ငယ်ငယ်ကဆို ကိုယ်သဘောမကျတဲ့စာအုပ်မဖတ်ဘူး။ အခုတော့ ကိုယ်သဘောမကျဘူး၊အတွေးအခေါ် မတူဘူး။ ဖတ်ကြည့်တယ်။ ကိုယ့်အတ္တကို ဘယ်လောက်ထိလျော့ပြီးသူ့အမြင်ကို နားလည်ပေးနိုင်လဲပေါ့။ အတ္တဆိုတာ အနတ္တကို မသိခင်ဖြစ်တဲ့မာန်မာနလေးပေါ့။ Phyo Paing @ Derek
လူ့အဖွဲ့အစည်းက ခင်ဗျားကိုသူတို့ရဲ့အထင်အမြင်တွေနဲ့ဘာလုပ်လို့ရတယ်၊ဘာလုပ်လို့မရဘူး၊ဘောင်ခတ်ကြလိမ့်မယ်။ သူတို့ရဲ့ ပေတံနဲ့ ခင်ဗျားကိုတိုင်းတာကြလိမ့်မယ်။ ခင်ဗျားဘဝကို သူတို့ဘဝလိုထင်ပြီး မတောင်းခံပဲအကြံဥာဏ်တွေပေးဝေဖန်မှုတွေ ပြုလုပ်လိမ့်မယ်။ ခင်ဗျားဆွဲနေတဲ့ ပန်းချီကားရုပ်လုံးမပေါ်သေးတဲ့အချိန်အားပေးမှုတွေထက်သံသယမျက်လုံးတွေနဲ့ ကြည့်လိမ့်မယ်။ဘယ်အချိန်ထိ ဇွဲကောင်းမလဲရပ်သွားတဲ့အချိန်ကိုစောင့်ကောင်းစောင့်နေလိမ့်မယ်။ ခင်တယ်လို့ပြောပြီးတခြားသူတွေ ဟားတိုက်တဲ့အခါကြိတ်ပြီး ပွဲကြည့်ချင်စိတ်လေးတွေဖြစ်ကောင်းဖြစ်လိမ့်မယ်။ ဒါကတော့ ရွာထဲမှာ ဖြစ်နေကျပဲ။ ဒါကြောင့်ဘောင်တွေခတ်ထားတဲ့ရွာကနေ အပြီးထွက်ခဲ့တယ်။ ရွာပြင်မှာ လေကောင်းလေသန့်တွေရတယ်။ ကိုယ့်ဘဝဥပဒေသကိုယ်ဖန်တီးချင်တဲ့ ပန်းချီကားကိုယ်ဖန်တီးလို့ရတယ်။ လူတွေရဲ့ ခေါင်းထဲထည့်ထားတဲ့အသိဥာဏ်တွေ မတူဘူး။စဥ်းစားတွေးခေါ်နိုင်တဲ့ဥာဏ်ရည်တွေမတူဘူး။လေ့လာသင်ယူနိုင်စွမ်းတွေမတူဘူး။ဇွဲနဲ့ စိတ်ရှည်မှုတွေ မတူဘူး။ရူးသွပ်မှုတွေမတူဘူး။ တချို့တွေက ဘဝကိုဖြတ်သန်းဖို့လမ်းတစ်လမ်းပဲမြင်တယ်။တချို့က နှစ်လမ်းမြင်တယ်။တချို့က သုံးလေးငါးလမ်းမြင်တယ်။ ဘဝမှာ ကိုယ်လိုချင်တဲ့ဘဝကိုယ်ဖန်တီးဖို့အမြင်ကျဥ်းတဲ့သူတွေရဲ့ဘောင်ခတ်ခြင်းကို မခံရဖို့သတိပြုဖို့လိုတယ်။ အမြင်ကျဥ်းတဲ့လူတွေ ဥဦးဆောင်တဲ့နိုင်ငံ၊အဖွဲ့အစည်း၊ လုပ်ငန်းတွေဘယ်လိုဖြစ်နေလဲ အားလုံးအတွေ့ပဲ။ အမြင်ကျဥ်းတဲ့လူက အငြင်းသန်တယ်။အမြင်ကျဥ်းတဲ့သူက လူတွေကိုနားမလည်ပေးနိုင်ဘူး။အမြင်ကျဥ်းတဲ့သူက တစ်ဖက်ပိတ်။အမြင်ကျဥ်းတဲ့သူက ဘဝမှာ နေမပျော်ဘူး။ Phyo Paing @ Derek
