အောင်မြင်ချင် မြင်အောင်ကြည့်။ဘာကြောင့်လဲဆို အောင်မြင်သူတွေကခြေရာတွေချန်သွားတယ်။ကျဆုံးသူတွေကလဲ ခြေရာတွေချန်သွားတယ်။ ဘဝမှာ ချမ်းသာတဲ့သူနဲ့မွဲတဲ့သူတွေမှာတွေးတာမတူ၊ကြံစည်တာမတူ၊လုပ်ဆောင်တာ မတူဘူး။ အတွေး၊ အကြံ၊ အလုပ်မတူဘူး။ နယ်ပယ်တစ်ခုမှာအောင်မြင်ချင် မြင်အောင်ကြည့်။ Phyo Paing @ Derek
တချို့က ပြောလိုက်တာနဲ့ နားလည်တယ်။တချို့က အချိန်ယူရတယ်။ တချို့က ဆုံးဖြတ်ချက်မြန်တယ်။တချို့က စဉ်းစားတာကြာတယ်။ ဒါကို ဉာဏ်ကောင်းတာ၊ မကောင်းတာနဲ့ သွားမရောနဲ့။ စိတ်ပညာမှာ Processing Speed ဆိုတာရှိတယ်။ အချက်အလက်တွေကို ဘယ်လောက်မြန်မြန် လက်ခံနိုင်သလဲ။ဘယ်လောက်မြန်မြန် နားလည်နိုင်သလဲ။ဘယ်လောက်မြန်မြန် တုံ့ပြန်နိုင်သလဲ။ လူတိုင်း မတူဘူး။ ဒါပေမဲ့ စဉ်းစားတာမြန်တိုင်း စဉ်းစားတာမှန်တာ မဟုတ်ဘူး။ မြန်တာက Speed။မှန်တာက Accuracy။ကောင်းကောင်းဆုံးဖြတ်နိုင်တာက Judgment။ သုံးခု မတူဘူး။ နောက်တစ်ခုက အတွေ့အကြုံ။ စီးပွားရေးအတွေ့အကြုံ ဆယ်နှစ်ရှိတဲ့သူနဲ့ လုပ်ငန်းစလုပ်တဲ့သူ တူညီတဲ့ပြဿနာကို ကြည့်ရင် မြင်တာမတူဘူး။ တစ်ယောက်က ပြဿနာကို မြင်တယ်။နောက်တစ်ယောက်က ပြဿနာနောက်က Pattern ကို မြင်တယ်။ အတွေ့အကြုံက စဉ်းစားရမယ့်အချိန်ကို လျှော့ပေးနိုင်တယ်။ ဒါကြောင့် ဦးနှောက်မြန်ဖို့တစ်ခုတည်း မကြိုးစားနဲ့။ အသိပညာစု။အတွေ့အကြုံယူ။Pattern တွေကို
လူတစ်ယောက်က သူ့ရဲ့ဖြစ်နိုင်စွမ်းကိုမြင်သွားပြီးရင်အငြိမ်အချိန်ဖြုန်းပြီးမနေနိုင်တော့ဘူးတဲ့။ ဒါကတော့အမှန်ပဲ။ ကျွန်တော်ကတော့ အနာဂတ်ကိုရင်ခုန်တယ်။ နေ့စဥ် တစ်လှမ်းချင်းသွားနေတယ်။နောက် ၁၀ နှစ်၊ အနှစ် ၂၀၊ ၃၀ ကျလို့မသေကြသေးရင် ဘယ်လိုဖြစ်နေမလဲ ရင်ခုန်ဖို့ကောင်းတယ်။ အနာဂတ်မှာ ကျန်းမာမယ်၊ ပိုက်ဆံရှိမယ်ဆို အနာဂတ် အသက် ၇၀ က