ကိုယ့်ကိုကိုယ် သတ်မှတ်ထားတဲ့စည်းကမ်းအတိုင်းနေရတဲ့ခံစားချက်က အရမ်းကောင်းတယ်။မလုပ်ဘူးဆိုတဲ့အရာကို လုံးဝမလုပ်တာ။ဒီနေ့ဒါဖြစ်အောင်လုပ်မယ်ဆိုတာကိုဖြစ်အောင်လုပ်တာ။ ကိုယ့်ကိုကိုယ် ကောင်းအောင်မလုပ်နိုင်ပဲ သူများတွေကိုထိုင်ဟားဖို့ အဆင့်မရှိသေးဘူးလို့ခံယူထားတာပဲ။ မှန်မမှန်တော့ သေချာမသိဘူး။ Phyo Paing @ Derek
“အခြေခံအယူအဆ လွဲမှား” ရာကလာတယ်။ဒါကြောင့် ဗုဒ္ဓက အယူမှားရင်ဒိဋ္ဌိ လို့ဆိုတယ်။အမြင်မမှန်ရင် အမှန်မမြင်နိုင်ဘူး။ လောကကြီးကို တရားတယ်လို့ထင်တာအခြေခံအယူအဆအမှားတစ်ခုဖြစ်နိုင်တယ်။ ယုံကြည်တဲ့အရာကို ခေါင်းမာမာနဲ့လုပ်ရင် နောက်ဆုံးမှာ အောင်မြင်မှုရမယ်လို့ယူဆတာဒါကလဲ အခြေခံယူဆချက်အမှားတစ်ခုပဲဖြစ်နိုင်တယ်။ လမ်းမှားကို သွားနေပြီး ယုံကြည်မှုနောက်လိုက်ရင် လမ်းဆုံးရောက်မယ်ဆိုတာ မဟုတ်မှန်း အားလုံးအသိပဲ။ ကိုယ့်ရဲ့ ယုံကြည်မှုက မှန်မမှန်ပြန်လည်ဆန်းစစ်ဖို့အကောင်းဆုံးနည်းက သွားနေတဲ့လမ်းကအလုပ်ဖြစ်မဖြစ်ပဲ။ Phyo Paing @ Derek
အဲ့လိုစဥ်းစားကြည့်တဲ့အခါ တိုက်ဆိုင်တဲ့ အဖြစ်အပျက်တိုင်းကိုအကောင်းမြင်စိတ်နဲ့ ကျော်လွှားလာနိုင်တယ်။ ဒါကြောင့် ကောင်းတာဖြစ်ဖြစ်၊ ဆိုးတာဖြစ်ဖြစ် တစ်ခုခုဖြစ်လာရင်ငါ့ကို ဘာလုပ်စေချင်လို့ ဒီဖြစ်ရပ် ဖြစ်လာတာလဲလို့ ပြန်မေးပြီးလုပ်သာလုပ်ချလိုက်။ Phyo Paing @ Derek
တချို့လူတွေကိုငယ်ငယ်တုန်းက အမေ၊ အဖေက ကိုယ့်ကို ကောင်းစေချင်တော့အမြဲ ဝေဖန်ခံရတတ်တယ်။ ကောင်းတဲ့အချက်၊ တော်တဲ့အချက်ကိုချီးကျူးလိုက်ရင် စမာန်တက်သွားမယ်ဆိုပြီးကောင်းတဲ့အချက်ကို အသိအမှတ်ပြုတာရှားတယ်။ အသက်ကြီးလာတဲ့အခါ တစ်ခုခုဆို ငါလုပ်လိုက်တာမှားသွားပြီကွာဆိုတဲ့ guilty အပြစ်တင်စိတ်နဲ့ ကြီးပြင်းလာတယ်။ ကိုယ့်ရဲ့ဖြစ်တည်မှုကို ဂုဏ်ယူတတ်တဲ့စိတ်နည်းသွားတယ်။ တစ်ခုခုလုပ်လိုက်ရင် ငါမှားသွားပြီလားမသိဘူး။ငါလုပ်တာပြောတာ မှားသွားပြီလားမသိဘူးဆိုတဲ့အတွေးက အထပ်ထပ် ဒုက္ခပေးတယ်။ ဘဝပျက်တယ်ဆိုတာ အဲ့မှာ စတင်တာပဲ။ ဒီအချက်ကိုပြောင်းလဲနိုင်တဲ့အခါအဲ့အချိန်မှာ၊ အဲ့အသိဥာဏ်နဲ့ အကောင်းဆုံးလုပ်လိုက်တာပဲဆိုတဲ့စိတ်ထားတတ်ဖို့က ဖြေဆေးပဲ။ Phyo Paing @ Derek
