ဘ၀ဆိုတာ တိုက်ပွဲ
တကယ်တမ်း ဘ၀ဆိုတာတိုက်ပွဲ ဆိုတဲ့စကားက မှန်တယ်။ လူတိုင်းက လူတွေမသိတဲ့ တိုက်ပွဲတွေ နေ့စဉ်၀င်နေကြရတယ်။ ဘ၀မှာ နေပျော်ချင်ရင်တော့ တိုက်ပွဲတွေကြားမှာနေတတ်ဖို့ အမှားကို သင်ခန်းစာယူ အနာဂတ်ကို ပြင်ဆင်တတ်ဖို့နဲ့ စိတ်ထားတတ်ဖို့လိုတာပဲ။
ဘဝမှာ တစ်ခုခုအပေါ် ယုံကြည်နေဖို့လိုတယ်။
အမှန်တရားအပေါ်ဖြစ်ကောင်းဖြစ်မယ်။အနာဂတ်ကို ဖြစ်ကောင်းဖြစ်မယ်။ Ideology တစ်ခုအပေါ်ဖြစ်ကောင်းဖြစ်မယ်။ Digital Business အပေါ်ဖြစ်ကောင်းဖြစ်မယ်။ စီးပွါးရေးသမားနဲ့ စွန့်ဦးတီထွင်ကွာခြားချက်ကIdea တစ်ခုအပေါ် ယုံကြည်မှုဖြစ်နိုင်တယ်။ စီးပွါးရေးသမားအများစုက ideology free တယ်။အခြေအနေကြည့် မြတ်ရင်လုပ်မယ်။ စွန့်ဦးတီထွင်က ခေါင်းမာတတ်တယ်။သူများမလုပ်သေးတာ သို့ idea တစ်ခုအပေါ်သက်ဝင်ယုံကြည် အကောင်အထည်ဖော်တယ်။ ဘဝမှာ တစ်ခုခုအပေါ် ယုံကြည်နေဖို့လိုတယ်။အထူးသဖြင့် အနာဂတ်အပေါ် ယုံကြည်ဖို့လိုတယ်။ Phyo Paing @ Derek
စီးပွားရေး၊ လူမှုရေး၊ အနာဂတ်ရေးရာ
အတွက် အဆုံးရှုံးခံနိုင်တဲ့ ပမာဏ
သတ်မှတ်ထားဖို့လိုတယ်။
Russian Roulette Casino ကို ဆေးကျောင်းတတိယနှစ် ကစပြီးစွဲစွဲလမ်းလမ်းဆော့ခဲ့ဖူးတယ်။ အလောင်းအစား စိတ်ပညာကိုလဲတော်တော်လေး လေ့လာခဲ့ဖူးတယ်။ ဘယ်နေရာမှာပဲ ဖြစ်ဖြစ်ကိုယ်က ကစားပွဲတစ်ခုရောက်သွားတဲ့အခါLoss aversion လို့ခေါ်တဲ့ ရှုံးသွားတာကို ပြန်ရဖို့ မဲတတ်တဲ့စိတ်ကိုအရင်ဖျောက်ရတယ်။ ဒီလို လုပ်ဖို့ ကိုယ်ရှုံးမည့် amount ကိုအရင်သတ်မှတ်ရတယ်။ ဥပမာ ကိုယ်က $1000 ပဲဆော့မယ်ဆိုဒါရှုံးရင် မဆော့တော့ဘူး။ limit လုပ်ပြီး အစကတည်းက ပျော်ဖို့ဆိုတဲ့ စိတ်နဲ့ ဆော့တာပဲဖြစ်တယ်။ Loss limitation ဆိုတဲ့ နည်းစနစ်ဟာ ဘဝတစ်သက်တာမှာ တော်တော်လေးအထောက်အကူပြုခဲ့တယ်။ တစ်ခုခုလုပ်တော့မယ်ဆို ပထမဆုံးမေးဖြစ်တာ ငါဘယ်လောက်ထိအရှုံးခံနိုင်လဲ။ ဘယ်လောက်ပမာဏကို comfortable ဖြစ်သလဲ။ ဒါသတ်မှတ်ပြီးရင်တော့ ကျန်တာ အကုန်လုံးက ရင်ခုန်စရာကြီးပဲ။ Stress နည်းသွားမယ်။ Phyo Paing @ Derek
စီးပွားရေး၊ လူမှုရေး၊ အနာဂတ်ရေးရာ
အတွက် အဆုံးရှုံးခံနိုင်တဲ့ ပမာဏ
သတ်မှတ်ထားဖို့လိုတယ်။ Read More »
ကိုယ့်ကိုကိုယ် ဘယ်တော့မှ
အပြစ်မတင်ပါနဲ့။
အနာဂတ်အတွက် အဆိုးဆုံးကိုကြိုတင်ပြင်ဆင်ထားပါ။ သုညကနေပြန်စရမှာမကြောက်ပါနဲ့။ ဒီအတွက်လဲ ကြိုတင်ပြင်ဆင်ထားပါ။ ကိုယ့်ခေါင်းထဲကိုထည့်တဲ့ အတွေးအခေါ်သေချာ ဂရုစိုက်ပါ။ Phyo Paing @ Derek