ပဲဆီသန့်၊ နေကြာဆီသန့်၊အော်ဂင်းနစ်၊ FDA ရပြီးသား။ ကိုယ့်ကျန်းမာရေးနဲ့ ပတ်သက်လာရင်“ပါးစပ်”ထဲ ထည့်တဲ့ အစားအသောက်တွေကို ဂရုစိုက်တတ်ကြတယ်။ “မျက်လုံး”၊ “နား”၊ “နှာခေါင်း”၊ “လျှာ”၊ “ခန္ဓာကိုယ်”ဒီခန္ဓာကိုယ် အစိတ်အပိုင်းတွေနဲ့ ထိတွေ့တဲ့အရာတွေကလဲ အစာတွေပဲ။ မမြင်အပ်၊ အကြားအပ်တဲ့ အရာတွေသတင်းတွေ၊ အဖျင်းတွေကို မျက်လုံးနဲ့ မထိတွေ့အောင် ရှောင်တာ၊ဒါကလဲ စိတ်နဲ့ ကိုယ်ကျန်းမာရေးအတွက် အရေးကြီးတယ်။ သူများမကောင်းကြောင်းလာပြောတဲ့အခါစကားလွဲတာ၊ နားမထောင်တာမျိုးကလဲစိတ်နဲ့ ကိုယ်ကျန်းမာရေးအတွက် အရေးကြီးတယ်။ နှာခေါင်း၊ လျှာ၊ ခန္ဓာကိုယ် အထိအတွေ့မှာမူးယစ်စေပြီး ဘဝပျက်စေမည့်အရာတွေကို ရှောင်ရှားတာကလဲ စိတ်နဲ့ကိုယ်ကျန်းမာရေးအတွက်အရေးကြီးတယ်။ Phyo Paing @ Derek
ဘဝက ဗျာဆန် + အုန်းသီး + ကြက်ဥပေးထားတယ်ဆိုပါတော့မီးဖိုချောင်မှာ ကိုယ်ဘယ်လိုလုပ်မလဲ။ တစ်ယောက်က ကြက်ဥပြုတ်၊ထမင်းနဲ့ စားရင်စားမယ်။ တစ်ယောက်က ထမင်းနဲ့ ကြက်ဥရောကြော်ပြီး စားရင်စားမယ်။ တချို့က အုန်းထမင်းလုပ်၊ကြက်ဥပေါင်းလေးနဲ့ စားရင်စားမယ်။ တခြား မတူညီတဲ့ ပေါင်းစပ်လို့ရတဲ့အရာတွေ အများကြီးရှိသေးတယ်။ တကယ်လို့ ကိုယ်ကမချက်တတ်ခဲ့ရင်ချက်တတ်တဲ့သူငယ်ချင်းတွေကိုအုန်းထမင်းလုပ်စားရအောင်၊ငါအုန်းသီး၊ ထမင်းနဲ့ ကြက်ဥတွေရှိတယ်။နင်တို့ဘာတွေယူခဲ့မလဲအဲ့လိုစီစဥ်လိုက်တာလဲ ဖြစ်ရင်ဖြစ်မယ်။ ကိုယ့်ဘဝလဲ အဲ့လို ပဲဖြစ်နိုင်တယ်။ ကိုယ့်မှာရှိထားတဲ့ ဘဝပေးထားချက်တွေချရေးကြည့်လိုက်။နောက် ဘာတွေ ပေါင်းစပ်လို့ရမလဲစဥ်းစားကြည့်။ ဒါကို Creative Thinking လို့ခေါ်တယ်။ ဥပမာ ကျွန်တော့်အနေနဲ့ စဥ်းစားကြည့်တယ်။ ကိုယ်ပြောတဲ့ ဘာသာစကားဘဝအတွေ့အကြုံလုပ်နေတဲ့ အလုပ်တွေ ပေါင်းစပ်လိုက်တဲ့အခါကိုယ် ဘယ်လို လူမျိုးဖြစ်နိုင်သလဲ။ ဘဝပေးထားတဲ့ ပြဿနာတွေကိုအကောင်းဆုံး မတူတဲ့ပုံနဲ့ဖြေရှင်းဖို့ Creative Thinking လိုတယ်။ သူများတွေ လုပ်နေတဲ့ ပုံစံတစ်သွေမသိမ်း
တခြား မတူညီတဲ့ ပေါင်းစပ်လို့ရတဲ့
အရာတွေ အများကြီးရှိသေးတယ် Read More »
