယ်ကို မေးတဲ့မေးခွန်းမမှားဖို့လိုတယ်။ Phyo Paing @ Derek