Business

ပိုက်ဆံရှာတဲ့ရည်ရွယ်ချက်တစ်ခုကမဆက်ဆံချင်၊ မပတ်သက်ချင်သူတွေနဲ့ဝေးဝေးနေနိုင်ဖို့။ကိုယ်ချစ်ခင်ရင်းနှီးသူတွေနဲ့နီးနီးနေနိုင်ဖို့။ ကိုယ်ဝန်ဆောင်မှုပေးချင်တဲ့သူတွေကိုပေးနိုင်ပြီး၊မပေးချင်တဲ့သူတွေကို ပေးစရာမလိုဖို့ပိုက်ဆံလိုတယ်။ဒါမှ မလိုချင် “no” လို့ပြောလို့ရမှာ။မကြိုက်ရင် မတွေ့ချင်ရင်မရောင်းချင်ရင်စိတ်ကြိုက် ban လို့ရမှာ။ လုပ်ငန်းစတဲ့အချိန်ကရွေးချယ်လို့ရလာရင်ဘဝက ပိုလွယ်ကူသွားပြီ။ Phyo Paing @ Derek

နယ်ပယ်တစ်ခုမှာ တိုးတက်အောင်မြင်ရေးရဲ့အရေးအကြီးဆုံးလျှို့ဝှက်ချက်ကတော့Compounding လို့ခေါ်တဲ့အတိုးရင်းပွါး သို့ နှစ်ထပ်တိုးပဲ။​ ဒါကို အောင်မြင်တဲ့သူတိုင်းပြောကြတယ်။ ဘဝမှာ အချိန်ကို အလဟသမဖြုန်းတီးဖို့လိုသလို၊အလုပ်တွေကို မတူညီတဲ့နယ်ပယ်မှာပြန်စတာမျိုးမဖြစ်ဖို့လိုတယ်။ ကိုယ်လုပ်တဲ့အလုပ်တိုင်းက တစ်နည်းနည်းနဲ့တော့ဆက်စပ်မှုရှိရမယ်။​ ရှေ့ကိုကြည့်ပြီးဆက်လို့မရရင်နောက်ကိုကြည့်ပြီးဆက်။You can’t connect the dots looking forward; you can only connect them looking backwardsဒါက Steve Jobs ရဲ့နာမည်ကျော်စကား။ အရမ်းတော်တဲ့သူတိုင်းကနယ်ပယ်တစ်ခုမှာထိပ်ဆုံးရောက်တာမဟုတ်ဘူး​။နယ်ပယ်တစ်ခုမှာထိပ်ဆုံးရောက်ဖို့ကိုယ်အချိန်၊ အာရုံ၊ ကျွမ်းကျင်မှု၊ဖြတ်သန်းမှုတွေကိုတိုးရင်ပေါင်းရလဒ်ရဖို့ စုစည်းနိုင်ဖို့လိုတယ်။ သုံးနှစ်တိုင်တိုင်Marketing ကိုလေ့လာထားတဲ့သူကရုတ်တရက် Coding ပြန်စတယ်။နောက်နှစ်နှစ်ကြာတော့ Coding ကရပ်ပြီးRestaurant ဖွင့်တယ်။ ဆယ်နှစ်ကြာတဲ့အခါသူ့လက်ထဲမှာ နယ်ပယ်သုံးခုရဲ့အလယ်အလတ်အဆင့်ပဲ ကျန်နေတယ်။ တစ်ခုခုမှာ ထိပ်ဆုံးမရောက်နိုင်တာကစွမ်းရည်မရှိလို့မဟုတ်ဘူး။ဖြတ်သန်းမှုတွေက တစ်ခုပေါ်တစ်ခုဆင့်ပွားမသွားလို့ပဲ။ Compounding ဆိုတာအလုပ်များများလုပ်ဖို့မဟုတ်ဘူး။လုပ်တဲ့အလုပ်တိုင်းကရှေ့အလုပ်ပေါ်မှာထပ်ဆင့်တက်နိုင်ဖို့ပဲ။ ဒီနေ့လုပ်တဲ့အလုပ်ကလွန်ခဲ့တဲ့သုံးနှစ်လုပ်ခဲ့တဲ့အလုပ်ရဲ့အပေါ်မှာ ရပ်နေသလား။ဒီနေ့လေ့လာတဲ့အရာကကိုယ်နောက်ဆယ်နှစ်လုပ်မယ့်အလုပ်ရဲ့အုတ်မြစ်ဖြစ်နေသလား။ ဒီမေးခွန်းနှစ်ခုကို မဖြေနိုင်ရင်ကိုယ်က အလုပ်လုပ်နေတာမဟုတ်ဘူး။အလုပ်ပြောင်းနေတာပဲ။ Warren

စမ်းသပ်မှုမှ တွေ့ရှိမှုသို့ မှန်တာကို လုပ်ချင်လို့ဘာမှ မလုပ်ဘဲနေတဲ့သူ အများကြီးပဲ။ ဒါပေမယ့်မှန်တာဆိုတာစမ်းကြည့်မှ သိတာ။ ကလေးတစ်ယောက် လမ်းလျှောက်တတ်ဖို့ဘယ်နှစ်ကြိမ် လဲရသလဲ။ သူ လဲတိုင်းမှာ“ငါ လမ်းလျှောက်ဖို့ မဖြစ်နိုင်ဘူး” လို့တစ်ခါမှ မထင်ခဲ့ဘူး။ လဲတာက ရှုံးတာ မဟုတ်ဘူး။လဲတာက သင်ခန်းစာ။ စီးပွားရေးမှာလဲ အတူတူပဲ။ ပထမဆုံးအကြိမ် မှန်ဖို့ မလိုဘူး။ပထမဆုံးအကြိမ် စမ်းဖို့ပဲ လိုတယ်။ စမ်းတဲ့သူက အတွေ့အကြုံရတယ်။ထိုင်ကြည့်တဲ့သူက အထင်ပဲရတယ်။ ဘုရားရှင်ကိုယ်တိုင်တောင်နည်းလမ်းပေါင်းများစွာ စမ်းသပ်ခဲ့တယ်။ အစွန်းရောက်တဲ့ တပည့်ခံခြင်း။ဆင်းရဲဒုက္ခ ခံစားခြင်း။ အားလုံး ဖြတ်သန်းပြီးမှမဇ္ဈိမပဋိပဒါကို တွေ့ရှိခဲ့တာ။ စမ်းသပ်မှုမရှိဘဲတွေ့ရှိမှုဆိုတာ မရှိဘူး။ ဒါကြောင့် — မှားမှာ မကြောက်နဲ့။မစမ်းဘဲ နေတာကိုသာ ကြောက်ပါ။ ဒီနေ့ တစ်ခုခု စမ်းကြည့်ပါ။မနက်ဖြန် ကိုယ့်ကိုယ်ကိုယ် ကျေးဇူးတင်လာလိမ့်မယ်။ Phyo Paing @