ဒီနေ့ရက် အသက် ၃၀ ဖြစ်လာမှာရာခိုင်နှုန်းများတယ်။ ဒီနေ့ကတည်းက ကျန်းမာအောင်လုပ်။ပိုက်ဆံရှာ၊ ပွား။ အန္တရာယ်ကို စီမံခန့်ခွဲမှုလုပ်။ နေရာတစ်ခု၊ နိုင်ငံတစ်ခုတည်းမှာပဲအနာဂတ်အကုန်ရင်းနှီးမြုပ်နှံမှုမလုပ်ထားနဲ့။ ဒါမှ အနာဂတ်က ရင်ခုန်ဖို့ကောင်းမယ်။ Phyo Paing @ Derek
လူတွေက အခြေအနေကောင်းမှစိတ်ချမ်းသာမယ် ထင်ကြတယ်။ တကယ်ကစိတ်ချမ်းသာမှအခြေအနေကို ကောင်းအောင်ဖန်တီးနိုင်တာ။ အပြင်က အခြေအနေကိုအမြဲ မထိန်းချုပ်နိုင်ဘူး။ အတွင်းက တုံ့ပြန်မှုကိုတော့လေ့ကျင့်ထိန်းချုပ်နိုင်တယ်။ ကိုယ့်စိတ်ကို ကိုယ်နိုင်ရင်ဘဝရဲ့ တိုက်ပွဲတစ်ဝက် နိုင်ပြီ။ Phyo Paing @ Derek
ကိုယ့်စိတ်ကို ကိုယ်နိုင်ရင်
ဘဝရဲ့ တိုက်ပွဲတစ်ဝက် နိုင်ပြီ။ Read More »
အောက်ကျနောက်ကျဖြစ်တာ၊ ရွေးချယ်စရာမရှိပိတ်မိနေတာ၊အချိန်တွေ အလဟသဖြုန်းမိတာဒီသုံးခုက ကိုယ့်ကမ္ဘာမှာ အမုန်းဆုံးအလုပ်သုံးခု။ ဒါကြောင့် ပညာရေးမှာလဲအောက်ကျနောက်ကျမဖြစ်အောင်အကောင်းဆုံးတော့လုပ်ခဲ့တယ်။ ကျန်းမာကြံ့ခိုင်ရေး၊ အလုပ်အကိုင်၊ ငွေရေးကြေးရေး၊ ချစ်သူရည်းစားလင်မယား၊ ကိုယ့်မိဘနဲ့ အမျိုးတွေအတွက်တာဝန်၊တိုးတက်ရေးနဲ့ စိတ်ငြိမ်းချမ်းရေးအောက်ကျနောက်ကျဖြစ်မနေအောင်အားထုတ်တယ်။ နောက်ရွေးချယ်စရာရှိတဲ့ဘဝလိုတယ်။ ဒီတစ်နေရာအဆင်မပြေရင်တစ်နေရာမှာ အသက်ဆက်ရှင်သန်နိုင်ဖို့။အသက်မွေးမှုတစ်ခု အဆင်မပြေရင်နောက်တစ်ခုအလွယ်တကူပြောင်းလို့ရအောင်backup professions တွေထားထားတယ်။ အချိန်တွေအလဟသမဖြုန်းဖြစ်အောင်နေ့စဉ် အကျိုးရှိအောင်အသုံးချတယ်။ ဘဝမှာ အလဟသ သုံးဖြုန်းလိုက်တဲ့အချိန်ဆိုတာမရှိသလောက်ရှားတယ်။ ဒါကြောင့် ဘဝမှာ ပြန်ပြင်ချင်တဲ့အရာနောင်တရတဲ့အရာဆို မရှိသလောက်ပဲ။ ကိုယ်မုန်းတဲ့အရာတွေ မရအောင်အားထုတ်ခြင်းကလဲကိုယ့်ကို အားအင်တွေပေးတယ်။ Phyo Paing @ Derek
