Advice

လူတွေ ဘာပြောလဲ — အရေးမပါဘူး။လူတွေ ဘာထင်လဲ — အရေးမပါဘူး။Like ဘယ်နှစ်ခု ရလဲ — အရေးမပါဘူး။ ဒါပေမယ့် ကိုယ် ဒါတွေကို အရာပေးနေတယ်။ ကိုယ့်အချိန်ကို ပေးနေတယ်။ကိုယ့်စွမ်းအင်ကို ပေးနေတယ်။ကိုယ့်စိတ်ကို ပေးနေတယ်။ အရေးမပါတဲ့ အရာကို အရာပေးတိုင်းအရေးပါတဲ့ အရာက လျော့သွားတယ်။ ကိုယ့်ကို မကြိုက်တဲ့ လူကို ပြန်ကြိုက်အောင် လုပ်နေတယ်။ဒါ အရေးပါလား? ကိုယ်နဲ့ မဆိုင်တဲ့ drama ထဲ ဝင်နေတယ်။ဒါ အရေးပါလား? ကိုယ့် ego ကို ကာကွယ်ဖို့ ရက်ပေါင်းများစွာ စိတ်ညစ်နေတယ်။ဒါ အရေးပါလား? ကိုယ့်မှာ ၂၄ နာရီ ရှိတယ်။ဒါ ပြောင်းလို့ မရဘူး။ ဒါပေမယ့် ဒီ ၂၄ နာရီကို ဘာကို ပေးလဲဒါ […]

ငယ်ငယ်က လူတွေကို သိပ်အထင်ကြီးတတ်တယ်။​နောက်ပိုင်း လူတိုင်းကပြောတဲ့အတိုင်း တကယ်လုပ်နိုင်တာမဟုတ်ဘူးဒါကို နားလည်လာတဲ့အခါအမြင်မှန်လာတယ်။​ လူတွေက အပေါ်ယံမှာ ပြထားတာအမှန်တွေမဟုတ်ဘူး။ လူတိုင်းကို မလိုအပ်ပဲအရမ်းမထင်မကြီးနဲ့။အထင်လဲ အရမ်းမသေးလိုက်နဲ့။ Phyo Paing @ Derek

တစ်နှစ်၊ နှစ်နှစ်အတွက်အလုပ်လုပ်နေတာမဟုတ်ဘူး။နှစ်ပေါင်း သုံး၊ လေး၊ ငါးဆယ်အတွက်အလုပ်လုပ်နေတာ။ တစ်နေ့နေ့ တစ်ချိန်ချိန်ပြန်တွေ့တဲ့အခါလူတွေ မမှတ်မိလောက်အောင်တိုးတက်ပြောင်းလဲနေဖို့။ ဒါကြောင့် စိတ်ရှည်တယ်။အလုပ်ကို မြန်မြန်အကောင်အထည်ဖော်တယ်။နေသလိုဖြစ်တဲ့ဘဝမှာဖြစ်သလို မနေဘူး။ဘဝကို ပြောင်မနေဘူး။လူတွေကို လောင်မနေဘူး။ဘေးထိုင်ဘုမပြောဘူး။ရည်မှန်းချက်တွေလျော့ပြီးရောင့်ရဲမနေဘူး။ဖြစ်ချင်တာ ဖြစ်လာဖို့နည်းလမ်းတွေရှာလိုက်၊​မှားလိုက်၊ သင်ခန်းစာယူလိုက်၊လဲကျလိုက်၊ ပြန်ထလိုက်ရှေ့ဆက်နေတယ်။ ဘဝဆိုတာ ခဏပဲ။ဒီခဏက ကိုယ်နဲ့ထိုက်တန်တဲ့ဘဝဖြစ်ဖို့လိုတယ်။ Phyo Paing @ Derek

ဆရာတစ်ယောက်ရဲ့ စွမ်းအားကလူတစ်ယောက်ဘဝကိုအပြောင်းအလဲ လုပ်ပေးနိုင်တယ်။ ဘဝရဲ့စာသင်ခြင်း Trauma ကတရုတ်ကျောင်းတွေမှာရတယ်။ဒါကြောင့် သူငယ်ချင်းအားမီတီမေဖြိုးရဲ့ အစ်ကိုနဲ့ကျောင်းအမြဲပြေးတယ်။ကျောင်းဘေးမှာ သူကြက်တိုက်တာကိုကြည့်၊ဖဲထိုင်ရိုက်။ ကိုးတန်းရောက်မှ ဆရာဂျွန်ဆိုတဲ့မြန်မာအန္ဒိယလူမျိုးအင်္ဂလိပ်စာဆရာနဲ့တွေ့တယ်။ဘဝမှာ အကြီးဆုံးအပြောင်းအလဲတစ်ခုဖြစ်တယ်။ဘဝအမြင်တွေ အကုန်ပြောင်းသွားတယ်။ကိုးတန်း၊ ဆယ်တန်းပြီးတော့အင်္ဂလိပ်စာဖတ်တတ်လာတယ်။ နောက် စာအုပ်နဲ့ audiobookနောက် video တိတ်ခွေတွေနဲ့လေ့လာခဲ့တယ်။မမြင်ဖူးတဲ့ဆရာတွေ အများကြီးပဲ။ ဆေးကျောင်းပြီးတော့ ကံကောင်းတာတစ်ခုကApex Business School မှာဆရာကျော်ဇော်လင်းနဲ့တွေ့တယ်။မားကတ်တင်းနဲ့ စီမံခန့်ခွဲမှုကိုလေ့လာခဲ့တယ်။ဘဝ နောက်တစ်ကွေ့ပြန်ပြောင်းတယ်။လွန်ခဲ့တဲ့ ဆယ့်လေးနှစ်က။ ဘဝမှာ ဆရာတွေအများကြီးရှိတယ်။​ဒီ ဆရာ၊ ဆရာမတွေကတကယ့်စိတ်ရင်း၊ ဝါသနာနဲ့စေတနာကို ထိတွေ့တဲ့အခါဘဝတစ်ခုလုံးပြောင်းလဲသွားတတ်တယ်။ ကိုယ့်မှာလဲ တခြားသူတွေကိုပြန်လည်ကူညီပေးဖို့ တာဝန်ရှိတယ်လို့အမြဲနှလုံးသွင်းထားတယ်။ Phyo Paing @ Derek