ကိုယ်လုပ်ချင်တာကိုလုပ်ပြီးဖြစ်ချင်တာကို ဖြစ်နေရင်တော့ဒါက အောင်မြင်မှုအစစ်ပဲ။ ကိုယ်မလုပ်ချင်တာကိုလုပ်ပြီးဖြစ်ချင်တာဖြစ်နေရင်လဲဒါက မဆိုးဘူး။ ကိုယ်လုပ်ချင်တာလုပ်ပြီးဖြစ်ချင်တာမဖြစ်ရင်တော့တစ်ခုခုတော့လွဲနေပြီ။ ကိုယ်မလုပ်ချင်တာလုပ်ပြီးဖြစ်ချင်တာမဖြစ်ရင်တော့အဆိုးဆုံးပဲ။ Phyo Paing @ Derek
ကိုယ်လုပ်ချင်တာကိုလုပ်ပြီးဖြစ်ချင်တာကို ဖြစ်နေရင်တော့ဒါက အောင်မြင်မှုအစစ်ပဲ။ Read More »
ဒီနေ့ဘာတွေ သင်ယူလိုက်ရလဲ။ တစ်ရက်တာမှာ အသစ်တစ်ခု မသင်ယူလိုက်ရင်ရာဇဝတ်မှုကျူးလွန်တယ်လို့ပဲကိုယ့်ကိုကိုယ် ယူဆတယ်။ ဘာလို့လဲဆို ကျွန်တော်ခံယူတာ learning is the leverage ပဲ။ ကိုယ့်မှာရှိတဲ့ ၁၀ သိန်း ကို သိန်း ၁၀၀၊ သိန်း ၁၀၀၀ ပွားစေနိုင်တဲ့အရေးကြီး အခရာကျတဲ့အရာကသင်ယူမှု learning လို့ပဲမြင်တယ်။ သင်ရင် မြင်မယ်။ မြင်ရင် မှားနေတာတွေပြင်လာနိုင်မယ်။ ငယ်ငယ်ကလေးမနူးမနပ်တုန်းကဆို အမှဲစဉ်းစားတာ သိန်း ၂၀၀ ရှိတယ်။ ၅၀၀ ရှိတယ်၊၁၀၀၀ ရှိတယ်။ ဘယ်လုပ်ရင်ကောင်းမလဲ။ ဘားမှ မလုပ်နဲ့။ အိုင်ဒီယာမရှိ၊စျေးကွက်မရှိ၊ကျွမ်းကျင်မှုမရှိလုပ်ရင်ကျားစားတာ ခံရလိမ့်မယ်။ အကောင်းဆုံးက ကိုယ်ကျွမ်းကျင်အောင်လုပ်မည့်နယ်ပယ်မှာ ဆရာတစ်စူဖြစ်အောင်လေ့လာ။ လေ့ကျင့်။ ဒီက စတင်ရမှာပဲ။ သင်ယူမှုက ဆပွားတိုးတက်စေတဲ့သော့ချက်ပဲ။ ဒါကြောင့် နေ့စဥ်သင်ယူမှုအသစ်မလုပ်လိုက်ရင်ရာဇဝတ်မှုကျူးလွန်တယ်လို့ပဲကိုယ့်ကိုကိုယ် ခံယူတယ်။ Phyo Paing
လူတိုင်းရှိသလိုလိုနဲ့ပျောက်နေတဲ့အရာက“အနာဂတ်”ပဲ။ နေရာတစ်ခု၊စျေးကွက်တစ်ခုမှာကြီးထွားဖို့အတွက်ဆိုတာအချိန်တစ်ခုပေးရတယ်။ အနာဂတ်ကိုတည်ဆောက်ဖို့အတွက်ဆိုဘယ်မှာနေဘာတွေလုပ်ဘယ်လိုဝင်ငွေရှာဘယ်သူတွေနဲ့တွေ့ဘယ်လိုအသက်ကြီးပြီးဘယ်လိုဘဝရဲ့အဆုံးသတ်နေဝင်ချိန်ကိုဖြတ်သန်းမလဲ။ဒီမေးခွန်တွေပါလာတယ်။ ဒီမေးခွန်းတွေမေးတဲ့အခါနေထိုင်မည့်နေရာတတ်ထားတဲ့ကျွမ်းကျင်မှုရှိထားတဲ့နိုင်ငံသားနဲ့အသက်မွေးမှုပြုနိုင်တဲ့အရာတွေပါဝင်တယ်။ ကိုယ့်နေရာမှာကိုယ်နေရာတစ်ခုရပြီးသူတွေအတွက်နောက်တစ်နေရာမှာအသစ်ကပြန်စဖို့အတွက်opportunity cost ကြီးတယ်။ရှိထားတာကိုလဲထားခဲ့ရမယ်။နောက်နေရာမှာလဲအသစ်ပြန်စရမယ်။ အခုမှစတင်မည့်လူငယ်တွေအတွက်ကောင်းတဲ့အချက်တွေအများကြီးရှိတယ်။ဆုံးရှုံးစရာများများစားစားမရှိဘူး။ လုပ်ငန်းလုပ်မယ်ဆိုရင်ပိုပြီးတောင်စဥ်းစားရတယ်။ကိုယ်ကမြစ်ငယ်လေးထဲမှာကျင်လည်နေရာကမြစ်ကြီးထဲကိုသွားတဲ့အခါနောက်ပင်လယ်ထဲသွားတဲ့အခါလုပ်လို့ရတာကျွမ်းကျင်တာတွေကတူချင်မှတူမယ်။ အနာဂတ်ဆိုတာ အမျိုးမျိုးဖြစ်နိုင်တယ်။ အနာဂတ်ကိုစဥ်းစားတဲ့အခါကိုယ့်ကိုကိုယ်မေးတဲ့မေးခွန်းတစ်ခုရှိတယ်။ “ငါနေ့တိုင်း မလုပ်ရပဲမနေနိုင်တဲ့အရာတွေဆိုဘာတွေများဖြစ်မလဲ။” ၁။ သင်ယူလေ့လာခြင်း learning၂။ စမ်းသပ်လုပ်ဆောင်ခြင်း experimenting၃။ ပြန်လည်မျှဝေခြင်း သင်ကြားခြင်း teaching ဒီသုံးခုကို ဘယ်နေရာရောက်ရောက်အတိတ်မမေ့ ဦးနှောက်မပျက်သွားရင်လုပ်ဖြစ်နေအုံးမယ်။ ဒါနဲ့ကိုယ့်ဘဝ၊ ကိုယ့်စီးပွားအကုန်လုံးကိုဒီသုံးခုပေါ်မူတည်ပြီးဒီဇိုင်းလုပ်လိုက်တယ်။ အနာဂတ်အတွက်ဘယ်မှာနေမယ်၊ဘာတွေလုပ်မယ်မေးခွန်းတွေဖြေဖို့ဒီမေးခွန်းလေးပြန်မေးကြည့်။ “ငါနေ့တိုင်း မလုပ်ရပဲမနေနိုင်တဲ့အရာတွေဆိုဘာတွေများဖြစ်မလဲ။” Phyo Paing @ Derek
မလုပ်သင့်တာ အစကတည်းကမလုပ်တာပညာရှိ။ လုပ်သင့်တာကိုလုပ်တာလူလိမ်မာ။ လုပ်ချင်တာဖြစ်အောင်လုပ်တာလူတော်။ လုပ်ဖို့လိုတာပဲရွေးလုပ်တာလူလည်။ မလုပ်သင့်တာ လုပ်တာလူမိုက်။ လုပ်သင့်တာမလုပ်တာလူပျင်း။ လုပ်ချင်တာဖြစ်အောင်မလုပ်တာလူညံ့။ လုပ်ဖို့မလိုတာတွေလုပ်တာလူဗြိန်း။ Phyo Paing @ Derek
တစ်ခုသတိထားမိတာ ကျွန်တော်တို့ဆီမှာလူတွေရဲ့စိတ်ကိုဆွပြီးလွှမ်းမိုးမှုတည်ဆောက်တဲ့နည်းတွေသုံးတာများတယ်။ ဟဲ့နင်ဝလာတယ်နော်။နင်မျက်နှာလဲမကောင်းဘူးဘာများဖြစ်သလဲ။ ပိန်သွားလိုက်တာ ကျန်းမာရေးကောင်းရဲ့လား။ သူများတွေပြောနေကြတယ်နော်။အခြေအနေကောင်းရဲ့လား။ မိသားစုအဆင်ပြေရဲ့လား။သတင်းတွေကြားတယ်နော်။စိတ်ညစ်နေမှာပေါ့။သူများတွေကျော်တတ်ကုန်ပြီနော်။ကိုယ်ကြိုးစားလို့အောင်မြင်သွားရင်ကံကောင်းလိုက်တာနော်။ နောက်ကိုယ်မကြိုက်တဲ့စကားကိုထပ်ခါထပ်ခါပြောပြီးကိုယ့်ကိုဒေါသထွက်အောင်လုပ်တာမျိုး။ ဒါက လွှမ်းမိုးမှုတည်ဆောက်တဲ့အခါမှာအဆင့်အနိမ့်ဆုံးအဆင့်negging လို့ခေါ်တယ်။negative feedback အနုတ်သဘောဆောင်တဲ့နည်းနဲ့ကိုယ့်ကိုစိတ်မလှုံခြုံအောင်လုပ်ပြီးထိန်းချုပ်ဖို့ကြိုးစားတာ။ တချို့ကလဲ ဒါကို အဆင့်နိမ်လွှမ်းမိုးမှုလုပ်နည်းလို့သိချင်မှသိလိမ့်မယ်။ ဒါပေမယ့် ဒီနည်းနဲ့အလုပ်ဖြစ်တော့ဒါကိုပဲ ဆက်တိုက်သုံးတတ်ကြတယ်။ နောက်တစ်နည်းက ကိုယ်ကအလုပ်တစ်ခုလုပ်တော့မယ်။ဒီအလုပ်လုပ်တဲ့အတွက်တစ်ဖက်လူထက်ကျော်သွားမယ်။ဒီလိုကျော်သွားမှာကြောက်တဲ့အခါမှာတဖက်လူလုပ်နေတဲ့အလုပ်ကိုဂုဏ်မယူအောင်ရှက်စရာကောင်းတဲ့ပုံဖြစ်အောင်လုပ်ကြတယ်။ အလုပ်ကြိုးစားမှာပေါ့။သခင်အားရ ကျွန်ပါးဝလေ။ မျက်နှာကြီးပြပြီး ငွေမရှာချင်ပါဘူး။မျောက်ပြဆန်တောင်းမလုပ်ချင်ဘူး။ငါ့အလုပ်လေးနဲ့ကိုယ်အေးဆေးနေပါရစေ။ ဒီကောင်မ အရမ်းကိိုတက်ကြွနေတာဘယ်အချိန်ပြုတ်ကျမလဲမသိဘူး။ ဒါမျိုးတွေ ကြားဖူးလိမ့်မယ်။ နှစ်ပေါင်းများစွာ ဘူတောထဲကလူတောတိုးအောင် လူတွေအကြောင်းလူ့သဘောမနောတွေလေ့လာရင်းသတိပြုမိလာတာတစ်ခုရှိတယ်။ လူတွေက အစွမ်းအစသေးသိမ်လေလေကိုယ့်အိမ်ကိုအထပ်မြင့်အောင်တည်ဆောက်ဖို့ထက်ဘေးနားက အိမ်တွေကိုဖြိုချချင်လေလေ။ဒီစကားလဲခဏခဏ ကြားဖူးမှာပါ။ ဒါကြောင့် ဒီလို အောက်လုံးတွေသုံးပြီးကိုယ့်ကို ထိန်းချုပ်ချင်သူတွေကိုသတိပြုပါ အားတီ၊ အားမေတို့။ကိုယ်တိုင်က ဘူကောင်မဖြစ်စေနဲ့။ဘူကောင်တွေကိုလဲရှောင်။ Phyo Paing @ Derek
ကိုယ်တိုင်က ဘူကောင်မဖြစ်စေနဲ့။
ဘူကောင်တွေကိုလဲရှောင်။ Read More »
