သူများနဲ့ မနှိုင်းယှဉ်နဲ့။
စေတနာထားပြီး အလုပ်လုပ်။ရလဒ်ရအောင်လုပ်။လိပ်ပြာလုံတဲ့ အလုပ်ကိုလုပ်။ပြဿနာကို ဖြေရှင်း။ပြဿနာကို ဒုက္ခအနေနဲ့ မပြောင်းလိုက်နဲ့။အားမနာနဲ့။လုပ်သင့်တာ အရင်လုပ်။ပြီးမှ လုပ်ချင်တာလုပ်။ Phyo Paing @ Derek
Life
ဘဝဆိုတာ လှိုင်းပေါ်ရောက်လိုက်
လှိုင်းအောက်ရောက်လိုက်
တချို့အချိန်တွေကျရင်အလုပ်လုပ်နေပြီး ရှေ့သိပ်ရောက်သလိုမဖြစ်plateau phase မှာဖြစ်နေတတ်တယ်။ တချို့အချိန်တွေကျတော့လဲ သေတော့မလိုလောကကြီးကနေ ထွက်ပြေးချင်သလိုရှောင်ပြေးချင်တဲ့ အချိန်တွေလဲကြုံနိုင်တယ်။ ဘဝဆိုတာ အမြဲဒုက္ခရောက်မနေသလိုအမြဲလို သုခဖြစ်မနေဘူး။တစ်လှည့်စီပဲ။ အရေးကြီးတာ လှိုင်းအောက်ရောက်နေချိန်သွေးမပျက်ဖို့ပဲ။ တခါတလေ ဘဝအပြောင်းအလဲဆိုတာတစ်ရက်တည်းမှာလဲ ဖြစ်နိုင်တယ်။ အဲ့ဒီအခွင့်အရေးလာတဲ့အခါ ကိုယ့်ဖက်က ready ဖြစ်နေဖို့ပဲ။ ဒါကြောင့် စိတ်ညစ်စရာတွေကြုံလို့သွေးပျက်မသွားနဲ့။ ကိုယ့်ကိုကိုယ် training ဆင်းနေတယ်လို့စဥ်းစားကြည့်ကြည့်။ ကွန်ဖြူးရှုပ်ပြောသလို Our greatest glory is not in never falling, but in rising every time we fall. — Confucius Phyo Paing @ Derek
ဘဝဆိုတာ လှိုင်းပေါ်ရောက်လိုက်
လှိုင်းအောက်ရောက်လိုက် Read More »
မသေခင် လုပ်ချင်တာတွေ
လုပ်နိုင်သမျှ လုပ်ခဲ့နိုင်ဖို့က
ကိုယ့် တာဝန်ပဲ
လူဖြစ်နေသမျှ ပြဿနာကရှိနေမှာပဲ။ ကျွန်တော်တို့ တာဝန်ကပြဿနာမရှိတဲ့ ဘဝကို နေထိုင်ဖို့မဟုတ်ဘူး။ ပြဿနာတွေထက် သန်မာတဲ့လူတစ်ယောက်ဖြစ်ဖို့လို့မြင်တယ်။ ပြဿနာဆိုတာ စိတ်နဲ့ ခန္ဓာကဖြစ်တယ်။ စိတ်မထားတတ်ရင် ပြဿနာက ဒုက္ခဖြစ်သွားမယ်။ခန္ဓာကလဲ သေချာမထိန်းသိမ်းနိုင်ရင်ဒုက္ခဖြစ်သွားနိုင်တယ်။ အဲ့ဒီ စိတ်နဲ့ ခန္ဓာကို သေချာတိုးတက်ကောင်းမွန်အောင် အချိန်ပေးထိန်းသိမ်းဖို့လိုတယ်။ သမုဒ္ဒရာ ဝမ်းတစ်ထွာအတွက်အလုပ်စီးပွား ရှာတာအပြင် စိတ်အတွက်စာဖတ်၊ တရားထိုင်၊ခန္ဓာအတွက် လေ့ကျင့်ခန်းလုပ်၊အစားအသောက်ဆင်ခြင်။ ဘဝမှာ တစ်နေ့သေမှာပဲ။ မသေခင် လုပ်ချင်တာတွေလုပ်နိုင်သမျှ လုပ်ခဲ့နိုင်ဖို့က ကိုယ့် တာဝန်ပဲ ဘဝဆိုတာ အိမ်ထောင်ကျသားမွေး၊ အို၊ နာ၊ သေထက်အများကြီးပိုတယ်လို့ယူဆထားတယ်။ Phyo Paing @ Derek
မသေခင် လုပ်ချင်တာတွေ
လုပ်နိုင်သမျှ လုပ်ခဲ့နိုင်ဖို့က
ကိုယ့် တာဝန်ပဲ Read More »
ကိုယ့်ရဲ့ ဘဝအဓိပ္ပာယ်ဖွင့်ဆိုချက်ကဘာလဲ?