အတွေးတွေမှာ စွမ်းအားတွေရှိတယ်။ဒီအတွေးတွေကို စုစည်းနိုင်ဖို့လိုတယ်။ဒီအတွေးတွေကို စုစည်းနိုင်တာကိုသမာဓိလို့ခေါ်တယ်။ အတွေးတွေ စုစည်းနိုင်ရင်လေဆာလို ကိုယ့်ဆန္ဒရှိတာကိုအာရုံပြုလို့ရတယ်။ဒီပုံစံနဲ့ မနောကံကို ပွားများလို့ရတယ်။ သာမန်လူအများစုရဲ့ အတွေးတွေကပြန့်ကျဲနေတယ်။ဗရမ်းဗတာဖြစ်နေတယ်။ လိုချင်တာတွေထက်မလိုချင်တာတွေ တွေးနေတယ်။အဖြေရှာစိတ်ထက်အပြစ်တင်လိုစိတ်တွေ များနေတယ်။ ကိုယ့်မှာရှိတဲ့ စိတ်စွမ်းအားတွေကိုအလဟဿ မသုံးမိဖို့ဗုဒ္ဓဟောကြားခဲ့တဲ့ မဂ္ဂင်ရှစ်ပါးနဲ့ချိတ်ဆက်ကြည့်လို့ရတယ်။ စိတ်ဝင်စားရင် ဆက်ဖတ်ကြည့်။သိပြီးသားဆို ဒီမှာရပ်လဲရပါတယ်။ ပထမဆုံး သမ္မာဒိဋ္ဌိ။မှန်ကန်တဲ့ အမြင်ရှိဖို့လိုတယ်။ အမြင်မှားနေရင်အတွေးတွေ ဘယ်လောက်စုစည်းစုစည်းဦးတည်ရာမှားနေနိုင်တယ်။ လေဆာတစ်ခုလိုပဲ။စွမ်းအားဘယ်လောက်ပြင်းပြင်းပစ်မှတ်မှားနေရင်လိုချင်တဲ့ရလဒ် မရနိုင်ဘူး။ ဒုတိယ သမ္မာသင်္ကပ္ပ။မှန်ကန်တဲ့ ကြံစည်တွေးတောမှု။ ကိုယ့်စိတ်ထဲမှာဘယ်လိုအတွေးတွေကို မွေးမြူနေလဲ။ သူတစ်ပါးကို အနိုင်ယူချင်တဲ့စိတ်လား။ကိုယ့်ကိုယ်ကို တိုးတက်အောင်လုပ်ချင်တဲ့စိတ်လား။ အတိတ်ကို နောင်တရနေတဲ့စိတ်လား။အနာဂတ်ကို ဖန်တီးချင်တဲ့စိတ်လား။ အတွေးတိုင်းဟာကိုယ့်ရဲ့ အာရုံစိုက်မှုကို အသုံးပြုနေတယ်။ အာရုံစိုက်မှုဟာ အကန့်အသတ်ရှိတယ်။မလိုအပ်တဲ့အတွေးတွေနဲ့ ပြည့်နေရင်အရေးကြီးတဲ့အရာတွေအတွက်အာရုံစိုက်ဖို့ ခက်ခဲလာတယ်။ တတိယ သမ္မာဝါစာ။မှန်ကန်တဲ့ စကားပြောခြင်း။ စိတ်ထဲမှာရှိတဲ့ အတွေးတွေဟာစကားလုံးတွေအဖြစ် ထွက်လာတတ်တယ်။ နေ့တိုင်း ညည်းညူနေတဲ့သူဟာပြဿနာတွေကိုပဲ ထပ်ခါထပ်ခါအာရုံစိုက်မိတတ်တယ်။
ပညာက လမ်းမှန်ကို မြင်စေတယ်။
သီလက လုပ်ရပ်ကို ထိန်းညှိပေးတယ်။