တခါတလေ
တခါတလေ လူတိုင်းမှာ “မင်းမှန်တယ်” “ဆက်လုပ်” “ငါမင်းအနောက်မှာ” ရှိနေတယ်။ “မင်းကတော်ပြီးသားပဲ” ဒီလို ကိုယ့်ကို ယုံကြည်တတ်သူတစ်ယောက် ဘ၀တစ်ကွေ့မှာ တစ်ခေါက်တွေ့နိုင်တယ်။ ဒီလိုလူကြောင့်လဲ ကိုယ့်ဘ၀ ပြောင်းလဲသွားတတ်တယ်။ ကိုယ့်ကို အမြဲ အပြစ်တင်တတ်တဲ့ သူတွေကြောင့် ကြီးပွားတိုးတက်ဖို့ မလွယ်ဘူး။
ပိုက်ဆံအရသာနဲ့ အာဏာအရသာမတူဘူး။
အာဏာ Power က ဘိန်းလိုပဲစွဲလန်းစေတဲ့အတွက်အရသာတွေ့သွားရင် လူကိုပျက်စီးစေတတ်တဲ့အတွက်လီကွမ်းယူလက်ထက်က သူဝန်ကြီးချုပ်ဖြစ်ပေမယ့်သူ့ကလေးတွေပျက်စီးမှာစိုးလို့ ဝန်ကြီးချုပ်အိမ်ယာမှာမထားပဲသူ့မိန်းမနဲ့ကလေးတွေကို အရင်အိမ်မှာပဲထားတယ်လို့ ဖတ်ဖူးတယ်။ Social Influencer တွေကိုလေ့လာကြည့်ရင်တောင်လွန်းမိုးနိုင်တဲ့ influencing power များလာတာနဲ့အမျှစကားပြောပုံတောင် ပြောင်းလာတာ အားလုံးအသိပဲ မဟုတ်လား။ စိတ်ပညာအရ မရှိသေးတဲ့အရာကိုသာ စွန့်လွတ်ဖို့လွယ်ပေမယ့်ရှိပြီးသားအရာကို စွန့်လွတ်ဖို့ခက်တယ်လို့ဆိုတယ်။ ဒီ Power ရယူလိုမှုကြောင့် ပြဿနာမျိုးစုံနောက်ကလိုက်လာတယ်။ ဒီ Power အရသာတွေ့သွားသူက ဒါမြဲဖို့ဘာလုပ်ရလုပ်ရ ဝန်မလေးတော့ဘူး။ Phyo Paing @ Derek
ကိုယ့်ရဲ့ Belief system ကို ပြန်လည်ဆန်းစစ်ဖို့။ Fact ပေါ်မူတည်ပြီး အကောင်းဆုံးရလဒ် the best outcome (consequence) ရဖို့
belief system ကို ပြန်ဆန်းစစ်ရမယ်။
ပျော်စရာရှိရင် အရမ်းမပျော်အောင်စိတ်ထိန်းသလိုစိတ်ညစ်စရာရှိရင်လဲ စိတ်အရမ်းမညစ်ကောင်းလှတဲ့သာယာတပ်မက်မှုတွေကိုတမင်တကာ ရှောင်တဲ့ ဘဝနေထိုင်နည်းကိုStoic philosophy လို့ခေါ်တယ်။ တစ်နည်းအားဖြင့် attachment အနည်းဆုံးနဲ့နေထိုင်နည်းဖြစ်ပါတယ်။ အခက်အခဲ သို့ စိန်ခေါ်မှုများတဲ့ ကာလတွေဖြစ်တဲ့ကမ္ဘာ့ကပ်ရောဂါ၊ ကမ္ဘာစစ် တွေမှာလွန်ခဲ့တဲ့နှစ်ပေါင်း ၂၃၀၀ ကျော်က အတွေးအခေါ်က အထောက်အကူအလွန်ပြုတယ်။ လွန်ခဲ့တဲ့ နှစ်ပေါင်း ၂၀၀၀ ကျော်ကရောမဘုရင် အင်ဘာယာMarcus Aurelius ရဲ့ ABC model Adversity, belief and consequences အရ ဥပမာ “Adversity” စစ်တပ်က အာဏာသိမ်းလိုက်တယ်။ ဒီနောက်ကွယ်မှာ “Belief” မျိုးစုံရှိမယ်။ တချို့က ငါ့အနာဂတ်သွားပြီ။ တချို့က ဒါမတရားဘူး။လူအများစုက ငါတို့ တိုင်းပြည်အတွက် အနာဂတ်အတွက် တွန်းလှန်မှရမယ်။ တချို့က ဒါ Federal democracy ဖြစ်ဖို့ ဖြစ်လာတာ။
