အကြည်ဓာတ်များလာလေ
ဘူဓာတ်နဲ့ ဝေးလာလေ။
အကြည်ဓာတ်ရှိလွန်းတဲ့အတွက်ဘူဓာတ်ရှိသူတွေကိုယ့်နားမှာ မရှိနိုင်တဲ့အထိဖြစ်သွားနိုင်တယ်။ ကိုယ်က လူတွေကိုမောင်းထုတ်နေတာမဟုတ်ဘူး။ ကိုယ့်အတွေး၊ကိုယ့်အပြော၊ကိုယ့်အလုပ်၊ကိုယ့်နေထိုင်ပုံတွေ ပြောင်းလာတဲ့အခါကိုယ်နဲ့ မကိုက်တော့တဲ့သူတွေအလိုလို ဝေးသွားတာ။ အမြဲအပြစ်တင်နေသူ၊အမြဲမကျေနပ်နေသူ၊အမြဲသူများမကောင်းကြောင်းပြောနေသူ၊ကိုယ်တိုင်မပြောင်းဘဲလောကကြီးကိုပဲ ပြောင်းစေချင်နေသူတွေကြားမှာကြာကြာနေလို့ မရတော့ဘူး။ လူတစ်ယောက်ရဲ့ ဓာတ်ဆိုတာသူ့အတွေးတွေ၊သူပြောတဲ့စကားတွေ၊သူအာရုံထားတဲ့အရာတွေနဲ့နေ့စဉ် တည်ဆောက်နေတာ။ ကိုယ်က အကြည်ဓာတ်ကိုနေ့တိုင်းတည်ဆောက်နေမယ်ဆိုရင်ဘူဓာတ်တွေနဲ့အကွာအဝေးတစ်ခုအလိုလို ဖြစ်လာလိမ့်မယ်။ ဒါ လူတွေကိုမုန်းလို့ မဟုတ်ဘူး။ ကိုယ့်စိတ်ကိုကိုယ်ကာကွယ်တတ်လာလို့။ ကိုယ် ဘယ်သူနဲ့နေမလဲ၊ဘာတွေ နားထောင်မလဲ၊ဘာတွေ အာရုံထားမလဲဆိုတာကိုယ့်ဘဝရဲ့ ဓာတ်ကိုနေ့တိုင်းရွေးချယ်နေတာပဲ။ အကြည်ဓာတ်များလာလေဘူဓာတ်နဲ့ ဝေးလာလေ။ Phyo Paing @ Derek
