လူတွေနဲ့ အဝေးမှာနေတော့တော်တော်အေးချမ်းတယ်။ဒါကတော့ အရမ်းသိသာတယ်။ တောတောင်ထဲမှာ၊ငှက်သံနဲ့ အရွက်လေးတွေကြားမှာအေးချမ်းမှုအရသာကစာနဲ့တောင် ဖော်ပြရခက်တယ်။ ဒရာမာတွေကြားထရာမာတွေမရအောင်ကိုယ့်ဘဝကိုယ် မကျေနပ်သူတွေနဲ့အဝေးဆုံးရှောင်။ Phyo Paing @ Derek
နောက် နှစ် ၁၀ နေရင်ဒီနေ့ရဲ့ ငယ်ရွယ်မှုကို ပြန်ပြီး သတိရနေလိမ့်မယ်။ဘဝကို နေ့စဉ် အကောင်းဆုံးအသက်ရှင်။နောင်တမရအောင်နေတတ်တာဘဝရဲ့ပညာပဲ။ နောင်တမရအောင် နေ့စဉ် ပါရမီဖြည့်။ ပါရမီဆိုတာ မြင့်မြတ်သူတို့အလုပ်တဲ့။ တစ်ယောက်နဲ့တစ်ယောက်ရဲ့ ဦးစားပေး priority တော့တူချင်မှတူလိမ့်မယ်။ ကျွန်တော့်အတွက်ကတော့ ပထမ ငါးခုကတော့ အပြည့်ဖြည့်နိုင်တယ်လို့ထင်တယ်။ ကျန်တဲ့ ငါးခုကတော့ ကြိုးစားတုန်း။ ပညာ ပါရမီ = အမှန်တိုင်းသိခြင်းအဓိဋ္ဌာန ပါရမီ = ခိုင်မာသော ဆုံးဖြတ်ချက်ရှိခြင်း။ဝီရိယ ပါရမီ = ဇွဲလုံ့လကြီးခြင်း။သစ္စာ ပါရမီ = မှန်ကန်ခြင်း။ဥပေက္ခာ ပါရမီ= ချစ်ခြင်း မုန်းခြင်း၊ ဆင်းရဲ ချမ်းသာကို ဂရုမထားဘဲ သင့်တင့်စွာ ဆင်ခြင်ခြင်း၊ သီလ ပါရမီ = ကိုယ်ကျင့်တရားကောင်းခြင်း။ဒါန ပါရမီ = ပေးကမ်းစွန့်ကြဲလှူဒါန်းမှု (သို့)
တစ်ယောက်နဲ့တစ်ယောက်ရဲ့
ဦးစားပေး priority တော့တူချင်မှတူလိမ့်မယ်။ Read More »
“အ” သုံးလုံးတွေကွာလို့ ဘဝတွေ ကွာကြတယ်။ အာရုံပြုတဲ့အရာပေါ်မူတည်ပြီးအတွေးဖြစ်တယ်။ အတွေးပေေါ်မူတည်ပြီး အလုပ်ဖြစ်တယ်။ လုပ်ရပ်ပေါ်မူတည်ပြီးရလဒ်တွေကွာတယ်။ အာရုံ၊ အတွေး၊ အလုပ်ဒီ “အ” သုံးလုံးကြောင့်ဘဝတွေ ကွာသွားတယ်။ Phyo Paing @ Derek
၁။ ကျန်းမာကြံ့ခိုင်ရေး ၂။ အလုပ်အကိုင်၊ ငွေရေးကြေးရေး၃။ သားသမီး၊ အိမ်ထောင်အချစ်ရေး၄။ ပေါင်းသင်းဆက်ဆံရေး၅။ စိတ်အေးချမ်းရေး ၆။ ဘဝနောက်တစ်ဆင့်တိုးတက်ပြောင်းလဲရေး ၇။ သံသရာထဲကလွတ်မြောက်ရေး Phyo Paing @ Derek
အသက်ရှူနေတဲ့လေလောက်ဘယ်အရာမှ တန်ဖိုးမကြီးဘူး။ဒါမရှိရင် အသက်ငင်နေရမှာ။ သောက်နေတဲ့ရေကလဲ တန်ဖိုးကြီးတယ်။ ဒါမရှိရင် အသက်မရှိနိုင်ဘူး။ ဘဝမှာ ကျေးဇူးတင်တတ်မယ်ဆို သဘာဝတရား ရှင်သန်မှုဖြစ်စဥ်မှာ ကျေးဇူးတင်လို့ရတဲ့အရာတွေရှိပါသေးတယ်။ လူ့လောကထဲရောက်လာရင်ကို ကိုယ်ဒုက္ခ၊ စိတ်ဒုက္ခတော့အနည်းနဲ့ အများရှိကြမှာပဲ။ စိတ်မထားတတ်လေလေစိတ်ဒုက္ခပိုများလေလေ။ အသက်ရှူမဝလို့အသက်ငင်နေတဲ့သူတွေ၊ ကိုယ့်လက်မှာ အသက်ကယ်ပေးရင်းသေဆုံးသွားတဲ့သူတွေ၊ ရောဂါကြောင့် နေဝင်ချိန်ကိုအားငယ်စွာနဲ့ စောင့်နေတဲ့သူတွေနဲ့ကြုံဆုံခဲ့တဲ့ အတွေ့အကြုံကလောကအမြင်ကို အကြီးအကျယ်ပြောင်းစေတယ်။ အခုရှူနေတဲ့လေ၊ သောက်တဲ့ရေရှိနေတာကလဲကျေးဇူးတင်တတ်ရင်ကျေးဇူးတင်လို့ရပါတယ်။ ကောင်းကင်ပေါ်ပျံမှမဟုတ်ဘူး၊မြေကြီးပေါ်မှာ လမ်းလျှောက်နေနိုင်တာလဲအံ့ဖွယ်တစ်ခုပဲလို့ဆရာတော် သစ်နော့ဟန်ကဆိုခဲ့တယ်။ လေယာဥ်ပျံစီးတာများတော့ကောင်းကင်ပေါ်ပျံတာက အဆန်းလို့ မခံစားရတော့ဘူး။ သောက်သုံးရေပုံမှန်ရှိနေတော့သောက်သုံးရေရှိတာ အဆန်းလို့မခံစားရတော့ဘူး။ ရှူစရာလေကောင်းလေသန့်ရှိနေတာပုံမှန်ဆိုတော့အဆန်းလို့ မခံစားရတော့ဘူး။ တခြားသူတစ်ယောက်ရဲ့ဘဝကကိုယ့်ရဲ့အိမ်မက်ဖြစ်နေနိုင်သလိုကိုယ့်ဘဝကလဲ တခြားသူတစ်ယောက်ရဲ့အိမ်မက်ဖြစ်နေနိုင်တယ်။ ဘဝမှာ ကိုယ့်ဘဝကိုယ်စိတ်တိုင်းကျချင်ရင်ကျေးဇူးတင်စိတ်လေးနဲ့စကြည့်ကြည့်ပါ။ ကိုယ့်မိဘ၊ ဆွေမျိုး၊ သားသမီး၊ သမီးရည်းစားလင်မယား၊ အပေါင်းအသင်း၊ စားနေရတဲ့ဆန်စပါးစိုက်ပျိုးပေးတဲ့တောင်သူကြီးများအစရှိသည်ပေါ့။ Phyo Paing @ Derek
လူတိုင်းက တစ်နေ့သေမှာပဲ။ သိပြီးသေမှာနဲ့၊ မသိဘဲသေသွားမှာပဲရှိတာ။ သေတဲ့အခါ အသက် ၈၂ နှစ်လောက်များနေခဲ့ရမယ်ဆို ရက်ပေါင်း ၃ သောင်းပတ်ခြာလည်ဒီဘဝမှာ ငါလူဖြစ်ရကျိုးနပ်ခဲ့လား။ ဒီမေးခွန်းအတွက် အဖြေကအရေးကြီးတယ်လို့ထင်တယ်။ ကိုယ်သွားချင်တဲ့ ကမ္ဘာ့ရဲ့နေရာတွေသွားကြည့်ခဲ့မယ်။ကိုယ်သိချင်တဲ့အရာတွေကို လေ့လာခဲ့မယ်။ ကိုယ်တွေ့ကြုံချင်တဲ့ အတွေ့အကြုံတွေကို ရယူခဲ့မယ်။ကိုယ်မျှဝေချင်တဲ့အရာတွေကိုပြန်လည်မျှဝေပေးခဲ့မယ်။ ဘဝကို လက်ဗလာနဲ့အားလုံးနှုတ်ဆက်ကြတဲ့အခါလူဖြစ်ရကျိုးနပ်ဖို့လိုတယ်။ Phyo Paing @ Derek
အရှေ့အရပ်ကို သွားမယ်ဆိုပြီးတခြားအရပ်ကိုပြေးနေလို့မရဘူး။ ကိုယ်နေ့စဉ်လုပ်နေတဲ့ “လုပ်ရပ်” ကကိုယ်ရေရှည်ရချင်တဲ့ “ရလဒ်” ကိုရဖို့နေ့စဉ် အထောက်အပံ့ပြုနေဖို့လိုတယ်။ ဒီချိတ်ဆက်မှုကို ရှာဖွေတာက ပညာပဲ။ ပုံမှန်မပျက်လုပ်ဆောင်တာ ဝိရိယပဲ။ ကိုယ့်ကိုကိုယ်ပြန်မေးကြည့်။ ကိုယ်နောက် ငါးနှစ်ဖြစ်ချင်တဲ့ ရည်မှန်းချက်ပန်းတိုင်တွေရောက်ဖို့ ဒီနေ့လုပ်နေတဲ့အလုပ်ရဲ့ရာခိုင်နှုန်းဘယ်လောက်က အထောက်အကူပြုမလဲ။ အထောက်အကူပြုမည့် ရာခိုင်နှုန်းနည်းတယ်ဆို ဘယ်နေရာတွေသွားလေ့လာဖို့လိုမလဲ။ဘာအိုင်ဒီယာတွေ သွားလေ့လာဖို့လိုမလဲ။ဘယ်သူတွေနဲ့တွေ့ဖို့လိုမလဲ။ ဘာအသစ်တွေထပ်လုပ်ဖို့လိုမလဲ။ ဒီမေးခွန်းတွေက အဖြေရနိုင်တယ်။ ကိုယ့်လုပ်ရပ်တိုင်းက ကိုယ်လိုချင်တဲ့ရလဒ်ရဖို့အထောက်အပံ့ပြုဖို့ အရေးကြီးတယ်။ Phyo Paing @ Derek