တချို့တွေက ဘဝဆိုတာ တိုက်ပွဲတဲ့။ တချို့ကျတော့ ဘဝဆိုတာ ဒုက္ခတဲ့။ တချို့ကျ ဘဝဆိုတာ ရထားလိုပဲတဲ့။ တချို့ကျတော့လဲ ဘဝဆိုတာ ရေပွက်ပမာတဲ့။ လက်ရှိကျွန်တော် သဘောကျနေတဲ့ဘဝကို မြင်တဲ့အမြင်က ဘဝဆိုတာ စမ်းသပ်မှုတစ်ခုပဲ။ ဘဝက ကိုယ့်ကို ပြဿနာတစ်ခုပြီးတစ်ခုပေးမယ်။ကိုယ် ဘယ် level ရောက်နိုင်လဲစမ်းသပ်မယ်။ကိုယ်ကပြဿနာဖြေရှင်းနိုင်လေ level မြင့်လေပဲ။ ပြဿနာဆိုတဲ့နေရာမှာ ကျန်းမာရေး၊ လူမှုရေး၊ စီးပွါးရေး၊အိမ်ထောင်ရေး၊ ငွေရေးကြေးရေး၊အလုပ်အကိုင်၊ စိတ်ငြိမ်းချမ်းမှုအစရှိတာတွေ ပါတယ်။ တချို့အပိုင်းတွေမှာ ကိုယ့်စမ်းသပ်မှုအောင်မြင်ချင် အောင်မြင်မယ်။တချို့အပိုင်းတွေမှာ အောင်မြင်ချင်မှ အောင်မြင်မယ်။ဘယ်လိုပဲဖြစ်ဖြစ် ဒီစမ်းသပ်မှုတွေကသင်ခန်းစာယူ ရှေ့ဆက်လို့ရတယ်။ ကြုံနေတဲ့ ပြဿနာကို ရှောင်ဖယ်ပြေးလို့မရဘူး။နဖူးတွေ့ဒူးတွေ့ ရင်ဆိုင် နောက်တစ်ဆင့်တက်အောင်လုပ်ရမှာကိုယ့်တာဝန်ပဲ မဟုတ်လား။ ဘဝဆိုတာ စမ်းသပ်မှုတစ်ခုပဲ။ တချို့စမ်းသပ်မှုတွေ မအောင်မြင်ဘူး။ဒါသဘာဝပဲ။ သင်ခန်းစာယူ ရှေ့ဆက်ရင်တချိန် အောင်မြင်သွားမှာပဲ။ Phyo Paing @
လူဆိုတာ စနစ်တစ်ခုပဲ။
ဒီစနစ်တွေ သေချာလည်ပတ်မှခန္ဓာကိုယ် ဂေဟစနစ် ကောင်းမယ်။ အစားအသောက်၊ အတွေးအခေါ်၊ အမူအကျင့်နဲ့ အသက်အရွယ်အပြောင်းအလဲက ဒီစနစ်အပေါ်လွမ်းမိုးမှုရှိတယ်။ ဒီစနစ်ကြီးက အသက်အရွယ်တစ်ခုရောက်လာလေလေ ယိုယွင်းလာလေလေပဲ။ဒီ ယိုယွင်းမှု aging process ကိုစောစောကာကွယ်ထားမှယိုယွင်းတာ နှေးသွားမယ်။ နှစ်ပေါင်း ၈၀ နေရရင်ရက်ပေါင်း ၂၉၂၀၀ နေရမယ်။ အသက် ၃၃ နှစ်ဆိုရင်ရက်ပေါင်း ၁၂၀၄၅ နေပြီးပြီ။ ဘဝဆိုတာ တိုတိုလေးပဲ။ တစ်နှစ်ဆိုတာ ဖင်လှည့်ခေါင်းလှည့်နဲ့ ဘယ်လို ကုန်သွားမှန်းမသိတတ်ဘူး။ ကိုယ့် ခန္ဓာကိုယ် ဂေဟစနစ်ကိုပျက်စီးစေတဲ့အရာ ဘယ်အရာကိုမှ မလုပ်မိဖို့ သတိနဲ့ နေတာ ရက်ပေါင်း ၃၁၇ ရက်ရှိပြီ။ Phyo Paing @ Derek
