ကိုယ့်ရဲ့ mental model အရေးကြီးတယ်။
၂၃ နှစ်ပြည့်တဲ့လမှာပဲ ဘွဲ့ရတယ်။အဲ့အချိန် ကိုယ့်မှာထမင်းစားပညာဆိုလို့ဆေးကုတတ်တာပဲရှိတယ်။ မေးခွန်းက ခဏလောက် ဆေးကုပြီးအသက်မွေးဝမ်းကြောင်းပြုပြီးတစ်ဖက်ကစီးပွားရေး စီမံခန့်ခွဲမှုပညာလေ့လာမလား။တခါတည်းအချိန်မြန်မြန်ပေးပြီးနောက်ဆုံးနှစ်နဲ့ညီတဲ့ ဒီပလိုမာတစ်ခုမြန်မြန်ရအောင်လုပ်မလား။ ဆေးကုသတဲ့အလုပ်ကိုတော့ကိုယ်တိုင်မလုပ်ဖြစ်ဖို့က ၉၀% သေချာတယ်။ဒီတော့ တကယ်လို့ နှစ်ခုလုပ်မယ်ဆိုဝင်ငွေရမယ်။ဒါပေမယ့် ဒီပလိုမာရဖို့ အချိန်ကြာမယ်။ဒါဆို နောက် career တစ်ခုကိုကူးဖို့အချိန်ပိုကြာသွားနိုင်တယ်။ဒီလို စဥ်းစားတာကို second order thinking လို့ခေါ်ကြတယ်။ ပိုကြာသွားရင် ဘာမှန်းမသိတဲ့အနာဂတ်မှာအလုပ်ခွင်ဝင်ဖို့ အချိန်ပိုကြာသွားမယ်။အချိန်ပိုကြာသွားရင်ကိုယ်ဖြစ်ချင်တဲ့ရည်မှန်းချက်ပန်းတိုင်ရောက်ဖို့နှောင့်နှေးသွားမယ်။ ကိုယ့်ကိုကိုယ် အားမလိုအားမရဖြစ်မယ်။နောက်ဆက်တွဲတွေ များတယ်။ကိုယ့်ရွယ်တူတွေနဲ့ ယှဥ်တိုင်းနောက်ကောက်ကျနေတဲ့ ခံစားချက်ကကိုယ့်ကို ပျော်စေမှာ မဟုတ်ဘူး။ဒီ Third order thinking ကို စဥ်းစားကြည့်ပြီးတစ်ခုတည်းကို အာရုံစိုက်ပြီးလေးငါးလလောက် လုပ်ပြီးအချိန်ပိုင်း စာပြန်သင်ခဲ့တယ်။ ကိုယ်ဘယ်လို စဥ်းစားလဲကိုယ့်ရဲ့ mental model အရေးကြီးတယ်။ ဘဝမှာ အမှားတွေ လုပ်မိမှာပဲ။ဒီအမှားတွေရဲ့ နောက်ဆက်တွဲပိုမကြီးအောင် စဥ်းစားနည်းလိုတယ်။ Phyo Paing @