လူတိုင်းက မီးလောင်နေတယ်။ဆင်းရဲမွဲသေသူကစလို့ကမ္ဘာ့အချမ်းသာဆုံးသူအထိအကုန်မီးလောင်နေတယ်။ဒါကတော့ ကိလေသာမီးဖြစ်ပြီး လောဘ၊ ဒေါသ၊ မောဟနဲ့နေ့စဥ် လောင်မြိုက်နေကြတယ်။ လိုချင်တဲ့အရာတွေပြည့်ရင်ပျော်တယ်လို့ထင်တတ်ကြတယ်။နောက်သူ့ထက်ပိုလိုတတ်ကြတယ်။လိုချင်တဲ့အရာမရတဲ့အခါဒေါသတွေဖြစ်တတ်ကြတယ်။အမှန်ကိုမမြင်နိုင်တဲ့ မောဟတွေရှိတယ်။ ကိလေသာမီးလောင်တဲ့အခါအခိုးအငွေ့တွေကအာရုံခြောက်ပါးကညစ်ညမ်းမှုမီးခိုးတွေထွက်ပေါ်လာတယ်။မီးလောင်လို့ပူလောင်နေတာ သံသရာဝဋ်ဒုက္ခ။မီးငြိမ်းသွားတဲ့အချိန်နိဗ္ဗာန်ရောက်တယ်လို့ဗုဒ္ဓက ဆုံးမခဲ့တယ်။ တောတွေရှားပါးသွားတဲ့ခေတ်မှာ တောထွက်ရအောင်ကလဲမဟုတ်သေးဘူး။ လူတောထဲမှာဘဲဘဝကို အထာကျကျဖြတ်သန်းပြီးကိလေသာမီးငြိမ်းဖို့ကပါရမီဆယ်ပါး ဖြည့်ဆည်းဖို့ပဲရှိမယ်။ ပါရမီဆိုတာ နိဗ္ဗာန်ရောက်ကြောင်း ကောင်းမှုဆယ်ပါး ဖြစ်ပြီးပါရမီ ၁၀ ပါးရှိပါတယ်။ ၁။ ဒါနပါရမီ – စွန့်ကြဲခြင်း၂။ သီလပါရမီ – ကိုယ်၊ နှုတ်၊ စိတ် စင်ကြယ်စေခြင်း၃။ နိက္ခမပါရမီ – ကာမဂုဏ်တွေကနေ ထွက်ခွာခြင်း၄။ ပညာပါရမီ – အမှန်တရားကို သိမြင်ခြင်း၅။ ဝီရိယပါရမီ – ကြိုးစားအားထုတ်ခြင်း၆။ ခန္တီပါရမီ – သည်းခံခြင်း၇။ သစ္စာပါရမီ – မှန်ကန်ခြင်း၈။ အဓိဋ္ဌာနပါရမီ – ခိုင်မြဲစွာ ဆုံးဖြတ်ခြင်း၉။ မတ်ေတာပါရမီ
အရမ်းတော်တဲ့ဝန်ထမ်းတစ်ယောက်ခပ်ညံ့ညံ့လုပ်ငန်းရှင်ဆီရောက်ရင်ကြာကြာခံမှာမဟုတ်ဘူး။ အရမ်းတော်တဲ့အမျိုးသား၊အမျိုးသမီးတစ်ယောက်ခပ်ခြာခြာပါတနာနဲ့နေတာများလာတဲ့အခါခြေကျင်းကြိုးနဲ့ ဒရွတ်တိုက်သွားနေရသလိုရှေ့ရောက်သင့်သလောက်မရောက်မောပန်းနေမှာပဲ။ အရမ်းစွမ်းတဲ့ အေအိုင်မတွေးတတ်တဲ့ ငတုံးနဲ့တွေ့တဲ့အခါငတုံးလိုဘဲ ဖြစ်နေမှာပဲ။ လူတိုင်းက ကိုယ်နဲ့ထိုက်တန်တာကိုဘဲရတတ်ကြတယ်။ ကိုယ်နဲ့ထိုက်တန်တဲ့အရာတွေကပိုကောင်းလာလေလေကိုယ့်ကိုကိုယ် ပိုကောင်းအောင်လုပ်လာရလေပဲ။ Phyo Paing @ Derek
