စိတ်နဲ့ ခန္ဓာ ကျန်းမာရေးအတွက် ၂ နာရီ။ဖတ်မှတ်လေ့လာဖို့အတွက် ၂ နာရီ။အလုပ်အတွက် ၈ နာရီ။အိပ်ချိန် ၈ နာရီ။ လုပ်ချင်တာလုပ် ၄ နာရီ။၂၄ နာရီ တစ်ရက်။ ဘဝရဲ့ သုံးပုံတစ်ပုံအိပ်။သုံးပုံတစ်ပုံ အလုပ်။ အလုပ်မှာ ပျော်နေ၊ အဓိပ္ပာယ်ရှိနေမှဘဝက အရသာရှိမှာ။ Phyo Paing @ Derek
မွေး၊ နေ၊ သေတဲ့ ဘဝမှာမွေးတာနဲ့ သေတာကို ရွေးချယ်လို့ ရချင်မှရမယ်။ နေတာကိုတော့ ရွေးချယ်လို့ရနိုင်တယ်။ ဘဝကို ဖြတ်သန်းနေထိုင်တဲ့အခါမှီခိုအားကိုး၊ လွတ်လပ်၊ သံဝေဂဘဝကို သုံးပိုင်းခွဲကြည့်တယ်။ မှီခိုတဲ့အဆင့်မှာ စားဖို့၊ နေဖို့၊ကျောင်းတက်ဖို့၊ ပြုစုပျိုးထောင်ဖို့မိဘ ဒါမှမဟုတ် အမျိုးတွေကိုမှီခိုရတယ်။ ဒီကမှတဆင့် လွတ်လပ်တဲ့အဆင့်ရောက်တယ်။လူတွေရဲ့ အစွမ်းအစအလိုက်ဘာအလုပ်လုပ်မယ်၊ဘယ်သူတွေနဲ့တွေ့မယ်၊ဘယ်မှာနေမယ်၊ဘဝကို ဘယ်လိုပုံဖော်မယ် ကွာသွားတယ်။ နောက်တဆင့်က ဘဝမှာစိတ်သွားတိုင်း ကိုယ်သိပ်မပါတော့တဲ့အဆင့်။ငယ်စဥ်ဘဝဖြတ်သန်းခဲ့တာတွေကြည့်ပြီးသံဝေဂ ရတဲ့အချိန်။ ငယ်ဘဝကိုတော့ ရွေးချယ်လို့မရဘူး။ဒါက ဘဝရဲ့ပေးထားချက်။ လွတ်လပ်တဲ့ဘဝကိုတော့ ရွေးချယ်လို့ရတယ်။လူတွေရဲ့ စူပါပါဝါက “ဦးနှောက်”။ ကြံနိုင်စွမ်း၊ ဖန်နိုင်စွမ်း၊ပြဿနာဖြေရှင်းနိုင်စွမ်း၊မှားနေရင် မှားတာသိပြီးပြင်နိုင်စွမ်း။ ကိုယ်လိုချင်တာကို ရအောင်တဆင့်ချင်းယူနိုင်စွမ်း။ ကိုယ့်ကိုယ်ကိုယ် စီမံခန့်ခွဲနိုင်စွမ်းဒါတွေက အရေးကြီးသွားပြီ။ ကံမရှိဥာဏ်ရှိတိုင်းမွဲဆိုတာမှန်နိုင်သလိုဥာဏ်မရှိ ကံရှိတိုင်းလဲ မွဲနိုင်တယ်။ ဒါကြောင့် No Pain, No Gain ဆိုတာထက်No Brain, No
မနက်ရောက်တိုင်းမေးဖြစ်တယ်။ ဒီနေ့ရဲ့ အဓိကရည်ရွယ်ချက်ကဘာလဲ။ ဘာတွေပြီးသွားရင် ဒီနေ့တစ်ရက် အကျိုးရှိရှိ၊အဓိပ္ပာယ်ရှိရှိပြီးသွားတယ်လို့သိနိုင်မလဲ။ လောကမှာ ကိုယ်ထိန်းချုပ်လို့မရတာအများကြီးပဲ။ ကိုယ်ထိန်းချုပ်လို့ရတာ တစ်ရက်တာကို ဘယ်လို ကုန်ဆုံးမလဲ။ ဘာတွေကို အာရုံစိုက်မလဲ။ဘာတွေကို လုပ်ဆောင်မလဲ။ တစ်ရက်တာကုန်ဆုံးသွားတဲ့အခါဒီက ဘာသင်ခန်းစာယူပြီးမနက်ဖြန်ရှေ့ဆက်မလဲ။ ဘဝဆိုတာ တိုတိုလေးပါ။ ကိုယ့်စိတ်နဲ့ ခန္ဓာဆိုတာ နေ့စဥ် တည်ဆောက်နေရတဲ့အိမ်ပါ။ သေချာမတည်ဆောက်တဲ့အခါဖရိုဖရဲဖြစ်နေမယ်။ Phyo Paing @ Derek