သမာဓိက စိတ်ကို တည်ကြည်စေတယ်။ Read More »
လူတွေက အဆင်မပြေလေမကောင်းပိုမြင်လေ။ သူတပါးအပြစ်ပိုပြောလေ။ အပြစ်တွေအရမ်းတင်နေရင်ဖြစ်နိုင်တာ ၁။ အကြွေးတင်နေလို့၂။ အလုပ်အကိုင်မကောင်းလို့ ၃။ သမီးရည်းစား၊ လင်မယားအဆင်မပြေလို့၄။ သူ့ဘဝသူ စိတ်တိုင်းမကျနေလို့။ ချမ်းသာလွန်းပြီး အဆင်မပြေတာရှိနိုင်လားဆိုရှိနိုင်တယ်။ ရှိထားတာလေး ဆုံးရှုံးမှာ။ဒီလိုလူက သောကရောက်တယ်။ သူ့သောကသူဖြေရှင်းဖို့ပဲလိုက်ရှာတယ်။ ပထမတစ်ယောက်လိုတော့ အားပြီးအပြစ်တင်တာသိပ်မများဘူး။ အမှန်တော့ လူတွေအပြစ်မြင်တာများတာကမွဲနေလို့နဲ့ ဘဝအဆင်မပြေလို့ဖြစ်နိုင်တယ်။ ကိုယ်အဆင်မပြေရင်အဆင်ပြေသူနည်းနည်းတွေ့ရင်နံပတ်ဖိုးရောင်းသလား၊ ကျားဖြန့်လုပ်သလား၊ဂျင်းထည့်သလားအမြဲထင်တတ်တယ်။ တခါတလေ လူတွေကငွေရေးကြေးရေးအဆင်မပြေ၊ဘဝအဆင်မပြေရင်မကောင်းမြင်တတ်တယ်။ ဒါက ကိုယ့်ကိုအဆိုးမြင်တာပဲမဟုတ်ဘဲလူတကာကိုမြင်တယ်ဆိုတာ နှလုံးသွင်းတတ်ဖို့လိုတယ်။ Phyo Paing @ Derek
အကြည်ဓာတ်အပြည့်နဲ့နေနိုင်တာ ၁။ ခေါင်းထဲမှာ ကိုယ်သွားချင်တဲ့ရည်မှန်းချက်ပန်းတိုင်တစ်ခုပဲရှိတယ်။ ဒီအတွက်ပဲ နေ့စဥ်ကြံဆတယ်။ ၂။ အကျိုးမရှိတဲ့သူနဲ့မပေါင်းဘူး။ အကျိုးမရှိတဲ့နေရာမသွားဘူး။ အကျိုးမရှိတဲ့ အတွေးမတွေးဘူး။ ၃။ တစ်မိနစ်ထက်ပို စိတ်ညစ်မခံဘူး။ တစ်မိနစ်အတွင်း မကောင်းတဲ့ခံစားချက်ကိုရှင်းတယ်။ ၄။ နေ့စဥ် တော်၊ ပျော်၊ ပွား၊ ပေးဖြစ်ရမယ်။တော်ရမယ်၊ ပျော်ရမယ်၊ ဝင်ငွေတိုးပွားရမယ်၊ကိုယ့်မှာရှိတာ ဥပမာ အသိပညာ မျှဝေပေးနိုင်ရမယ်။ ၅။ နေ့စဥ်လည်ပတ်မှု အမူအကျင့်ကောင်းပြုစုပျိုးထောင်ထားတယ်။ ၆။ ဘဝရဲ့အကောင်းဆုံးတစ်ရက်တာဘယ်လိုကုန်ဆုံးမလဲ ideal day ကိုကြိုစဥ်းစားထားတယ်။ ဘဝကိုလဲ နေ့စဥ် အဲ့လိုနေထိုင်နိုင်အောင်စီမံထားတယ်။ ၇။ ကိုယ့်မိသားစု၊ ကိုယ်နဲ့သက်ဆိုင်သူတွေအပေါ်တာဝန်ကျေအောင်နေတယ်။ ကျန်တာ တခြားသူတွေရဲ့တာဝန်ပဲ။ အားလုံးနောက် နှစ် ၇၀ လောက်ဆို သေကုန်ပြီ။ ဘာတွေ ရှုပ်ပြီးတွယ်တာခံစားနေမလဲ။ ဘဝအတွေ့အကြုံကို ကောင်းကောင်းယူQuality of life ကို
ဟင်းချိုမှုန့်စားနေကျလူကျအရမ်းဟင်းချိုမှုန့်များတာသတိထားမိမှာ မဟုတ်ဘူး။ ဟင်းချိုမှုန့်ရှောင်တဲ့သူကဟာဒါဟင်းချိုမှုန့်များလိုက်တာဆိုတာသိတယ်။ အကုသိုလ်များ ပူလောင်နေတဲ့သူကလောကငရဲကျနေမှန်းမသိဘူး။သူနဲ့ထိတဲ့သူက သိတယ်။ ဒါကြောင့်လူတွေက ဓာတ်တူရာစုကြတယ်။ မွဲတဲ့သူအချင်းချင်း နှလုံးသားနီးတယ်။အဆင်ပြေတဲ့သူ အချင်းချင်း နှလုံးသားနီးတယ်။ဘူတဲ့သူအချင်းချင်း နှလုံးသားနီး ငြင်းခုံတယ်။ အဆင်ပြေနေတဲ့သူကအပူကိုသွားမယူတတ်ဘူး။လွတ်ချတတ်တယ်။ ကမ္ဘာလောကဆိုတာ ရွေးချယ်မှုပေါ်မူတည်ပြီးရလဒ်ရတဲ့ ဂိမ်းတစ်ခုပဲ။ တချို့ရွေးချယ်မှုတွေက အတိတ်ကြောင့်၊တချို့ရွေးချယ်မှုတွေက ပစ္စုပ္ပန်ကြောင့်။ Phyo Paing @ Derek
ကမ္ဘာလောကဆိုတာ ရွေးချယ်မှုပေါ်မူတည်ပြီး
ရလဒ်ရတဲ့ ဂိမ်းတစ်ခုပဲ။ Read More »
ဘဝမှာ အရေးကြီးတာQuality of life ပဲ။ဘဝရဲ့အရည်အသွေးအတွက်က ၁။ ကျန်းမာရေး၂။ ပိုက်ဆံ၃။ အဓိပ္ပာယ်ရှိတဲ့အလုပ်အကိုင်၄။ ကိုယ်နဲ့နှလုံးသားချင်းနီးတဲ့အချစ်၊ မိသားစု၅။ ကိုယ်နဲ့နှလုံးသားချင်းနီးတဲ့အသိုင်းအဝိုင်း၆။ ဘဝရဲ့အေးချမ်းမှုနဲ့ တိုးတက်မှု ဒီအချက်တွေလိုတယ်။ အဓိပ္ပာယ်ရှိတဲ့အလုပ်အကိုင်ဆိုတာလူတွေကိုဒုက္ခပေးလို့ရတဲ့ပိုက်ဆံကိုဘုရားတည်ကျောင်းဆောက်အာပါတ်ဖြေတာမဟုတ်ဘူး။ အလုပ်ကကိုယ့်ကိုတော်၊ ပျော်၊ ပွါး၊ ပေးဖြစ်စေတာ။တော်စေတယ်။ပြဿနာဖြေရှင်းရင်းပျော်စေတယ်။ငွေပွါးစေတယ်။တခြားသူတွေကိုပြန်ပေးနိုင်တယ်။ ဘဝအရေအသွေးကောင်းဖို့တွေ့တဲ့လူ၊နေတဲ့နေရာ၊ခေါင်းထဲထည့်တဲ့အိုင်ဒီယာ အရေးကြီးတယ်။ Phyo Paing @ Derek