တစ်ရက်ဝင်ငွေကတစ်လဝင်ငွေထက်ပိုများနိုင်တဲ့နေ့တွေရှိနိုင်တယ်။ တစ်လဝင်ငွေက တစ်နှစ်ဝင်ငွေထက်ပိုများနိုင်တဲ့ လတွေရှိနိုင်တယ်။ တစ်နှစ်ဝင်ငွေက တစ်သက်ဝင်ငွေထက်ပိုများနိုင်တဲ့ နှစ်တွေရှိနိုင်တယ်။ နေ့ရက်တိုင်း၊ လတိုင်း၊နှစ်တိုင်းရဲ့ အလေးချိန်တွေကမတူတတ်ကြဘူး။ ဒါကြောင့် စိတ်ရှည်ဖို့လိုသလိုအမြဲအပြတ် အခွင့်အလမ်းကိုအနံ့ခံနေဖို့လိုတယ်။ အလုပ်ဖြစ်တဲ့အချိန်ရောက်ရင်အခွင့်အရေးကို မဖြုန်းတီးဖို့လိုတယ်။ လူတစ်ယောက်နဲ့တစ်ယောက်အလုပ်ဖြစ်တဲ့အချိန်မတူဘူး။ Phyo Paing @ Derek
အလုပ်ဖြစ်တဲ့အချိန်ရောက်ရင်
အခွင့်အရေးကို မဖြုန်းတီးဖို့လိုတယ်။ Read More »
အစွမ်းအစတွေမကြီးထွားလာဘဲရေမှန်းချက်တွေဇွတ်ကြီးနေလဲအလကားပဲ။ နေ့စဥ် အစွမ်းအစကြီးအောင်လုပ်။နေ့စဥ် လေ့ကျင့်။နေ့စဥ် လေ့လာ။ နေ့စဥ် လုပ်ဆောင်။နေ့စဥ် read စာဖတ်နေ့စဥ် reflect သုံးသပ်နေ့စဥ် record မှန်တမ်းတင်နေ့စဥ် review ပြန်လည်ဆန်းစစ်။ Ability နဲ့ Ambition မျှဖို့လိုတယ်။ရည်ရွယ်ချက်က ချက်ချင်းကြီးလို့ရတယ်။စွမ်းဆောင်ရည်က ချက်ချင်းကြီးလို့မရဘူး။ ဒါကြောင့် နေ့စဥ်စွမ်းဆောင်ရည်မြင့်အောင်တိုးတက်နေဖို့လိုတယ်။ Phyo Paing @ Derek
နေ့စဥ်စွမ်းဆောင်ရည်မြင့်အောင်
တိုးတက်နေဖို့လိုတယ်။ Read More »
အချစ်ရေးမှာဖြစ်ဖြစ်အလုပ်မျာဖြစ်ဖြစ်ကိုယ့်ရဲ့ပါတနာတိုင်းကခံယူချက်တူဖို့အရေးကြီးတယ်။ ခံယူချက်မတူရင်ခံစားချက်မတူဘူး။ ဥပမာတစ်ယောက်ကအလုပ်ကိုတန်ဖိုးထားတဲ့ခံယူချက်ရှိတယ်။အလုပ်ကိုဘဝလိုတန်ဖိုးထားတယ်။အလုပ်ဆိုတာ ကိုယ့်ဘဝရဲ့အရေးကြီးတဲ့အစိတ်အပိုင်းလို့ယူဆတယ်။ တစ်ယောက်ကအလုပ်ဆိုတာ မသေမချင်းလုပ်ရမှာပါကွာ။အေးဆေးပေါ့လို့စဥ်းစားမယ်။ ခံယူချက်မတူရင် ငြိယူဖို့ခက်တယ်။ ဘဝတစ်လျှောက်လုံးမှာတဖြည်းဖြည်းနားလည်လာတဲ့သင်ခန်းစာတစ်ခုပဲ။ ဒါကြောင့် အချစ်ရေး၊အလုပ်အကိုင် အကုန်လုံးမှာခံယူချက်တူတဲ့သူတွေနဲ့အလုပ်လုပ်ဖို့လိုတယ်။ အမြင်နဲ့ ခံယူချက်နဲ့မတူဘူး။ခံယူချက်က အတွင်းပိုင်းစိတ်ထား။အမြင်က အကြောင်းအရာတစ်ခုအပေါ်မြင်တဲ့အမြင်။အမြင်တွေကွဲလို့ရတယ်။ခံယူချက်တွေ မတူလို့မရဘူး။ ဘာကြောင့်လဲဆိုတော့ခံယူချက်မတူရင်ခံစားချက်မတူဘူး။ Phyo Paing @ Derek
