Dr. Phyo Paing

အလုပ်လုပ်တာကို အလုပ်လုပ်တယ်လို့ မခံစားရအောင်လုပ်တဲ့နည်းကကိုယ့်ဘဝကို ပြည့်စုံစေတဲ့အလုပ်လုပ်တာပဲ။ ဝါသနာပါတာကိုလုပ်ဆိုတာတော်တော်လေးအပေါ်ယံဆန်နိုင်တယ်။ ကိုယ်မတွေးပဲ မနေနိုင်တာကိုလုပ်ဆိုရင် ပိုပြီး မှန်ကန်နိုင်မယ်။ ကိုယ့်ဦးနှောက်ထဲ နေရာအယူဆုံးအကြောင်းအရာတွေကဘာလဲ။ မတွေးပဲ မနေနိုင်တဲ့အကြောင်းအရာတွေကဘာတွေဖြစ်မလဲ။ ဒီအရာနဲ့ဆိုင်တဲ့ အလုပ်ကိုရွေးချယ်လုပ်ဆောင်တာ ဘဝရဲ့ပျော်ရွင်မှုပဲ။ မတွေးပဲ မနေနိုင်တဲ့အလုပ်ကနေဝင်ငွေဖန်တီးဖို့အတွက်တော့နည်လမ်းရှာဖို့လိုတယ်။ အကောင်းဆုံးနည်းလမ်းကတော့ ဒီနေ့ခေတ် လူတိုင်းရထားတဲ့အခွင့်အရေးပဲ။ဒါကတော့ social media ပေါ့။ ကိုယ်မတွေးပဲ မနေနိုင်တဲ့အရာတွေကိုဖော်ပြခြင်းဟာ ကိုယ့်လိုလူတွေကိုဆွဲဆောင်ခြင်းဖြစ်ပြီးဒီကမှတစ်ဆင့် ဝင်ငွေပြောင်းတဲ့အဆင့်သွားလို့ရတယ်။ လူအများစုက ဝင်ငွေကို အရင်စဥ်းစားပြီးမှ ဘယ်အလုပ်လုပ်ရမလဲ စဥ်းစားတယ်။ အဲ့ထက်ကောင်းတဲ့ approach တစ်ခုကကိုယ်မတွေးပဲ မနေနိုင်တဲ့အပေါ်ကိုယ့်အသက်မွေးဝမ်းကြောင်းတည်ဆောက်တာပဲ။ Phyo Paing @ Derek