နေ့တိုင်း တိုက်ပွဲဝင်နေရတယ်။
ငါဆက်အိပ်လိုက်အုံးမယ်။ပျင်းတော့မယ်ကြံရင်ဒါအရေးကြီးတယ်။ ဒီတစ်ခေါက်ရှုံးရင်နောက်တစ်ခေါက်ရှုံးဖို့လွယ်တယ်။အကျင့်ပါတတ်တယ်။ ဒီနေ့တော့ ဒါလေးမလုပ်တော့ဘူး။အဲ့လို စဥ်းစားလိုက်ရင်အန္တရာယ်ရှိတယ်။ မနက်ဖြန်လဲ ဒီစဥ်းစားပုံမျိုးထပ်ခါထပ်ခါ ပြန်ဖြစ်နိုင်တယ်။ ဘဝဆိုတာ တိုတိုလေး။ တိုတိုလေးထဲမှာမှငယ်ဘဝက မိဘပေါ်မှီခိုရတယ်။နောက် ကိုယ့်ခြေထောက်ပေါ်ကိုယ်ရပ်တည်ဖို့တော်တော် ကြိုးစားရတယ်။ နောက်တစ်ဆင့် ကိုယ့်အပေါ်မှီခိုရတဲ့သူတွေရှိလာတဲ့အရွယ် ရောက်လာတယ်။ ဘဝဖြစ်စဥ်ကြီးမှာ ထွက်ပြေးမရသူကကိုယ်ပဲ။ဒါကြောင့် နေ့စဥ်ဖြတ်သန်းမှုတိုင်းမှာဘယ်လို အခြေအနေပဲဖြစ်နေနေအကောင်းဆုံးသင်ဖန်တီးဖို့က ကိုယ့်တာဝန်ပဲ။ Phyo Paing @ Derek
Debt, Diaster, Death, Defamation & Divorce
အကြွေး၊ ကပ်ဘေး၊ ချစ်ခင်တဲ့သူ သေဆုံးမှုအရေး၊နာမည်ဖျက်ခံရတာ၊ အိမ်ထောင်ကွဲတာ၊ ဒီအရာတွေကို သေချာ handle မလုပ်နိုင်ရင်depression ဝင်နိုင်တယ်။ ဒီပြဿနာတွေကို ကျော်လွှားနိုင်ဖို့ အချိန်တစ်ခုယူရတတ်တယ်။တချို့ကိစ္စတွေက နှစ်ချီကြာနိုင်တယ်။ ဒီကိစ္စတွေကို technical ကျကျဖြေရှင်းပြီးရင် ထားရမည့်စိတ်ကတော့Move On ပဲ ရှေ့ဆက်ရမှာပဲ။ ဘဝက အစအဆုံး အဖြောင့်အလမ်းတည့်နေရအောင် မအေးအေးဝင်းစီစဉ်တာမှမဟုတ်တာ။ အရာရာ ပိုကောင်းဖို့ ဖြစ်လာတာပါလို့နှလုံးသွင်းဖို့က ပထမဆုံးပဲ။ Phyo Paing @ Derek
ဘဝမှာ သောက်ပြဿနာကြုံရမှာပဲ။
