ကိုယ့်ကိုကိုယ် limit လုပ်ထားတဲ့အရာတွေ မရှိဘူး။
ဆေးကျောင်းပထမနှစ် test စာမေးပွဲမှာဘာသာစုံ ၇ ဘာသာအောင်တာအရင်နှစ်က အယောက် ၆၀၀ မှာအယောက် ၂၀ မပြည့်ဘူးသားကြီး။စိတ်ကူးယဉ်မနေနဲ့။ အဲ့ကုမ္ပဏီက နှစ်ဆယ်သုံးဆယ်မှာတစ်ယောက်လောက်ပဲရွေးတာနော်။မလွယ်ဘူးထင်တယ်။ ဟင် UK Graduate Level 6 Diploma ကိုငါးလနဲ့ ဖြေမလို့။ဆုတောင်းမှပဲရလိမ့်မယ်။သူများ Level 4 က တက်လာတာနှစ်နှစ်ခွဲရှိပြီ မအောင်သေးဘူး။ ဟင် သင်တန်းကျောင်းဖွင့်မလို့လား။ထသွားမှ ကျိုးမှန်းသိမယ်နော်။ တ နဲ့ သလဲ မပီပဲနဲ့ သင်တန်းဆရာဘယ်လိုဖြစ်မလဲသားရယ်။ မန္တလေးကစတဲ့ သင်တန်းဆရာရန်ကုန်ထိသွားသင်တာ သိပ်မရှိဘူးနော်။ မားကတ်တင်းလို့ပြောလိုက်ရင်အရှေ့မှာဆရာကြီးတွေရှိနေပြီဘယ်လိုစျေးကွက်ဖောက်မှာလဲ။ Subscription business modelမြန်မာပြည်မှာ မဖြစ်နိုင်သေးဘူး။ ကိုယ်မပါပဲလည်ပတ်တဲ့လုပ်ငန်းဆိုတာမြန်မာပြည်မှာ မဖြစ်နိုင်ပါဘူးကွာ။ တစ်ရက်ကိုစာတစ်အုပ်ဖတ်တယ်ဆိုတာမဖြစ်နိုင်ပါဘူးကွာ။ လူတွေမမှတ်မိလောက်အောင်တိုးတက်ပြောင်းလဲဖို့လားဝိတ်အရင်ချကြည့်ပါလား။စောင့်ကြည့်နေတယ်နော်ဆရာဖြိုး။ Coachsulting က မြန်မာပြည်မှာစောနေပါသေးတယ်။ မဖြစ်နိုင်ဘူး၊ မလွယ်ဘူးဆိုတဲ့စကားတွေဟာကိုယ့်ကိုပြောကြတာ မဟုတ်ဘူးလို့အမြဲယူဆထားတယ်။ လူတိုင်းက သူ့ခေါင်းထဲမှာရှိတဲ့ ပုံရိပ်ကိုအပြင်လောကကြီးကို မီးမောင်းထိုးလိုက်တာပဲ။