October 2026

အသက်ကြီးလာတော့သတိပြုမိတာတစ်ခုကလူတွေကို သနားတတ်တဲ့ဦးနှောက်အစိတ်အပိုင်းကအလုပ်မလုပ်တော့တာတော်တော်ကြာသွားပြီ။ ငယ်ငယ်ကဆို တစ်ခုခုဆိုခံစားရလွန်းတယ်။စိတ်လဲ အမြဲညစ်ရတယ်။ မိုးရွာကြီးထဲ စက်ဘီးနဲ့ဆန်အိတ်ကျလို့ကျောင်းစာအုပ်တွေကို ဘေးမှာချမိုးစိုခံပြီး ကူညီခဲ့တာတွေ။အနိုင်ကျင့်ခံနေရတဲ့သူဖက်ကရပ်တည်ပြီး ကူညီပေးခဲ့ပေမယ့်အနိုင်ကျင့်သူတွေနဲ့ပေါင်းပြီးကိုယ့်ကို ပြန်ရန်လုပ်တာတွေဘဝမှာ ဖြူစင်ပြီး ခံခဲ့ရတာတော်တော်လေးများလာတော့ဘဝမှာ အရာရာစည်းနဲ့ပဲနေဖြစ်လာတယ်။ လူတွေကိုလဲ စီးပွားမိတ်ဖက်၊ကိုယ့်ရဲ့အတွင်းလူ၊အရမ်းခင်တဲ့သူငယ်ချင်း၊အသိမိတ်ဆွေအကန့်တွေ ခွဲထားလိုက်တယ်။ တစ်ခုခုဆို တစ်ဖက်လူဘာလိုချင်သလဲသူလိုချင်တာငါပေးနိုင်လား။ဒီမေးခွန်းမေးကြည့်တယ်။​ ဆက်ဆံရေးတစ်ခုမှာကိုယ်က ဘာလိုချင်သလဲ။သူဘာလိုချင်သလဲ။သူလိုချင်တာပေး၊မလိုချင်တာမပေးနဲ့။ သူတပါးမလိုချင်တာပေးရင်မလိုချင်တာ ပြန်ရမယ်။ ဘဝကို ဒီ ဥပဒေသနဲ့ပဲဖြတ်သန်းတော့အရှုပ်အရှင်းမရှိ အကုန်လုံးကအဆင်ပြေတယ်။ Phyo Paing @ Derek drphyopaing

ငယ်ငယ်တုန်းက ဂယောင်။​ဟိုယောင်ယောင် ဒီယောင်ယောင်။ အသက်အရွယ်တစ်ခုရလာတော့တစ်ခုခုကို ဇောက်ချလုပ်ဖို့လိုလာတယ်။ နယ်ပယ်တစ်ခုမှာ ဆရာကျဖို့ကဆယ်စုနှစ်တစ်ခုတော့အနည်းဆုံးပေးဆပ်ရတယ်။ တိုးတက်တဲ့နိုင်ငံဖြစ်လေလေအချိန်ပိုကြာလေလေ။ တောမှာဆရာဖြစ်တာနဲ့၊ရွာမှာဆရာဖြစ်တာနဲ့၊မြို့မှာဆရာဖြစ်တာနဲ့၊နိုင်ငံတစ်နိုင်ငံမှာဆရာဖြစ်တာနဲ့၊နိုင်ငံတကာမှာဆရာဖြစ်တာမတူပြန်ဘူး။ ပေးရတဲ့အချိန် မတူဘူး။​စမ်းသပ်ရမည့်အကြိမ်ရေမတူဘူး။ ဘဝမှာ အစုံလေ့လာဖို့လိုသလို၊တစ်ခုထဲကို ဇောက်ချအထူးပြုနားလည်ဖို့လဲလိုတယ်။ Depth အနက်လဲလိုတယ်။​Breadth အကျယ်လဲလိုတယ်။ များများလေ့လာပါ။တစ်ခုကိုဇောက်ချ specialized knowledge ရှိပါ။ Phyo Paing @ Derek drphyopaing

လူဖြစ်လာရင်လဲအောက်ကျနောက်ကျမဖြစ်ဖို့အလုပ်လုပ် ကြိုးစားရသေးတယ်။ ကျန်းမာကြံ့ခိုင်ရေး၊အလုပ်စီးပွား၊ငွေရေးကြေးရေး၊အချစ်ရေး၊သားသမီးရေးရာ၊ မိဘ။အပေါင်းအသင်း အသိုင်းအဝိုင်းကလဲသူ့အဆင့်အတန်းနဲ့သူ ဝင်ဆန့်ဖို့၊တိုးတက်ရေးနဲ့သေတဲ့အချိန်အတွက် ပြင်ဆင်ဖို့စိတ်ပိုင်းဆိုင်ရာပြင်ဆင်မှု သို့ ဘာသာတရား။ လူဖြစ်ရတာ စဥ်းစားစရာများတော့လွယ်တော့မလွယ်လှဘူး။အထူးသဖြင့် ဂုဏ်ပြိုင်မှုကိုအသားပေးတဲ့ အသိုင်းအဝိုင်း၊ရပ်၊ ရွာ၊ နိုင်ငံဆို ပိုဆိုးတယ်။ ဘယ်နေရာကျင်လည်လည်အရေးကြီးတာအောက်ကျနောက်ကျမဖြစ်ဖို့ပဲ။ ဒါကြောင့် နေသလိုဖြစ်တဲ့ဘဝမှာဖြစ်သလိုမနေပါနဲ့။ Phyo Paing @ Derek drphyopaing

ဘဝဆိုတာ တစ်သားမတ်ထဲဖြစ်မနေဘူး။အသက်အရွယ်အပိုင်းအခြားအလိုက်အနိမ့်အမြင့် အတက်အကျရှိတယ်။အရေးကြီးတာ ကိုယ်ထိန်းချုပ်လို့ရတဲ့အပိုင်းကိုသိ။ထိန်းချုပ်လို့မရတဲ့အပိုင်းကိုသိ။ထိန်းချုပ်လို့ရတာကို ထိန်းချုပ်။ထိန်းချုပ်မရတာကို လျစ်လျူရှု။ကိုယ့်ရဲ့လုပ်ဆောင်နိုင်စွမ်းတိုးတက်နေအောင်နေ့စဉ်အားထုတ်နေဖို့ပဲ။ ကျန်းမာကြံ့ခိုင်ရေးဖြစ်ရင်ဖြစ်မယ်။အလုပ်စီးပွါးဖြစ်ရင်ဖြစ်မယ်။​ငွေကြေးစီမံခန့်ခွဲမှုဖြစ်ရင်ဖြစ်မယ်။အချစ်၊ သားသမီး၊ မိသားစုအရေးဖြစ်ရင်ဖြစ်မယ်။ Phyo Paing @ Derek drphyopaing