ရောင်းတာဝယ်တာ တတ်တဲ့သူကအရောင်းအဝယ်နဲ့ ငွေရှာတယ်။လူကြောနပ်လွန်းတဲ့သူကအပေါင်းအသင်းနဲ့ ငွေရှာတယ်။ ချိပ်ဆက်တတ်သူက ပွဲစားလုပ် ငွေရှာတယ်။ အသစ်တွေ ဖန်တီးတတ်သူကဖန်တီးမှုနဲ့ ငွေရှာတယ်။ လူတိုင်းမှာ အရင်းအနှီးအတွေရှိတယ်။ ငွေကြေးအရင်းအနှီး။မိတ္တဗလအရင်းအနှီး။ဥာဏ အရင်းအနှီး။ ကိုယ်က ဘယ်အရင်းအနှီးတွေသုံးနေလဲ။ သုံးနေတဲ့ အရင်းအနှီးကို ပိုကြီးအောင်လုပ်ဖို့လိုနိုင်တယ်။ Phyo Paing @ Derek
အချိန်ကိုပဲ မစီမံနဲ့။ စိတ်ကို စီမံ။ စိတ်ညစ်နေရင် အလုပ်ကောင်းကောင်းလုပ်ဖို့အလွယ်ဘူး။ စိတ်ရှုပ်နေရင်ရှင်းရှင်းလင်းလင်းတွေးတောဖို့မစွမ်းဆောင်နိုင်ဘူး။ စိတ်လေနေရင် အလုပ်စတင်ဖို့ မလွယ်ဘူး။ စိတ်ထောင်းကိုယ်ကျေဆိုတဲ့အတိုင်းစိတ်က အခရကျတယ်။ ဗုဒ္ဓက စိတ်ဆိုတာ “အာရုံကိုသိ” ခြင်းလို့ဆိုတယ်။ စိတ်ဆိုတဲ့ အဖြူထည်လေးမှာ စေတသိက်တွေလွမ်းမိုးခြယ်လည်တယ်။ ကောင်းမွန်တဲ့ စေတသိက်တွေလွမ်းမိုးဖို့အာရုံကို ကောင်းတဲ့နေရာမှာ စိတ်ထားနိုင်ဖို့လိုတယ်။ နေ့စဥ် ပျော်စရာ၊ရင်ခုန်စရာ၊ဂုဏ်ယူစရာ၊ မဖြစ်မနေလုပ်ဆောင်မည့်အရာ၊ကိုယ်နှစ်သက်ပျော်ရွင်တဲ့အလုပ်၊ကျေးဇူးတင်တဲ့အရာ၊ ကိုယ်မေတ္တာထားချစ်ရသူတွေ၊ချစ်ရတဲ့အရာတွေပေါ်အာရုံထားမေတ္တာပွားမျှဝေရင်စိတ်က ကောင်းနေမှာ။ အချိန်ပဲ မစီမံပါနဲ့။ စိတ်ကိုလဲ စီမံပါ။ စိတ်ကို စီမံဖို့အာရုံကို စီမံပါ။ နက်နဲတဲ့အလုပ်တွေလုပ်ဖို့ သမာဓိ အာရုံစူးစိုက်မှုလိုပါတယ်။ Phyo Paing @ Derek
ဒုက္ခနဲ့ best friend ဖြစ်လာတဲ့အခါ သုခအစားဒုက္ခရဲ့အရသာကလဲမဆိုးဘူးဆိုတာ နားလည်လာမယ်။ လိုချင်ပြီးမရတာ ဒုက္ခ။ရထားပြီးမလိုချင်တာလဲ ဒုက္ခ။ ဖြစ်ချင်ပြီး မဖြစ်တာ ဒုက္ခ။မဖြစ်ချင်ပဲ ဖြစ်တာ ဒုက္ခ။ လိုချင်ပြီး မရတဲ့အခါဖြစ်လာတဲ့ ဒေါသတွေ၊ လောဘတွေ၊ မောဟတွေနဲ့စိုးရိမ်သောက ဗျာပါဒတွေများတယ်။ ဘဝရဲ့ တိုးတက်ရေးဖြစ်စဥ်မှာ ဒုက္ခနဲ့ best friend အချစ်ဆုံးသူငယ်ချင်းတွေဖြစ်ဖို့လိုတယ်။ လူတိုင်းက ပိုကောင်းတဲ့အနာဂတ်ကို လိုချင်တယ်။ အနာဂတ်ဆိုတာ မဖြစ်လာသေးဘူး။မဖြစ်လာသေးတာကို လိုချင်ပြီး မရသေးတဲ့အတွက်ဒေါသတွေ ဖြစ်နေတာစိတ်အလိုမကျဖြစ်နေတာဒုက္ခကို မကိုင်တွယ်တတ်လို့။ ဒုက္ခဆိုတာ ဘဝမှာ သဘာဝပဲ။ ဒုက္ခနဲ့ နေသားကျလာရင်စိတ်ထားတတ်လာမယ်။ စိတ်ထားတတ်လာရင် ဒုက္ခကို ကိုင်တွယ်ဖို့ အကောင်းဆုံးနည်းလမ်းတွေမြင်လာမယ်။ လုပ်ချင်တာ မလုပ်ရရင်ဒုက္ခ။မလုပ်ချင်တာ လုပ်ရရင်ဒုက္ခ။သွားချင်တဲ့နေရာမသွားရရင် ဒုက္ခ။မသွားချင်တဲ့နေရာ သွားရတာလဲဒုက္ခ။ ဒီဒုက္ခတွေနဲ့ best friend ဖြစ်လာရင်သူ့ကို ကိုင်တွယ်တတ်လာမယ်။ ဒုက္ခကို
အချိန်အများစု ခံယူချက်နဲ့ အလုပ်လုပ်တဲ့သူ။နောက်တစ်မျိုးက ခံစားချက်နဲ့ပဲ အသားပေးအလုပ်လုပ်တဲ့သူ။ ရေရှည်တိုးတက်ချင်တယ်ဆို ကိုယ့်အလုပ်ကိုခံယူချက်နဲ့လုပ်ဖို့လိုတယ်။ ခံယူချက်နဲ့အလုပ်လုပ်တဲ့အခါပျင်းရိတာ၊ငြီးငွေ့တာ၊မလုပ်ချင်မကိုင်ချင်ဖြစ်တာ၊ အချိန်ဆွဲတာ၊ ပြဿနာတွေပဲထိုင်ပြောနေတာ၊ဇွဲမရှိတာ၊ မဖြစ်နိုင်တာတွေပဲထိုင်စဥ်းစားနေတာ၊တခြားသူကို အပြစ်တင်ချင်စိတ်ဖြစ်တာဒါတွေနည်းလာမယ်။ ဘဝကို အထာကျကျဖြတ်သန်းဖို့ကခံယူချက်က ခံစားချက်ထက်ကျော်လွန်ဖို့လိုတယ်။ ရတောင့်ရခဲ ခြေလက်အစုံအကြား၊ အမြင်၊ ဥာဏ်၊ငယ်ရွယ်နုပျိုမှု ရရှိထားတဲ့ လူ့ဘဝကို တန်ဖိုးထားခြင်း။အချိန်ကို တန်ဖိုးထားခြင်း။ ကိုယ့်ကိုယ်ကိုယ်လေးစားခြင်း။ ပြဿနာကို အဖြေရှာတတ်ခြင်း။အကောင်အထည်ဖော်မှုသေသပ်ခြင်း။အလုပ်ကြိုးစားခြင်း။ အမြဲမပြတ်သင်ယူမှုရှိခြင်း။ ဘဝရဲ့ ခံယူချက်က ခံစားချက်တွေရဲ့အရင်လာဖို့ အရေးကြီးတယ်။ Phyo Paing @ Derek
ဘာအလုပ်ပဲ လုပ်လုပ်လောကီ၊ လောကုတ္တရာတိုးတက်နေမှ လိုရာခရီးရောက်နိုင်မှာ။ ဒီလိုရာခရီးရောက်ဖို့ ဗုဒ္ဓက မဂ္ဂင်ရှစ်ပါးကို ဟောကြားခဲ့တယ်။ ဒီနေ့ခေတ် စိတ်ပညာ သုတေသနလုပ်ထားတဲ့သိပ္ပံတွေ့ရှိမှုတွေနဲ့လဲ ကွက်တိကိုက်ညီမှုရှိတာကို တွေ့ရပါလိမ့်မယ်။ ၁။ သမ္မာဒိဋ္ဌိမှန်သော အယူအမြင်စတန်းဖို့ပရော်ဖက်ဆာ Stanford Professor ကာရိုးဒရတ် Carol Dweck က စိတ်နေသဘောထား အယူအမြင်သည်အရေးကြီးတယ်။ တိုးတက်နိုင်တယ်လို့ ယုံကြည်တဲ့ Growth Mindset အယူအမြင်သည်ဘဝတိုးတက်အောင်မြင်ရေးနဲ့ဆက်စပ်နေတယ်လို့ လေ့လာတွေ့ရှိခဲ့တယ်။ ၂။ သမ္မာသင်္ကပ္ပ မှန်သော အကြံဘယ်အလုပ်ပဲ လုပ်လုပ် ရည်ရွယ်ချက် why ရှိဖို့လိုတယ်။ဒါက အဓိပ္ပာယ်တစ်ခုပေးတယ်။နာဇီအကျဥ်းစခန်းကလွတ်မြောက်လာတဲ့ကမ္ဘာကျော်စိတ်ပညာရှင်ဖြစ်တဲ့ logotherapy ကို တီထွင်ခဲ့တဲ့Dr. Viktor Frankl ကလဲ ဘဝအဓိပ္ပာယ်ရှာဖို့ သမ္မာသင်္ကပ္ပ အရေးကြီးတယ်လို့ဆိုတယ်။ ၃။ သမ္မာဝါစာ မှန်သော စကားစကားနောက်တရားပါတယ်။ဂါထာလို ကောင်းတဲ့အရာကိုထပ်ခါထပ်ခါ ရွက်ဆိုမှုaffirmation လုပ်ခြင်းက
လူတွေ မမှတ်မိလောက်အောင်
တိုးတက်ပြောင်းလဲဖို့
ဗုဒ္ဓစကားနားထောင်ဖို့လိုတယ်။ Read More »
အနာဂတ်ကို ဘယ်လောက်ပဲ စီမံကိန်းချချကိုယ်အစိုးရတာ “ဒီနေ့”ပဲ။ ဒီ “၂၄ နာရီ” က လူတစ်ယောက်ရဲ့အသက်ဆိုလဲ မမှားဘူး။ ဒီနေ့ကို ဘယ်လို အကောင်းဆုံးအသုံးချမလဲ။ ဒီမေးခွန်းက အရေးကြီးတယ်။ ဘာလိုလိုနဲ့ နောက်လေးလဆို ၂၀၂၄ က ကုန်ပြန်ပြီ။ ခေတ်ကာလအပြောင်းအလဲနဲ့အမီလိုက်နိုင်ပြီး ကိုယ်လုပ်တဲ့ နယ်ပယ်မှာ ရှေ့ကပြေးနေဖို့ စဥ်ဆက်မပြတ်လေ့လာမှုလုပ်နေဖို့လိုတယ်။ ကိုယ်စိတ်နဲ့ ခန္ဓာအတွက်ဂရုစိုက်ဖို့လိုသလို ဘဝက ပေးလိုက်တဲ့ သင်ခန်းစာတွေကိုသင်ယူပြီး တွေ့ရှိချက်အသစ်အသိပညာအသစ်တွေနဲ့နေ့စဥ် ရှေ့ဆက်နေရမှာပဲ။ မဖြစ်သေးတဲ့အနာဂတ်ကို စဥ်းစားပြီး နှိုင်းယှဥ်တဲ့အခါရင်မောမယ်။ တခြားသူတွေပြီးလုနီးပါးဖြစ်တဲ့ပန်းချီကားနဲ့ ကိုယ်ခြယ်သနေတဲ့ ပန်းချီကားနဲ့နှိုင်းယှဥ်ရင်ရင်မောမယ်။ အရေးကြီးတာ “ဒီနေ့”ဟာကိုယ်ဂုဏ်ယူတဲ့အရာတွေလုပ်လိုက်တဲ့နေ့။ ကိုယ့်ဒီနေ့နဲ့ အနာဂတ်အတွက်အကောင်းဆုံးအသုံးချလိုက်တဲ့နေ့တစ်နေ့ဖြစ်ဖို့လိုနိုင်တယ်။ ဒီနေ့ကို အာရုံပြုပါ။ Phyo Paing @ Derek