ဘဝဆိုတာ နှစ် ၈၀ လောက်အငှါးယူထားတဲ့ ဇာတ်ကောင်လို့စဉ်းစားကြည့်ကြည့်။ ပိုင်ထားတာတွေလဲ တချိန်အကုန်ထားခဲ့ရမှာပဲ။အကုန်လုံးက ဆိုင်သာဆိုင်တာဘယ်အရာမှ ထာဝရ တကယ်မပိုင်ဘူး။ဒီလိုစဉ်းစားရင် အတ္တမကြီးတော့ဘူး။ Phyo Paing @ Derek
အသက် ၈၀ ကျော်တဲ့အခါကိုယ့်အတွက် နောင်တရနိုင်တဲ့အရာတွေက ၁။ အချိန်တွေ အလဟသဖြုန်းပြီးကိုယ့်ရဲ့အကောင်းဆုံးဗားရှင်းမတည်ဆောက်ခဲ့တာ။ ၂။ ကျန်းမာရေးကို လျစ်လျူရှုခဲ့တာ။ ၃။ ငယ်တုန်းရသမျှ ပိုက်ဆံသုံးဖြုန်းခဲ့တာ။ ၄။ အပေါင်းသင်းကောင်းတွေ မရှိတာ။ ၅။ ပညာရပ်တစ်ခု တစ်ဖက်ကမ်းခပ်ကျွမ်းကျင်အောင်မလုပ်ခဲ့တာ။ ၆။ အခြေအနေတစ်ခုကြောင့် ကိုယ့်ဘဝကြီး ပိတ်မိပြီးဘေးထိုင်ဘုပြောပြီး ဘဝကိုဖြတ်သန်းနေမိတာ။၇။ သားတစ်ယောက် ကိုယ့်တာဝန်ကိုယ်မကျေခဲ့တာ။ ၈။ ကိုယ်သွားချင်တဲ့နေရာတွေ မသွားခဲ့တာ။ ၉။ ကိုယ့်ဘဝ ရှင်သန်ခြင်းရဲ့အဓိပ္ပာယ်ကိုမသိပဲကုန်ဆုံးသွားတာ။ ၁၀။ ကိုယ့်တိုင်ရဲ့ အိပ်မက်တွေကိုမေ့ပြီး လူအများလုပ်သလို လိုက်လုပ်တာ။ Phyo Paing @ Derek
ဘဝရဲ့ ရုန်းကန်မှု၊အခက်အခဲ၊ ဒုက္ခတိုင်းမှာ အဓိပ္ပာယ်ရှာကြည့်။ သူ့အလိုလို မဖြစ်လာဘူး။ ကိုယ့်ကို မက်ဆေ့တစ်ခုပေးနေတာကြည့်တတ်၊ မြင်တတ်တဲ့အခါရှေ့ဆက်ရမည့်လမ်းတွေရှင်းရှင်းကြီး မြင်လာနိုင်တယ်။ ကိုယ့်ရဲ့ အလိုလိုသိစိတ်စွမ်းအားIntuitive power ကိုလျော့မတွက်ပါနဲ့။ Phyo Paing @ Derek
အများကြီးမစဥ်းစားနဲ့။ လက်ရှိအခြေအနေကိုသာတစ်ရက်တာအတွက်၊တစ်ပတ်အတွက်၊ တစ်လအတွက်အကောင်းဆုံး ဘယ်လို optimize လုပ်လို့ရမလဲသာစဥ်းစားကြည့်။ တကယ်တမ်း ၂၀ နဲ့ ၄၀ ကြားလောက်သာနုပျိုနေတာ။ ၄၀ ကျော်ရင် ဇရာက မျက်နှာမှာစပြပြီ။ ၆၀၊ ၇၀ ကျော်ရင် ကျန်းမာရေးသေချာမလုပ်ဘဝကို