ကိုယ်ဘာလိုချင်သလဲသေချာရှင်းရှင်းလင်းလင်းသိဖို့နဲ့ ကိုယ်လိုချင်တာကို ရအောင်ယူနိုင်စွမ်းရှိဖို့လိုတယ်။ ဒါမှမဟုတ် မယူနိုင်ရင်လဲ စိတ်လျော့ပြီးရောင့်ရဲတတ်ဖို့လိုတယ်။ Phyo Paing @ Derek
အသက်ကြီးလာတာနဲ့အမျှကိုယ့်ကိုကိုယ်ဘယ်လိုစိတ်ချမ်းသာအောင်ထားရမလဲပိုပိုနားလည်လာတယ်။အဲ့ဒါအရေးကြီးတယ်မဟုတ်လား။ Phyo Paing @ Derek
အနာဂတ်ပြဿနာကို ကြိုတင်ဖြေရှင်း။ တချို့ပြဿနာတွေကဖြစ်တဲ့အချိန်မှ ဖြေရှင်းရင်အချိန်ပိုကြာတယ်။ ပျက်ပြီးမှ ပြင်ရင်အချိန်ပိုကြာတယ်။ ဒါကြောင့် ပြဿနာအများစုမဖြစ်ချင်ကတည်းက ကြိုတင်အဖြေရှာတာပိုကောင်းတဲ့အကျင့်တစ်ခုပဲ။ ဒီလိုလုပ်ဖို့ အနာဂတ်ကိုကြိုတင်ခန့်မှန်းထားဖို့လိုတယ်။ ဒီလိုကြိုတင်ခန့်မှန်းနိုင်ဖို့ကိုယ့်သမိုင်း၊ တချို့သူတွေရဲ့သမိုင်းကိုပြန်ကြည့်ဖို့လိုလာတယ်။ သေချာတယ် အနာဂတ်မှာ အားလုံး အိုကြမှာပဲ။ဒီနေ့က အသက်အငယ်ဆုံးနေ့။မှန်ကြည့်တိုင်း ရုပ်ရင့်လာမှာပဲ။နာကြမှာပဲ။ ဖျားမယ်၊ အရိုးအဆစ်တွေမသန်းတော့ဘူး။ဂရုမစိုက်ရင် နာတာရှည်ရောဂါဖြစ်နိုင်တယ်။သေကြမှာပဲ။ သေဖို့မကျင့်ထားရင် အသက်ထွက်မှရုန်းရင်းဆန်ခတ်ဖြစ်နေမယ်။ ဘာသာတရား သို့ ကိုယ်ယုံကြည်တဲ့အဓိပ္ပာယ်တစ်ခုခုလိုတယ်။ ဒီနေ့မှာ အဆင်ပြေနေတိုင်းမနက်ဖြန်မှာ အဆင်ပြေဖို့မသေချာဘူး။ ဒီလို အခက်အခဲတွေအတွက်ကြိုတင်အဖြေရှာထားဖို့လိုတယ်။ ဆေးကျောင်းတက်နေရင်းနဲ့ငါ ကျောင်းပြီးလို့ ဆေးကုတဲ့အလုပ်မလုပ်ဖြစ်ရင်ဘာလုပ်မလဲ။ တခြားပညာရပ်တစ်ခုကို အသက်မွေးမှုအနေနဲ့ပြန်လေ့လာရမယ်။ဒီတော့ ဆေးကျောင်းတက်ရင်းသင်ယူမှုမြန်နှုန်းမြင့်အကြောင်း accelerated learning ကို လေ့လာထားမယ်။ အဲ့လိုပဲ အလုပ်သင်ဆရာဝန်လုပ်နေရင်းငါနောက်နှစ်ဆို ဘွဲ့ရပြီ။ဘွဲ့ရပြီး ဆေးကုတဲ့အပိုင်းမသွားရင်ငွေရှာဖို့အခြေကျတဲ့လုပ်ငန်းလုပ်ရမယ်။ဒါနဲ့ Getmebook linux tablet တွေစရောင်းတယ်။ iPhone Software တွေ freelance လုပ်တယ်။အဲ့ခေတ်က
ပိုကောင်းတဲ့ဘဝတည်ဆောက်ဖို့
အနာဂတ်ပြဿနာတွေကို
ကြိုတင်အဖြေရှာဖို့လိုတယ်။ Read More »
