ကိုယ့်ကိုကိုယ် သဘောကျ ဂုဏ်ယူဖို့က သူများတွေ သဘောကျအားကျဖို့ထက် ပိုအရေးကြီးတယ်။ ဒါကြောင့် ပထမအဆင့်က လူတွေ သဘောကျကျ မကျကျထမင်းစားနိုင်ဖို့ ငွေရှာ၊ ငွေစု၊ ငွေပွါး။ပြီးရင် ကိုယ်ကြိုက်တာကိုယ်လုပ်။ ကိုယ်ကြိုက်တာ သူများကြိုက်ပြီးအသက်မွေးလို့ ရရင်ဘဝက နေပျော်သွားပြီ။ အသက်ရှင်ပြီး အသက်ဝင်လာလိမ့်မယ်။ Phyo Paing @ Derek
တချို့တွေက မွေးကတည်းကခြေမွေးမီးမလောင် လက်မွေးမီးမလောင်။ တချို့တွေက မွေးကတည်းကရုန်းကန်တာ ထုံးစံ။တချို့တွေက တစ်ခုခုဆို တစ်ခါတည်းနဲ့ အောင်မြင်သွားတာနည်းတယ်။တချို့တွေက သူများမကြုံဖူးတဲ့ပြဿနာတွေ တစ်ခုပြီးတစ်ခု။ တချို့က သူ့မှာ အထောက်အပံအမြဲရှိတယ်။တချို့က လူချစ်လူခင်များ ကူညီဖေးမမည့်သူရှိတယ်။တချို့က မွေးရာပါ သူများနဲ့မတူလုပ်မှ အောင်မြင်တယ်။တချို့က သူများထက် ကောင်းအောင်လုပ်မှအောင်မြင်တယ်။ လူတွေမှာ မွေးရာပါ ကံတွေမတူကြဘူး။ ဒီဘဝတစ်ခုရဲ့ ကံတွေကို နက္ခအမျိုးမျိုးနဲ့ကြည့်လို့ရတယ်။ဂြိုလ်တွေနဲ့ အကောင်းအဆိုးအကြမ်းဖျင်းတော့ ပြောပြလိမ့်မယ်။ အကောင်းဆုံးနည်းတစ်ခုက ကိုယ့်ဘဝရဲ့ ပေးထားချက်ကိုနားလည်ဖို့ပဲ။ ကိုယ့်ဘဝ ပေးထားချက်ကိုနားလည်ဖို့ထပ်ခါထပ်ခါ ဖြစ်တတ်တဲ့ pattern ပက်တမ်တွေကိုသတိပြုမိဖို့ အရေးကြီးတယ်။ ပြီးရင် ကိုယ်တိုင် အတွေးအခေါ်၊ လောကအမြင်နဲ့ ဥပဒေသထုတ်နိုင်ဖို့အရေးကြီးတယ်။ ပြီးရင်ကိုယ့်ရဲ့ Talent မွေးရာပါပါရမီPassion ဝါသနာSkill ကျွမ်းကျင်မှုValue တန်ဖိုးထားမှုPurpose ရည်ရွယ်ချက်Network အပေါင်းအသင်း အသိုင်းအဝိုင်းပြီးရင် ကိုယ်ဖြေရှင်းပေးမည့် တခြားသူတွေရဲ့Needs လိုအပ်ချက်Wants
ကိုယ်ဘာလိုချင်လဲသေချာသိတာ ပညာရှိ။လိုချင်တာရအောင်လုပ်နိုင်တာ လူတော်။ လိုချင်တာမရလို့ ဘေးထိုင်ဘုပြောတာ လူညံ့။လိုချင်တာရဖို့ အတ္တကိုဘေးချပြီးအချိန်ကောင်းကို စိတ်ရှည်ရှည်စောင့်တစ်ဆင့်ချင်းရောက်အောင်သွားတာ လူလိမ္မာ။ လိုချင်တာ သူတပါးဒုက္ခရောက်အောင်မသမာနည်းနဲ့ရအောင်လုပ်တာလူယုတ်မာ။ Phyo Paing @ Derek
