လူတိုင်းက ရုန်းကန်ရမှာပဲ။ဘာအလုပ် လုပ်မယ်။ဘယ်သူတွေနဲ့လုပ်မယ်။ဘာပြဿနာဖြေရှင်းမယ်။ဘယ်မှာနေမယ်။ ရုန်းကန်ရမှာပဲ။ဘဝရဲ့ ကိုယ်ပိုင်း၊ စိတ်ပိုင်းဆိုင်ရာရုန်းကန်မှု ကြားမှာ ပျော်အောင်၊နေတတ်အောင်နေရမှာပဲ။လောကီ၊ လောကုတ္တရာလွတ်မြောက်ဖို့ရုန်းကန်တာ ထုံးစံပါပဲ။ Phyo Paing @ Derek
နေ့စဥ်ရင်ခုန်ဖို့ကောင်းတာ မနက်ဖြန်ဖြစ်လာတဲ့ ကိုယ်ပဲ။ ကိုယ်လုပ်ချင်တဲ့ အလုပ်လေးလုပ်ဖို့ခြောက်နှစ်၊ ခုနှစ်နှစ်လောက်သည်းခံစောင့်ဆိုင်းရင်း ကြိုးစားပြင်ဆင်ခဲ့ဖူးတယ်။ဘဝမှာ သည်းမခံနိုင်တဲ့အရာတွေကိုအပြုံးအမပျက် ရင်ဆိုင်ပြီးဖြတ်ကျော်ခဲ့ဖူးတယ်။ ဘဝမှာ လစဥ်အတိုးတွေပေးဖို့အလုပ်တွေ လုပ်ခဲ့ဖူးတယ်။ တစ်လတစ်လ အရမ်းကျေအောင်ရုန်းကန်ကြိုးစားခဲ့ဖူးတယ်။ ကတိမတည်တဲ့လူတွေကြောင့်လူတွေအကြောင်းနားလည်ခဲ့ဖူးတယ်။ကိုယ်အထောက်အပံ့ပေးသလို ဖြစ်စေချင်သလို ဖြစ်မလာတဲ့အတွက်လူတွေကို စိတ်ကုန်ခဲ့ဖူးတယ်။ သံကြိုးကြီးခြေထောက်မှာတပ်ပြီးရှေ့ကိုပြေးပေမည့် ခရီးမတွင်တဲ့အချစ်ရေးမှာ ဆယ်စုနှစ်ဝက်နီးပါးဖြတ်သန်းခဲ့ဖူးတယ်။ ဘဝကို စိတ်ကုန်လို့ ဖြစ်သလိုနေရင်းနေသလိုဖြစ် ပေါင် ၁၉၀ ကျော် ၂၀၀ နီးပါးနဲ့ဘဝကြီးဖြစ်ခဲ့ဖူးတယ်။ ဘဝရဲ့သင်ခန်းစာတွေကို ကျေညက်လာတဲ့အခါဘာက အဓိက ဘယ်အရာက သာမညလဲ နားလည်လာတယ်။ အမြင်တွေမှန်လာတဲ့အခါအမှန်တွေ မြင်လာတယ်။ ဘဝအတွက်ထားရမည့် အမြင်တွေရှင်းလာတယ်။ကျန်းမာကြံ့ခိုင်ရေး တစ်။အလုပ်၊ စီးပွားနဲ့ ငွေကြေးနှစ်။ အချစ်နဲ့မိသားစု သုံး။ စိတ်ငြိမ်းချမ်းမှု လေး။ အပေါင်းအသင်းရောင်းရင်း ငါး။ ဘဝရဲ့ သင်ခန်းစာတွေလေ့လာရင်း မနက်ဖြန်ဖြစ်လာတဲ့ ကိုယ်က ရင်ခုန်ဖို့ကောင်းတယ်။ဒီနေ့ဖြစ်နေတဲ့ ကိုယ်အတွက်အတိတ်က အားထုတ်မှုတွေအတွက်ကျေးဇူးတင်မိတယ်။
ပထမတစ်ခုက“လမ်းဖောက်”တာ။ဒုတိယတစ်ခုက“လမ်းလျှောက်”တာ။ “လမ်းပျောက်”တယ်ဆိုတာ“လမ်းဖောက်”ဖို့လိုလို့။ ဆယ်တန်းကျောင်းပြီးတဲ့အချိန်၊ဘွဲ့ရတဲ့အချိန်၊ အလုပ်ကထွက်လိုက်တဲ့အချိန်၊ကိုယ်တိုင်လုပ်ငန်းစရတဲ့အချိန်၊နိုင်ငံရေး၊ စီးပွါးရေးကမောက်ကမဖြစ်တဲ့အချိန်၊ဒါက လမ်းသစ်ဖောက်ရမည့်အချိန်တွေပဲ။ Phyo Paing @ Derek