Mental Resilience က အခြေနေဆိုးတစ်ခုကနေအံကြိတ်ပြီး ပြန်နိုးထတာ။Mental Toughness က ဘယ်လိုအခြေနေကြုံကြုံအပြုံးမပျက် ရှေ့ဆက်တာ။ စိတ်ဓာတ်ရေးရာ ကြံ့ခိုင်ဖို့Negative emotion အပျက်စိတ်တွေဖြစ်တဲ့ဒေါသ၊ ကြေကွဲ၊ ဝမ်းနည်း၊ အားငယ်၊ သဝန်တို အစရှိတဲ့ စိတ်ခံစားချက်တွေကိုစီမံခန့်ခွဲနိုင်ဖို့လိုတယ်။ ပြဿနာကြုံလာရင် အရာရာပိုကောင်းဖို့ဖြစ်လာတာပါဆိုပြီးသင်ခန်းစာ ယူနိုင်ဖို့Reframing လုပ်တတ်ဖို့ အရေးကြီးတယ်။ အမူအကျင့်သေချာတည်ဆောက်နိုင်ဖို့Habit-forming အမူအကျင့်ဖန်တီမှုနည်းစနစ်တွေကို သိရှိအသုံးချဖို့လိုတယ်။ စည်းကမ်းရှိဖို့လိုတယ်။Self-discipline ဆိုတာ ကိုယ်လုပ်မယ်လို့ဆုံးဖြတ်ထားတဲ့ စည်းကမ်းကိုဖြစ်အောင်လုပ်နိုင်ဖို့လိုတယ်။ စိတ်ကို ချုပ်တည်းနိုင်ဖို့လိုတယ်။ငါဒါမလုပ်ဘူး၊ ဒါကိုရှောင်မယ်ဆိုရင်ရှောင်နိုင်တဲ့ စိတ်စွမ်းအားလိုတယ်။ တစ်ခုခုဆို အရင်ပျော်ရွင်ခံစားချင်တဲ့စိတ်ကို ဖျောက်။ကောင်းတာကို နောက်မှ ခံစားမယ်။အခုတော့ အပင်ပန်းခံလိုက်အုံးမယ်။ဒီလို reward after work စိတ် ထားတတ်ဖို့လိုတယ်။ဒါကို delayed gratification လို့ခေါ်တယ်။ ကိုယ့်ကိုကိုယ် ယုံကြည်မှုရှိဖို့လိုသလိုမလုပ်ဘူး၊ မလေ့လာဖူးတဲ့အရာတွေကိုအကန့်အသတ်မထားပဲပိုနေမြဲ ကျားနေမြဲ ဘောင်ထဲကထွက်နိုင်ဖို့လိုတယ်။ ℙ𝕙𝕪𝕠
Relationship တစ်ခု လတ်ဆတ်နေဖို့ နှစ်ဦးစလုံး နေ့စဥ်ပိုကောင်းတဲ့ version ဖြစ်နေဖို့လိုတယ်။ ဒီလိုဖြစ်ဖို့ နှစ်ဦးနှစ်ဖက်စလုံး ကိုယ့်ကိုကိုယ် နားလည်ဖို့အရေးကြီးတယ်။နောက် ကိုယ့် partner ကို နားလည်ဖို့အရေးကြီးတယ်။ သေချာနားလည်ပြီဆိုရင် သူ့ကို အရှိကို အရှိအတိုင်း လက်ခံနိုင်ဖို့လိုတယ်။ Relationship တစ်ခုမှာ တစ်ယောက်ယောက်က အရင်ကလို အရမ်းကောင်းတဲ့ version မဟုတ်တော့တဲ့အခါကိုယ့်ဖက်က လက်ခံနိုင်မလား အရေးကြီးတယ်။ ယောကျာ်းဆိုလဲ အရင်လို ငွေရှာဖို့ အင်အားတွေမရှိတော့တဲ့အခါ၊ အမျိုးသမီးဆိုလဲ အရင်လိုမလှတော့တဲ့အခါ လက်ခံနိုင်မလား။ အမှန်တော့ relationship ဆိုတာ team building တစ်ခုပဲ။ တန်ဖိုးထားမှုတွေ တူဖို့၊ တူညီတဲ့အနာဂတ်တစ်ခုကို အတူတည်ဆောက်ဖို့တစ်ယောက်နဲ့ တစ်ယောက်နားလည်ဖို့ကလိုတယ်။ ဒါပေမယ့် အလုပ်ခွင်မတူတဲ့အခါ၊ခေါင်းထဲကိုထည့်တဲ့ သတင်းအချက်အလက်တွေမတူတဲ့အခါမြင်တဲ့အမြင်တွေ မတူတဲ့အချိန်တစ်ခု ရောက်လာလိမ့်မယ်။ ဒီလိုမဖြစ်အောင် ပုံမှန်ဆက်သွယ်မှုပြုဖို့လိုသလိုအလုပ်အကြောင်းပြောဖို့လိုတယ်လို့ထင်တယ်။ Phyo
ကိုယ်ထိန်းချုပ်လို့မရတဲ့အရာတွေကိုခဏမေ့ထားလိုက်။ဘဝမှာ ထိန်းချုပ်လို့ရတာ၊ မရတာခွဲခြားသိ။ထိန်းချုပ်နိုင်တာကိုလုပ်။ဒါက စတိုးဝတ်အတွေးအခေါ်ပဲ။ ဥာဏ်ပညာ၊ စောင့်စည်းထိန်းချုပ်မှု၊ကျင့်ဝတ်၊ တရားမျှတမှုတွေကိုတန်ဖိုးထားတယ်။ လွန်ခဲ့တဲ့ နှစ်ပေါင်း ၂၃၅၀ ကဂရိရဲ့ အကြီးဆုံးမြို့ဖြစ်တဲ့ အေသင်မှာ လူတစ်ယောက်ပေါ်ထွန်းလာတယ်။Zeno လို့ခေါ်ပြီး Stoic Philosophy ကိုစတင်ပြီး သင်ကြားပေးခဲ့တဲ့ ပုဂ္ဂိုလ်ဖြစ်တယ်။ အတွေးအခေါ်ပညာ philosophy ရဲ့အင်အားဟာ အင်မတန်ကြီးပါတယ်။အေသင်မြို့ဆိုတာ ဒီနေ့ခေတ်ကျွန်တော်တို့တန်ဖိုးထားတဲ့ ဒီမိုကရေစီစတင်ပေါ်ထွန်းရာနေရာဆိုလဲ မမှားပါဘူး။ ဒီ Stoic philosophy ကိုမိတ်ဆက်လာရာကဘုရင် (အင်ဘာယာ)ဖြစ်တဲ့ Marcus Aurelius ကစလို့ ကျေးကျွန်ဖြစ်တဲ့ Epictetus အပြင်ဘုရင့်အကြံပေးဖြစ်တဲ့ Seneca အစရှိတဲ့ Stoic အတွေးအခေါ်ပညာရှင်တွေက ဒီအတွေးအခေါ်ကို ဖန်တီးလာခဲ့တယ်။ ဝမ်းနည်းစရာကောင်းတာက ဒီနေ့ခေတ်မှာ ကျန်ရှိတဲ့ Stoic philosophy ကိုရေးထားတဲ့ စာတွေက နှစ်ရာခိုင်နှုန်းအောက်မှာပဲ ရှိတော့တယ်။ ဒီမိုကရေစီရဲ့ အင်အားလိုပဲဒီ