ကျွန်တော်ဘာလုပ်ချင်သလဲ။ စိတ်ဝင်စားတာတွေ လေ့လာချင်တယ်။ စမ်းသပ်ချင်တယ်။ ဒါကို ပြန်လည်မျှဝေချင်တယ်။ Learn, Experiment, Share ပေါ့. ကျွန်တော်ဘာရချင်သလဲ။ တိုးတက်မှုရချင်တယ်။ လွတ်လပ်မှုရချင်တယ်။ ပိုက်ဆံပွါးများချင်တယ်။ သူများကို ကိုယ်သိထားတာနဲ့ ပြန်ကူညီပေးချင်တယ်။ တိုးတက်ရင်”တော်”လာတယ်။လွတ်လပ်မှုရရင်”ပျော်”တယ်။ ပိုက်ဆံများရင် “ပွါး”လာတယ်။ သူများကို ကူညီ”ပေး”ဆပ်တာက ပါရမီဖြည့်တာ။ ဒါက “တော်၊ ပျော်၊ ပွါး၊ ပေး”။ ကျွန်တော်ကတော့ ကိုယ့်ဘဝကိုယ်ကျေနပ်တယ်။ Phyo Paing @ Derek
လုပ်ချင်တာလုပ်ပြီး
ရချင်တာ ရနေတာ အောင်မြင်မှုပဲ။ Read More »
ကျန်းမာချင်ရင် ကျန်းမာတဲ့အသိုင်းအဝိုင်းထဲသွား။သူတို့လို တွေး၊ ကြံ၊ လုပ်။ ချမ်းသာချင်ရင် ချမ်းသာတဲ့အသိုင်းအဝိုင်းထဲသွား။ သူတို့လို တွေး၊ ကြံ၊ လုပ်။ ပညာတတ်ချင်ရင် ပညာတတ်တဲ့အသိုင်းအဝိုင်းထဲသွား။ သူတို့လို တွေး၊ ကြံ၊ လုပ်။ တိုင်ပတ်ချင်ရင် တိုင်ပတ်တဲ့အသိုင်းအဝိုင်းထဲသွား။ သူတို့လို တွေး၊ ကြံ၊ လုပ်။ တိုင်ပတ်တာက ရှာစရာမလိုဘူး။ ကောင်းတာက တကူးတက ရှာရတယ်။ ဘာကြောင့်ဆို အလိုလိုပေါက်တာ မြက်ပင်များတယ်။ Phyo Paing @ Derek
နားလည်မှုက လွတ်မြောက်မှုကိုပေးတယ်။ ကိုယ့်ကိုကိုယ်နားလည်ရင်ကိုယ့်ကိုကိုယ် ဒုက္ခပေးနေတာကလွတ်မယ်။ လူတွေကို နားလည်ရင်လူတွေကြောင့် စိတ်ဆင်းရဲတာကလွတ်မယ်။ သံသရာနားလည်ရင်သံသရာကလွတ်မယ်။ နားမလည်ရင် မှားမယ်။ Phyo Paing @ Derek
စာဖတ်ခြင်း အလေ့အကျင့်ကအမြင်ကျယ်စေတယ်။ လူအများစုက စာမဖတ်တတ်ကြဘူး။ ဒါကြောင့် စာဖတ်ခြင်းအနှစ်သာရကိုမသိဘူး။ စာဖတ်တယ်ဆိုတာ ဦးနှောက်ကို အစာကျွေးတာပဲ။ အတွေးတွေကို တချက်တချက်အလင်းတွေ ဖွင့်ပေးတယ်။ ပြဿနာအများစုရဲ့အဖြေဟာစာအုပ်တွေထဲမှာ ရှိပြီးသား။ ChatGPT နဲ့ AI တွေက ဒါကို ၆ တန်းအရွယ်နားလည်နိုင်တဲ့ဘာသာစကားနဲ့ပြန်ပြောတယ်။ တခါတလေ စာရေးသူသုံးလိုက်တဲ့စကားလုံး၊ စာကြောင်းက အလင်းဖွင့်ပေးတာ။ ဒါပေမယ့် အေအိုင်မှာ ဒီစကားလုံးတွေက ပါချင်မှပါမှာ။ စာဖတ်ခြင်းဟာ စာရေးသူနဲ့စကားပြောခြင်းပဲ။ စာအုပ်တွေမှာတောင်AI-generated, AI-assisted သို့လူရေး အဲ့လိုရှိသေးတာမဟုတ်လား။ စာဖတ်ခြင်းက အရေးကြီးသေးတယ်လို့ထင်တယ်။ အရမ်းတော်တဲ့ အင်္ဂလိပ်အဖိုးကြီးတစ်ယောက်တွေ့ဖူးတယ်။ ကိုယ်နဲ့လဲတော်တော်ခင်တယ်။ သူလုပ်တဲ့အလုပ်အကြောင်းမှာ အကုန်သိတယ်။ တစ်ခုပဲ အလုပ်အပြင်ကို မသိဘူး။ စာဖတ်တာကို မယုံဘူး။ သိချင်ရင် အင်တာနက်မှာရှာလို့ရတယ်။ ကိုယ်ကျွမ်းကျင်တာကိုပဲသိတာကကိုယ့်ကို တခြားနယ်ပယ်တွေကိုမမြင်စေနိုင်ဘူး။ Myopia အမြင်ကျဉ်းစေနိုင်တယ်။ စာဖတ်ခြင်းအတွက် အချိန်ပေးဖို့လိုတယ်။
လူဖြစ်လာရင် တခြားသူပြဿနာတစ်ခုဖြေရှင်းပြီးငွေရှာတယ်။ ဒါကို profession အသက်မွေးမှုလို့ခေါ်တယ်။ ဒီအတွက် Professional development လိုတယ်။ လူတစ်ယောက်က ကိုယ့်ပြဿနာကိုယ်ဖြေရှင်းတတ်ရတယ်။ဒါလုပ်ဖို့ Personal Development လိုတယ်။ ကိုယ့်ပြဿနာကိုယ် မဖြေရှင်းနိုင်ကိုယ့်ကိုကိုယ် စိတ်တိုင်းမကျ။ တခြားသူတွေကိုလဲစိတ်တိုင်းမကျ။ ကိုယ့်အတွက် အကျိုးမရှိတစ်ခုခုဆို လိုက်ငြင်းချင်ဘေးထိုင်ဘုပြော။ ဒါက ကိုယ့်ပြဿနာကိုယ်မဖြေရှင်းနိုင်တဲ့ လက္ခဏာလို့ပြောရင်မှားမယ်မထင်ဘူး။ Phyo Paing @ Derek
ကိုယ့်ပြဿနာကိုယ်
မဖြေရှင်းနိုင်တဲ့ လက္ခဏာလို့ပြောရင်
မှားမယ်မထင်ဘူး။ Read More »
အမြင်မတူရင် အမြင့်မတူဘူး။ လောကအမြင်က အရေးကြီးတယ်။ ကိုယ့်ကိုကိုယ် ကန့်သတ်ထားတဲ့ယုံကြည်မှုတွေ ဒေါက်ဖြုတ်နိုင်ဖို့အရေးကြီးတယ်။ အပြစ်မတင်ဘဲ အဖြေရှာနိုင်စွမ်း၊ ပြိုင်မငြင်းပဲ မေးနိုင်စွမ်း၊ လိုချင်တာရဖို့ နည်းလမ်းရှာနိုင်စွမ်းအရေးကြီးတယ်။ ကိုယ့်ဘဝ ကိုယ်နဲ့ အဓိကဆိုင်တယ်။ Phyo Paing @ Derek
စဉ်းစားနည်း။ အပြစ်မတင်နဲ့ အဖြေရှာ။ ကိုယ့်ကိုကိုယ် မသနားနဲ့။ သူတပါးကို အပြစ်မတင်နဲ့။ ကောက်ချက်ချမစောနဲ့။ ကိုယ့်ဖြေရှင်းမည့်ပြဿနာကို သေချာသိအောင်ဆန်းစစ်။အရင်းအမြစ်ကိုရှာ။ အဖြေရှာဖော်ထုတ်။ ဒါကို အသုံးချ။ ဘဝမှာ ပြဿနာမရှိတဲ့သူမရှိ။ပြဿနာမရှိတဲ့ အဖွဲ့အစည်းမရှိ။ ပြဿနာမရှိတဲ့ နိုင်ငံမရှိ။ နည်းတာနဲ့ များတာကွာမယ်။ လူတစ်ယောက်ရဲ့ တိုးတက်မှုကသူ့ရဲ့ ပြဿနာဖြေရှင်းနိုင်မှုပေါ်မူတည်တယ်။ Phyo Paing @ Derek
လူတစ်ယောက်ရဲ့ တိုးတက်မှုက
သူ့ရဲ့ ပြဿနာဖြေရှင်းနိုင်မှုပေါ်မူတည်တယ်။ Read More »