အသက် ၂၅ နှစ်ရှိပြီဘာမှ ဖြစ်မလာသေးဘူး။ ဘာကားစီးတယ်။ ဝန်ထမ်းဘယ်နှစ်ယောက်ရှိတယ်။ တိုင်းတာမှ စီမံခန့်ခွဲလို့ရမယ်ဆိုတဲ့What gets measured, gets managed လို့ပီတာဒရက်ကားက ဆိုခဲ့တဲ့အတွက်လုပ်ငန်းတိုင်းက တိုင်းမယ်ဆိုတာကိုလုပ်ကြတယ်။KPI တွေ ချကြတယ်။ ဘဝမှာ တိုင်းရင်းနဲ့ လိုတာတွေ တိုင်းရင် fine ပေမယ့်မလိုတာတွေ တိုင်းရင် ကြာလေမှိုင်းလေ။ ထိုင်းမှိုင်းလာမယ်။စက်ရုပ်လိုဖြစ်ပြီး ဘဝအဓိပ္ပာယ်ပျောက်လာမယ်။ လိုတာတိုင်းတယ်။ နေ့စဥ် ၁၂ နာရီတစ်ခါ၊ည ၈ နာရီတစ်ခါ အရောင်း အခြေအနေ ပို့ခိုင်းတယ်။ တစ်နှစ်ကို ထုတ်ကုန်ဘယ်လောက်ထွက်လဲတိုင်းတယ်။ အောင်မြင်မှုဆိုတာကိုယ့်အတွက် အရေးပါတာတွေကိုဘဝထဲရောက်အောင်လုပ်ပြီးပြီးပြည့်စုံမှုကို ရနိုင်တာပဲ။ မလိုတာ မတိုင်းနဲ့။ Akyanpay ကိုယ်မပါဘဲလည်ပတ်တဲ့ လုပ်ငန်းတွေ တည်ဆောက်ပါ။ #Akyanpay
ဘဝမှာ အရှုံးမရှိကိုးကွယ်သင့်တဲ့အရာက “အလုပ်”။ ကိုယ့် “အလုပ်” က ကိုယ့် “ဘဝ” ပဲ။ ဘဝမှာ ကိုယ်ကသစ္စာရှိရင်ပြန်ပြီး သစ္စာရှိတာ “အလုပ်”။ သူ့ကို လေးလေးစားစားဆက်ဆံရင်လေးလေးစားစား ပြန်ဆက်ဆံခံရမယ်။ ကိုယ်က သစ္စာမဖောက်ရင်သူက သစ္စာမဖောက်ဘူး။ လူတစ်ယောက်ရဲ့ဘဝအချိန်အများစုဟာ“အလုပ်” နဲ့ ကုန်ဆုံးရတယ်။ ကိုယ်ချစ်တဲ့ အလုပ်၊ ကိုယ်တန်ဖိုးထားရတဲ့အလုပ်၊ကိုယ့်ကို တော်စေ၊ ပျော်စေ၊ ဂုဏ်ယူစေ၊ ဝင်ငွေတိုးပွားစေတဲ့အလုပ်ရွေးချယ်လုပ်ဆောင်ဖို့လိုတယ်။ အလုပ်ကို သက်ဝင်ယုံကြည်ပြီးသေသေချာချာလုပ်တဲ့အတွက်အလုပ်ကို ချစ်တဲ့အတွက်ကြေကွဲရတာ ဘယ်တုန်းကမှမကြုံဖူး ဖူးဘူး။ ကွန်ဖြူရှပ်ယဥ်ကျေးမှုနဲ့ ကြီးလာတဲ့သူတစ်ယောက်အတွက်အလုပ်ကို ကိုးကွယ်တာ သဘာဝကျနေပြီ။ Phyo Paing @ Derek
ကိုယ့်ကိုယ်ကိုယ် စီမံခန့်ခွဲနိုင်မှုကလူတစ်ယောက်ရဲ့ အခြေခံပဲ။ အချိန်ဆွဲတာကို ဖျောက်တာ။ ရည်မှန်းချက်ထားတာ။ ကောင်းမွန်တဲ့အမူအကျင့်တည်ဆောက်တာ။ မလိုအပ်တဲ့ စိတ်အာရုံထွေပြားစေတာကိုမလုပ်ဆောင်တာ။ စွမ်းဆောင်ရည်မြင့်အောင်လုပ်တာ။ ကိုယ့်အလုပ်ကိုယ်အာရုံစိုက်နိုင်တာ။ ပေါင်းတတ်သင်းတတ် ပြောဆိုတတ်တာ။ ကိုယ့်စိတ်ခံစားမှု ကိုယ်သိပြီးအပျက်သဘောဆောင်တဲ့ စိတ်ခံစားမှုတွေကို ကိုင်တွယ်ဖြေရှင်းနိုင်တာ။ လေ့လာသင်ယူနိုင်စွမ်းရှိတာ။ ကိုယ့်ငွေကိုယ် စီမံခန့်ခွဲတတ်တာ။ ဒီအခြေခံတွေ မရှိတဲ့အခါတစ်ခုကြား တစ်ခုလုပ်“မော်တီဗေးရှင်း” လိုက်ရှာနေရတတ်တယ်။ မော်တီဗေးရှင်းဆိုတာ ဆေးမြီးတိုလိုပဲဝေဒနာကို ခဏသက်သာစေတဲ့ ခဏတာ အသက်ကယ်တဲ့ corticosteroid လိုပဲ။ ခဏတာပဲခံတယ်။ နောက်ဆက်တွဲဆိုးကျိုးရှိတယ်။ ဥပမာ Tik Tok လေးပွတ်လိုက်အတွေးလေးတစ်ခုရလိုက်အလုပ်လေးလုပ်လိုက်။နောက်ပိုင်း Tik Tok ပွတ်ချိန်ကအလုပ်လုပ်ချိန်ထက်ပိုများသွားတတ်တယ်။ ဒီအစား ကိုယ့်ကိုယ်ကိုယ်ကူညီဖို့ စံမီတဲ့ ကိုယ်ဖြစ်ဖို့ self-management ကိုယ်တိုင်စီမံခန့်ခွဲမှုကိုစနစ်တကျ လေ့လာဖို့လိုတယ်။ မြန်မာလိုဆိုရင်တော့ “တက်ကျမ်း”လို့ ပဲခေါ်ကြတယ်။ တက်ကျမ်းရဲ့အဓိပ္ပာယ်က self-help လို့ဆိုရမယ်။ “တိုးတက်ရေးစာပေ” personal
ကိုယ့်ကိုယ်ကိုယ် စီမံခန့်ခွဲနိုင်မှုက
လူတစ်ယောက်ရဲ့ အခြေခံပဲ။ Read More »
မေးခွန်းမှားရင် အဖြေအမှားပဲရတယ်။ငယ်ငယ်က ကျွန်တော်တို့ကို စဥ်းစားနည်းမသင်ပေးလိုက်ဘူး။ ဒါကြောင့် ကျွန်တော်တို့နဲ့ရှေ့မျိုးဆက်ရဲ့ ပညာရေးစနစ်အရယုတ္တိကျကျ သေချာစဥ်းစားတတ်တဲ့လူဦးရေက ရာခိုင်နှုန်းမများဘူး။ စနစ်တကျ နားလည်အောင်ကြိုးစားစဥ်းစား၊ ချင့်ချိန်၊ သုံးသပ်မှုနဲ့မလုပ်တတ်တဲ့ အခါ“အထင်အမြင်” နဲ့ တွေးတောခြင်းကိုပဲလုပ်နိုင်ကြတယ်။ လူမှုကွန်ယက်မှာ ပြထားတဲ့ပုံရိပ်ယောင်တိုင်းကို အမှန်လို့ထင်တတ်တယ်။အထင်အမြင် perception နဲ့စဥ်းစား ဆုံးဖြတ်ခြင်းဟာအန္တရာယ်များလှတယ်။ အလွယ်တကူ ပရိယာယ်သုံးသိုးကလေးတွေလို ဖြစ်အောင်မွေးထားပြီးဒေါသထွက်အောင်လုပ်လို့ရတယ်။ ဆဲဆိုအောင်လုပ်လို့ရတယ်။ ထောက်ခံအောင်လုပ်လို့ရတယ်။ ယုတ္တိကျကျ စဥ်းစားတတ်ခြင်းသည်လူတိုင်းမှာရှိသင့်တဲ့ ကျွမ်းကျင်မှုတစ်ခုဆို မမှားဘူး။ဘာကြောင့်လဲဆိုတာ ကိုယ့်ဘဝကိုယ်တိုင်ပဲ ဖန်တီးရမှာ။ အမှန်အမှား သုံးသပ်ရမှာ ကိုယ်ပဲ။ ဘဝဆိုတာ မေးခွန်းတွေပေးထားပြီးအဖြေရှာဖို့ စနစ်တကျ စဥ်းစားတတ်ဖို့လိုတယ်။ Phyo Paing @ Derek
ဘဝဆိုတာ မေးခွန်းတွေပေးထားပြီး
အဖြေရှာဖို့ စနစ်တကျ စဥ်းစားတတ်ဖို့လိုတယ်။ Read More »