ဘဝမှာ ထိန်းချုပ်လို့ရတာနဲ့ထိန်းချုပ်လို့မရတာရှိတယ်။ဒါကြောင့် ကိုယ့်တာဝန်ဖြစ်တဲ့၅၀% ကို အပြည့်ယူဖို့လိုတယ်။ ဒီလိုလေးစဉ်းစားလို့ရမလားမသိဘူး။C. Ronaldo က ဘောလုံးမှာသူ့ကျွမ်းကျင်မှုကို မေးခွန်းထုတ်ဖို့မလိုအောင်အားလုံးအသိအမှတ်ပြုကြတယ်။အဲ့လိုကျွမ်းကျင်အောင်လဲဘယ်လိုလေ့ကျင့်လဲ အားလုံးသိပြီးသားပဲ။သူ့ကိုကြိုက်တာ မကြိုက်တာမက်ဆီနဲ့နှိုင်းယှဉ်တာက တစ်ပိုင်းပဲ။ ဘောလုံးက team sports ဖြစ်တဲ့အတွက်ကမ္ဘာ့ဖလားရ၊ မရကတော့သူ့ထိန်းချုပ်မှုအောက်မှာ အကုန်မရှိဘူးလို့သေချာတွေးကြည့်ရင် စဉ်းစားလို့နိုင်လောက်တယ်။ အဓိကပြောချင်တာကကိုယ့်တာဝန် ၅၀% ကို အပြည့်ယူပြီးကျန်တဲ့ ၅၀% ကို ကံတရားကအဆုံးအဖြတ်ပေးတာကို လက်ခံလိုက်တာကောင်းတယ်လို့ထင်တယ်။ Phyo Paing @ Derek
ဘဝမှာ ထိန်းချုပ်လို့ရတာနဲ့
ထိန်းချုပ်လို့မရတာရှိတယ် Read More »
ကျွန်တော့်ဘဝရဲ့ အောင်မြင်မှုဆိုတာကိုယ်နေချင်တဲ့ ဘဝနေထိုင်မှုပုံစံအတိုင်းနေ့တိုင်းဖြတ်သန်းနေရတာပဲ။ Spirituality ဆိုတာ ဘဝမှာစိတ်နဲ့ ခန္ဓာ alignment ညီတာကိုခေါ်တယ်လို့ကိုယ့်ကိုကိုယ် အဓိပ္ပာယ်ဖွင့်ထားတယ်။ Phyo Paing @ Derek
အလုပ်အပေါ်ထားတဲ့ စိတ်နေသဘောထားသေလောက်အောင် အရေးကြီးတယ်။ ဒါကို Work ethics လို့ခေါ်တယ်။ လူတစ်ယောက် အလုပ်လုပ်တဲ့ပုံကြည့်ကြည့်သူ့ဘဝလဲ အဲ့လိုပဲဖြစ်တတ်တယ်။ ဘာကြောင့်လဲဆိုတော့ How you do anything is how you do everything. Phyo Paing @ Derek
တခါတလေ ကိုယ်လိုချင်နဲ့ output ရလဒ်တွေကိုအာရုံစိုက်သလိုနေ့စဉ် input တွေကို အာရုံစိုက်ဖို့လဲအရေးကြီးတယ်။ ပေါင် ၃၀ ချချင်တယ်ဆိုတာ Output. နေ့စဉ် လေ့ကျင့်ခန်းလုပ်၊အစားအသောက်ကောင်းကောင်းရွေးချယ် စားတယ်ဆိုတာ Input. Phyo Paing @ Derek
လူတွေဒီနေ့ရောက်နေတဲ့နေရာကကိုယ့်ဘဝရဲ့ ရွေးချယ်မှုတွေရဲ့ရလဒ်ပဲ။ဒါကြောင့် ဘယ်သူမှ အပြစ်တင်နေလို့မရဘူး။ ပြီးခဲ့တာပြီးပြီ။ အတိတ်ကို အနာဂတ်အတွက်ဆုံးဖြတ်ခွင့်မပေးနဲ့။ လူတွေမမှတ်မိလောက်အောင် တိုးတက်ပြောင်းလဲချင်ရင်အတိတ်က ကိုယ့်ကိုကိုယ် ပြန်မေ့ဖို့လိုတယ်။ Phyo Paing @ Derek