ဘဝမှာ လမ်းနဲ့ ပတ်သက်တဲ့
relationship နှစ်မျိုးရှိတယ်။ Read More »
ဆယ်စုနှစ်တစ်ခုလောက်စိတ်ရှည်ရှည်အချိန်ပေးဖို့လိုနိုင်တယ်။ စိတ်ရှည်၊ သည်းခံ၊ လေ့လာရန်လိုတယ်။Year 1 နဲ့ Year 10 ပထမနှစ်နဲ့ နောက်ဆယ်နှစ် တူမှာမဟုတ်ဘူး။ ကျွန်တော်ကတော့ နေ့ရက်တိုင်းကို Iterative Process တွေလိုစဥ်းစားတယ်။ လတိုင်းကိုလဲ အလားတူပဲ။ ရှေ့ဆက်သွားမည့် မနက်ဖြန်တွေအတွက်နေ့ရက်တိုင်းက သင်ပေးလိုက်တဲ့ သင်ခန်းစာယူတယ်။ မဖြစ်သေးတဲ့ ပြဿနာတွေကို ကြိုတင်အဖြေရှာကြည့်မိတယ်။ လတိုင်းမှာလဲ အသစ်တွေသင်ယူဖို့လုပ်ကြည့်တယ်။နောက် ၂၀၃၄ မှာ အသက်ရှင်ကြအုံးမယ်ဆိုရင်ဘယ်လိုပုံစံနဲ့ ပြန်တွေ့ကြမလဲ ရင်ခုန်ဖို့ သိပ်ကောင်းတယ်။ Phyo Paing @ Derek
ဘဝကို သုံးလေးငါးနှစ်နဲ့
တည်ဆောက်လို့ ဘယ်လွယ်မလဲ။ Read More »
ဘယ်နေရာမှာနေမယ်။ဘာအလုပ်လုပ်မယ်။ လုပ်ငန်းကို ဘယ်လိုလည်ပတ်မယ်။နေ့စဥ် ဘယ်လိုအလုပ်တွေလုပ်မယ်။ဘယ်အချိန် ဘယ်ကိုပြောင်းမယ်။ဘဝမှာ ရွေးချယ်မှုတွေ အရေးကြီးတယ်။ ရွေးချယ်မှုမှန်သလို ကြိုးစားမှုလဲ မှန်သွားရင်ရလဒ်ကောင်းကောင်းရတာပဲ။ Phyo Paing @ Derek
ပိုက်ဆံကို မက်တာထက်ပိုက်ဆံကပေးတဲ့ လွတ်လပ်မှုကိုမက်တာ။ ဘဝမှာ မသေခင် သိသွားချင်တဲ့အရာကကိုယ်ရဲ့အစွမ်းအစ ဘယ်လောက်ရှိလဲ။ ကိုယ်မစဥ်းစားပဲ မနေနိုင်တဲ့အလုပ်တွေကိုလုပ်သွားမယ်။ကိုယ်မစဥ်းစားပဲ မနေနိုင်တဲ့ စျေးကွက် ပြဿနာတွေကိုဖြေရှင်းသွားမယ်။ ငွေကြေးက ရွေးချယ်မှုတွေကိုပိုများစေတယ်။ ငွေကြေးက လွတ်လပ်မှုကိုပေးတယ်။ ငွေက လောင်ဆာဆီလိုပဲ။ ရှေ့ဆက်သွားဖို့ အထောက်အကူပြုတယ်။ အရေးအကြီးဆုံးက ဒီဘဝမှာဘယ်နေရာမှာ မွေးမွေး၊ဘယ်ကပဲ လာခဲ့လာခဲ့၊ လူသားအတွေ့အကြုံကို အကောင်းဆုံးယူပြီးလွတ်လပ်မှု၊ ပျော်ရွင်မှု၊ ကြည့်နူးမှု၊ ရင်ခုန်မှု၊ဂုဏ်ယူမှု၊ တက်ကြွမှု၊ ကျေးဇူးတင်မှု၊ ချစ်ခြင်းတရားတွေနဲ့ရှေ့ဆက်သွားချင်တယ်။ Phyo Paing @ Derek
ပထမဆုံး ပိုက်ဆံရှာ။ ပြီးမှ အဓိပ္ပာယ်ရှာ။ လိုအပ်တဲ့ ဘဝနေထိုင်ဖို့ပိုက်ဆံအရင်ရှာ။ ပြီးမှ ဘဝအဓိပ္ပာယ်ရှာ။ ပထမ money ဒုတိယ meaning.Money မရှိMeaning ရှာဖို့ခက်တယ်။ Phyo Paing @ Derek