ဖြစ်သလိုနေရင်ကျန်းမာရေးကိစ္စဖြစ်လာပြီ။ လူတိုင်းက တသားမတ်ထဲ ဘဝကို ဖြတ်သန်းရမှာ မဟုတ်ဘူး။ ကျွန်တော်တို့ရထားတဲ့အချိန်တွေကသိပ်တန်ဖိုးရှိတယ်။ကိုယ်တကယ်ပိုင်တာ အချိန်ပဲ။ ဒီအချိန်အတွေကို နေ့စဥ်ဘယ်လိုအသုံးချမလဲဆိုတာ ကိုယ့်ရဲ့ ဆုံးဖြတ်ချက်ပဲ။ တစ်ရက်အတွက်၊ တစ်ပတ်အတွက်၊တစ်လအတွက် အကောင်းဆုံးဖြစ်ဖို့နေ့စဥ် မပျက်မကွက် ဘာတွေလုပ်မလဲ။ ဘဝမှာ အချိန်တွေရှိတုန်းဘာတွေ လုပ်မလဲ။ Phyo Paing @ Derek
နေ့စဥ် အရေးအကြီးဆုံးက “အာရုံ စီမံခန့်ခွဲမှု”။ ဒီနေ့ခေတ် အလုပ်က ကိုယ်ကာယသုံးရတဲ့အလုပ်တဖြည်းဖြည်း နည်းလာပြီ။ အလုပ်ရဲ့သဘောတရားအဆင့်မြင့်လာလေဦးနှောက်ပိုသုံးလာရလေ။ ဒီလို ဦးနှောက်သုံးတဲ့ အလုပ်လုပ်ဖို့ အာရုံကို ဘယ်နားစိိုက်ရမယ်၊ဘာကို လျစ်လျူရှုရမယ် အရေးကြီးတယ်။ လူကို အာရုံထွေပြားစေမည့်အရာတွေရှောင်ရှားဖို့လိုတယ်။ အာရုံကို အရေးပါတဲ့အရာတွေမှာအာဏာကုန်ထည့်ဖို့လိုတယ်။ အရေးမပါတာတွေကို အရာမပေးပါနဲ့။ Phyo Paing @ Derek
လူ၊ နည်းပညာ၊ စျေးကွက်၊ အလုပ်။ လူတိုင်းရဲ့ ဘဝဟာကိုယ့်ကိုယ်အပြောင်းအလဲဖြစ်စေတဲ့ဆရာသမား၊ စီးပွားရေးပါတနာ၊ ဝန်ထမ်းကောင်း၊ အချစ် ဒါမှမဟုတ် သူငယ်ချင်းတွေပြီးနောက်တဆင့်တက်သွားတတ်ကြတယ်။ ဒါမှမဟုတ် နည်းပညာအသုံးချတတ်မှုလျှို့ဝှက်ချက်တွေကြောင့်လဲဘဝအပြောင်းအလဲဖြစ်တယ္။ တတိယအချက်ကတော့ စျေးကွက်အပြောင်းအလဲကြားမှာ သေချာ လက်ဆုပ်လက်ကိုင်ယူနိုင်ရင်လဲဖြစ်တယ်။ ဒီသုံးချက်က အလုပ်မပါရင်အကောင်အထည်ဖော်လို့မလွယ်ဘူး။ Phyo Paing @ Derek
လူတစ်ယောက်ကို အရမ်းလဲ မချစ်နဲ့။အရမ်းလဲ မမုန်းနဲ့။အရမ်းလဲ အထင်မကြီးနဲ့။ဘဝကို အေးဆေးဖြတ်သန်းချင်ရင်အပူရှောင်။စိတ်ထားတတ်ဖို့လိုတတ်တယ်။ ဘဝကြီးမှာငွေကြေးရဲ့ချုပ်နှောင်မှု၊စိတ်ဒုက္ခဝေဒနာတွေရဲ့ ချုပ်နှောင်မှု၊ခန္ဓာကိုယ်အကျဉ်းကျခြင်းချုပ်နှောင်မှုကကင်းဝေးဖို့ နီးလမ်းရှာရမှာပဲ။ ဘဝဆိုတာ ခဏပါ။မလိုတာတွေ ပိုမလုပ်မိဖို့ လိုတတ်တယ်။ Phyo Paing @ Derek