တချို့က ဘယ်အလုပ်လုပ်ရင်ချမ်းသာမလဲလို့စဥ်းစားတယ်။တချို့က လုပ်တဲ့အလုပ်ကိုချမ်းသာအောင် ဘယ်လိုလုပ်မလဲစဥ်းစားတယ်။ တချို့က ငါဒါကို ဘာလို့မတတ်နိုင်သေးတာလိမ့်လို့ စဥ်းစားတယ်။တချို့က ငါဒါကို ဝယ်နိုင်အောင်ဘယ်လိုလုပ်မလဲ စဥ်းစားတယ်။ စဥ်းစားပုံအရေးကြီးတယ်။လေ့လာတာမြန်ဖို့လိုတယ်။ဒီနေ့ခေတ် ဥာဏ်နည်းရင်ပိုဒုက္ခရောက်လိမ့်မယ်။ သူများယောင်တိုင်းလဲ လိုက်မယောင်နဲ့။ရှေ့က ပြေးသွားတဲ့သူတွေနောက်လိုက်ရင်နောက် ဖုန်ပဲရှူနေရလိမ့်မယ်အားတီ၊ အားမေတို့။ Phyo Paing @ Derek
လူတွေကို ကူညီပါ။ ဒါက အောင်မြင်ရေး formula ပဲ။ လူတွေဆီက ပိုယူဖို့ထက်ကိုယ့်ဖက်က ပိုပေးဖို့စဥ်းစားတဲ့အခါလူတွေက ကိုယ့်ကို ပိုယုံကြည်မယ်။ ဒီတော့ ကိုယ့် service ကိုကိုယ့်မျက်နှာကြီးနဲ့ Facebook မှာ boost လုပ်စရာမလိုတော့ဘူး။ အကြံပေး service နဲ့ ပတ်သက်လို့Facebook မှာ ဘယ်တုန်းကမှBoost လုပ်ပြီး မကြော်ငြာဖူးဘူး။ကြော်ငြာမရေးဖူးဘူး။ ဒါပေမယ့် အမြဲပြည့်နေတယ်။ ဘာကြောင့်လဲ ကိုယ့်ကိုကိုယ် ပြန်စဥ်းစားကြည့်တော့ အဖြေက စေတနာဆိုတာ သွားတွေ့တယ်။ လူတွေဆီက ယူတာထက် ပိုပေးဖို့ ကြိုးစားကြည့်ပါ။ ကိုယ့်ရဲ့ အလုပ်အကိုင် ပိုတိုးတက်လာလိမ့်မယ်။ Phyo Paing @ Derek
ကိုယ်လိုချင်တာ ဘာမဆိုဖြစ်နိုင်တယ်။ဒါကို ဘာသာတရားတစ်ခုလိုယုံကြည်နေဖို့ အရေးကြီးတယ်။ ကိုယ်လိုချင်တဲ့ ခန္ဓာကိုယ်ပုံစံ၊ ဥာဏ်ရည်၊ ဘဝနေထိုင်မှုပုံစံ၊ ငွေရေးကြေးရေး အကုန်ဖြစ်နိုင်တယ်လို့ယုံကြည်ထားဖို့လိုတယ်။ ငယ်ငယ်က ဆင်းရဲလို့တို့၊ နိုင်ငံခြားမှာ ပညာမသင်ဖူးလို့တို့၊ ဘာသာစကား အားနည်းလို့တို့ဒီအတွေးအခေါ်တွေ ခေါင်းထဲက ထုတ်လိုက်။ လောကကြီးက မတရားဘူးဆိုရင်ကံပိုကောင်းတဲ့သူ ကိုယ်ဖြစ်အောင် စိတ်ရှည်သည်းခံပြီး အလုပ်လုပ်ရမှာပဲ။ ကိုယ်နဲ့ မထိုက်တန်တဲ့ relationship မှာ မနေနဲ့။ ကိုယ်နဲ့ မထိုက်တန်တဲ့ အလုပ်မှာ အကြာကြီး လုပ်မနေနဲ့။ ကိုယ်နဲ့မထိုက်တန်တဲ့ လူတွေနဲ့ ပေါင်းသင်းဆက်ဆံမှု မပြုနဲ့။ကိုယ်နဲ့မထိုက်တန်တဲ့ လူနေမှုပုံစံမှာကိုယ့်ကိုကိုယ် မဖျက်ဆီးနေနဲ့။ Phyo Paing @ Derek