ရုန်းကန်တာ ထုံးစံဖြစ်နေပါပြီ။ အနိုင်အရှုံးအကုန်လုံးကို လုံ့လသုံးပြီး ဖြစ်လာလာမလာလာပြုံပြတတ်နေပြီ။ ဘဝရဲ့ ပထမပြဿနာကအလုပ်မရှိတာ။ဒုတိယ ပြဿနာက အလုပ်က ဘဝရပ်တည်ဖို့ငွေမလုံလောက်တာ။ တတိယပြဿနာက လုံလောက်ပြီး ပိုကောင်းတဲ့ဘဝအနာဂတ်မရှိတာ။ အလုပ်ရှိအကိုင်ရှိ၊ဝင်ငွေရှိ၊ပိုကောင်းတဲ့အနာဂတ်ရှိဒီသုံးခုရှိနေမှ ဘဝက ဖရိုဖရဲမဖြစ်မှာမို့၊တစ်ဆင့်ချင်းလုပ်နေရတာပဲ။ စိတ်ရှည်ရမယ်။သည်းခံရမယ်။နေ့စဥ်သင်ယူရမယ်။ တွေးတတ်ရမယ်။အရေးကြီးတာကို အာရုံစိုက်တတ်ရမယ်။လူကြောနပ်ရမယ်။ ပေါင်းသင်းဆက်ဆံတတ်ရမယ်။ Phyo Paing @ Derek
ပေးထားချက်နဲ့ မေးထားချက်ရှိတယ်။ ဘဝရဲ့ပေးထားချက်က ပြင်မရတဲ့ မွေးဖွားရာဒေသ၊မိသားစု၊ ငယ်ဘဝဖြတ်သန်းမှု။ မေးထားချက်က ကိုယ့်ရဲ့စူပါပါဝါကို ဘယ်လိုရှာမလဲ။ဘယ်လို ပျိုးထောင်မလဲ။ဘယ်လိုအသုံးချပြီးကိုယ်ဖြစ်ချင်တာတွေကို အကောင်အထည်ဘယ်လိုဖော်မလဲ။ ပေးထားချက်တိုင်းမှာ အဓိပ္ပာယ်တွေ အများကြီးပါတယ်။ ချမ်းချမ်းသာသာမွေးလာတိုင်းလဲတစ်သက်လုံးဒီအတိုင်းဖြစ်သွားတာမဟုတ်သလိုဆင်းဆင်းရဲရဲ မွေးလာတိုင်းလဲတစ်သက်လုံး ဒီအတိုင်းဖြစ်သွားတာမဟုတ်ဘူး။ လူတိုင်းမှာ ရွေးချယ်မှုတွေရှိတယ်။ ထိုင်နေမှိုင်နေပြီး လူအများလုပ်နောက်တွေနောက်ဟိုယိုင်ဒီယိုင် ယိမ်းယိုင်နေလို့ရတယ်။ ဘေးထိုင်ဘုပြော၊ စိတ်ဓာတ်ကျအားငယ်နေလို့ရတယ်။ ဘဝကို ထုံးစံအတိုင်း အခက်အခဲကြုံရင်ရုန်းကန်ပြီး အဖြစ်အပျက်တိုင်းကအဓိပ္ပာယ်ရှာပြဿနာတွေကျော်လွှားပြီးနောက်တစ်ဆင့်တက်လို့ရတယ်။ ဘဝကို Pro ပရိုကျကျ ဖြတ်သန်းဖို့ပေးထားချက်ကိုအသုံးပြုပြီးမေးထားချက်ကို သေချာနားလည်ဖို့လိုတယ်။ Phyo Paing @ Derek
သူများတော့ မသိဘူး။ ကိုယ်တော့ လုပ်သင့်တဲ့အချိန်လုပ်သင့်တဲ့အလုပ်ကို သေချာလုပ်ကြိုးစားလုပ်ခဲ့လို့နောင်တရလိုက်တာဆိုတာတော့မရှိသေးဘူး။ အလုပ်ဆိုတာ လုပ်ချင်တိုင်းလုပ်လို့ရတာမှ မဟုတ်တာ။စျေးကွက်က အနားပေးတဲ့အချိန်ခဏ ဖြေးဖြေးလုပ်ထိုင်နားနေရတတ်တယ်။ အလုပ်လုပ်လို့ရတုန်းလုပ်ထား။အဲ့လိုပဲ စဥ်းစားမိတယ်။ မှားရင်လဲ မှားလိမ့်မယ်။ Phyo Paing @ Derek