Dollar စျေးတက်လို့ ခွက်ခွက်လန်အောင် ရှုံးရင်ရှုံးမယ်။ ကိုယ့်ဖောက်သည်က ကိုယ့်ကိုသောက်သုံးမကျဘူးလို့ ပြောတာခံရကောင်း ခံရနိုင်တယ်။ အကြွေးပင်လယ်မှာ ဘယ်လိုပြန်ဆပ်ရမလဲ မသိ တိုင်ပတ်ခဲ့တဲ့အချိန်တွေရှိကောင်းရှိမယ်။ ကိုယ့်ကို မချစ်မနှစ်သက်သူတွေကနာမည်ဖျက်တာလဲ ရှိကောင်းရှိမယ်။ ကိုယ့်ရဲ့သမီးရည်းစား လင်မယားနဲ့အတွေးအမြင်မတူ အမြဲစိတ်ညစ်တိုင်ပတ် ဘဝလမ်းဆုံးလို့ထင်ပြီး တိုင်ပတ်မှုအပေါင်းသရဖူဆောင်းတာမျိုးလဲ ကြုံရတာမျိုးလဲ ဖြစ်နိုင်တယ်။ ကိုယ်နေတဲ့နေရာကို ထောင်တစ်ခုလို့မြင်ပြီးအသက်ရှင်တိုင်းစိတ်ညစ်နေတာမျိုးလဲဖြစ်ကောင်းဖြစ်နိုင်တယ်။ ဘဝဆိုတာ အဲ့လိုပဲ။ ဒုက္ခဘယ်လောက်များများအတွေးအခေါ် ဘေးချော်လို့မရဘူး။ Positive Life ကို Negative vibes တွေနဲ့တည်ဆောက်လို့မရဘူး။ Phyo Paing @ Derek
ဒီနေ့က ကိုယ့်အတွက် personal တိုက်ပွဲပဲ။
ကိုယ့်အတွက် ရေရှည်မကောင်းနိုင်တဲ့သဒင်္ဂသာယာမှုအတွက် အပြုအမူတွေကို ထိန်းချုပ်တာ။ လုပ်သင့်ပြီး မလုပ်ချင်တဲ့ပျင်းတဲ့သွေးကို ဖောက်ထုတ်တာ။ သောက်တလွဲတွေဖြစ်နေတဲ့နေရာမှာကိုယ့်အတွက် အသုံးမဝင်တဲ့ယုံကြည်မှုနဲ့ အတွေးခေါ်တွေကိုဆန်းစစ်ပြီး ကျော်လွှားတာ။ သောက်ပြဿနာတက်တိုင်းဘဝဆိုတဲ့ ပေးထားတဲ့ သင်ခန်းစာတွေကျော်လွားတဲ့နေရာလို့ နှလုံးသွင်းဖြေရှင်းတာ။ လူတွေကိုယ့်ကို ဘယ်လိုထင်မနေမလဲဒီမေးခွန်းမေး စိတ်ညစ်ခံစားနေမည့်အစားလူတွေငါ့ကို ဘယ်လိုထင်ထင်သောက်ဂရုမစိုက်ဘူးလို့ နှလုံးသွင်းဘဝကို ဖြတ်သန်းဖို့ဆိုတာလွယ်မလိုလိုနဲ့ ပြောသလောက်မလွယ်ဘူး။ Phyo Paing @ Derek
ကောင်းမွန်တဲ့ ကျေးဇူးတင်စရာတွေသိဖို့
ပူပြင်းတဲ့နေရာကနေ အဲ့ကွန်းခန်းတဲ့ခဏဝင်လိုက်တဲ့အခါအိုး ခုမှနေလို့ထိုင်လို့ကောင်းသလိုရှိသွားတယ်ဆိုတာမျိုး ကြုံဖူးကြလိမ့်မယ်။ တစ်နေ့လုံး အဲကွန်းခန်းထဲနေနေတဲ့အခါသက်သောင့်သက်သာရှိနေတယ်ဆိုတာမေ့နေတတ်တယ်။ ဘဝမှာလဲ အဲ့လိုပဲကောင်းမွန်တဲ့ ကျေးဇူးတင်စရာတွေသိဖို့ကိုယ့်ကိုကိုယ် ခက်ခဲတဲ့အခိုက်အတံ့တွေပေးရတဲ့အချိန်မျိုးလိုတတ်တယ်။ Phyo Paing @ Derek