ဘယ်အချိန်မှာ ဘယ်လိုပြန်ဖြစ်မယ်ဆိုတာထက် ဘာကြောင့် ငါတို့ တိုက်ပွဲဝင်နေလဲ ဆိုတာသိဖို့လိုတယ်။
ဒီလိုအချိန်မျိုးမှာ လူတိုင်း စိတ်တိုင်းမကျတာမျိုးဖြစ်တတ်ကြတယ်။ မျှော်လင့်ချက်တွေထားပြီး ဖြစ်မလာတိုင်း အားမလိုအားမရဖြစ်တတ်ကြတယ်။ မနက်ထလာတိုင်း သတင်းလေးများကောင်းမလား လိုက်ရှာကြည့်တတ်ကြတယ်။ အနာဂတ်တွေကို စဥ်းစားပြီး စိတ်ပူတတ်ကြတယ်။ ကျွန်တော်ငယ်ငယ်က နာဇီ concentration camp ထဲမှာ နှိပ်စက်ခံခဲ့ရတဲ့ စိတ်ပညာရှင် Viktor Franklr ရဲ့ Man’s search for meaning ဆိုတဲ့စာအုပ်လေးဖတ်ဖူးတယ်။ ဒီစာအုပ်ထဲမှာ အကျဥ်းသားတွေကို နှိပ်စက်ပြီးစောစောသေစေတဲ့အကြောင်းက “မျှော်လင့်ချက်” ဖြစ်တယ်လို့ဆိုတယ်။ ဥပမာ ဒီ X’mas မှာတော့ ငါတို့လွတ်တော့မယ်လို့ကြားတယ်။ မလွတ်ဘူး။ ဒီ Jan မှာတော့ ငါတို့ လွတ်တော့မယ်လို့ကြားတယ်။ မလွတ်ဘူး။ ဒီမှာ မျှော်လင့်ချက်တွေပျက်ပြီး သွေးပျက်စိတ်ဓာတ်ကျပြီး ဒီအကျဥ်းသားတွေက စောစောသေကြတယ်။ အသက်ရှင်ကျန်တဲ့ လူတွေကို လေ့လာကြည့်တော့ သူတို့မှာ မျှော်လင့်ချက်ဆိုတာထက် “ဘဝအဓိပ္ပာယ်”
အခြေအနေပေါ်မူတည်ပြီး flexible ဖြစ်ဖို့လိုတယ်။
Trump ရွေးကောက်ပွဲနိိုင်တဲ့နေ့မှာ Jack Ma က Trump Tower ရောက်သွားပြီးUS မှာ အလုပ်အကိုင် ၁ သန်းဖန်တီးပေးမယ်ဆိုပြီးသွားကတိပေးတယ်။ Trump သမ္မတဖြစ်တော့ တရုတ်နဲ့ Trade War စတယ်။စစချင်းမှာပဲ Jack Ma က သူ့ကတိကိုဖြစ်အောင်လုပ်ဖို့ မဖြစ်နိုင်တော့ကြောင်းပြောပြီးUS က တပ်ပြန်ခေါက်တယ်။ လုပ်ငန်းရှင်တွေလဲ အတူတူပဲ။ အရင်ကထားထားတဲ့ Vision တွေက အခြေအနေပေါ်မူတည်ပြီး flexible ဖြစ်ဖို့လိုတယ်။ Phyo Paing @ Derek
ရည်ရွယ်ချက်
ဆန္ဒပြတဲ့ ရည်ရွယ်ချက်က လုပ်ရပ်တစ်ခု၊ အိုင်ဒီယာတစ်ခုကိုသဘောမတူ ဆန့်ကျင်ကြောင်းဆန္ဒထုတ်ဖော်တာဖြစ်ပါတယ်။ ငြိမ်းချမ်းစွာ ဆန္ဒထုတ်ဖော်တဲ့ပြည်သူပြည်သားတွေကို ရက်စက်စွာပစ်ခတ် နှိမ်နင်းတာကိုပြည်သူတစ်ယောက်အနေနဲ့ ရှုံ့ချပါတယ်။ မတရားမှုကို မတရားကြောင်းရပ်တည်ရဲတဲ့ တစ်ဦးတစ်ယောက်ချင်းစီကိုလေးစားပါတယ်။နောင်လာမည့် မျိုးဆက်သစ်တွေကိုမဟုတ်တာကို ရေငုံပိတ်ပြီးခေါင်းငြိမ့်တဲ့ မျိုးဆက်မျိုးမဖြစ်စေရဘူး။ #MilkTeaAlliance #JusticeOfMyanmar